Morgunblaðið - 11.07.1985, Síða 32

32
MORGUNBLAÐIÐ, FIMMTUDAGUR li. JÚLÍ1985
Framkvæmdir við breytingar á Laugavegi hafnar.
Breiðari gangstéttir, bætt lýs-
ing, trjágróður og ein akrein
FRAMKVÆMDIR við breytingar og endurbætur á Laugavegi, i milli Skólavörðustígs og Klapp-
arstígs, eru hafnar og gert ráð fyrir að þeim Ijúki í haust. Breytingarnar miða einkum að því að
auðvelda gangandi vegfarendum umferð um götuna, meðal annars með breiðari gangstéttum
jafnframt því sem umferð ökutækja verður beint á eina akrein. Þessar breytingar eru liður í
heildarframkvæmd, þar sem gert er ráð fyrir að gatan öll, frá Snorrabraut að Skólavörðustíg,
verði svonefnd vistgata með einni akrein.
Að sögn Vilhjálms Þ. Vilhjálmssonar,
formanns skipulagsnefndar Reykjavíkur-
borgar, eru breytingarnar á neðsta hluta
Laugavegs gerðar í eins konar tilraunaskyni
og áframhaldandi framkvæmdir við götuna
miðaðar við þá reynslu sem af þessum
breytingum fæst. „Ef þetta gefur góða raun
er nokkuð ljóst að á næstu árum verði sams
konar breyting framkvæmd á öllum Lauga-
veginum og ef til vill á öðrum götum, þar
sem þetta fyrirkomulag gæti hentaði ekki
síst fyrir gangandi vegfarendur," sagði
Vilhjáímur. „Þessar breytingar miða að því
að gera götuna vinsamíegri gangandi veg-
farendum og auk breiðari gangstétta er gert
ráð fyrir bættri lýsingu, trjágróðri og öðru
slíku, sem gerir götuna meira aðlaðandi.
Hins vegar er áfram gert ráð fyrir umferð
ökutækja, þó í minna mæli en áður, og bíla-
stæðum á þessum kafla verður fjölgað úr 9 í
12,“ sagði Vilhjálmur ennfremur.
Breytingarnar og endurbæturnar á
Laugavegi eru hannaðar hjá Borgarskipu-
lagi af arkitektunum Jóhannesi Kjarval og
Kristjáni Ásgeirssyni í samráði við gatna-
deild borgarverkfræðings og Veitustofnanir.
Jóhannes Kjarval sagði í samtali við Morg-
unblaðið að auk áðurnefndra breytinga yrði
útfærsla á yfirborði götunnar með nýju
sniði, staðsetning götugagna, svo sem um-
ferðarljósa og skilta, breyttist auk þess sem
miklar endurbætur yrðu gerðar á skolplögn-
um, símalögnum og raflögnum, sem nú væru
orðnar gamlar og þyrftu endurbóta við.
Áhersla hefði verið lögð á einfaldleikann, en
jafnframt reynt að samræma og bæta um-
ferð um götuna, hvort heldur væri um að
ræða gangandi vegfarendur, almennings-
vagna eða almenna umferð ökutækja. Gert
væri ráð fyrir minnkandi umferð almennra
ökutækja og samhliða breytingum á þessum
hluta Laugavegs er gert ráð fyrir að akst-
ursleiðum að Laugavegi verði fækkað. Taka
þær breytingar gildi um leið og fram-
kvæmdum lýkur við þennan fyrsta áfanga
Laugavegs. Þá verður leiðin frá Barónsstíg
inn á Laugaveg lokuð og bönnuð hægri
beygja inn á Laugaveg frá Vitastíg og eins
umferð upp Vatnsstíg að Laugavegi. Jó-
hannes sagði, að þessar breytingar á milli
Skólavörðustígs og Klapparstígs væru að-
eins liður í heildarframkvæmd við breyt-
ingar á allri götunni að Snorrabraut og ef
vel tækist til gæti þetta orðið sú mynd sem
Laugavegurinn allur yrði færður í. Hugsan-
lega gæti þá næsti áfangi orðið kaflinn á
milli Barónsstígs og Snorrabrautar.
@ I-ialbik meó kvartssteini
@ Náttúrusteinn
& Hellur 50x50 cm
Góður kippur í Hofsá
„Langbesti dagurinn var í
gær, þá veiddust 9 laxar, flestir á
svæði 2 sem er nokkuð frammi í
dal. Þeir urðu talsvert varir við
fleiri laxa, einkum á því sama
svæði. Þetta voru allt nýrunnir
fiskar, grálúsugir," sagði Birna
Sverrisdóttir, ráðskona í veiði-
húsinu við Hofsá í Vopnafirði, í
samtali við Morgunblaðið í
gærdag. Birna hafði ekki haft
spurnir af því hvernig mönnum
hafði gengið í ánni í gærmorgun,
en alls var kominn 21 lax á land
síðan að veiðin hófst 5. júlí síð-
astliðinn.
Birna sagði að laxinn væri yf-
irleitt smár, meðalþunginn um 6
pund. Stærstu laxarnir til þessa
hafa verið tveir 13 punda fiskar.
Heldur dauft í Selá
Margrét Helga í veiðihúsinu
Hvammsgerði við Selá I Vopna-
firði sagði í samtali við Morgun-
blaðið í gærdag, að 18 laxar
væru komnir á land. Fjórði
veiðimannahópurinn hóf veiðar
síðdegis í fyrradag og á hádegi í
gær hafði flokkurinn engum laxi
grandað. „Hollin á undan fengu,
3, 3 og 11 laxa hvert. Áður en
veiðin hófst formlega veiddist
svo einn 12 punda lax í tilrauna-
veiði og er hann enn stærsti lax-
inn sem á land hefur verið dreg-
inn. Að sögn Margrétar eru lax-
amir sem veiðst hafa yfirleitt
smáir, 4—5 punda. Hún sagði
einnig, að það væri lífsmark með
ánni þótt ekki væri hægt að
segja að mikill lax væri genginn
í ána. Veiðin hefur öll fengist
fyrir neðan Fossinn til þessa, að-
eins fjórir laxar hafa gengiö um
Eitthvaö virðist gengid af laxi i
irnar á AustfjörAum.
teljarann, sem komið hefur verið
fyrir í Fossinum.
Lífsmark með Breiðdalsá!
Laxveiðin hófst í Breiðdalsá
20. júní, eða mátti öllu heldur
byrja, því það fór ekki nokkur
maöur í ána fyrr en á sunnudag.
Þá veiddist einn lax og svo annar
á þriðjudag er næsti maður fór
og freistaði gæfunnar. Þetta
voru 4 og 5 punda laxar og það
fylgdi sögunni að talsvert líf
hefði verið á þeim stað þar sem
laxarnir veiddust, í Neðri Belj-
anda. Þetta eru góð tíðindi
eystra því allt síðasta sumar
veiddust aðeins 4 laxar í Breið-
dalsá.
Þá er alltaf talsverð sjó-
bleikjuveiði í ós Breiðdalsár,
veiðin hefur gengið prýðilega til
þessa, menn hafa fengið allt upp
í 23 stykki á dagstund og algengt
hefur verið að fá upp í 4 punda
bleikjur. Sú stærsta enn vóg 5
pund. Bleikjan tekur jafnt maðk,
spón, flugu og jafnvel þunnildi
úr áður veiddum bleikjum.