Morgunblaðið - 24.07.1985, Blaðsíða 2
2
MORGUNBLAÐIÐ, MIÐVIKUDAGUR 24. JÚLl 1985
Aðalsteinn Jónsson á Eskifirði:
Líst ekki vel á
að loðnuverð
verði frjálst
Innan við tíu skip hefja loðnuveiðar 1. ágúst
„Okkur líst ekki vel á það að loðnuverð verði frjálst. Ég get ekki séð ao
það sé aðilum í hag,“ sagði Aðalsteinn Jónsson, forstjóri Hraöfrystihúss
Eskifjarðar, sem rekur fiskimjölsverksmiðjuna þar, er hann var spurður um
álit verksmiðjueigenda á því að loðnuverð verði frjálst, en Kristján Ragnars-
son, formaður Landssambands íslenskra útvegsmanna, hefur lýst sig hlynnt-
an því, að svo verði.
„Þetta verð, sem er ákveðið af
verðlagsráði sjávarútvegsins er
lágmarksverð og ég held að það sé
alveg nauðsynlegt að eitthvert
lágmarksverð sé ákveðið fyrir
okkur bræðslumenn. Ég held að
það sé ekki síður nauðsynlegt fyrir
sjómenn og bátaeigendur að svo
verði, því annars setja bræðslurn-
ar einhliða upp eitthvert verð og
ég get ekki ímyndað mér, að það
yrði ánægja með það,“ sagði Aðal-
steinn ennfremur.
Aðalsteinn sagði það sína skoð-
un, að loðnukaupendur myndu
ákveða eitthvert lágmarksverð í
sameiningu, ef verðlagsráð sjávar-
útvegsins léti undir höfuð leggjast
að ákveða það. Hann sagði það
gefa auga leið að loðnukaupendur
myndu reyna að koma sér saman
um það loðnuverð, sem þeir teldu
sig geta borgað. Aðspurður um yf-
irborganir á loðnu undanfarin ár,
sagði Aðalsteinn að það hefði ver-
ið allur gangur á því. Menn væru
mismunandi heppnir að selja
loðnuafurðirnar, mjölið og lýsið og
þeir sem hefðu getað borgað
eitthvað hærra verð, hefðu látið
bátana njóta þess. Það hefði hann
gert, þegar hann hefði verið hepp-
inn með sölu. Aðspurður hvort
hann héldi að það yrði áframhald
á yfirborgunum í ár, sagði Aðal-
steinn að ennþá væri ekki ljóst,
hvernig gengi að selja mjöl og lýsi
í ár. Þó væri lýsisverð eitthvað að
hækka, en mjölverð væri ennþá
lágt.
Kristján Ragnarsson, formaður
LÍÚ, sagði að hann vissi til þess að
nokkur skip hygðust hefja loðnu-
veiðar nú 1. ágúst, þegar leyfilegt
er að hefja veiðarnar. Nefndi hann
þar til Júpíter, Gísla Árna, Hákon
og Svaninn, en sagði það sína
skoðun að þessi skip yrðu ekki
fleiri en 10 af þeim 48 skipum sem
fengu úthlutað loðnukvóta. Krist-
ján sagði verðið í Færeyjum fyrir
20% feita loðnu vera 2.200 krónur
íslenskar fyrir tonnið og væri það
verð hlutfallslega lægra en það
verð sem bauðst erlendis í fyrra.
Verðlagsráð sjávarútvegsins
heldur fyrsta fund sinn í dag um
loðnuverðið á næstu vertíð.
Morgunblaðið/Þorkell
• •
Heyskap nær lokið í Olfusi
BÆNDUR voru í óða önn að hirða hey af túnum sínum í gær er
blaðamaður og Ijósmyndari Morgunblaðsins áttu leið um sveitir
Ölfuss í gær í góðviðrinu.
Að Núpum er þríbýli og bjugg-
ust bændur þar við að ljúka hey-
skap í dag. Guðmundur Albert
Birgisson, bóndi að Núpum 3,
sagði í samtali við Morgunblaðið
að hann hefði nú heyjað á met-
tíma, eða á rúmum tveimur vik-
um. „í fyrra tók heyskapurinn
mánuð hjá mér vegna stöðugra
rigninga eins og menn muna.
Segja má að of mikill þurrkur
hafi verið hér. Það hefur nánast
ekki rignt hér í marga daga.
Guðmundur Albert kallaði á
nokkra vini sína úr Reykjavík til
að hjálpa sér í heyskapnum og
voru þeir þrír piltarnir, sem
komu og tóku til hendinni við að
hirða baggana upp af túnunum.
Það voru ólafur Þorsteinsson,
Þórður Kristján Karlsson og Jón
Bjarni Gunnarsson og sögðust
þeir kunna vel við heyskapinn og
að hann væri góð tilbreyting frá
borgarlífinu.
Helgi Bggertsson, aðalráðu-
nautur sveitarinnar, var á hey-
bindivél hjá Guðmundi bónda að
Núpum og sagðist hann hafa
keypt sér heybindivél fyrir
nokkru og því kölluðu bændur á
hann til að binda fyrir sig. „Ég
er löngu búinn að heyja fyrir
sjálfa mig. Ég bý á bænum
Kjarri hér skammt frá en þarf
einungis að heyja fyrir nokkur
hross. Heyskapartíðin hefur svo
sannarlega verið frábær hér í
sveit. Heyin eru mjög góð og
hljóðið í bændum er einnig gott.
Veður hefur verið mjög þurrt og
því tafið örlítið fyrir sprettu en
annað er ekki hægt að kvarta um
nema kannski smávegis rok síð-
ustu tvo föstudaga," sagði Helgi.
Hjörtur Niel-
sen kaup-
maður látinn
Hjörtur Nielsen lést 21. júlí sl.
llann var fæddur á ísafirði 16. apríl
1898. Foreldrar hans voru Sophus
Jörge Nielsen, kaupmaður á ísafirði
og Þórunn Nielsen, fædd Blöndal.
Hjörtur stundaði nám í mat-
reiðslu og framreiðslustörfum í
Kaupmannahöfn 1920—1921.
Hann var þjónn á Hótel íslandi
1915 og síðan á gamla Gullfossi.
Hjörtur var bryti hjá Bimskipafé-
lagi íslands 1920—1932. Hann
setti á stofn veitingahúsið Vífil,
þar sem nú er Austurstræti 10, og
rak það í tæp 3 ár. Hann hóf störf
á Hótel Borg árið 1934 og starfaði
þar til áramóta 1952, fyrst sem
veitingaþjónn en síðan sem veit-
ingastjóri. Haustið 1953 stofnaði
hann Verzlun Hjartar Nielsen hf.,
er selur kristals- og postulínsvör-
ur, en seldi hana 1983.
Hjörtur Nielsen var um tíma
formaður Félags matsveina- og
veitingaþjónafélags íslands. Hann
var einnig einn af fyrstu félögum í
Lionsklúbbi Reykjavíkur. Kona
hans hét Marzelina Nielsen Frið-
riksdóttir. Hún lést árið 1969.
Hlutabréfasala fjármálaráðherra f Flugleiðum og Eimskip:
Verð bréfanna of hátt
— segja forstjórar félaganna, Sigurður Helgason og Hörður Sigurgestsson
ÞAÐ ER samdóma álit ráðamanna Flugleiða og Eimskips sem Morgun-
blaðið hafði samband við í gær, að það verð sem Albert Guðmundsson
fjármálaráðherra setur upp fyrir hlutabréf ríkisins í þessum fyrirtækjum sé
of hátt og þeir þekki engan aðila sem gæti hugsað sér að kaupa bréfin á
þessu verði. Sem kunnugt er hyggst fjármálaráðherra selja bréfin á 9- og
10,9-földu nafnverði, 20% í Flugleiðum á 63 milljónir og 5%í Eimskip á um
48 milljónir. Ennfremur á að selja hlutabréf ríkisins í Rafha, 30,05% á
9,5-földu nafnverði. Þess má geta að bréf ríkisins í Iðnaðarbankanum, sem
seld voru á dögunum, fóru á þreföldu nafnverði.
Sigurður Helgason, forstjóri
Flugleiða, sagði að félagið myndi
ekki falast eftir kaupum á bréfun-
um á þessu verði og reyndar mætti
fyrirtæki ekki samkvæmt lands-
lögum eiga meira en 10% af hluta-
bréfum eigin fyrirtækis, svo það
leiddi af sjálfu sér að Flugleiðir
gætu ekki keypt allan pakkann,
eða 20%.
1 sama streng tóku Indriði Páls-
son, varaformaður stjórnar Eim-
skips og Hörður Sigurgestsson
forstjóri. Sagði Hörður útreikn-
inga Fjárfestingarfélagsins ekki
vera rétt mat á sannvirði bréf-
anna. „Mín skoðun er sú,“ sagði
hann, „að mat Fjárfestingarfé-
lagsins sé ekki mat á verðmæti
hlutabréfanna í Eimskip heldur
mat á eigin fé fyrirtækisins. Það
fer síðan eftir því hvernig menn
meta framtíðarhorfur fyrirtækis-
ins og stöðu hvert matið á hluta-
bréfunum eigi að vera. Það gæti
verið hlutverk markaðarins að
ákvaða það, eins og tíðkast erlend-
is. Algengast er að það séu ekki
bein tengsl á milli eiginfjár og
mats á hlutafé,“ sagði Hörður.
I samþykktum Eimskipafélags-
ins er ákvæði sem gefur stjórn fé-
lagsins heimild til að semja við
ríkisstjórn íslands um að ríkis-
stjórnin skipi einn mann í stjórn-
ina til árs í senn, svo lengi sem
ríkissjóður eigi 5% eða meira í
fyrirtækinu. Hörður sagði að-
spurður, að þetta ákvæði gilti auð-
vitað ekki um nýjan eignaraðila,
og hugsanlegum kaupum bréfanna
fylgdi því ekki sjálfkrafa réttur til
stjórnarsetu.
Síðast þegar sala hlutabréfa
ríkisins í Flugleiðum var til um-
ræðu sýndu nokkur fyrirtæki
áhuga á að bjóða í þau, m.a. Sjóvá
og hlutafélagið Klak, sem á 6% í
Flugleiðum. Einar Sveinsson,
framkvæmdastjóri Sjóvá, sagði að
vissulega hefði félagið ennþá
áhuga á þessum bréfum, en þeir
myndu ekki bjóða í þau nú, ein-
faldlega vegna þess að verðið væri
of hátt. Ágúst Valfells, stjórnar-
maður Klaks hf., vildi ekkert um
málið segja annað en það að
stjórnin hefði ekki komið saman
til að ræða það.
Morgunblaðið leitaði einnig til
Vals Arnþórssonar, stjórnarfor-
manns Sambandsins, og innti
hann eftir því hvort sambandið
hefði hug á að bjóða í bréfin.
„Nei, ekki svo mér sé kunnugt,"
sagði Valur. „Það hefur ekki verið
haldinn stjórnarfundur síðan
©
Sauðárkrókur:
Steinullarverksmiðj-
an að fara af stað
REIKNAÐ er með að rafbræðsluofninn í Steinullarverksmiðjunni á Sauð-
árkróki verði gangsettur í þessari viku, en það þýðir að fyrstu ullarinnar
verður að vænta úr verksmiðjunni eftir hálfan mánuð til þrjár vikur, að
sögn Einars Einarssonar framleiðslustjóra.
Þessa dagana er verið að prufu-
INNLENT
keyra og stilla vélarnar sem
ofninn er hitaður upp með. Einar
sagði að það tæki i kringum 10
daga að bræða í ofninum áður en
hægt væri að byrja að spinna úr
bráðinni ull. „Fyrstu prufurnar
koma því ekki fyrr en eftir rúman
hálfan rnánuð," sagði hann, „og á
markaðinn kemur ullin ekki fyrr
en seinni part ágústmánaðar."
Miðað við fulla nýtingu getur
verksmiðjan afkastað um 5—6.000
tonnum á ári, en fram að áramót-
um nú er stefnt að því að fram-
leiða 7—800 tonn, en 3.000 tonn á
næsta ári og auka siðan afköstin
ár frá ári og ná 4.000 tonnum árið
1990.
þessar fréttir bárust og stjórnin
ekki kölluð saman út af þessu
máli.“
Jafntefli
varð hjá
Margeiri
MARGEIR Pétursson gerði jafntefli
við Hollendinginn Van der Wiel f 16.
umferð millisvæðamótsins í skák í
Biel í Sviss í gær eftir að skákin
hafði farið í bið.
Margeir sat að taflinu í 7
klukkustundir en flestar skákir
hans hafa farið i bið. Margeir er
sá keppenda sem langlengst hefur
setið við skákborðið í Biel. Hver
skáka hans hefur að meðaltali
staðið í rúmar sjö klukkustundir
og hann hefur teflt tvær lengstu
skákir mótsins, 107 og 112 leiki.
Samtals hefur Margeir setið að
tafli í nær 120 klukkustundir. Er
hann því orðinn mjög þreyttur, en
hefur þó eflst í siðustu umferðun-
um.
Önnur úrslit i gær urðu þessi:
Anderson — Partos 1—0, Vaganj-
an — Gutmans 1—0, Torre —
Seirawan 'A — 'A, Sokolov — Short
!4 —V4, Li — Sax !4 — V4, Jansa —
Rodriques 0—1, Polugaevsky —
Ljubojevic 1—0, Martin — Quint-
eros biðskák, líklega töpuð fyrir
þann síðarnefnda.
Staða efstu manna er þessi fyrir
síðustu umferð: Vaganjan 11 '4
vinningur, Seirawan 11 v., Torre,
Sokolov og Van der Wiel 10'/4 v. og
Short 9!4 v. Fjórir skákmenn
komast áfram. Margeir er í 13.
sæti með 6!4 vinning.