Morgunblaðið - 11.08.1985, Blaðsíða 9
MORGUNBLAÐIÐ, SUNNUDAGUR 11. ÁGÚST1985
B 9
þeirri innri ákvörðun eftir eins og
Fischer hafði.
Sp.: Þú lést þau orð falla, þegar
heimsmeistaraeinvíginu var frest-
að, að þú hafir þá haft 30 prósent
möguleika á að vinna einvígið. Var
möguleikinn ekki meiri?
K: Ég nefndi þessa tölu og upp
frá því vitnar Karpov oft á tíðum í
þessi ummæli mín: Úr því að
Kasparov sjálfur nefnir 30 pró-
sent, þá koma 70 prósent i minn
hlut. En svo verða menn líka að
hafa í huga, að áður en tvær síð-
ustu skákirnar voru tefldar, voru
mínir möguleikar á að sigra rétt
örlítið meiri en núll, en svo urðu
þeir skyndilega allt að 30 prósent-
um. Það skaut Karpov mjög skelk
í bringu, þannig að hann var eins
og lamaður, því að einn þriðji sig-
urlíkur táknuðu raunverulegan
möguleika á að ég ynni einvigið.
En ég á annars erfitt með að meta,
hvort þessi tala hafi verið rétt,
enda skiptir það engu máli, því að
Karpov annað hvort vildi ekki eða
bara gat ekki haldið keppninni
áfram.
Sp.: Ef málum var þannig hátt-
að, hefði hann, keppnislega séð, þó
helzt átt að gefast hreinlega upp.
K: í huga Karpovs er réttur
íþróttaandi tómt mál, fánýtt hug-
tak og einskis virði, en ég er aftur
á móti þeirrar skoðunar, að við
teflum í þágu alls heimsins og get-
um því ekki hegðað okkur eins og
okkur bezt þóknast. Karpov lítur á
heimsmeistaratitilinn sem eins
konar réttmæta viðbót við fjöl-
skyldunafn sitt: „Karpov heims-
meistari", annað getur hann ekki
gert sér í hugarlund.
Sp.: Sovézka Skáksambandið
fylgir Karpoy að málum í einú og
öllu og veitir honum ýmis forrétt-
indi, er það ekki?
K: Karpov hefur um tíma verið
heimsmeistari og þess vegna eru
margir fulltrúar sovézka Skák-
sambandsins alveg á hans bandi,
það er jú deginum ljósara.
Sp.: Sé litið á ástæðurnar fyrir
þeim mun, sem ríkir f afstöðu
Skáksambandsins til tveggja af
beztu skákmönnum Ráðstjórnar-
ríkjanna, þá gæti ein ástæðan ef
til vill verið sú, að Karpov er pólit-
ískt mjög virkur en þú ekki, önnur
ástæða gæti verið, að þú ert sonur
gyðings og armenskrar konu en
Karpov er Rússi.
K: Auðvitað hefur Karpov mikil
áhrif. Sigur hans yfir Kortsjnoi í
tvigang hefur pólitískt séð skipt
verulegu máli. En það má samt
ekki ofmeta möguleika hans. Hon-
um tókst þannig ekki að stöðva
mig á leið minni upp að áskor-
andaréttinum um heimsmeistara-
titilinn. Núna, þegar taka þarf
ákvarðanir um svo margvísleg
málefni í landinu, hafa stjórnvöld
um annað að hugsa heldur en
skák. Svo kann að virðast, að fylg-
ismenn Karpovs hafi ennþá öll
trompin á sinni hendi, en það er
blekking.
Sp.: Gerum ráð fyrir að Karpov
og vinur hans Campomanes, sem
Spasskí er farinn að kalla Karp-
omanes eftir frestun einvigisins í
vetur, að þeir haldi sig sem sagt
við fastsettan dag og einvfgið um
heimsmeistaratitilinn hefjist ann-
an september. Viltu þá reyna að
gizka á, hvernig þvf einvigi muni
ljúka?
K: Ég er fastákveðinn f að sýna
fullan styrkleika minn i þvi ein-
vígi. Það er erfitt að sigra Karpov,
en ég held samt að ég hafi mikla
möguleika á að láta það takast.
Það yrði mér hins vegar ofviða að
sigra Karpomanes.
OFNÞURRKAÐ
BEYKI
nýkomið
PANTANIR ÓSKAST SÓTTAR
Einnig fyrirliggjandi teak, eik, spónaplötur,
sléttur og rásaöur krossviöur, gipsplötur, loft-
og veggjaplötur ýmsar geröir.
PÁLL ÞORGEIRSSON &C0,
Ármúla 27 — Símar 34000 og 686100.
Dómkirkjan
Sumarferö
aldraðra
Efnt veröur til sumarferöar eldri borgara í Dóm-
kirkjusókninni miövikudaginn 14. ágúst nk. kl.
13.00 frá Dómkirkjunni. Þátttaka er bundin viö
fólk 65 ára og eldra.
Fariö veröur fyrir Hvalfjörö og til Akraness. Aö
venju veröur gefiö kaffi í feröinni. Þátttökugjald
er kr. 200,- Þátttaka óskast tilkynnt í síma 12113,
þriöjudaginn 13. ágúst milli kl. 13 og 16.
Sóknarnefnd