Morgunblaðið - 24.09.1985, Blaðsíða 2

2
MORGUNBLAÐIÐ, ÞRIÐJUDAGUR 24. SEPTEMBER1985
Bókaþing ályktar um fjölföldun í skólum:
Dráttur á greiðslum
rfkisins gagnrýndur
Á BÓKAÞINGI í Borgarnesi á
laugardaginn var samþykkt
ályktun þar sem segir, að ekki
verði lengur látið viðgangast að
ríkið dragi greiðslur til hand-
hafa höfundarréttar vegna fjöl-
földunar í skólum.
„Þingið minnir á að gerðardóm-
ur vegna ólöglegrar fjölföldunar í
skólum féll i maí 1984, eða fyrir
rúmlega ári, og enn hefur ríkis-
sjóður ekki greitt neitt af þeim
11,2 milljónum króna, sem hann
var dæmdur til að greiða fyrir
fjölföldun frá gildistöku höfund-
arlaga 1972 til 1984.
Ennfremur var gert ráð fyrir
því í gerðardómssamningi, sem
undirritaður var af menntamála-
og fjármálaráðherra að haldið
yrði áfram viðræðum um framtíð-
arskipun þessara mála eftir 1.
september 1984, en ríkisvaldið
virðist hafa jafnlítinn áhuga á því
máli og að greiða umrædda gérð-
ardómsfjárhæð. Það skal tekið
fram að ráðherrarnir tveir skrif-
uðu undir það ásamt samninga-
mönnum handhafa höfundarrétt-
ar að úrskurður gerðardóms í
þessu máli skyldi vera endanleg-
ur,“ segir í ályktuninni, sem sam-
þykkt var samhljóða á Bókaþingi.
o
INNLENT
Selfoss:
Grjótkastarar
ganga lausir
SelfoKsi, 23. september.
SEX stórar rúður voru brotnar í húsi
Brunabótafélags íslands við Austur-
veg hér í bænum aðfaranótt sl. sunnu-
dags. Hnullungssteinum var kastað í
gegnum rúðurnar af miklu afli.
Skemmdir á innanstokksmunum
voru óverulegar en glerbrot voru
dreifð um alla skrifstofuna. Ekki
var farið inn í húsið, þannig að
tilgangurinn virðist hafa verið sá
einn að vinna skemmdarverk.
Skrifstofa brunabótafélagsins var
lokuð í dag af þessum sökum.
Lögreglan vinnur að rannsókn
málsins og beinir því til fólks, að
það geri viðvart ef það hefur orðið
vart mannaferða við húsið aðfara-
nótt sunnudagsins.
-Sig.Jóns.
Öryggisverðir og vinnu-
veitendur funda:
Stefnt að því
að gjörbreyta
launakerfinu
SAMNINGAFUNDUR öryggisvarða
fyrirtækisins Securitas hf. og vinnnu-
veitenda var haldinn í gær í húsi
ríkissáttasemjara, en samningar voru
lausir þann 1. júlí sl. Að sögn Þrastar
Ólafssonar, framkvæmdastjóra Dags-
brúnar, hafa aðilar unnið að því að
fara efnislega í gegnum þá möguleika
sem fyrir liggja, án þess að búast við
skjótri niðurstöðu. Fundi verður fram
haldið í dag kl. 16.00.
Þröstur sagði að erfitt væri að
átta sig á nákvæmlega hvað
kaupkröfur öryggisvarða nú þýddu
mikla hækkun í prósentum talið
vegna þess hve afbrigðilegir síðustu
samningar voru. Þeir samningar
voru gerðir áður en Securitas gekk
i vinnuveitendasambandið og
byggja aðallega á yfirgreiðslum og
viðbótargreiðslum vegna vakta-
álags. Að sögn Þrastar er meiningin
nú að gjörbreyta þessu kerfí og
taka þess í stað upp fastar mánað-
argreiðslur.
A milli 40 og 50 manns vinna
hjá Securitas og sagðist Þröstur
halda að tekjur þeirra án auka-
vinnu væru á bilinu frá 22 þúsund-
um kr. til 26 þúsunda.
Morgunblaðið/Ámi Sæberg
Grímudansleiknum vel tekið
ÞJÓÐLEIKHÚSIÐ frumsýndi óperuna Grímudansleik-
inn eftir Verdi á laugardagskvöldið og var sýningunni
tekið með eindæmum vel af frumsýningargestum að
sögn Gísla Alfreðssonar Þjóðleikhússtjóra. Uppselt er
á næstu sýningu sem verður annað kvöld og í gær
hafði myndast löng biðröð við miðasöluna er byrjað
var að selja miða á sýninguna á fostudagskvöldið. Á
myndinni eru þau Katrín Sigurðardóttir, Kristján Jó-
hannsson, Elísabet F. Eiríksdóttir og Kristinn Sigmunds-
son, en þau fara með helstu hlutverk í Grímudansleiknum.
Fjörkippur í sölu
á tölvum og búnaði
— efnahagsráðstafanir gætu hækkað
verð á tölvum um meira en 50%
TALSVERÐRAR aukningar hefur gætt í sölu á töivum og tölvubúnaði - bæði
vélum og hugbúnaði - undanfarna daga vegna yfirvofandi verulegrar hækkunar
á þesskonar varningi. Hjá tölvusölum, þar sem ekki hefur orðið bein söluaukn-
ing, hefur greinilega orðið vart aukins áhuga hjá einstaklingum, fyrirtækjum
og stofnunum og hefur fyrirspurnum um verð og skilmála rignt yfir, að því
er fram hefur komið í samtölum, sem Morgunblaðið hefur átt við talsmenn
nokkurra fyrirtækja.
Samkvæmt upplýsingum, sem
blaðið hefur aflað sér, má reikna
með að frá næstu áramótum verði
tollur á tölvum og búnaði til þeirra
auk vörugjalds og jafnvel sölu-
Einstakt jarðfræðifyrirbæri:
Tjörukennt efni myndast
í 5—7 milljón ára bergi
skatts. Þessar aðgerðir af hálfu
ríkisvaldsins - bæði með nýjum
tollalögum og söluskattsskyldu
þessa varnings - gætu hækkað verð
á tölvubúnaði um að minnsta kosti
50%. Nú eru tölvur og hugbúnaður
flutt inn án aðflutningsgjalda ef
fráertaliðl% afgreiðslugjald.
„Við höfum aldrei selt meira af
vélbúnaði en í þessum mánuði -
meira en væri eðlilegt undir venju-
legum kringumstæðum i september,
jafnvel þótt megi reikna með tals-
vert meiri söiu í þessum mánuði til
dæmis vegna byrjunar skólahalds,"
sagði Heimir Sigurðsson, fram-
kvæmdastjóri Örtölvutækni sf., sem
selur m.a. IBM og Hewlett Packard
einmenningstölvur og hugbúnað.
Heimir sagðist telja víst, að umræð-
ur um yfirvofandi hækkun á þessum
varningi réði þessari söluaukningu.
Gunnar Hansson, forstjóri IBM á
íslandi, sagði greinilegt “að fólk er
mikið að hugsa sinn gang. Fyrir-
spurnum til okkar hefur mikið fjölg-
að á síðustu dögum en ég ímynda
mér að söluaðilar okkar fínni meira
fyrir sjálfri söluaukningunni," sagði
hann. Gunnar sagði það afar óþægi-
legt fyrir fyrirtæki, er selja tölvur
og tölvubúnað, að vita ekki ná-
kvæmlega hver áform ríkisvaldsins
séu en sagði að ef ætti að tolla tölvur
og búnað til þeirra, auk þess sem
sett yrði á vörugjald og söluskattur,
þá gæti verðhækkunin orðið að
minnsta kosti 50%.
Guðríður Jóhannesdóttir sölu-
maður hjá Kristjáni Skagfjörð hf.
sagði í samtali við blm. Morgun-
blaðsins að það væri „greinilega
meiri hreyfing, sérstaklega í þessari
viku enda eru allskonar sögur í
gangi. Éf af þessu verður um ára-
mót er enn hægt að sleppa fyrir
horn.“
TJÖRUKENNT efni og olíuborínn
fínkornóttur leir fannst nýlega í
holufyllingum í 5-7 milljón ára
gömlum basalthraunlögum efst í
Skyndidal í Lónsöræfum. Ekkert
þvflfkt hefur áður fundist hérlendis
og er nú verið að leita heimilda í
útlöndum og bíða frekarí niðurstöðu
rannsókna á efninu, m.a. nákvæmr-
ar greiningar á efnasamsetningu, að
þvi er Sveinn Jakobsson jarðfræð-
ingur hjá Náttúrufræðistofnun ís-
lands sagði i samtali við blm. Morg-
unblaðsins í gær. Þá var hann að
fá í hendurnar fyrstu niðurstöður
frumkannana á efninu, sem fannst
í holufyllingunum.
„Það voru tveir menn frá Egils-
stöðum á ferð þarna fyrir skömmu
og fundu þetta efni fyrir einskæra
tilviljun,“ sagði Sveinn. „Þeir
sendu okkur sýni, sem við tókum
fyrst með fyrirvara en þegar ég
hafði rætt við annann mannanna
sannfærðist ég um að þeir segðu
rétt frá og því fór ég austur á
fimmtudag ásamt tveimur kunn-
ugum mönnum frá Höfn.“
Sveinn sagði að þeir hefðu fljót-
lega fundið fjórar holufyllingar,
6-8 sm í þvermál, með þessu tor-
kennilega efni. Fyrstu niðurstöður
Morgunblaöið/Árni Sœberjr
Ein holufyllingin úr Lónsöræfum,
sem nú er veríð að rannsaka. Þessi
fylling er um 6 sm í þvermál.
efnagreiningar væru á þá leið, að
þetta væri ljóst, tjörukennt efni
og olíuborinn fínkornóttur leir.
„Það hafði nýlega orðið hrun
þarna og það er sennilega ástæðan
fyrir því að efnið fannst - annars
hefði það væntanlega horfið fyrir
veðrun," sagði hann. „Við stofu-
hita verður efnið eins og þykk olfa
og það mátti sjá svarta tauma í
berginu, þar sem efnið hafði lekið
niður eftir að sólin hafði náð að
hita það. Það er augljóst að efnið
hefur myndast þarna en við vitum
ekki enn við hvaða aðstæður það
hefur verið. Þarna í nánd eru tvö
surtarbrandslög og það er vissu-
lega hugsanlegt að þar geti verið
tengsl á milli.“
Efni þessu líkt hefur aldrei fyrr
fundist á íslandi og sagðist Sveinn
reikna með að á næstunni myndu
sérfræðingar frá Orkustofnun og
Náttúrufræðistofnun fara aftur
austur, gera úttekt á staðnum,
taka fleiri sýni og kortleggja
svæðið betur. „Þetta er mjög
merkilegt og spennandi þannig að
það er nauðsynlegt að rannsaka
þetta mjög rækilega," sagði hann.
„Efnið er í blágrýtishraunlögum,
5-7 milljón ára gömlum, en til
samanburðar má geta þess, að
elsta berg á landinu er talið vera
16-18 milljón ára gamalt."
Frfldrkjan í Reykjavík:
Safnaðarstjórnin segir
prestinum upp störfum
STJÓRN Fríkirkjusafnaðarins í Reykjavík ákvað í fyrri viku að segja sóknar-
prestinum, séra Gunnari Björnssyni, upp störfum frá og með morgundegin-
um. Fékk hann uppsagnarbréfíð í gær.
Séra Gunnar sagði í samtali við
blaðamann Morgunblaðsins að
hann teldi bréfið vera á misskiln-
ingi byggt, því samkvæmt lögum
Fríkirkjusafnaðarins væri það
hlutverk safnaðarfundar að
ákveða hvort sóknarprestur leggði
niður störf eða ekki. Hann minnti
á, að það hefði verið söfnuðurinn
í heild, sem kaus hann til að gegna
presstþjónustu í kirkjunni, ekki
safnaðarstjórnin.
„Það er ekkert leyndarmál, að
samstarfsörðugleikar af hálfu
safnaðarstjórnarinnar hafa verið
miklir að undanförnu og snertir
og kjör mín,“ sagði séra Gunnar
Björnsson. “Ég mun fyrir mitt
leyti reyna að ná sáttum í þessu
máli og reikna með að eiga fund
með stjórn safnaðarins á morgun
þriðjudag.“
Hann sagði að í sinni prestskap-
artíð í Fríkirkjunni hafi starfsemi
safnaðarins tekið mikinn fjörkipp
og kvaðst sannfærður um að söfn-
uðurinn i heild væri mjög ánægður
með sig og sín störf. Að öðru leyti
færðist hann undan því að ræða
málið að svo stöddu.
Safnaðarstjórnarmenn, sem
Morgunblaðið leitaði til í gær,
vildu ekki láta hafa neitt eftir sér
nm málið.