Morgunblaðið - 24.09.1985, Page 4

4
MORGUNBLAÐID, ÞRIDJUDAGUR 24. SEPTEMBER1985
Morgunbla&ið/Dagur Akureyri-KGA.
Valur Arnþérsson í flugstjóras«tinu f kennsluflugi í sumar. Honum á hægri hlið situr Sigurbjörn kennari.
Er að reyna að láta þrjátíu
ára gamlan draum rætast
— segir Valur Arnþórsson, stjórnarformaður SÍS og kaupfélags-
stjóri KEA, sem hóf flugnám hjá Flugskóla Akureyrar í sumar
„ÉG HEF HAFT áhuga á því að læra að fljúga f þrjátíu ár og er nú loksins
að reyna að láta gamlan draum rætast," sagði Valur Arnþórsson, stjórnarfor-
maður SÍS og kaupfélagsstjóri KEA, í samtali við Morgunblaðið, en í sumar
hóf hann flugnám hjá Flugskóla Akureyrar.
„Starfs míns vegna flýg ég mjög
mikið og því getur það stundum
komið sér vel að geta sjálfur gripið
í,“ sagði Valur. „Ég fer þó ekki að
taka neina áhættu í tvísýnum
veðrum, enda stórviðskiptavinur
hjá Flugleiðum. Þetta er meira til
að geta gripið f þegar á þarf að
halda og veður er gott. Flugnámið
hóf ég í júlímánuði og lauk sóló-
prófinu í ágústbyrjun. Næst verður
stefnan tekin á einkaflugmanns-
prófið, en alveg er óákveðið hve-
nær ég lýk því.“
Hefur það reynst þér erfitt að
finna tíma aflögu fyrir flugnámið?
„Þetta gekk ágætlega í sumar.
Þá gat ég flogið eldsnemma áður
en ég hélt til vinnu og notað helg-
arnar að auki. I vetur mun ég þó
vafalaust hafa minni tfma aflögu
og verða helgarnar þá að duga
mér.“
Hvað finnst þér svo um að svífa
einn um háloftin?
„Flugið er ákaflega áhugavert
viðfangsefni og afar góð tilbreyt-
ing fyrir þá sem stunda erfiða
vinnu. Ég hvet alla þá, sem hafa
áhuga og tök á þvf að læra að
fljúga, að láta verða af þvf. Að
sjálfsögðu er afar þýðingarmikið
að flugkennslan sé vönduð og not-
uð séu góð tæki, þannig að fyllsta
öryggis sé gætt. Vil ég í því sam-
bandi bera sérstakt lof á Flugskóla
Akureyrar þar sem ég hef notið
góðrar kennslu á mjög góðum
tækjum,“ sagði Valur Arnþórsson.
Steingrímur Hermannsson forsætisráðherra:
Veiðistefnan aðeins
mörkuð í samstarfi
við hagsmunaaðila
Segir engan ágreining vera meðal
framsóknarmanna um fiskveiðistefnuna
„ÞAÐ ER algjör fjarstæóa að tala um
að upp sé kominn logandi ágreiningur
meðal okkar framsóknarmanna
vegna stefnumörkunar í fiskveiðimál-
um,“ sagði Steingrímur Hermanns-
son, forsætisráðherra í samtali við
Morgunblaðið í gær. Hann sagði að
Halldóri Ásgrímssyni, sjávarútvegs-
ráðherra hefði aldrei dottið í hug að
marka fiskveiðistefnu næstu ára í
ágreiningi við hagsmunaaðila sjávar-
útvegsins.
„Halldór leggur fram þetta frum-
varp, til þess að fá um það umræðu
og hann ætlar að halda um þessi
mál heljarmikla ráðstefnu um
næstu mánaðamót," sagði Stein-
grímur og sagðist hann telja að
sjávarútvegsráðherra héldi alveg
rétt á þessum málum.
Forsætisráðherra var á fundum í
sínu kjördæmi um helgina, og sagði
hann að næstum öll umræðan á
Vestfjörðum á þessum fundum
snérist um sjávarútveginn. „Það
liggur ljóst fyrir, að mikill meiri-
hluti útgerðarmanna á Vestfiörðum
er heitur á móti kvótanum. Eg lýsti
þeirri skoðun minni á þessum fund-
um, þegar ég var spurður hvort ég
teldi að frumvarp sjávarútvegsráð-
herra yrði samþykkt á Alþingi, að
frumvarpið væri fyrst og fremst
lagt fram til þess að fá fram um-
ræðu um þessi mál,“ sagði Stein-
grímur, Jafnframt sagði ég að
æskilegt væri ef hægt væri að
marka fiskveiðistefnuna til fleiri
ára, en ég teldi hins vegar að þetta
frumvarp yrði aldrei samþykkt á
Alþingi, nema því aðeins að hags-
munaaðilar mæltu með því. Því yrði
það einkum á Fiskiþingi og LIU-
þingi sem afstaða til þessa máls
yrði rædd.“
Forsætisráðherra sagðist hafa
lagt mikla áherslu á í máli sínu
fyrir vestan, að viss möguleiki til
lausnar á þessari deilu, væri sá að
útfæra sóknarmarkið betur, þannig
að þeir sem ekki vildu hafa kvóta
gætu sætt sig við stjórnun veið-
anna.
Hvalarannsóknir
*
Islendinga:
Erlendum aðil-
um boðin þátttaka
Hafrannsóknastofnun er um þessar
mundir að senda út boð til eríendra
aðilja um þátttöku í fyrirhuguðum
hvalarannsóknum íslendinga á næsta
ári. Ennfremur er ýmsum aðiljum á
sviði rannsókna kynnt áætlunin.
Enn er ekki ljóst hver viðbrögð við
upplýsingum og boðum stofnunar-
innar verða, en undanfarin ár hafa
vísindamenn haft aðstöðu til rann-
sókna í Hvalstöðinni og nokkuð
margir nýtt sér hana. Fyrirætlanir
stjórnvalda um rannsóknirnar í
samvinnu við Hval hf. standa þvi
óhaggaðar þrátt fyrir skiptar skoð-
anir á þeim og andstöðu ýmissa nátt-
úruverndarsamtaka.
Birkir Baldvinsson undirritar samning við Hagkaupsmenn:
Enginn vafi á að húsið verður
miðstöð verslunar í landinu
— segir Birkir í samtali við Morgunblaðið
BIRKIR Baldvinsson flugvélasali í Lúxemborg undirritaði í gær samning
við Hagkaupsmenn um kaup á verslunarhúsnæði í Hagkaupshúsinu í
nýja miðbænum, sem nú er í byggingu. í samtali við Morgunblaðið í
gær vildi Birkir ekki segja nákvæmlega hversu stóran hlut hann hefur
keypt í húsinu eða hvert kaupverðið væri, en að sögn Sigurðar Gísla
Pálmasonar stjórnarformanns Hagkaups, er um verulegt rými að ræða,
en þó minna en húsnæði það sem Áfengis- og tóbaksverslun ríkisins
hefur keypt undir áfengisútsölu í húsinu, en það er 1100 fermetrar.
Morgunblaðið/Áni Sæberg.
Frá undirritun samnings Birkis við Hagkaup í gær. Ragnar Atli Guð-
mundsson, framkvæmdastjóri nýbyggingar Hagkaups, og Birkir Baldvins-
son.
Morgunblaðið/Júlfus
Kjós:
Lá við bruna að
Fremra-Hálsi
EKKI mátti miklu muna að
miklar skemmdir yrðu á nýju
íbúðarhúsi að Fremra-Hálsi í
Kjós laust eftir klukkan átta
í gærmorgun. Þar var kominn
mikill hiti og reykur í bygging-
arefni á gólfi hússins þegar
heimilisfólk á bænum kom á
fætur. Slökkvilið Reykjavíkur
kom á vettvang og tókst að
koma í veg fyrir að eldur
kviknaði í efninu.
Talið er víst að slæmum frá-
gangi á rafmagnsleiðslum í hús-
inu hafi verið um að kenna.
Rafmagn fór af í sveitinni í fyrri-
nótt og virðist sem ekki hafi verið
tekið úr sambandi áður en starfs-
menn fóru úr húsinu.
Myndin var tekin þegar
slökkviliðsmenn voru að störfum
í húsinu.
Að sögn Ragnars Atla Guð-
mundssonar, framkvæmdastjóra
nýbyggingar Hagkaups, er nú buið
að selja um 60% af þvi 10 þúsund
fermetra verslunarrými sem falt
er á þessu stigi, samtalst til 25
aðila, og samningar eru nú í gangi
um sölu á 3.500 fermetrum. Stefnt
er að því að taka fyrri áfanga
verslunarmiðstöðvarinnar í notk-
un á miðju ári 1987 og þá með 50
verslunum. Fullbyggt verður
Hagkaupshúsið 28 þúsund fer-
metrar að stærð og er gert ráð
fyrir að í húsinu verði 75 verslanir.
Birkir Baldvinsson sagði að
hann hefði lagt út í þessi kaup af
þeirri einföldu ástæðu að hann
teldi að hér væri um sérstaklega
góða fjárfestingu að ræða: „Það
er enginn vafi á þvf að þessi staður
á eftir að verða miðstöð verslunar
á íslandi í framtíðinni," sagði
Birkir. „Staðsetningin er góð, bíla-
stæði næg og það hefur augljósa
kosti að hafa slíkan fjölda versl-
ana undir einu þaki. Og þetta
verður ekki aðeins verslunármið-
stöð, heldur menningar- og félags-
miðstöð líka. Ég byggi þessa skoð-
un mína á reynslunni í Lúxem-
borg. Þar var slík miðstöð byggð
fyrir 10 árum og þá voru kaup-
menn tregir til að kaupa, en nú
er svo komið að menn standa í
biðröðum eftir að komast inn og
húsnæðið hefur tifaldast í verði
a.m.k. Svo ég tel engann vafa á
því að þetta er geysigóð fjárfest-
ing.“
Birkir segir hugsanlegt að hann
muni stofna til eigins verslunar-
reksturs á þessum stað í framtíð-
inni, en fyrst í stað ætlar hann
að leita eftir leigendum. „Ef ég fæ
góða leigendur, leigi ég, annars
byrja ég á einhverju sjálfur," segir
hann.
— En hverju?
„Möguleikarnir eru óþrjótandi."
— Þú ert ekki með neitt sér-
stakt í huga? Matsölustað til
dæmis?
„Það er aldrei að vita, ég hef
rekið skyndibitakeðju í Evrópu og
hef þvf góða reynslu á því sviði.
En þetta er óráðið og í augnablik-
inu hef ég fyrst og fremst hug á
því að leigja."
— Ertu að hugsa um að flytja
aftur til íslands?
„Nei, ekki í bráð, en ég verð hér
á landi með annan fótinn, eins og
alltaf."
— Þú ætlar þá ekki að minnka
umsvifin í flugvélasölunni?
„Nei, alveg örugglega ekki."
— Þú hefur náð miklum
árangri í viðskiptum Birkir, og
þegar kaup þín á hlutabréfum
Flugleiða voru til umræðu í sumar
þá lýstir þú því yfir að þú litir
alltaf langt fram í tímann þegar
þú fjárfestir. Hvert er bitt álit á
möguleikum okkar Islendinga
styrkja stöðu okkar efnahagslega?
Hvar liggja möguleikarnir þegar
til langs tíma er litið?
„Fiskurinn er og verður okkar
gull um langa framtíð enn. Það
er óumdeilanlegt. En á þvf sviði
mæfti kannski ýmislegt betur
fara. Ég hef áður sagt að ég tel
að það eigi að fækka togurum og
fjölga smábátum f staðinn. Með
þvf ynnist margt: Fjárfesting út-
gerðarinnar minnkaði, atvinna
yrði meiri og stöðugri og atvinnu-
tækin yrðu betur nýtt. Þá hef ég
mikla trú á því að fiskeldið eigi
framtíð fyrir sér.
Svo finnst mér að stjórnvöld
ættu að fhuga vel þann möguleika
að setja upp frfverslunarsvæði hér
á landi nálægt Keflavíkurflug-
velli. Það ætti að opna leið til
þess að erlendir bankar sjái sér
hag í því að setja upp útibú hér
með umtalsverðum viðskiptum.
Island hefur þá sérstöðu í Evrópu
að vera tveimur klukkutímum
„nær“ Bandaríkjunum en önnur
Evrópulönd, sem getur skipt miklu
máli í verðbréfaviðskiptum."