Morgunblaðið - 23.10.1985, Blaðsíða 38
38
MORGUNBLADIÐ, MIDVIKUDAGUR 23. OKTÓBER1985
Mynd af Simon le Bon
fyrir Duran Duran-
aðdáendur. Hann var ásamt
unnustu sinni, Yasmin Parve-
heh, að snæða á veitingastað,
sem nefndur er Langans og
auðvitað sátu ljósmyndarar
fyrir honum þegar út kom.
Eins og sést á meðfylgjandi
mynd þáði hann boð eins ljós-
myndarans og lét hann bera
sig á hestbaki nokkurn spöl,
því engan leigubil var að fá
eða þannig sko...
Ástin getur stundum verið blind!
Samspil manns og bfls
Eg ætla bara að biðja þig
að segja ekki að hann
ftadar (bíllinn) sé ljótur. Þú skilur
það gæti farið fyrir kassann á
honum og ég held að það sé betra
að þú segir að hann sé ákaflega
hallærislegur, þó mér hafi fundist
hann vera mjög sjarmerandi frá
því ég leit hann augum í fyrsta
sinn.“
Já, hér er verið að tala um
Radar, jeppa Gunnars Steins Páls-
sonar auglýsingastjóra, en á milli
þeirra hefur skapast mjög náið
samband.
„Þetta er annars ekkert óvenju-
legt eða til að gera mál útaf. Ég
var bara að keyra í Kópavoginum
á bílnum mínum, Chevrolet
Malibu, árgerð ’79, þegar ég allt i
einu rek augun í jeppa á Hávegi.
Ég hugsa með mér að aldrei á
ævinni hafi ég séð jafn einstaklega
hallærislegan jeppa og ég verði að
eignast hann STRAX. Eg stoppa
bílinn minn hið snarasta og reyni
að hafa upp á eiganda jeppans.
Eftir nokkrar tilraunir finn ég
hann, sem er þá gestkomandi hjá
bifvélavirkja. Ég ber upp erindið
og segi honum að ég vilji gjarnan
hafa skipti á jeppanum og
Malibu-inum mínum. Maðurinn
lítur á mig stórum augum og hélt
auðsjáanlega að það vantaði eitt-
hvað meira en lítið í mig, en segir
svo mjög yfirvegaður, að sig vanti
eiginlega ekki Malibu. Bifvélavirk-
inn hefur líklega séð einhvern
gróða í þessu fyrir vininn, því hann
pikkar ótt og titt í hann og það fer
svo að þeir prufukeyra bílinn
minn. Þetta endaði svo með því
að við handsöluðum kaupin og
maðurinn ók hinn ánægðasti á
brott í Malibu, en ég, eftir að hafa
fengið nokkra leiðsögn hjá bif-
vélavirkjanum, skrönglaðist ein-
hvernveginn heima á Radar.
Mér er það einna eftirminnileg-
ast við þetta þegar ég var að koma
mér heim og reyna að búa til
ræðuna í huganum til að útskýra
þetta tiltæki mitt fyrir heimilis-
fólkinu á gáfulegan hátt. Þegar ég
var búinn að hafa það af að „trunt-
ast“ heim þurfti ég ekki á ræðunni
að halda, því fjölskyldan sá fyndnu
hliðina á þessu og úr varð hlátur
og grátur.
Eg er hæstánægður með Radar
minn í dag og vil ekki skipta og
það skondnasta við þetta er að við
báðir, eigendur bílanna tveggja,
erum jafn vissir um að við höfum
stórgrætt hvor á öðrum."
— Hvenær fæddist Radar
(blaðamaður þorði ekki fyrir sitt
litla líf að spyrja hvaða árgerð
billinn væri.)
„Árið 1971 og var á sínum tíma
ætlaður til notkunar í Víetnam-
stríðinu. Hann komst þó ekki alla
leið og hefur staðið óhreyfður og
líklega einmana mestan hluta
tímans á Keflavíkurflugvelli.
Hann var keyrður 4.000 kílómetra
þegar ég fékk hann.
Eg hef aldrei á ævinni verið
bíladellumaður, eða haft af því
áhyggjur á hvernig bíl ég æki og
konan mín segir að þetta sé í fyrsta
skipti í okkar 12 ára sambúð sem
ég fer óbeðinn og skola af bíl. Ég
veit ekkert um bíla, en get þó sagt
þéf um Radar að hann heitir AMC
JEEP og er annaðhvort Willy’s eða
Ford, er með 4 strokka Hurrycane
vél, hefur sjálfstæða fjöðrun á
öllum hjólum, vatnsvarða vél, 24
volta rafkerfi...
— En Radarnafnið?
„Jú, sérðu, ég nefndi hann eftir
litla hallærislega kallinum í
Mash-þáttunum því eins og fólk
man líklega var sá ekkert fyrir
augað, en þó potturinn og pannan
í þáttunum og raunar alveg ómiss-
andi. Hann hét sem sé Radar og
svo fannst mér þetta líka passa
vel, því þeir þættir gerast á víg-
velli.
— Hefur hann nokkuð þurft að
kíkja til viðgerðarmanns? (Reyndi
að hafa þetta eins og þegar spurt
er um tannlækninn.)
„Já, reyndar hefur hann þurft
að renna þangað af og til, en það
er nú eiginlega mér að kenna, því
ég get ekkert dyttað að honum
sjálfur. í augnablikinu er verið að
gera heimsleit að hjörulið í hann,
blessaðan.“
— Það hefur sem sagt ekkert
veraldlegt orðið þess valdandi að
þú skiptir um bíl? (Það má nú
reyna!)
„Veraldlegt mat kemur þessu
ekkert við. Ég varð bara ástfang-
inn og sumir segja að ástin sé
blind. Það eru sterkar tilfinningar
á milli okkar og ég met Radar
ekki til fjár.“
Þegar blaðamaður töltir út í litlu
hvítu Honduna sína og lítur á
sakleysislegan framsvipinn getur
hann ekki annað en horft öðrum
og nýjum augum á þennan aldraða
og þolinmóða vin sem varla hefur
hlotið klapp hvað þá ástarorð til
þessa.
Fljótasti sund-
maður í heimi
Matt Biondi er 19 ára
nemi og talinn vera
heimsins fljótasti sundmað-
ur. Hann sló sitt eigið heims-
met þegar hann var 49 sek-
úndur með 100 metrana á
sundmóti í Bandarikjunum.
Frá því hann var fjórtán
ára hefur hann talist einn
besti sundmaður í heimi, enda
æfir hann sig níu sinnum í
viku.
Eitthvað fyrir
Duran Duran
aðdáendur
Vinirnir Radar og Gunnar Kteinn Pálsson.
fc'lk í
fréttuni