Morgunblaðið - 04.03.1987, Blaðsíða 21

MORGUNBLAÐIÐ, MIÐVIKUDAGUR 4. MARZ 1987
21
Leiksnillingur eftir Sidney Sheldon
Sjónvarp
Arnaldur Indriðason
Leiksnillingur (Master of the
Game), sem hefur göngxi sína hjá
ríkissjónvarpinu í kvöld, fæst á
myndbandaleigum og hefur feng-
ist í nokkur ár. Hún var raunar
ein af fyrstu smáþáttaröðunum
sem fengust á myndböndum hér
og markaði ásamt öðrum slíkum
upphafið að þeim mikla áhuga
sem varð á þeim á myndbanda-
leigunum. Þótt hún væri gerð fyrir
sjónvarp kom hún víða fyrst út á
myndböndum eins og t.d. í Bret-
landi.
Það er ekki að efa að fjöldi
manns, sem á annað borð á mynd-
bandstæki, hefur séð Leiksnilling-
inn. Þáttaröðin vakti strax athygli
þegar hún fór að fást á leigunum
fyrir einsog þremur árum og hvar-
vetna mynduðust langir biðlistar
eftir henni. Það er enda ekki nema
von, því a.m.k. fyrst framan af
er hún velleikin, hröð og spenn-
andi ættarsaga með fjölda per-
sóna og fjölbreytileg sögusvið og
er ágætis afþreyingarefni svo
langt sem það nær. Gallinn er sá
að eftir góða bytjun fjarar drama-
tíkin smám saman út og þegar
líður að lokum hefur söguþráður-
inn þynnst verulega.
Með helstu hlutverkin í Leik-
snillingnum fara Dyan Cannon,
Ian Charleson, Harry Hamlin,
Donald Pleasence, Cherie Lunghi,
Jean Marsh og Cliff De Young,
svo einhverjir séu nefndir. Þar
segir frá hinni moldríku Black-
well-fjölskyldu, hvernig veldi
hennar varð til úr engu og við-
helst undir stjórn Kate Blackwell
(Cannon). Sögutíminn spannar
100 ára tímabil og sögusviðið nær
frá demantanámum Suður-Afríku
ti! öngstræta Parísar og frá
ríkmannlegum bústöðum á Eng-
landi til stórborga Ameríku.
Pjölskyldan er sérstaklega valda-
mikil og auðug en örlög meðlima
hennar í gegnum fjórar kynslóðir,
draumar og harmleikir er kjarni
sögunnar.
Cannon leikur höfuð fjölskyld-
unnar, Kate Blackwell, miskunn-
arlausa og kaldrifjaða norn, sem
hefur það eitt að markmiði að
Ian Charleson fúlskeggjaður í
hlutverki James McGregor.
gæta þess að veldi hennar vaxi
og dafni og vílar fátt fyrir sér til
að svo megi verða. Cannon eldist
um 70 ár i hlutverki Kate, eða frá
tvítugri stúlku upp í nírætt gamal-
menni, og þurfti að bera þungan
og mikinn farða, sem hefur ekki
verið minni vandi en að leika þessa
kjarnakonu sem stjórnar öllum í
kringum sig.
Svo virðist sem rithöfundurinn
Sidney Sheldon sé mjög hrifinn
af því að skapa kvenskörunga sem
aðalpersónur bóka sinna. Noelle
var hetjan í The Other Side Of
Midnight, Elizabeth í Bloodline,
Jennifer í Rage Of Angels og loks
Dyan Cannon í hlutverki hinnar
gráðugu Kate Blackwell.
Kate í Leiksnillingnum, sem er
sannkallaður meistari í hinu mis-
kunnarlausa valdatafli er fylgir
auði og áhrifum.
Ian Charleson leikur James
MeGregor, föður Kate Blackwell,
en ævintýri hans við demantaleit
í Suður-Afríku leggja grunninn
að ættarveldinu. Charleson varð
fyrst frægur á hvíta tjaldinu þeg-
ar hann lék Eric Liddell í Oskars-
verðlaunamyndinni Eldvagninn
eftir Hugh Hudson.
Donald Pleasence leikur Hol-
lendinginn illa, Salomon Van Der
Merwe, sem svíkur McGregor,
Donald Pleasence leikur hinn
illa Hollending Salomon Van
Der Merwe.
lætur betja hann og skilur hann
eftir til að deyja í eyðimörkinni.
Cherie Lunghi leikur Margaret,
dóttur Salomons, sem McGregor
notar til að hefna sín á honum.
Seinna giftast þau og eignast
Kate. Tony Blackwell, sonur og
erfingi Kate, er ieikinn af Harry
Hamlin. Hann langar til að verða
listmálari þótt móðir hans vilji ólm
að hann taki við fyrirtækinu. Eve
og Alexandra eru tvíburadætur
Tonys og það er Liane Langland,
sem leikur þær báðar. Systurnar
eru nauðalíkar í útliti en gerólíkir
persónuleikar. Að auki kemur við
sögu fjöldinn allur af öðrum per-
Liane Langland leikur Eve og
Alexandra.
sónum í stórum og litlum hlut-
verkum.
Leikstjórar eru Kevin Connor
og Harvey Hat. Framleiðandi er
Norman Rosemont, en hann hefur
fært marga söguna í sjónvarps-
búning og hlotið lof fyrir. A meðal
afreka hans á þeim vettvangi má
nefna Tíðindalaust á vesturvíg-
stöðvunum, Greifinn af Monte
Cristo, Vesalingarnir, Saga
tveggja borga og Litli lávarðurinn.
Frá því Leiksnillingur var gerð
hafa smáþáttaraðir misst að
nokkru það aðdráttarafl sem þær
höfðu bæði á leigunum hér og í
sjónvarpi vestra, ef marka má
fréttir frá Bandaríkjunum. Margt
kemur þar til en ein af skýringun-
um er sú að fólk þráast við að
binda sig við sama dagskrárefnið
í heila viku eða svo. Þar er sýning-
artími smáþáttaraða annar en hér
tíðkast. Það sem sýnt er í um vik-
utíma þar er sýnt á einum,
tveimur og þremur mánuðum hér.
Svoleiðis að þegar við setjumst
niður í kvöld að horfa á Leiksnill-
inginn verðum við að mæta fyrir
framan skjáinn á sama tíma í
næstu fimm vikur ef við viljum
ekki missa af neinu.
Það væri miklu meira spenn-
andi ef smáþáttaröð á borð við
Leiksnillinginn væri sýnd í
kannski þremur hlutum í eina
viku. Og kannski verður það raun-
in í framtíðinni með aukinni
samkeppni. Stöð 2 sýnir t.d. smá-
þáttaröðina Lace á einu bretti nk.
sunnudags- og þriðjudagskvöld.
Kate giftist David Blackwell (David Birney).
Jónas Jónsson
himaðarniálastj óri:
Áhrif tíðar-
farsins öll
af hinu góða
„SVONA góð tíð hefði þótt
ennþá meira virði fyrir nokkr-
um árum eða áratugum, þegar
menn treystu meira á vetrar-
beit fyrir sauðfé,“ sagði Jónas
Jónsson búnaðarmálastjóri að-
spurður um áhrif góðrar tíðar
í vetur á bústörf bænda.
Jónas sagði að frá áramótum
hefði verið snjólétt um land allt
og gott veður, nánast með ein-
dæmum. Sagði hann að áhrif
þessarar góðu tíðar á bústörf
væru öll af hinu góða. Sauðfjár-
bændur væru mikið til hættir að
treysta á vetrarbeit og væri því
lítill fóðursparnaður hjá þeim en
hrossabændur spöruðu mikið fóð-
ur á svona vetri.
Jónas sagði að bændur í út-
sveitum norðanlands hefðu um
tíma verið uggandi um kal vegna
svellalaga frá því fyrr í vetur, en
kalhættan hefði minnkað.
s
BROTTFARARDAGAR
Mánuðir dags. tími
Apríl 14. 13 dagar
Apríl 27. 29 dagar
Maí 26. 14 dagar
Júní 9. 3 vikur
Júni 30. 3 vikur
Júlf 21. 3 vikur
Ágúst 11. 3 vikur
September 1. 3 vikur
September 22. 3 vikur
KYNNING UM HELGINA 7 OG 8 MARS
Laugardag frá kl. 10—16
Sunnudag frákl. 13—16
rir
fjöiskyldurog fjörl<álfa
Costa del Sol er stærsti leikvöllur Evrópu. Þar finna allir eitt-
hvaö viö sitt hæfi, á meöan sólin skín og eftir aö kvölda tekur.
Nautaöt eru haldin áriö um kring, þarsem hitinn og æsingur-
inn kemst á hæsta stig.
Þarna eru diskótekin á hverju strái, meö glænýtt listapoppið
og drykkirnir viö þorstanum kosta næstum ekki neitt. Nóttin er
ung og næturklúbbarnir eru margir. Þetta er staöurinn fyrir lífs-
glatt fólk. Ekki má gleyma fjölskyldunni. Börnin elska Costa del
Sol. Spánverjar elska börn. Tlvoll og skemmtigaröar. Sólar-
ströndin, heitur sjórinn, sundlaugar, óþrjótandi tækifæri til
Iþrótta og leikja.
Á Sþáni fær kaupmáttur venjulegra Islendinga nýja og
ánægjulega þýðingu. Matur, drykkur og þjónusta kosta ótrú-
lega lltiö.
60 ÁRA OG ELDRI
fá 5.000,- kr. afslátt í feröirnar 27. 04. og 22. 09. til Costa del
Sol. i þeim ferðum verður einnig hjúkrunarfræðingur til aö-
stoðar.
I aðrar hópferðir sumarins fá eldri en 60 ára 5% afslátt.
Ferðaskrifstofa Snorrabraut 29 sími 62100.