Morgunblaðið - 04.03.1987, Page 26

26
MORGUNBLAÐIÐ, MIÐVIKUDAGUR 4. MARZ 1987
Grindavík:
„Loðnuhrogn fryst út á
sjó hafa ótvíræð gæði“
Morgunblaðið fylgist með loðnuhrognafrystingu
um borð í Grindvíkingi GK
Gríndavík.
LOÐNUSKIPIÐ Grindvíkingur
GK frá Grindavík kom til hafn-
ar í Keflavík um miðnættið á
föstudagskvöld til að taka
fréttaritara Morgunblaðsins
um borð svo hægt væri að sýna
lesendum hvernig loðnu-
hrognafrysting er framkvæmd
úti á rúmsjó, eina fljótandi
frystihús Islendinga sem útbúið
er þannig fyrir þessa vinnslu.
Willard Ólason, skipstjóri, sagði
að frystingin gengi mjög vel eftir
breytingar og endurbætur, sem
unnar voru fyrir skömmu á skip-
inu. „Á skipinu er 16 manna
áhöfn, sem vinnur á sex tíma
vöktum á meðan vinnslan er í
gangi. Hinsvegar eru allir á dekki
á meðan kastað er. Frystigetan
er 18 tonn af hrognum á sólar-
hring miðað við að nýtingin sé
nægilega góð. Við erum nú að
vinna 150 tonna kast, sem við
fengum á Hafnarleimum út af
Höfnum en þar var byrjað að
bræla svo við komum okkur í var
meðan vinnslan fer fram sem
gæti orðið allt að tíu tímar,“ sagði
Willard.
Vinnslurásin á loðnunni er sú
að henni er fyrst dælt úr nótinni
í lestina. Síðan er henni dælt upp
á dekk í hrognakreystiskiljum.
Úrgangurinn fer í aðra lest en
hrogin í safntank. Á leiðinni þang-
að er þeim dælt í gegnum hreinsi-
skiljur og grófhreinsitromlu. Ur
safntanknum fara þau í gegnum
sandsíur og upp í fleytitank á
dekkinu, en þar hreinsast svilin
aðallega frá auk annarra óhrein-
inda. Frá fleytitanknum fara þau
í þurrhreinsitromlu og þaðan dælt
ofan í frystitækin á millidekkinu.
Frystitækin eru í lóðréttri stöðu
en það er nýjung. Eftir tvo tíma
er tekið úr tækjunum og pakkað
í sérhannaðar umbúðir merktar
skipinu. Lokastigið er frystilestin,
sem tekur um 80 tonn. Að lokum
sagði Willard að gæði hrognanna,
sem fryst eru út á rúmsjó, væru
ótvíræð fram yfir þau sem fryst
væru í landi.
Kr.Ben.
Vinnslan hafin um borð í Grindvíking, eftir að 150 tonna kasti hefur verið dælt í lestina. Loðnunni
er nú dælt upp í gegnum hrognakreistiskilju sem gnæfir yfir á dekki skipsins. Fleytitankurinn á
bak við en neðst fer loðnuúrgangurinn ofan í aðra lest.
Morgunblaðið/Kr.Ben.
Pakkningarnar um borð í Grindvíking eru sérprentaðar fyrir
skipið. Hér er þeim rennt yfir loðnuhrognablokkirnar.
Willard Ólason skipstjóri þriðji frá vinstri ásamt frívaktinni og
kokkinum í brúnni.
Einn skipverjinn við þurrhreynsitromluna áður en hrognin fara
niður í frystitækin.
Séð yfir hluta af frystitækjunum. í baksýn er verið að pakka á
fullu.
A * +
Asmundur Stefánsson forseti ASI:
Búvöruhækkunin í sæmilegu
samræmi við verðlagsþróun
ÁSMUNDUR Stefánsson, for-
seti Alþýðusambands íslands,
telur að hækkun búvöruverðs-
ins nú um mánaðarmótin sé
„í sæmilegu samræmi við þá
almennu verðlagsþróun sem
orðið hefur“.
Miðstjóm ASI vakti, sem
kunnugt er, athygli á áformum
um hækkun búvöruverðsins um-
fram forsendur jólaföstusamn-
inganna, og minnti á ábyrgð
ríkisstjómarinnar. Dregið var úr
hækkuninni og var Ásmundur
spurður hvort búvömverðs-
hækkunin, sem er á bilinu
4,4—5,9%, sé í samræmi við yfír-
lýsingu ríkisstjómarinnar frá því
í desember.
Ásmundur sagði: „Á tímabil-
inu frá 1. desember til 1. mars
er útlit fyrir að framfærsluvísi-
talan hækki um 5%. Kjarasamn-
ingamir hafa fært ASÍ-fóIki um
5,5% launahækkun að meðaltali
frá og með 1. mars. Því má segja
að þessi hækkun búvöruverðsins
sem nú er framkomin sé í sæmi-
legu samræmi við þá almennu
verðlagsþróun sem orðið hefur á
tímabilinu. Ef þetta er endanleg
hækkun sé ég ekki ástæðu til
sérstakra athugasemda. Ég vil
hinsvegar minna á að ríkisstjóm-
in gaf út ákveðnar yfírlýsingar
í desember þess efnis að búvöm-
verðinu yrði haldið innan
ákveðins ramma og það er henn-
ar að fínna leiðir til að svo megi
verða,“ sagði Ásmundur.