Morgunblaðið - 20.03.1987, Blaðsíða 27

MORGUNBLABIÐ, FÖSTUDAGUR 20. MARZ 1987
27
Abbas hótar
hryðjuverkum
- í viðtali við ítalskt tímarit
Páfagarði, Reuter.
PALESTINSKI skœruliðaforing-
inn Abu Abbas sagði í blaðavið-
tali fyrr í vikunni að útsendarar
sínir væru nú að skipuleggja
ýmis hryðjuverk og hefðu aukið
ítök sín í Issrael.
„A næstu mánuðum munum við
grípa til ýmissa mikilvægra hem-
aðaraðgerða. Síðan Achille Lauro
var rænt höfum við skipulagt nýjar
aðgerðir," sagði Abbas í viðtali við
ítalska tímaritið Europeo.
Réttur á Ítalíu dæmdi Abbas til
lífstíðarfangelsis að honum fjarver-
andi fyrir að skipuleggja ránið á
farþegaskipinu Achille Lauro undan
ströndum Egyptalands árið 1985.
Sjóræningjamir myrtu einn far-
þega, bandaríska gyðinginn Leon
Klinghoffer.'
Ekki var greint frá því hvar við-
taiið hefði verið tekið.
Abbas, sem er eftirlýstur í fjölda
landa, sagði að ekki hefði átt að
ræna Achille Lauro. Skæruliðamir
hefðu ætlað með skipinu til ísraels,
en á leiðinni hefði komist upp um
þá og vopn þeirra fundist. Abbas
kvað menn sína oft hafa notað skip-
ið til að komast til ísraels.
Abbas sagði í viðtalinu að hann
gæti ekki ferðast jafn mikið eftir
sjóránið og áður. Aftur á móti væri
hann frjáls ferða sinna innan nokk-
urra arabalanda.
Eftir að sjóráninu lauk neyddu
Bandaríkjamenn flugvél með sjó-
ræningjana innan borðs til lending-
ar á bandaríska herflugvellinum á
Sikiley. Flugvélin var á leið með
hryðjuverkamennina á vit frelsis í
Túnis. Abbas var um borð í flugvél-
inni og leyfðu ítalar honum að fara
þar sem þeir höfðu ekki sannanir á
hendur honum. Síðar kom í ljós að
Abbas stóð að baki sjóráninu.
\T/
ERLEN1V
Líbanon:
*
Oþekktir mannræn-
ingjar sleppa gísli
Beirút, Kairó, Reuter.
MANNRÆNINGJAR í Líbanon
slepptu á miðvikudag saudi-
arabiskum sendiráðsstarfs-
manni, sem haldið hafði verið í
gíslingu í Vestur-Beirút í tvo
mánuði. Nabih Berri, leiðtogi
sveita amal-shíta, sagði á frétta-
mannafundi að manninum hefði
verið sleppt vegna tilmæla sinna
og Sýrlendinga.
Bakr Damanhuri var rænt 12.
janúar og kvaðst hann ekki hafa
séð nokkum lifandi mann í þá 66
daga sem honum var haldið í
gíslingu. Ekki er vitað hvaða sam-
tök stóðu að baki ráninu og Nabih
Berri vildi ekki láta það uppi af
ótta við að það myndi stoftia lífi
gísla í Líbanon í hættu. Berri kvaðst
vinna að því að fá fleiri gísla leysta
úr haldi. Aðspurður kvaðst hann
ekki vita hvar Terry Waite, sendi-
maður ensku biskupakirlqunnar,
væri niðurkominn og lét að því
liggja að óábyrgar yfirlýsingar
hefðu spillt fyrir farsælli lausn þess
máls.
Jimmy Carter, fyrrum Banda-
ríkjaforseti, sem nú er staddur (
Egyptalandi, kvaðst í gær ætla að
ræða mál erlendra gísla í Líbanon
er hann heldur til Sýrlands um
næstu helgi. Aðspurður kvaðst
Carter ætla að ræða við sýrlenska
aðila sem stæðu í sambandi við
mannræningjana. 25 erlendra
manna er saknað í Líbanon þar af
átta Bandaríkjamanna.
Sprengjutilræði í
kaffihúsi í Djibouti
Djibouti, AP, Reuter.
ELLEFU manns, þar á meðal
fjórir Frakkar og þrír Vestur-
Þjóðveijar, létu lífið þegar
sprengja sprakk í þéttsetnu
kaffihúsi í Djibouti á miðviku-
dagskvöld. Að sögn yfirvalda
slösuðust að minnsta kosti 26
menn í sprengingunni.
Hassan Gouled Aptidon, forseti
Djibouti, sagði í útvarpi að rann-
sókn málsins hefði enn ekki leitrt
í ljós hveijir hefðu staðið að baki
sprengingunni. Hann sagði að
sprengjan hefði verið sprengd „til
að koma á ringulreið í þjóðfélagi
okkar og láta hrikta í homsteinum
þess".
Að sögn franska sendiráðsins í
Djibouti særðust 45 menn í spreng-
ingunni. Talsmaður franska vamar-
málaráðuneytisins í París sagði að
þrír franskir hermenn hefðu látið
lífíð og 25 særst í spmgingunni.
Franska fréttastofan Agence
France-Presse sagði að einn fransk-
ur borgari, þrír Vestur-Þjóðveijar,
þrír íbúar Djibouti og einn maður
af ókunnum uppruna, hefði látið
lífíð í sprengingunni.
Að sögn lögreglu komu pólitískir
öfgamenn, sem tengjast Aden
Robleh, fyrrum ferða- og flutninga-
málaráðherra, sprengjunni fyrir til
að mótmæla franska setuliðinu í
Djibouti.
Talsmaður franska sendiráðsins
sagði að sprengiefninu hefði verið
komið fyrir við súlu í Cafe Historil,
sem er vinsælt meðal franskra her-
manna og útlendinga í höfuðborg-
inni Djibouti við Rauða hafíð.
Djibouti er fyrrum frönsk nýlenda
og liggur milli Eþíópíu og Sómalíu.
Haft var eftir Youssouf Ali Chir-
don, innanríkisráðherra Djibouti,
að glæpamenn stæðu sennilega að
baki sprengingunni.
Tæplega fjögur þúsund franskir
hermenn em í Djibouti og hafa
Frakkar haft þar flotastöð sam-
kvæmt vamarsamningi frá því að
landið fékk sjálfstæði árið 1977.
Reuter
Endur-
fundir
Sovéski andófs-
maðurinn
Sergei Khord-
orovich kom til
Moskvu á mið-
vikudag eftir
að hafa dvalist
í vinnubúðum í
Síberíu. Eigin-
kona hans,
Tatyana, og
sonur þeirra
hjóna, Igor,
tóku á móti
honum á
Vnukovo-flug-
velli í Moskvu.
ASEA Cylinda
þvottavélar ★sænskar og sérstakar
Fá hæstu neytendaeinkunnir fyrir þvott, skolun,
vindingu, taumeðferð og orkusparnað. Efnis-
gæði og öryggi einkenna ASEA. Þú færð ekki
betri vélar!
3a /FQniX
HATUNI 6A SlMI (91)24420
verð*.
Kiktu!
Bankastræti
Viðtalstími borgarfulltrúa
Sjálfstæðisflokksins í Reykjavík
Borgarfulltrúar Sjálfstæðisflokksins
verða til viðtals í Valhöll Háaleitis-
braut 1, á laugardögum frá kl. 10-12.
Er þar tekið á móti hvers kyns fyrir-
spurnum og ábendingum og er öllum
borgarbúum boðið að notfæra sér
viðtalstíma þessa.
Laugardaginn 21. mars verða til viðtals Hilmar Guðlaugsson formaður bygg-
inganefndar Reykjavíkur og í stjórn Verkamannabústaða, Sólveig Pétursdóttir
formaður barnaverndarnefndar.