Morgunblaðið - 20.03.1987, Blaðsíða 56
V" L(kam«r»kt ÓBRunnBðr ItSKír aföryggisastæðum Nýjungar í 70 ár
S JSB ^ S 20 ára
FOSTUDAGUR 20. MARZ 1987
VERÐ I LAUSASOLU 50 KR.
Þorsteinn Pálsson á blaðamannafundi í gær:
Tvær greiðslur frá Haf-
skip ekki taldar fram
Á þessum árstíma er mikið um
að skólafólk sæki ritstjórn
Morgunblaðsins heim í þeim
erindagjörðum að kynna sér
störf blaðamanna og ljósmynd-
ara. Þessa skemmtilegu vetrar-
mynd tók Hreinn Óskarsson frá
Selfossi, einn starfsfræðslu-
neminn, er hann, ásamt ljós-
myndara Morgunblaðsins,
leitaði góðs myndefnis við
Tjörnina.
Mistök í rekstri heildverzlunar sem ég hef ekki
komið nálægt í 13-14 ár, segir Albert Guðmundsson
„MAT mitt á því, að þetta er alvarlegt mál, byggist að
stærstum hluta á þvi, að Albert var fjármálaráðherra á
þeim tíma er hann tók við greiðslunum," sagði Þorsteinn
Pálsson, fjármálaráðherra og formaður Sjálfstæðisflokks-
ins, á blaðamannafundi síðdegis í gær. Þar staðfesti hann
blaðafréttir þess efnis, að tvær greiðslur, sem Albert Guð-
mundsson, iðnaðarráðherra, fékk frá Hafskip 1984 og 1985,
að upphæð 117 þúsund krónur og 130 þúsund krónur, hefðu
ekki verið taldar fram til skatts.
Albert Guðmundsson, sem í
gær sat fund iðnaðarráðherra
Norðurlanda í Kaupmannahöfn,
sagði í samtali við Morgunblaðið,
að hann hefði ekki haft afskipti
af rekstri Heildverzlunar Alberts
Guðmundssonar í 13-14 ár, en
ástæðan fyrir því, að þessar
greiðslur hefðu ekki komið fram
í bókhaldi heildverzlunarinnar
væri sú, að ekki hefði tekizt að
fá fylgiskjöl frá Hafskip með þess-
um greiðslum, þrátt fyrir tilraunir
til þess.
Ingi Björr Albertsson, sem ann-
Hlé gert á
viðræðum
hjúkrunar-
fræðinga og
ríkisins
HLÉ hefur verið gert á viðræð-
um í kjaradeilu Félags háskóla-
menntaðra hjúkrunarfræðinga
og ríkisins.
Fundur deiluaðila, sem hófst
klukkan 21 í gærkvöldi, stóð í um
tvær klukkustundir og bar engan
árangur. Að sögn Magnúsar Ólafs-
sonar, formanns FHH, ber mikið á
milli og hefur nýr fundur ekki verið
boðaður.
Sjá frásögn af fyrsta degi
verkfalls hjúkrunarfræðinga á
bls. 32.
Sáttasemjari:
Fundur hald-
inn með iðn-
aðarmönnum
MÚRARASAMBAND íslands, fé-
lög pípulagningamanna, vegg-
fóðrara og málara settust að
samningaborðinu hjá sáttasemj-
ara ríkisins kl. 9 í gærkvöldi.
Engar fréttir voru af viðræðum
um miðnætti að sögn Guðlaugs
Þorvaldssonar sáttasemjara en fé-
lögin hafa enn ekki boðað verkfall.
ast rekstur Heildverzlunar Alberts
Guðmundssonar, gaf í samtali við
Morgunblaðið í gær sömu skýr-
ingu á því, að þessar greiðslur
hefðu ekki komið fram til skatts.
Albert Guðmundsson ráðgerir
að koma til landsins í dag og á
blaðamannafundinum í gær
kvaðst Þorsteinn Pálsson mundu
ræða þetta mál við iðnaðarráð-
herra augliti til auglitis áður en
hann tæki frekari afstöðu til þess.
Albert Guðmundsson fékk fyrir
nokkrum vikum bréf frá skatt-
rannsóknarstjóra, þar sem at-
hugasemdir eru gerðar við að
þessar greiðslur voru ekki taldar
fram til skatts. Hann hafði frest
til 5. marz. sl. til þess að svara
þeim athugasemdum, en svarið
kom frá Inga Birni Albertssyni
fyrir hönd Heildverzlunar Alberts
Guðmundssonar. Eftir að þetta
svar liggur fyrir er það svo skatt-
rannsóknarstjóra að ákveða, hvort
mál þetta verður afgreitt með leið-
réttingu á skattframtali eða hvort
jafnframt verður um sekt að ræða.
Það var vikublaðið Helgarpóstur-
inn, sem skýrði fyrst frá þessu
máli í gærmorgun.
Reykjavík:
ÞRJÁTÍU og átta tillögur bár-
ust í samkeppni um hönnun
ráðhúss í Reykjavík og sam-
kvæmt upplýsingum frá
trúnaðarmanni dómnefndar
Ólafi Jenssyni kemur fram að
hér sé um óvenju mikla þátt-
töku að ræða og því megi
búast við að dómstörf taki
lengri tíma en áætlað var í
fyrstu. Verðlaun eru alls 3,7
millj.
í frétt frá dómnefndinni segir:,,
Það er viðamikið og vandasamt
verk að yfirfara og dæma þetta
margar tillögur um byggingu
Á blaðamannafundinum í gær
kvaðst Þorsteinn Pálsson hafa
skýrt þingflokki sjálfstæðismanna
frá málinu, þegar frestur Alberts
Guðmundssonar til þess að gera
skattrannsóknarstjóra grein fyrir
sínum sjónarmiðum hefði verið lið-
inn. Hann tók sérstaklega fram,
að hvorki hann né þingflokkurinn
hefðu á þeim fundi óskað eftir
afsögn Alberts Guðmundssonar
úr ráðherraembætti.
Albert Guðmundsson sagði í
samtali við Morgunbiaðið í gær,
að Þorsteinn Pálsson hefði ekki
óskað eftir því, að hann segði af
sér ráðherraembætti vegna þessa
máls, og aðspurður kvaðst hann
heldur ekki mundu taka slíka
ákvörðun sjálfur. Iðnaðarráðherra
sagði jafnframt, að ekki væri
hægt að útiloka mann, sem staðið
hefði í atvinnurekstri frá þátttöku
í stjómmálum og aldrei væri hægt
að útiloka að mistök af þessu tagi
kæmu fyrir í atvinnurekstri.
Guðmundur Guðbjamarson,
skattrannsóknarstjóri, sagði í
samtali við Morgunblaðið að skýr-
ingar hefðu borist varðandi þau
atriði er embætti hans hefði gert
athugasemdir við, en hann kvaðst
ekki tjá sig efnislega um þær skýr-
ingar.
Sjá samtal við Albert Guð-
mundsson, frásögn af blaða-
mannafundi Þorsteins
Pálssonar, samtal við Inga
Björn Albertsson, samtal við
forsætisráðherra og skatt-
rannsóknarstjóra á miðopnu.
sem á að reisa á einum viðkvæm-
asta stað í hjarta borgarinnar.
Ráðhús sem á að standa lengi,
vera stolt borgaranna, augna-
yndi allra um leið og það á að
gegna því mikilvæga hlutverki í
stjómsýslu borgarinnar sem til
er ætlast."
Dómnefndina skipa Davíð
Oddsson borgarstjóri, formaður,
Sigrún Magnúsdóttir borgarfull-
trúi, Þorvaldur S. Þorvaldsson
forstöðumaður borgarskipulags
Reykjavíkur, Guðni Pálsson
arkitekt og Þorsteinn Gunnars-
son arkitekt.
Þrjátíu og átta til-
lögur um ráðhús
Mikil þátttaka lengir starfstíma dómnefnd-
arinnar segir trúnaðarmaður dómnefndar
98 oktan
bensín
hækkar
OLÍUFÉLÖGIN hafa ákveðið
2,4% hækkun á hveijum lítra
af 98 oktan bensíni. Álagning á
ofurbensínið er fijáls og hækkar
í kjölfar hækkunar á venjulegu
bensíni. Samkvæmt því hækkar
verð á hveijum lítra úr 28,80 í
29,50 krónur.
Samninga-
fundur í
kennara-
deilunni
kl. 3 í dag
SAMNINGANEFND ríkisins,
Hið íslenska kennarafélag og
Guðlaugur Þorvaldsson ríkis-
sáttasemjari komu sér saman
um það í gærkveldi að halda
nýjan sáttafund í kennaradeil-
unni, hjá ríkissáttasemjara í
dag.
Að sögn Guðlaugs Þorvaldsson-
ar var þessi ákvörðun tekin í
gærkveldi og verður sáttafundur-
inn í húsakynnum ríkissáttasemj-
ara í Borgartúni og hefst hann
kl. 15 í dag. „Við vonum að þetta
viti á gott,“ sagði Guðlaugur, þeg-
ar hann var spurður hvort aðilar
væru búnir að koma sér saman
um á hvaða grundvelli rætt yrði
saman.