Morgunblaðið - 20.03.1987, Blaðsíða 46
46
MORGUNBLAÐIÐ, FÖSTUDAGUR 20. MARZ 1987
félk f
fréttum
Reyklausir bekkir
Reykingar fslendinga hafa
minnkað mikið að undanf-
ömu og má vafalaust þakka það
mörgu, en mestu munar líklega
hversu vel fólk er upplýst um
hættuna sem af tóbaki stafar.
Sérstaklega hafa reykingar ungl-
inga minnkað, enda áróðursstarf-
ið sjálfsagt mest og markvissast
í skólum landsins.
Meðfylgjandi mynd var tekin
við Menntaskólann í Reykjavík sl.
föstudag, en á henni eru tveir
bekkir, 4. T og 4. Y, ásamt um-
sjónarkennurum sínum. Þeir hafa
sér það til ágætis unnið að vera
„reyklausir" — m.ö.o. reykir eng-
inn í þeim og er þess að óska að
fleiri færu að þeirra dæmi.
Pam og Bobby: Rannsóknarverkefni í Cambridge.
IBSfa';
Doktor í Dallas
Sápurópemr eru orðnar að há-
vísindalegu rannsóknarefni
a.m.k. við aðra af virðulegustu
menntastofnun Bretlands, Cam-
bridge.
Þar á bæ hafa menn sett sápu-
óperukannanir inn í bókmennta-
kúrsa og hafa stúdentar gert
rannsóknir á sápum eins og Dallas,
Brookside og EastEnders eftir því
sem Dr Peter Holland prófessor við
Trinity Hall segir en hann er hvata-
maðurinn að sápurannsóknunum.
Hann var hissa á því hversu
margir stúdentar horfðu reglulega
á sápur en þegar hann var spurður
að því hvað væri þess virði að rann-
saka í Dallas sagði hann: „Þetta
er draumaheimur ríka fólksins en
segir í leiðinni margt um óskir og
þrár ameríkana. Hann sýnir angist
persónanna vegna peninga og ber
þann siðgæðisboðskap að peningar
veiti ekki hamingju."
Dr Holland segir að kollegar
hans hafi ekki tekið sérstakiega vel
í sápukúrsa hans en hann segir
þetta hinar alvarlegustu rannsóknir
og mun alvarlegri en margt af því
sem kollegar hans eru að fást við.
Verkefni 1: J. R. þjáist af Ödipus-
arkomplex. Ræðið og útskýrið.
COSPER
Þu mátt borda ávexti, en ekki undir neinum kringumstæðum
kjöt.
Sem sjá má voru tilþrifin á tónleikunum mikil.
Tinu Turner vel
tekið í Míinchen
Mllnchen, frá Bergljótu Friðriksdóttur, fréttaritara Morgunblaðsins.
Ameríska rokkdrottningin
Tina Tumer hóf hljómleika-
ferðalag sitt um heiminn með
eftirminnilegum og vel heppnuð-
um hljómleikum í Olympíuhöllinni
hér í Múnchen 4. mars sl. Ellefu
þúsund aðdáendur rokkstjömunn-
ar kunnu greinilega vel að meta
hljómleikana og ætlaði fagnaðarl-
átunum aldrei að linna eftir að
síðasta lagið hafði verið tekið.
Tina sýndi að venju mikil til-
þrif á sviðinu og líkt og ævinlega
vakti klæðaburðurinn mikla at-
hygli. Kom hún ýmist fram í
eldrauðum örstuttum leðurkjól
eða svörtu mini-pilsi og þeyttist
um sviðið af svo miklum krafti
að menn áttu bágt með að trúa
því að kynbomban með appelsínu-
gulu hárkolluna væri virkilega
orðin 47 ára gömul! Verðskuldaða
athygli vakti tilkomumikill sviðs-
búnaður hljómsveitarinnar og
mun hann vera sá fullkomnasti
sem nokkru sinni hefur verið sett-
ur upp í hinni þekktu tónleikahöll,
Ólympíuhöllinni. Á sviðinu gaf að
líta 40 hátalara sem magnaðir
voru með 70 þúsund vöttum, um
400 ljóskastarar voru notaðir til
að lýsa upp sviðið og á þremur
risastórum skermum sem komið
hafði verið fyrir í salnum voru
hljómleikamir sýndir samtímis.
Sem sagt ekkert til sparað og
kostaði útbúnaðurinn um það bil
tíu milljónir vestur-þýskra marka.
Sem fyrr segir vakti athygli
úthald Tinu á sviðinu og var engu
minni kraftur í síðasta laginu en
því fyrsta. Kunnur þýsku frétta-
maður innti Tinu eftir því í
útvarpsviðtali á dögunum hvemig
henni tækist að halda sér í svo
góðu líkamlegu ásigkomulagi.
Svaraði hún því þá til að hún
stundaði engar íþróttir en tileink-
aði sér hollt og gott lífemi. Kvaðst
hún aðeins borða hollan og nær-
ingarríkan mat og 25 matreiðslu-
menn í hennar þjónustu sjá um
að uppfylla kröfur rokkstjömunn-
ar.
Á hljómleikaferðalagi sínu
heldur Tina Tumer alls 32 hljóm-
leika hér í Þýskalandi. í júní-
mánuði verður hún aftur í
Múnchen og kemur þá fram á
útihljómleikum ásamt Stevie
Wonder og Joe Cocker.
Þess má geta í lokin að mikið
verður um að vera í tónlistarlífínu
í Múnchen á næstu mánuðum.
Meðal þeirra sem halda hér hljóm-
leika má nefna Lionel Richie, The
Pretenders, Fats Domino, Simply
Red, Meat Loaf, Spandau Ballet,
Santana, Duran Duran, Neil Yo-
ung, Peter Gabriel og Level 42.
Sem sagt af nógu að taka fyrir
tónlistarunnendur.
Tinu mátti m.a. sjá á risaxöxnum sjónvarpsskjá fyrir ofan sviðið.
I