Morgunblaðið - 20.03.1987, Blaðsíða 33

MORGUNBLAÐIÐ, FÖSTUDAGUR 20. MARZ 1987
33
Halldór H, Kristinsson í Hraukbæ:
Útlitfyrir 10—20%
aukningu svínakjöts
Útlit fyrir offramboð og verðlækkun eftir næstu áramót
ÚTLIT er fyrir að um næstu
áramót verði mikil aukning í
framleiðslu svínakjöts. Halldór
H. Kristinsson, svínabóndi í
Hraukbæ í Kræklingahlíð og
formaður Svínaræktarfélags ís-
lands, segir að ýmislegt bendi til
að aukningin komi öll fram á
svipuðum tíma og að hún leiði
til offramboðs og verðlækkunar
á svínakjöti strax eftir næstu
áramót.
Halldór sagði að markaðurinn
væri í jafnvægi um þessar mundir.
Fyrir jólin hefði frekar vantað
svínakjöt en hitt og framleiðendur
því slátrað grísunum yngri en ella.
Það hefði bjargað því að ekki væri
birgðasöfnun núna. En þrátt fyrir
stöðuga neysluaukningu væri jafn-
vægi markaðarins fljótt að fara ef
mikil framleiðsluaukning yrði á
stuttum tíma.
Óttaðist hann að það væri nú að
gerast. Margir svínabændur væru
búnir að leggja drög að aukningu,
líklega upp á 300—400 gyltur alls.
Væri það 10—20% framleiðsluaukn-
ing og kæmi hún öll á svipuðum
tíma, um næstu áramót. Taldi
Halldór að vegna þessa gæti orðið
offramleiðsla eftir áramótin vegna
þess að yfirleitt væri léleg sala
fyrstu mánuði ársins.
7% aukning á innvigtun mjólkur hjá KEA:
Helmiiigiir fullvirð-
isréttarins búinn
KÚABÆNDUR á svæði Mjólkur-
samlags KEA eru búnir að
framleiða mjólk upp í rúmlega
helming fullvirðisréttar svæðis-
ins á verðlagsárinu. í lok febrú-
ar, þegar verðlagsárið var
hálfnað, nam aukningin um 7%
frá fyrra ári og var innvegin
mjólk hjá samlaginu alveg um
helmingur af þeim 20,7 milljón-
um litra sem framleiðsluréttur
þeirra er á árinu. Þó er síðari
helmingur verðlagsársins mun
betri framleiðslutími undir
venjulegum kringumstæðum.
Þórarinn E. Sveinsson mjólkur-
Sjónvarp Akureyri
FOSTUDAGUR
20. mars
§18.00 Ást í smáauglýsingum (Class-
ified Love)
Ný mynd frá CBS-sjónvarpsstöð-
inni. Með aðalhlutverk fara Michael
McKean, Stephanie Faracy og
Dinah Manoff. Leikstjóri myndarinn-
ar er Don Taylor.
19.40 Spæjarinn. Teiknimynd.
20.05 Opin lína. Á milli kl. 20.00 og
20.15 gefst áhorfendum Stöðvar 2
kostur á að hringja i sfma 673888
og bera upp spurningar. Stjórnandi
og einn gestur fjalla um ágreinings-
eða hitamál líðandi stundar. I þess-
um þætti svarar Svei ir Hermanns-
son spurningum um frumvarp til
laga um framhaldsskóla.
§20.26 Geimálfurinn. Það er líf og
fjör á heimili Tabber-fjölskyldunnar
eftir að geimveran Alf bættist (hóp-
inn.
§20.55 Heimilishjálpin (Summer
Girl).
Bandarísk sjónvarpmynd með Barry
Bostwick, Kim Darby og Martha
Scott í aðalhlutverkum. Myndin fjall-
ar um ung hjón sem ráða til sín
sakleysislega unglingsstúlku til
hjálpar á heimilinu; Hún dregur
heimilisföðurinn á tálar, eitrar fyrir
húsmóðurinni, rænir börnunum og
er viöriöin dauða nokkurra manna.
§22.35 Benny Hill. Breskur gaman-
þáttur.
§23.00 Maðurinn með örið
(Scarface).
Bandarísk kvikmynd með Al Pacino
í aðalhlutverki. Innflytjanda langar
til að verða rikur og umsvifamikill.
í von um skjótfenginn gróða gerist
hann eiturlyfjasali. Leikstjóri er Brian
de Palma. Mynd þessi erstranglega
bönnuð börnum.
samlagsstjóri sagði um ástæður
aukningarinnar, að vegna fram-
leiðslutakmarkana í fyrra hefðu
sumir bændur reynt að fresta burði
kúa og stillt hann inn á nýtt fram-
leiðsluár. Bændur ættu gott fóður
eftir síðastliðið sumar, þó hey væru
almennt ekki mikil. Einnig hefðu
menn orðið við tilmælum um að
minnka framleiðsluna á sumrin og
auka yfir vetrartímann þegar betra
verð fengist fyrir innleggið.
Þórarinn sagði að útlit væri fyrir
að framleiðslan færi eitthvað fram-
yfír fullvirðisrétt svæðisins. En
menn gerðu sér grein fyrir að þeir
fengju ekkert fyrir umframfram-
leiðsluna og væru margir að gera
ráðstafanir til að halda henni í
skefjum. Margir ætluðu að taka
kjarnfóðrið af kúnum og gefá kálf-
um mjólk í stað mjólkurdufts.
Einnig slátruðu menn kúm fyrr sem
þeir sæju fram á að þurfa að lóga
af einhvetjum ástæðum.
Friðjón Jónsson, fyrirliði KA, hampar nýja bjkarnum sem Akur-
eyrarbær gaf.
Friðjón hampar
nýja bikarnum
KA VARÐ í fyrrakvöld Akur-
eyrarmeistari í handbolta í
meistaraflokki karla. Liðið
sigraði þá Þór 19:15 en fyrri
leikinn vann KA einnig, 25:22.
Það voru þó Þórsarar sem byij-
uðu betur, greinilega staðráðnir
að standa sig, og komust þeir
yfír 7:1 og 8:2 en síðan breyttu
KA-menn stöðunni í 10:8 sér í
hag og þannig stóð í leikhléi.
Miklar sveiflur þar!
Friðjón Jónsson fyrirliði KA
varð markahæstur í liði sínu með
6 mörk, Axel Bjömsson og Pétur
Bjamason gerðu 4 hvor, Jón
Kristjánsson og Eggert Tryggva-
son 2 hvor og Jóhannes Bjamason
1. Ólafur Hilmarsson og Erlendur
Hermannsson skomðu 3 mörk
hvor fyrir Þór, Gunnar Gunnars-
son, Sigurpáll Árni Aðalsteinsson
og Jóhann Samúelsson gerðu 2
hver og Ingólfur Samúelsson,
Hörður Harðarson og Aðalbjöm
Svanlaugsson skomðu 1 mark
hver.
Þess má geta að Þór varð Akur-
eyrarmeistari í 1. flokki — liðið
sigraði KA 17:16 í forleik að við-
ureign meistaraflokkanna.
Mjólkursamlag KEA:
Ab-mjólk — ný
súrmjólkurteg-
und á markaðinn
Mjólkursamlag KEA er byrjað
að framleiða nýja tegund súr-
mjólkur, svokallaða ab-mjólk, og
hefst sala hennar I næstu viku.
Þessi mjólkurafurð er þekkt er-
lendis (t.d. Kultura eða ab-mjólk)
og verður hún framleidd þjá
Mjólkurbúi Flóamanna á Selfossi,
auk Mjólkursamlags KEA.
Ab-mjólkin dregur nafn sitt af
tveimur gerlum, sem í hana em sett-
ir, Lactobacillus acidophilus (a) og
Bifidobacterium bifídum (b). Þessir
gerlar em ólíkir öðmm mjólkursým-
gerlum að því leyti að þeir lifa af
ganginn í gegnum meltingarveginn
og halda starfsemi sinni áfram í
þörmum, svo óæskilegir gerlar eiga
þar erfítt uppdráttar.
Þórarinn E.
Sveinsson
mjólkursam-
lagsstjóri
sagði að rann-
sóknir bentu
til að starf-
semi ab-gerla
í meltingar-
veginum gæti
aukið mót-
stöðuafl
líkamans og
komið í veg
fyrir aukn-
ingu kólest:
róls í blóði. í
líkama heil-
brigðs fólks
em þessir
gerlar í jafn-
vægi, en margt getur orðið til að
raska því, eins og til dæmis veik-
indi, lyfjameðferð, streita eða
snöggar breytingar á mataræði.
Mjólkursamlagsmenn segja að ab-
mjólkin komi hér til hjálpar við að
endurreisa heilbrigt jafnvægi þarma-
flórunnar.
.i/uriiKjíiíuvii; i nuaojJgvM
Bændabókhaldið ryður sér til rúms:
Búnaðarsambandið með
bókhald fyrir 50 bændur
Búnaðarsamband Eyjafjarðar hefur lagt mikla áherslu á bókhalds-
þjónustu við bændur, sem kallað hefur verið bændabókhald, að sögn
Hauks Halldórssonar í Sveinbjarnargerði, formanns Búnaðarsam-
bandsins. Unnið hefur verið að þróun bókhaldskerfis í nokkur ár
og er þeirri vinnu nú lokið. Um 50 bændur við Eyjafjörð nýta sér
þessa þjónustu.
Ab-mjólkurferna.
Haukur sagði að bændabókhaldið
kæmi að notum við leiðbeininga-
þjónustuna, auk þess sem bændur
sjálfir hefðu margvísleg not af því,
til dæmis við að halda utan um virð-
isaukaskattinn, þegar hann yrði
settur á. Þá væri hægt að vinna
búreikninga upp úr bændabókhald-
inu, en búreikningar væm nauðsyn-
legir til að hafa handbærar tölur
um stöðu stéttarinnar og grandvöll-
ur kjarabaráttunnar.
Haukur sagði að leiðbeininga-
þjónustan væri farin að byggjast á
' bændabókhaldinu og myndi gera
það ennþá meira í framtíðinni.
„Meðaltalsleiðbeiningar duga ekki
lengur, aðstæður manna em svo
misjafnar. Leiðbeiningamar verða
því að miðast við þarfir hvers og
eins bónda,“ sagði Haukur. Sem
dæmi um þetta nefndi hann að
hámarksafurðastefnan gæti átt við
í sumum tilvikum, svo sem hjá
mönnum sem nýlega hefðu fjárfest
í jörðum eða útihúsum, og yrði
reksturinn að standa undir fjár-
magnskostnaði. Á hinn bóginn gæti
heimaaflastefnan hentað betur hjá
fólki á grónum búum, sem skuldaði
lítið en ætti mikið ræktað land.
Hugsanlega gæti verið skynsam-
legra hjá því að vera með fleiri
gripi og nota eingöngu heimafengið
fóður, þannig að afurðimar yrðu
minni á hvem grip.
Ævarr Hjartarson ráðunautur
hjá BSE sagði að bændabókhaldið
væri tölvuunnið hjá Búnaðarsam-
bandinu. Bændumir sendu inn
sjóðblöð yfír peningaviðskiptin
ásamt yfírliti yfír viðskiptareikning-
inn hjá KEA. Bændumir sundurlið-
uðu sjálfír kostnaðinn með því að
merkja þessi skjöl.
Sagði Ævarr að mennimir sendu
gögnin mánaðarlega eða sjaldnar
og fengju niðurstöðumar úr færsl-
unni mánaðarlega, eða jafnoft og
þeir sendu gögnin inn. Einnig
fengju þeir stöðuna ársfjórðungs-
lega. Eftir áramótin er bókhaldið
gert upp, meðal annars gert land-
búnaðarframtal og einnig skatt-
framtal fyrir þá sem það vilja, að
sögn Ævarrs.
Ævarr sagði að auðveldara væri
að koma á bændabókhaldi í Eyja-
fírði en víða annars staðar, vegna
þess hvað stór hluti viðskipta bænda
væri við eitt fyrirtæki, Kaupfélag
Eyfírðinga. Búnaðarsambandið
hefði gert samkomulag við KEA
um að fá viðskiptareikninga við-
komandi bænda í tölvutæku formi
og sparaðist mikil vinna við það.