Morgunblaðið - 17.05.1987, Side 9

9
MORGUNBLAÐIÐ, SUNNUDAGUR 17. MAÍ 1987
HUGVEKJA
Kristur úr
framtíð
eftir séra JÓN RAGNARSSON
4. sd. e. páska. Jóh. 16:3—15.
Guðspjöllin varðveita allmikið
af leiðbeiningum fyrir líf kristinna
manna, sem einstaklinga og sem
safnaðar. Leiðbeiningar sem
Kristur lét fylgjendum sínum eft-
ir, áður en hann hvarf þeim í sinni
líkamlegu mynd.
Þetta eru leiðbeiningar til fólks
sem trúir án þess að hafa séð.
Skilur án þess að sjá tákn og
máttarverk. Leiðbeiningar til
fólks, sem hefur sömu tækifæri
til þekkingar og skilnings og til
að lifa með Kristi, eins og við sem
lifum nú, þegar farið er að saxast
verulega á tuttugustu öldina.
Allar kynslóðir kristinna manna
hafa sætt sömu kjörum hvað þetta
varðar ef frá eru taldir fyrstu
postularnir og lærisveinarnir. Þeir
sáu og heyrðu allt sem Kristur
sagði og gerði.
Við lifum á tímaskeiði hins
upprisna Drottins, sem er með
okkur í anda, jafnframt því sem
hann bíður okkar í óráðinni
framtíð. Hann gengur í þessari
framtíð til móts við okkur og leið-
ir okkur inn til fagnaðar síns.
Það er þessi spenna, sem ein-
kennir líf kristins manns og kirkju
Krists. Það er í vændum, það
mótar líf okkar á þessari stundu.
Hver einasta kynslóð skynjar
Krist og váentir hans á sinn hátt.
Hver einasta kynslóð býr við böl,
sem hún þráir að verði bætt.
Hver einasta kynslóð hefur mis-
gerðir á samviskunni, sem hún rís
illa undir — og þráir því fyrirgefn-
ingu. Hver einasta kynslóð á við
vanda að etja, sem hún ekki skil-
ur, vegna þess að hún skilur ekki
sjálfa sig, en væntir sér engu að
síður svars. Jafnvel þótt svarið
svipti hana blekkingunni um eigið
ágæti.
Allar kynslóðir horfa til Krists.
Það er sá kristur sem er nærri í
boðskap sínum og sannleiksanda,
en er samt upprisinn og ókominn
í sömu andrá.
Við skynjum Jesúm ekki á sama
hátt og fyrstu lærisveinar hans.
Öll höfum við mynd hans fyrir
hugskotssjónum. Það er ekki
sama myndin því hún er dregin
með þeim hætti, sem hann hefur
snert líf okkar. Hefur hann hrak-
ið víxlarana út úr því guðdóms-
musteri, sem líf hvers manns er
skapað til að vera? Hefur hann
mettað okkur, lúin og hungruð?
Hefur hann talað til okkar í orðum
Ritningarinnar og við skilið á þeim
metum, sem hann vegur á? Oft
hafa þá lífsverk og lífsviðhorf
okkar verið léttvæg fundin, en
margt annað, sem hann vildi hafa
látið sagt og gert.
Það táknar ekki að liðin villu-
tími sé glataður með öllu, því
Kristur er í senn með okkur og
reisir okkur fallin — og hann
gengur á undan til þeirrar fram-
tíðar sem hann helgar.
Við skynjum hann ekki alltaf í
skýrri mynd — en við þekkjum
hann samt. Þetta er ekki ólíkt
altaristöflunni í Skálholtsdóm-
kirkju. Þar gengur hinn upprisni
Kristur á móti okkur. Hann kem-
ur úr framtíð sinni inn í okkar
nútíð. Svipmót myndarinnar er
ekki dregið skýrum línum, en við
efumst ekki andartak um að þetta
er Jesús Kristur — hinn kross-
festi og upprisni.
Fyrir augliti hans fær engin
blekking dulist, þó að við viljum
gjaman síður hafa það sem sann-
ara reynist. Það er ríkt i manneðl-
inu að hafna óþægilegum
sannleika um sjálfan sig. Úr-
skurður Krists er ekki sársauka-
laus, en hann skilur okkur ekki
eftir nakin og yfirgefin. Hann
dæmir — sakfellir — en hann fyr-
irgefur einnig þeim sem kannast
við nekt sína — og leiðir hann til
nýrrar framtíðar.
Kristur dæmir til lífs en ekki
dauða.
Þessi mynd Krists, sem kemur
frá bjartri framtíðinni miklar hug-
myndir okkar um, hvað skuli sett
sem markmið í lífinu. Við væntum
Krists og leitumst við að vinna
verk hans í þeim aðstæðum sem
við lifum í — blíðum og stríðum.
Það er Kristur sem mótar að
verulegu leyti réttlætiskennd okk-
ar. Við hljótum að spyrja hvort
hún standist uppgjör hans í lífí
framtíðar. Standast úrræði okkar
mælikvarða Krists? Miðast þau
við að efla mennskuna í heiminum
og hlú að henni eða vinnum við
að því að kúga mennskuna?
Spenna hana fyrir ok til að ná
fram tímabundnum markmiðum á
vettvangi stjómmála, valdapots
og fésýslu? Hagræðingaráráttan
má aldrei leiða til þess að við lítum
á manninn sem einbera reiknings-
einingu.
Manngildið. Sú Guðsmynd, sem
þrátt fyrir allt er okkur ásköpuð,
er í hættu hvar sem menn blína
á efnislega hlið mannlífsins, en
hafa ekki sýn til Krists, sem kem-
ur úr framtíð.
Samt er hinn jarðneski leir
mikilvægur hluti af lífi og afkomu
kristinna manna, sem annarra.
Það er inn í það líf. Líf efnis-
hyggju, ranglætis og mannlegs
vanmáttar, sem Kristur kemur
með vald til að úrskurða um rétt
og rangt.
Fyrirgefa — milda — lífga og
sameina.
Gengi 15. maí 1987: Kjarabréf 2,060 - Tekjubréf 1,153 - Markbréf 1,015 - Fjölþjóðabréf 1,030
„Þér er óhætt að treysta ráðgjöfum
Fjárfestingafélagsins íyrir peningunum
þínum. Það er fólk sem kann sitt fag!"
Að undanförnu hefur fjöldinn allur af fólki haft samband
við okkur vegna ávöxtunar á sparifé. Flestir hafa vitnað í
dæmið um hana Margréti Borgarsdóttur og hvernig
Fjárfestingarfélaginu tókst að skapa henni lífeyri, - fastar
tekjur af peningaeign sinni.
HVAÐ ER BEST?
Það hafa allir heyrt um Kjarabréfin, sem hafa sérstaklega
góða vexti, færri vita um Tekjubréfin, og ennþá færri
gera mun á Bankabréfum, Ríkisskuldabréfum og öðr-
um verðbréfum. Spurningin er bara hvert þeirra hæfi
þér best.
NAUÐSYNLEG AÐSTOÐ
Dæmi Margrétar, og í reynd margra annarra, hefur
sýnt og sannað, að ráðgjöf Fjárfestingarfélagsins
er nauðsynleg fyrir venjulegt launafólk.
Fó,k eins og Maxgréti. Fólk eins og þig! FJÁRFESrÍNGÁRFÉLAGIÐ
---------------------------------------Hafnarstræti 7 101 Reykjavík O* (91) 28566
©
VERÐMÆT PJÓNUSTA
Við hjá Fjárfestingarfélaginu bjóðum ennfremur:
1. Fjármálareikningur: - fyrir þá sem eiga peninga og
vilja ávaxta þá með verðbréfaviðskiptum.
2. Sparnaðar- og ávöxtunarreikning: - fyrir þá sem eiga
ekki handbæra peninga, en geta lagt fyrir ákveðna
upphæð reglulega.
Upplýsingar um gengi Kjarabréfa og Tekju-
bréfa eru gefnar í símsvara allan
sólarhringinn, í síma 28506.
Með einu símtali er hægt að breyta inn-
heimtuaðferðinni. Eftir það verða áskriftar-
gjöldin skuldfærð á viðkomandi greiðslu-
kortareikning mánaðarlega.

SÍMINN ER
691140
691141