Morgunblaðið - 07.07.1987, Blaðsíða 18
18
MORGUNBLAÐIÐ, ÞRIÐJUDAGUR 7. JÚLÍ 1987
Lokað
Vegna sumarleyfa starfsfólks verður
skrifstofa okkar lokuð frá
13. júlí til 11. ágúst.
Agnar Ludvigsson hf.,
Nýlendugötu 21, sími 12134.
BIOTECH
LOFTHREINSI OG JÓNATÆKI
BURT MEÐ
★ BIOTECH-tækin hreinsa loftið með því
að blása því gegnum rafhlaðna plast-
segulsíu og bæta í það mínus- eða
plús-hlöðnum jónum eftir þörfum.
★ Lykt af tóbaksreyk, matargerð og öðru
hverfa, auk þess sem astma- og of-
næmisvaldandi agnir eru síaðar úr
loftinu.
★ Þreytueinkenni (slen) minnkar, einnig
í „þreytutímanum" eftir hádegisverð-
inn. Afköst og einbeiting aukast. Færri
veikindadagar.
★ Stöðurafmagn kemst í jafnvægi.
★ Á heimilið, skrifstofur og aðra vinnu-
staði þar sem vinnuhraði, vinnugæði
og vellíðan starfsfólks eru lykilatriði.
★ í bílinn, leigubílinn og langferðabílinn,
þar sem setið er langtímum saman í
umhverfi, sem er nánast gersneytt
mínus-hlöðnum jónum.
Verð frá 10.598,- til 136.514,- allt eftir
þörfum og stærð húsnæðis.
Borgartúni 27,
105 Reykjavík, s. 621980.
Bifreiðaeftirlit:
Skrípaleikur - lögleysa
eftirKarlG.
*
Asgrímsson
Nú þegar deilu milli starfs-
manna og yfirmanna bifreiðaeft-
irlitsins er lokið með bráða-
birgðasamkomulagi er ekki úr
vegi að koma á framfæri sjónar-
miði starfsmanna um ástæðu
fyrir deilu þessari, en almennt
virðist það vera álitið að um hafi
verið að ræða kaup- eða launa-
deilu út af fyrirhuguðum niður-
skurði á yfirvinnu starfsmanna,
en svo var ekki, deilan stóð fyrst
og fremst um starfshætti yfir-
manna við bifreiðaeftirlitið.
Aður en lengra er haldið, er rétt
að benda á að í 11. til 14. gr. um-
ferðarlaga er talað um að lögreglu-
stjórar skuli annast skráningu
ökutækja og afhendingu og af-
greiðslu númera og í 15.gr. sömu
laga er rætt um bifreiðaeftirlitið og
sagt að það skuli sjá um skoðun
ökutækja og fylgjast með að öku-
tæki og búnaður þeirra sé í
samræmi við lög og reglur, þá er
sagt í 19. gr. sömu laga að bifreiða-
eftirlitsmenn geti hvenær og hvar
sem er stöðvað ökutæki og skoðað
það.
Það er því greinilegt að skv.
umferðalögum eiga bifreiðaeftirlits-
menn fyrst og fremst að vinna að
skoðun ökutækja og eftirliti og skv.
reglugerðum eiga þeir og að annast
ökupróf og eftirlit með þunga-
skattsmælum, og skv. umferðalög-
um eru það lögreglustjórar en ekki
bifreiðaeftirlitið sem eiga að annast
ökutækjaskráningar.
Þó svo að þróunin hafi verið sú
að bifreiðaeftirlitið hafí yfirtekið
hluta ökutækjaskráninga og allar
breytingar og lagfæringar í bif-
reiðaeftirlitinu á undanfömum
árum snúist um bifreiðaskrána og
tölvuvæðingu hennar er ekki að sjá
að það sé ætlan löggjafans. Ekkert
hefur verið gert til að bæta aðstöðu
„ Væri ekki eðlilegra að
leita samvinnu við
starfsfólkið um hag-
ræðingu og sparnað og
leita eftir að fá greiðsl-
ur fyrir þau störf, sem
eru unnin fyrir aðra.“
við skoðun og eftirlit, en þrátt fyrir
það hafa bifreiðaeftirlitsmenn
framkvæmt skoðun og eftirlit við
afar frumstæðar aðstæður.
Þetta hefur þó gengið átakalaust
fram á þetta ár, en í ársbyrjun
núna er ráðinn framkvæmdastjóri
við bifreiðaeftirlitið og mun hann
vera ráðinn skv. umferðalögum sem
eiga að taka gildi í mars 1988 eða
á næsta ári og nú er ákveðinn
spamaður, og eitt af fyrstu verkum
framkvæmdastjórans var að gefa
út skipurit fyrir bifreiðaeftirlitið og
skv. því hefur yfírmönnum við bif-
reiðaeftirlitið í Reykjavík fjölgað
um þrjá frá áramótum. Síðar er
gefið út bréf og kynnt „Rekstrará-
tak 1987“ og þar sagt að nú þurfi
að spara og jafnframt er sagt hveij-
ir skuli stjóma „Rekstrarátaki
1987“ og kemur þar í ljós að enn
einn yfirmaður hefur bæst við í
yfirmannahópinn í Reykjavík.
Svo er það 15. júní sl. að stjóm
„Rekstrarátaks 1987“ gefur út bréf
eða tilskipun þar sem segir að frá
18. júní skuli hætta öllu eftirliti úti
á vegum og fella niður bakvaktir
og hætta að sinna útköllum vegna
slysa nema það falli undir dag-
vinnutímabil. Þá var í tilskipan
þessari sagt að frá 22. júní skuli
öll störf bifreiðaeftirlitsins unnin á
dagvinnutímabili og til þess að ná
því verði opnunartími styttur um
eina klukkustund. Það var þessi til-
skipun sem var kveikjan að
mótmælum starfsfólksins eða deil-
unni, sem stóð í íjóra virka daga,
en ekki var hægt að skilja tilskipan
þessa öðmvísi en að nú ætti að ljúka
öllum störfum á dagvinnutímabilinu
en það þýddi að hver starfsmaður
yrði að auka afköst sín um nær
helming og að starfsmenn hefðu á
undanfömum ámm verið að vinna
óþarfa yfírvinnu eða skrifað hjá sér
yfirvinnu sem þeir ekki unnu. Þá
var í tilskipan þessari boðað að
leggja niður og hætta störfum, sem
bifreiðaeftirlitið á að sinna skv. lög-
um, en ekkert talað um að draga
úr eða hætta þeim störfum sem
bifreiðaeftirlitið á ekki að sinna.
Það em slík vinnubrögð, sem
verið var að mótmæla, að gefnar
em út tilskipanir af yfírmönnum
um miklar og fyrirvaralausar breyt-
ingar er varða lífskjör fólksins og
að yfirmenn gefi út tilskipanir um
að fella niður lögboðin störf án
samráðs við starfsfólkið. Væri ekki
eðlilegra að leita samvinnu við
starfsfólkið um hagræðingu og
spamað og leita eftir að fá greiðsl-
ur fyrir þau störf, sem em unnin
fyrir aðra, til að jafna fjárhags-
hallann heldur en að gefa út slíkar
tilskipanir.
Eins og alþjóð veit hefur bifreiða-
eftirlitið ekki verið vinsæl stofnun
og ekki er líklegt að vinsældir auk-
ist ef stómendur halda áfram á
sömu braut, að ætla að stjóma með
tilskipunum, sem á stundum virðast
stangast á við lög og reglugerðir
og valda þannig óánægju meðal
starfsmanna eins og tilskipan eða
fréttatilkynning sem lesa má í blöð-
um 2. júlí 1987 um að engin skoðun
verði frá 6. júlí til 7.ágúst 1987,
en unnið verði við skráningar og
próf. Þama er verið að tilkynna
okkur bifreiðaeftirlitsmönnum að
við eigum að hætta að sinna lög-
boðnum störfum okkar en halda
áfram að sinna störfum sem lög-
reglustjórar eiga að annast skv.
umferðalögum.
Það er fyrir löngu orðið tíma-
bært að endurskipuleggja bifreiða-
eftirlitið og breyta lögum og
reglugerðum um starf þess og vett-
vang, en meðan lögum og reglu-
gerðum er ekki breytt verður að
fara eftir gildandi lögum og hætta
þeirri lögleysu að fella niður og
hætta störfum, sem lögbundin em,
þó í spamaðarskyni sé. Og meðan
lögum og reglugerðum um skoðun
ökutækja er ekki breytt verður að
halda áfram þeim skrípaleik sem
aðalskoðun bifreiða er í dag.
Reylqavík 2. júlí 1987.
Höfundur er bifreiðaeftirlitsmað-
ur í Hafnarfirði.
Bifröst:
Húsmæðra-
vika SÍS
og kaup-
félaganna
HIN árlega húsmæðravika Sam-
bandsins og kaupfélaganna var
haldin á Bifröst í Borgarfirði
dagana 9.—16. júní sl.
A dagskránni var meðal annars
fyrirlestrar, skoðunarferðir, snyrt-
inámskeið, vömkynningar og
kvöldvökur. Þátttakendur vom alls
48 frá 14 kaupfélögum. Þessar vik-
ur hafa verið árlegur þáttur í starfi
samvinnuhreyfingarinnar frá 1960.
Umsjónarmaður með húsmæðra-
vikunni var ísólfur Gylfí Pálmason,
félagsmálakennari á Bifröst.
Afmælisrit
Jakobs Benediktssonar
Hinn 20. júlí næst komandi verður Jakob Ben-
ediktsson áttræður. Hann hefur á löngum starfs-
ferli birt eftir sig fjölmargar rifþerðir um íslensk
fræði, mál, sögu og bókmenntir í innlendum og
erlendum tímaritum, margs konar safnritum og
afmælisritum. Mál og menning hefur í tilefni
afmælisins ákveðið að gefa út ritgerðarsafn
Jakobs í samvinnu við StofnunÁrna Magnús-
sonar. Umsjónarmenn verksins verða Halld'ór
Guðmundsson, Sverrir Tómasson og Örnólfur
Thorsson. Áætlað er að bókin verði um 300 bls.
að stærð, og hafi að geyma ritskrá Jakobs Ben-
ediktssonar og þessar ritgerðir m.a.: Hvar var
Snorri nefndur höfundur Heimskringlu? Arngrím-
ur lærði og íslensk málhreinsun; Markmið Land-
námabókar; Hver samdi Qualiscunque descriptio
Islandiae; Hafnarháskóli og íslensk menning; Um
Gerplu; Skáldið og maðurinn (um Halldór
Laxness); íslensk orðabókarstörf á 19. öld; Fáein
tökuorð úr máli íslenskra skólapilta. Flestar rit-
gerðanna eru á íslensku, nokkrar eru skrifaðar á
ensku og dönsku.
Nú eru síðustU forvöð að gerast áskrif-
andi að afmælisriti Jakobs Benediktsson-
ar (áætlað verð: 2000,-krónur) og fá nafn
sitt skráð á Tabula gratulatoria. Þeir sem
það vilja eru beðnir að hafa samband við
skrifstofu Máls og menningar í síma
15199 fyrir föstudaginn 10. júlí.