Morgunblaðið - 07.07.1987, Blaðsíða 53
MORGUNBLAÐIÐ, ÞRIÐJUDAGUR 7. JÚLÍ 1987
53
Athygli skal á því vakin, að
greinar verða að berast með
góðum fyrirvara. Þannig verður
grein, sem birtast á í miðviku-
dagsblaði að berast sfðdegis á
mánudegi og hliðstætt er með
greinar aðra daga.
í minningargreinum skal hinn
látni ekki ávarpaður. Ekki eru
tekin til birtingar frumort ljóð
um hinn látna. Leyfílegt er að
birta ljóð eftir þekkt skáld, 1—3
erindi og skal þá höfundar get-
ið. Sama gildir ef sálmur er
birtur. Meginregla er sú, að
minningargreinar birtist undir
fullu nafni höfundar.
Við birtingu afmælisgreina
gildir sú regla, að aðeins eru
birtar greinar um fólk sem er
70 ára eða eldra. Hins vegar eru
birtar afmælisfréttir með mynd
í dagbók um fólk sem er 50 ára
eða eldra.
Mikil áhersla er á það lögð
að handrit séu vel frá gengin,
vélrituð og með góðu Iínubili.
Minning:
Steingrímur Magnús-
son, Siglufirði
Fæddur 3. október 1918
Dáinn 7. júní 1987
Með Steingrími Magnússyni í
Hlíð er til foldar hniginn einn af
merkari borgurum þessa bæjar,
heilsteyptur maður, traustur og
ábyggilegur sem matti ekki vamm
sitt vita í neinu.
Hann var fæddur á Hóli á Ólafs-
fírði, sonur hjónanna Jónu Stefáns-
dóttur og Magnúsar Ólafssonar og
var einn af átta bömum þeirra
hjóna. Tvö systkini hans eru á lífi,
Ólöf búsett í Reykjavík og Ingólfur
búsettur í Ólafsfírði. Er Steingrímur
var 3ja ára missti hann föður sinn
og var honum þá komið í fóstur til
hjónanna Sólveigar Jóhannsdóttur
og Sigfúsar Ólafssonar í Hlíð á
Siglufirði en Sigfús var föðurbróðir
Steingríms.
Þau Sólveig og Sigfús ólu upp
mörg böm og reyndust þeim öllum
sem bestu foreldrar. Heimili þeirra
hjóna í Hlíð var víðfrægt fyrir rausn
og myndarskap allan. Þar fór sam-
an atorkusemi, hlýlegt viðmót og
alúðleg framkoma við alla. Þar vom
allir jafnir. Margir vom þeir sem
hjónin í Hlíð studdu á lífsleiðinni
en aldrei var haft hátt um þá hluti.
í þessu umhverfí ólst Steingrímur
upp og án efa hefur hinn góði andi
sem ríkti á heimilinu í Hlíð mótað
að einhveiju leyti viðhorf hans
seinna á lífsleiðinni.
Sextánn ára að aldri hóf
Steingrímur störf hjá Síldarverk-
smiðjum ríkisins á Siglufirði og
hafði starfað hjá fyrirtækinu í rúm
fímmtíu ár er kallið mikla kom.
Hann var einn af þessum sam-
viskusömu verkamönnum sem
stunduðu vinnu sína af sérstakri
iðjusemi. Traustur var hann og
ábyggilegur, rólegur og yfírvegaður
og það sem Steini í Hlíð sagði og
lofaði stóð eins og stafur á bók.
Hann var því virtur og vel liðinn
af vinnufélögum sínum.
Eftir að Steingrímur gerðist
verkstjóri hjá fyrirtækinu leit hann
á undirmenn sína sem jafningja og
var samvinnuþýður í starfí. Þetta
kunnu þeir vel að meta. Hann var
því góður verkstjóri sem hugsaði
ekki aðeins um hag fyrirtækisins
heldur líka verkmannanna enda
vildu þeir ávallt allt fyrir hann gera.
Það þurfti mikið að ganga á til að
koma Steingrími úr jafnvægi. Hann
hélt fast á skoðunum sínum ef hann
taldi þær réttar og gaf þá ekki eft-
ir sinn hlut.
Steingrímur var félagslyndur og
sómi sinnar stéttar. Hann var um
margra ára skeið virkur félagi í
Verkamannafélaginu Þrótti og í
stjóm félagsins í nokkur ár og í
samninganefndum félagsins við at-
vinnnurekendur. Hann stóð fast á
málstað verkamanna enda átti hann
alltaf tiltrú þeirra.
Steingrímur skipaði sér snemma
í raðir siglfirskra jafnaðarmanna.
Hann vildi að jafnrétti og bræðralag
fengi að ríkja og móta í ríkari
mæli líf samferðamannsins. Frá
þeirri sannfæringu sinni hvikaði
hann aldrei.
Um langt skeið var Steingrímur
einn af bestu bridsspilurum bæjar-
ins og vann til fjölda verðlauna í
þessari íþrótt, bæði innan bæjar og
utan. Þótti hann skemmtilegur og
vandvirkur spilari og eignaðist
fjölda kunningja meðal bridsspilara
um land allt.
25. apríl 1942 var mikill ham-
ingjudagur í lífí Steingríms
Magnússonar en þá kvæntist hann
eftirlifandi konu sinni, Ester Sig-
urðardóttur, dóttur hjónanna Ólafar
Ásgrímsdóttur og Sigurðar Sig-
urðssonar sem aldraðir Siglfírðing-
ar minnast sem sómafólks.
Hjónaband þeirra Esterar og
Steingríms var afar farsælt. Hlýtt
viðmót mætti hveijum þeim sem til
þeirra kom. Húsmóðirin elskuleg
og alúðleg í framkomu, húsbóndinn
vingjamlegur og yfírvegaður.
Steingrímur var heimakær maður
og góður heimilisfaðir, laghentur
og snyrtilegur, enda ber heimilið
vott um myndarskap þeirra hjóna.
Auður þeirra hjóna var mikið
bamalán. Böm þeirra em: Sigfús,
kvæntur Sædísi Eiríksdóttur, Olöf,
gift Jónasi Jónssyni, Sólveig, gift
Jóni Bjargmundssyni og Sigurður,
kvæntur Sólveigu Þorkelsdóttur.
Þeir bræðurnir em búsettir á Siglu-
firði en systumar í Reykjavík.
Steingrímur var hamingjusamur
maður og stoltur af bömum sínum
og afkomendum þeirra, vildi alltaf
allt fyrir þau gera.
Kallið mikla til hans kom óvænt
og enginn tími var til að kveðjast,
en þetta er lífsins saga. Við
Steingrímur höfðum verið kunn-
ingjar og vinir í 45 ár. Eftir að við
urðum verkstjórar hjá SR varð sam-
starf okkar náið, einnig lágu leiðir
okkar saman innan verkalýðshreyf-
ingarinnar og innan raða siglfírskra
jafnaðarmanna. Aldrei bar skugga
á samstarf okkar. Ég er harmi sleg-
inn og kveð kæran vin með söknuð
í huga. Það er huggun harmi gegn
að minningamar um þann mikil-
hæfa mannkostamann, sem Stein-
grímur Magnússon var, verða ekki
frá okkur teknar.
Ég flyt Ester, bömum þeirra
hjóna og öðmm ástvinum Stein-
gríms mínar dýpstu samúðarkveðj-
ur, það gera einnig samstarfsmenn
hans og siglfírskir jafnaðarmenn.
Blessuð sé minning Steingríms í
Hlíð.
Jóhann G. Möller,
Siglufirði.
PHILCO A HORKUGOÐU VERÐI.
Þvottavél fyrir kr. 29.870.-*
og þurrkarinn fýrir kr. 22.445
Philco 421 þurrkarinn.
Philco þurrkarinn tekur 5 kg af þurrþvotti
sama magn og þvottavélin. Hann er
einfaldur í notkun; þu velur á milli 3
sjálfvirkra þurrkkerfa sem henta öllum
tegundum þvottar. Þurrktími getur
varaö allt aö tveimur klst. auk átta
mínútna kælingar í lok þurrkunar.
Philco w 393 þvottavélin.
Ytri belgurinn sem er úr ryðfríu stáli gerir
Philco aö enn betri og öruggari
þvottavél en áöur. Vélin vindur meö
allt aö 1000 snúninga hraöa á mínútu.
Hún hefur stóran þvottabelg og tekur
inn á sig bæöi heitt og kalt vatn.
Þannig sparast umtalsverö orka.
Hægt er að láta þurrkarann standa ofan á þvottavélinni
- það sparar þér dýrmætt rými og eykur vinnuhagræði.
Á vélunum er öryggisbúnaður sem tryggir þér betri endingu og lægri viðhaldskostnað.
Að síðustu má ekki gleyma að vélarnar heita Philco
og eru frá Heimilistækjum. Það talar sínu máli: Traust nöfn, sanngjarnt verð og örugg þjónusta.
Láttu Philco skila þér þvottinum hreinum og þurrum - engar snúrur, engar áhyggjur.
Við erum sveigjanlegir í samningum.