Morgunblaðið - 26.08.1987, Blaðsíða 46

46
MORGUNBLAÐIÐ, MIÐVIKUDAGUR 26. ÁGÚST 1987
fclk í
fréttum
Rod og Kelly Emberg - hamingjusöm á ný.
Rod Stewart róast
Skoski poppsöngvarinn Rod
Stewart hefur löngum þótt
hin mesta ótemja; hann hefur
komist í kast við lögin vegna
drykkjuóláta, og hann hefur ekki
þótt við eina fjölina felldur í
kvennarhálum. En nú hefur Rod
róast, í bili a.m.k., og dvelur hann
nú öllum stundum með vinkonu
sinni, hinni 27 ára gömlu Kelly
Emberg, og tveggja mánaða dótt-
ur þeirra, Ruby.
Þau Rod og Kelly hafa nú búið
saman í fjögur ár, en lengst af
hefur sambúð þeirra gengið held-
ur brösótt. í vor, á meðan Kelly
gekk með barn sitt og Rods, tók
Rod upp á því að láta sjá sig í
samkvæmislífinu með fyrirsæ-
tunni Regan Newman, en dvaldi
lítið heima hjá sér. Hann sá síðan
að sér og bað Kelly auðmjúkur
fyrirgefningar, og hún tók hann
í sátt með því skilyrði að hann
tæki ekki nein hliðarspor í framtí-
ðinni.
Allar götur síðan hefur Rod
Stewart hegðað sér eins og ábyrg-
ur fjölskyldufaðir, og víkur helst
ekki frá konu sinni og bami.
Hann sést orðið sjaldan í sam-
kvæmum, og hann hefur lagt
tónlistina á hilluna í bili. Hann
fullyrðir að þessi sinnaskipti hans
séu varanleg, og að hann óski
einskis frekar en að geta verið
góður eiginmaður og faðir. Og þá
er bara að vita hvort Rod tekst
að standa við heit sitt og þvo af
sér glaumgosastimpilinn.
Greindarleg
hjón
Hjónin héma á myndinni koma
mönnum kannski ekki mjög
kunnuglega fyrir sjónir, en engu
að síður er hér hið mesta merkis-
fólk á ferðinni. Brúðguminn heitir
Dr. Robert Jarvik, og á hann heiður-
inn af því að hafa fundið upp
gervihjartað sem ber nafn hans.
Brúðurin heitir Marilyn Mach Vos
Savant, og hefur hún mælst með
hærri greindarvísitölu en nokkur
annar maður, eða 228.
Þau létu pússa sig saman á Plaza
Hótelinu í New York á sunnudaginn
var. Fólk í fréttum óskar þeim hjón-
um hjartanlega til hamingju, og
vonar af heilum hug að hjónaband-
ið reynist farsælt, enda varla hægt
að segja annað en að það sé vel til
þess stofnað. Hvemig ætli börnin
verði?
Reuter
Robert og Marilyn brosa greindarlega.
Bílslysið
bjargaði honum
Richard Dreyfuss var eitt sinn
ein skærasta stjaman í Holly-
wood. Hann lék í fjölmörgum
stórmyndum - svo sem „American
Graffiti", „Jaws“, og „Close Enco-
unters of the Third Kind“ - og hann
fékk Óskarinn sem besti karlleikar-
inn í aðalhlutverki í myndinni „The
Goodbye Girl“ árið 1978.
Eftir það fór Dreyfuss í hund-
ana. Frægðin og velgengnin stigu
honum til höfuðs, og hann færðist
út í sívaxandi eiturlyfjaneyslu.
Hann þótti óþolandi í samstarfi, og
honum var m.a. hafnað í aðalhlut-
verkið í „All That Jazz“. John
Badham, sem leikstýrði einni mynd
Dreyfuss á þessu tímabili, sagði um
hann: „Hann var á leið fram af
hengiflugi. Það var ekki spurning
hvort hann myndi deyja fljótlega,
heldur aðeins hve fljótt".
En forsjónin greip í taumana
áður en svo illa færi. Dreyfuss lenti
í árekstri við tré árið 1982, og á
honum fannst kókaín og Percodan-
töflur. Slysið fékk Dreyfuss til að
íhuga sinn gang, og hann ákvað
að snúa gjörsamlega baki við fyrri
lifnaðarháttum. Ari eftir slysið
kvæntist hann sjónvarpshandrita-
höfundinum Jeremy Rain, og þau
eiga nú tvö börn saman.
Hinn endurbomi Richard Dreyf-
uss reyndi aftur að koma undir sig
fótunum í kvikmyndaheiminum, þar
sem honum hafði verið nær úthýst.
Hann fékk eitt aðalhlutverkanna í
gamanmynd Paul Mazurkys,
„Down and Out in Beverly Hills",
sem sló í gegn bæði hjá gagnrýn-
endum og áhorfendum. Síðan lék
hann í ,,Tin Men“, sem væntanleg
er til Islands innan skamms, og
nýjasta hlutverk hans er í gamans-
amri spennumynd sem heitir
„Stakeout", og hafa myndin og
Dreyfuss hlotið frábæra dóma hjá
gagnrýnendum. •
Bobby blúsar
Bobby Harrison hefur svo sann-
arlega ekki setið aðgerðalaus
í sumar. Hann stóð að því, ásamt
félaga sínum, að skipuleggja tón-
leika A-ha og Europe hér á landi í
sumar, og nú er hann kominn á
fullt með nýja hljómsveit sem mun
aðallega spila frumsamdan blús eft-
ir Bobby.
Hljómsveitin, sem nefnist „Bob-
by’s Blues Band“, hélt sína fyrstu
tónleika á Hótel Borg um daginn
við góðar undirtektir áheyrenda.
Hljómsveitina skipa heldur engir
aukvisar: þeir Friðrik Karlsson,
Gunnlaugur Briem og Jóhann Ás-
mundsson úr Mezzoforte; Guð-
mundur Ingólfsson, píanóleikari; og
svo auðvitað Bobby sjálfur. Bobbyá
Blues Band ætlar að halda fleiri
tónleika á næstunni, og verða þeir
fyrstu á Duus-húsi í kvöld, miðviku-
dag, og annað kvöld, fimmtudag.
Bobby sagði í viðtali við Fólk í
fréttum að þeir félagar í hljómsveit-
inni hyggðust láta léttleikann sitja
í fyrirrúmi, tilgangurinn væri fyrst
og fremst að skemmta sjálfum sér
og öðrum. Hugmyndin er svo að
taka upp nokkra tónleikana, og ef
vel tekst til með upptökurnar verða
þær svo gefnar út á hljómplötu, en
annars ætlar hljómsveitin að fara í
stúdíó og vinna plötu þar. Bobby
sagðist vona að hægt yrði að hafa
plötuna „læf“, því hann vildi ná
kraftinum og stemningunni á tón-
leikum. Á plötunni verður u.þ.b.
helmingur laganna eftir Bobby
Harrison, en hitt verður djass og
ryþmablús eftir kappa eins og Al-
bert King, B.B. King og John Lee
Hooker.
Þegar Bobby var spurður um
þátt hans í því að fá hljómsveitirnar
A-ha og Europe til landsins, sagði
hann að hann og félagi hans, Tony
Sandy, hefðu lengið gengið með þá
hugmynd í maganum að fá ein-
hvetja fræga hljómsveit hingað til
lands. Þeir hefðu talið að því fræg-
ari sem hljómsveitin væri, því minni
áhætta væri að fá hana til íslands,
og A-ha og Europe hefðu einmitt
verið „heitar" nú í sumar. „Við er-
um þegar farnir að hugsa um næstu
tónleika", sagði Bobby, „þetta er
bara byijunin".
Bobby Harrison fluttist hingað
frá Englandi árið 1983 og hann
segist ætla að sækja um íslenskan
ríkisborgararétt á þessu ári. „Ég
er búinn að skjóta föstum rótum
hér á Islandi", sagði Bobby að lok-
um.
Þá er bara að benda mönnum á
að fylgjast með ferðum Bobbys
Blues Band, hafi menn á annað
borð áhuga á að heyra léttleikandi,
alíslenskan blús með úrvalstónlist-
armönnum.