Morgunblaðið - 26.08.1987, Blaðsíða 50

50
MORGUNBLAÐIÐ, MIÐVIKUDAGUR 26. ÁGÚST 1987
mmmn
CMM6 Unlv«r*«l Pr*M Syndlc«la
[ÖKUSKÖUWN

/KH % t if
C7 0^0
„ Maburi nn minn mun Sjó. um
ab lep^jcL b’ilnum."
Þesslr hringdu . . .
Gullkeðja fannst
Mjó gullkeðja fannst á Ægisgötu
fímmtudaginn 20. ágúst. Eigandi
keðjunnar getur hringt í síma
19214.
Strekkir einhver
blúndudúka?
Svanbjörg hringdi. Hún sagðist
vera í stökustu vandræðum með
blúndudúkana sína og spyr hvort
einhver taki það ekki að sér að
strekkja blúndudúka fyrir fólk.
Lambakjöt og
símkostnaður
Sigurjón Símonarson hringdi:
„Meiri hluti íslendinga hefur
nú sætt sig við það að þeir einfald-
lega hafí ekki efni á að hafa
lambakjöt á borðum vegna óhóf-
legs verðs. Hvað um það. Mér er
sama þótt aðrar þjóðir eða jafnvel
rebbi fái kjötið sem ég niður-
greiði. Ég verð líka að sætta mig
við að ef hvorki erlendar þjóðir
né rebbi vilji kjötið þá er það ein-
faldlega grafíð á sorphaugum.
Sem sagt hryggur eða læri eins
og var á matborðinu á sunnudög-
um þegar maður var að alast upp
er annað hvort munaður eða
haugavara.
Enn er ráðist á okkur. Nú er
svo komið að símtólinu getur
maður ekki lyft án umhugsunar
vegna kostnaðar. Ég hef verið að
velta því fyrir mér hvenær Póstur
og sími ætla að leggja gjald á að
horfa aðeins á símtækið.
Ég á talsvert af vinum erlendis
og það er svo undarlegt að ef
þeir hringja í mig og biðja um að
ég greiði símtalið þá er það ódýr-
ara en að ég hringi beint í þá og
á þetta sérstaklega við um símtöl
til og frá Bandaríkjunum. Gaman
væri að fá að heyra skýringu
Pósts og síma á þessu.“
Úr tapaðist
Sigríður Valdimarsdóttir
hringdi. Sonur hennar varð fyrir
þvi að tapa úrinu sínu þegar hann
fór í Sundhöll Hafnarfjarðar
sunnudaginn 23. ágúst sl. Úrið
er tölvuúr, hvítt og með bláum
röndum og er af gerðinni BMX.
Ef einhver veit um úrið er hann
beðinn að hringja í síma 54357.
ást er...
. . . afi raía rétta veg-
inn
TM R«g. U.S. Pat. Oft —all ríghts reserved
e 1986 Los Angeles Times Syndlcate
Með
morgunkaffínu
Þetta er friðsamur hundur
og ræðst aldrei á aðra
hunda!
HÖGNI HREKKVtSI
„VA.'/MlKJÐ EKUALUR gáðir. nóna/"
Er reyk-
skynjarinn
í lagi?
Bilaður reykskynjari veitir
falska öryggiskennd. Prófaðu því
reykskynjarann þinn reglulega.
Sjáðu til þess að rafhlöður séu
ávallt í lagi.
Við skulum vona að þú þurfir
aldrei að vakna við hljóðið í reyk-
skynjaranum vegna eldsvoða á
heimilinu en mundu að hann á
að vekja þig á hættustundu.
— Vertu eldklár —
Víkverji skrifar
Víkveiji fagnar því að Þingvalla-
nefnd skuli hafa tekið af skarið
og lagt fram til kynningar nýtt
skipulag fýrir þjóðgarðinn. Eins og
þeir sjá, sem skoða þessar tillögur,
miða þær að því, að flytja öll mann-
virki fyrir utan kirkjuna og Þing-
vallabæinn vestur fyrir Almanna-
gjá. Þegar fram líða stundir á að
reisa menningar- og þjónustumið-
stöð, ef til vill hótel, í námunda við
útsýnisskífuna á gjábarminum vest-
an Almannagjár. Hefur Þingvalla-
nefnd boðist til að kaupa Valhöll
af núverandi eigendum. Þá á að
búa þannig um hnúta við endurnýj-
un lóðasamninga við eigendur
tæplega 100 sumarbústaða innan
þjóðgarðsins, að þeir fái umþóttun-
artíma til að laga sig að hinu nýja
skipulagi. Jafnframt er ætlunin að
fjarlægja girðingar umhverfis þessa
bústaði, svo að öllum sé greið leið
að vatnsbakkanum.
Margir muna eftir hvellinum sem
varð fyrir um það bil tuttugu árum,
þegar ákveðið var að loka Almanna-
gjá fyrir bílaumferð. Þótti ýmsum
það hin mesta ósvinna og jafnvel
móðgun við ferðamenn, að þeir
þyrftu að leggja á sig gönguferð
niður eða upp gjána, ef þeir vildu
komast í snertingu við þennan helga
stað. Sé tekið mið af þeirri rimmu
og því, hve margir bregðast hart
við og af miklum tilfínningahita,
þegar Þingvelli ber á góma, er þess
ekki að vænta, að allir séu til þess
búnir að samþykkja hinar skipu-
lagstillögur án umræðna. Einhvetjir
verða vafalaust til að snúast hart
gegn þeim.
XXX
Anæsta ári eru 60 ár liðin frá
því að stofnað var til þjóðgarðs
á Þingvöllum og því ekki seinna
vænna en samþykkja skipulag fyrir
staðinn. Viðhorf manna til náttúru-
og umhverfisverndar hafa breyst
mikið á þessum árum. Hvarvetna
þar sem fólk leggur leið sína um
staði, sem hafa náttúrulegt aðdrátt-
arafl, kvarta landverðir undan
ágangi og hafa áhyggjur af hirðu-
leysislegri framgöngu. Hafa þeir
gjarnan á orði, að gera þurfi
göngustíga og sjá til þess með öðr-
um hætti að gestir haldi sér innan
ákveðinna marka. Undir þessi sjón-
armið er vert að taka. Hefur verið
veitt fé af opinberri hálfu í þessu
skyni til dæmis til Náttúrvemdar-
ráðs og jafnframt hafa sjálfboðalið-
ar látið að sér kveða, svo sem við
gerð göngustíga.
Þingvallanefnd vill, að lagðir
verði göngustígar í þjóðgarðinum
til að vernda náttúruna þar. Um
þá ráðstöfun ætti ekki að þurfa að
deila og vonandi verður sem fyrst
hafíst handa við framkvæmdir.
XXX
Formaður Blaðamannafélags ís-
lands, Lúðvík Geirsson, segir
álit sitt á svonefndu Svefneyjar-
máli í Alþýðublaðinu á laugardag-
inn. Undir mynd af formanninum,
sem er auk þess fréttastjóri á Þjóð-
viljanum stendur: „Umfjöllun
fjölmiðla um Svefneyjarmálið hefur
náð út fyrir allan þjófabálk." Hvað
er maðurinn að fara? Lítur hann
þannig á, að „þjófabálkur" sé ein-
hver staður til dæmis bekkur fyrir
þjófa eða landsvæði? Rétt er þetta
orðatiltæki þannig, að eitthvað taki
út yfir allan þjófabáik og hefur þá
merkingu, að eitthvað sé óheyri-
legt, keyri um þverbak. Þjófabálkur
er kafli í lögbók um þjófnað.
Víkvetji er þeirrar skoðunar, að
meðferð fjölmiðla á svonefndu Svef-
neyjarmáli sé óheyrileg. Vaflaust
hefur Lúðvík Geirsson verið að
koma þeirri skoðun á framfæri.
Hann eða sá sem skráði orð hans
í Alþýðublaðið hefði hins vegar átt
að grípa til orðabókar til að glöggva
sig á orðtakinu um þjófabálkinn,
áður en hann festi það á blað. Að-
gæsla í meðferð tungunnar er ekki
síður brýn fyrir blaðamenn en dóm-
greind og tillitssemi, þegar fjallað
er um jafn viðkvæm mál og þau
er snerta barnssálir.