Morgunblaðið - 27.08.1987, Blaðsíða 28

28
MORGUNBLAÐIÐ, FIMMTUDAGUR 27. ÁGÚST 1987
Reuter
Viðræðum fagnað
JóhanneBarborg, Reuter.
HVÍTIR námaeigendur hófu á þriðjudag samn- fund með fulltrúum námaeigenda að nokkuð
ingaviðræður við verkalýðsfélag svartra hefði þokast en verkfallið héldi áfram. Viðræð-
námumanna (NUM). Cyril Ramaphosa, leiðtogi urnar voru hinar fyrstu síðan verkfallið hófst
námamanna, sagði eftir fjögurra klukkustunda fyrir rúmum hálfum mánuði.
Útgjöld til hermála
óvinsæl í Danmörku
Kaupmannahöfn, Reuter.
MIÐAÐ við þjóðarframleiðslu
eyða Danir minna fé til vamar-
mála en allar aðrar aðildar-
þjóðir Atlantshafsbandalagsins
(NATO) að Kanadamönnum og
Lúxemborgarmönum undan-
skildum.I skoðanakönnun
dagblaðsins Jyllands-Posten í
fyrradag kom fram að 74%
aðspurðra vildu ekki hækka
framlög til varnarmála.
„Okkur hefur ekki tekist að
koma því nógu skýrt á framfæri
að Danir borga að meðaltali minna
til varnarmála miðað við þjóðar-
framleiðslu en t.d. Englendingar
sem búa þó við verri lífskjör en
við,“ sagði Uffe Ellemann-Jensen,
utanríkisráherra Danmerkur, í
viðtali við blaðið. Hans Engell,
vamarmálaráðherra, sagði að
menn hefðu alltaf verið tregir til
að greiða fyrir raunhæfar vamir
enda þótt mikill meirihluti styddi
ávallt aðildina að NATO og
danska herinn.
Útgjöld danska ríkisins til vam-
armála em sem stendur um 2,3%
af heildarútgjöldum á fjárlögum.
Hvalveiðibann óvinsælt í Japan:
„BandarQgajnenn
eiga sér skemmri
sögu en hvalát“
Tókýjó, Reuter.
JAPONUM þeim, sem gott þykir að borða hvalkjöt og hval-
spik á skyndibitastöðum með hráum fiski, hafa nú áhyggjur
af því að hvalveiðimenn láti undan þrýstingi umhverfis-
verndarsinna og leggi skutulinn á hilluna.
„Má vænta þess að hvalkjöt verði
ekki á boðstólum á veitingastöð-
um,“ sagði kaupsýslumaðurinn
Keita Kurosaki með munninn fullan
af dökkrauðu hvalkjöti.
Japanar halda ekki aðeins fram
að hvalkjöt sé ljúffengt: það er hollt.
„Það er fítulítið, próteinríkt og
bragðgott," sagði grannvaxin há-
skólastúlka, sem var að skoða
matseðil á matsöluhúsi, sem sér-
hæft er í hvalkjöti.
Japanar gefa tilfínningum sínum
lausan tauminn þegar þess er kraf-
ist í vestrænum ríkjum að hvalveið-
um verði hætt til að bjarga þeim
tegundum, sem sérfræðingar þar
um slóðir segja að séu í útrýmingar-
hættu.
Mutsuki Kato, landbúnaðar-,
skógræktar- og sjávarútvegsráð-
herra Japans, sagði í fáum orðum
hvað samlöndum fyndist um hval-
friðunarmál í ræðu, sem hann hélt
á þingi í júlí: „Margir Japanar telja
fráleitt að sjálfsagt sé að drepa
kýr, en ekki hvali,“ sagði Kato. „Að
okkar hyggju ber yfirlýsing um að
villimannlegt sé að borða hvali kyn-
þáttafordómum vitni og við erum
ekki sannfærðir þegar okkur er
sagt að veiða ekki hvali í eigin land-
helgi.“
Japanar hafa borðað hvalkjöt í
rúmlega eitt þúsund ár og bera það
fram á ýmsa vegu. Borða þeir
þurrkað hvalspik, en hrátt sporð-
kjöt, sem þeir nefna onomi, telst
sælgæti.
Mörgum Japönum finnst að þeir
eigi skilið að fá sömu undanþágur
til þess að halda áfram veiðum og
eskimóar í Norður-Ameríku hafa
fengið.
Alþjóðahvalveiðiráðið bannaði
hvalveiðar í ábataskyni árið 1982.
Japanar samþykktu ekki að virða
bannið fyrr en Bandaríkjamenn
hótuðu að minnka veiðikvóta þeirra
í bandarískri landhelgi. í júní sam-
þykkti ráðið ályktun um að endur-
skoða vísindaveiðar til þess að
tryggja að þær verði ekki notaðar
sem yfirskin yfír veiðar í gróða-
skyni. Þess má geta að hvalir, sem
Japanar veiða í vísindaskyni, metta
að lokum gesti á veitingahúsum í
Japan.
Japanar eru vissir um að hvala-
vinir á Vesturlöndum hafi tekið
skakka hæð í pólinn þegar þeir
komust að þeirri niðurstöðu að út-
rýming hvala væri á næsta leiti.
Að auki hafi þeir alltaf borðað hval-
kjöt: „Bandaríkjamenn eiga sér
skemmri sögu en hvalát okkar,“
sagði húsmóðir í hvalveiðiþorpinu
Taiji á vesturströnd Japans. „Ef
hvalurinn er ekki í útrýmingar-
hættu, hvernig er unnt að setja boð
og bönn um mataræði okkar og
menningu?"
Ky nþokkafulli
kanslarinn
Vín, Reuter.
FRANZ Vranitzky, kanslari
Austurríkis, er kynþokkafyllsti
maður i landinu, ef marka má
Gallup-skoðanakönnun sem birt-
ist i tímaritinu Basta í gær.
„Aldrei hefur hérlendur stjóm-
málamaður haft jafn eggjandi
bros,“ sagði í blaðinu. Mikill meiri-
hluti karla var þeirrar hyggju að
Vranitzky væri sá Austurríkismað-
ur, sem byði af sér bestan þokka,
og 43 prósent kvenna sögðu að
hann væri sá maður, sem þær gimt-
ust mest.
Þess má geta að austurríska
kappaksturshetjan Gerhard Berger
sigldi í kjölfar kanslarans og
skemmtikrafturinn með hármott-
una, Peter Alexander, var í þriðja
sæti í skoðanakönnuninni um
kynæsandi austurríska karlmenn.
Franz Vranitzky kanslari: eng-
inn Austurríkismaður hefur jafn
eggjandi bros og hann.
Tómatastríð
áSpáni
Bunol, Spáni, Reuter.
TÍU þúsund íbúar Bunol á Spáni
börðust á aðaltorgi bæjarins í
gær. Engan sakaði og má geta
þess að bæjarbúar höfðu aðeins
tómata að vopni.
Bæjarbúar skiptust í tvær fylk-
ingar, sem kenndar vom við ljót-
leika og fegurð, og grýttu sextíu
tonnum af tómötum hver í annan.
Bæjarráðið í Bunol greiddi fyrir
tómatana og lét einnig koma fyrir
áttatíu sturtum við bæjarlækinn til
þess að íbúamir gætu þvegið sér
að tómatastríðinu loknu.
Bunol er í tómataræktarhéraðinu
Valencia og er árlega haldin þar
uppskeruhátið. Tómatastríð hefur
verið fastur liður í hátíðahöldunum
undanfarin þijátíu ár.

■■
Yi ' \ -

Mánudaga - fímmtudaga kl. 9-1830
. . .- - .- —■-■■y.,-V,-

Föstudaga
kl.9-2000
Laugardaga

kl.9-1600
AIIKLIG4RDUR
MIKIÐ FYRIR LÍTIÐ