Morgunblaðið - 30.06.1988, Síða 1
72 SIÐUR B
146. tbl. 76. árg.___________________________________FIMMTUDAGUR 30. JÚNÍ 1988________________________________Prentsmiðja Morgunblaðsins
Reuter
Klofningur íkaþólsku kirkjunni?
Franski uppreisnarbiskupinn Marcel Lefebvre vígði í gær 16 presta til safnaðar síns og í dag ætlar hann
að vígja fjóra biskupa í trássi við Páfagarð og kaþólsku kirkjuna. Komi til biskupsvígslunnar verður Lefeb-
vre og 'biskupunum sjálfkrafa útskúfað úr kirkjunni og þar með hefur komið til klofnings innan hennar,
þess fyrsta í nærri 120 ár. Myndin er frá vígslu prestanna í gær og það er Lefebvre, sem er fyrir altari
með mítrið. Sjá „Klofningur í aðsigi ...“ á bls. 26
V estur-E vrópa:
Rigningar vestra
lækka f óðurverð
Dollaragengið
vex í vætunni
London. Reuter.
GENGI dollarans hækkaði nokk-
uð í gær en gullverð lækkaði
aftur á móti vegna minni ótta
við verðbólgu.
Það, sem olli gengishækkun doll-
arans, var einkum tvennt. Annars
vegar er farið að rigna á þurrka-
svæðunum í Bandaríkjunum og hins
vegar virðist olíuverð vera að lækka
vegna offramboðs. Af þessum sök-
um hafa menn minni áhyggjur af
vaxandi verðbólgu og varð það til
að grafa undan gullinu. Þá á það
líka sinn þátt í gengishækkun doll-
ara, að hann er aftur orðinn að
eftirlæti fjárfestenda, sem trúa því,
að takast muni að ná tökum á við-
skiptahallanum.
London. Reuter.
VERÐ á dýrafóðri lækkaði veru-
lega í gær í Evrópu þegar rigna
fór í Miðvesturríkjum Banda-
ríkjanna. Horfir nú heldur væn-
legar en áður með uppskeru þar.
Lækkandi
olíuverð?
Bahr&in. Reuter.
STJÓRNVÖLD í Sameinuðu
arabisku furstadæmunum hafa
látið verða af hótun sinni um að
halda sig ekki við olíuvinnslu-
kvóta OPEC, Samtaka olíuút-
flutningsríkja. Hafa þau heimil-
að 20% meiri vinnslu í júlí og er
búist við, að það verði til að
lækka oliuverðið innan skamms.
Olíufélögum í Sameinuðu
arabísku furstadæmunum hefur
verið leyft að auka olíuvinnsluna
um 200.000 föt á dag og þegar
þessi viðbót hellist yfir yfirfullan
markaðinn lækkar verðið umsvifa-
laust. Þykir þessi ákvörðun dæmi-
gerð fyrir upplausnina, sem nú ríkir
innan OPEC, en þar er hver höndin
upp á móti annarri.
Sameinuðu arabísku furstadæm-
in segja, að þeim beri meiri kvóti
vegna þess, að olíuauður þeirra í
jörðu, 100 milljarðar fata, komi
næstur á eftir olíulindum Saudi-
Araba. Þá eru írakar ekki- aðilar
að kvótasamkomulaginu vegna
þess, að þeir . vilja ekki sætta sig
við minna en það, sení’érkióvinur-
inn, íranir, fá í sinn hlut.
Gorbatsjov andmælt
í líflegum umræðum
Moskvu. Reuter.
ALMENNAR umræður voru í
gær á 19. flokksráðstefnu sov-
éskra kommúnista og þótti það
tíðindum sæta, að einn fulltrú-
anna gagnrýndi setningarræðu
Míkhails Gorbatsjovs, leiðtoga
Sovétríkjanna. Þóttu umræðurn-
ar líflegar á sovéskan mæli-
kvarða. Á Vesturlöndum hafa
fjölmiðlar fjallað um flokksráð-
stefnuna og koma fram í lang-
flestum þeirra efasemdir um að
framtíðarsýn Gorbatsjovs megi
sín mikils gagnvart þeim hag,
sem fjölmennir hópar hafa af
óbreyttu ástandi.
í umræðunum í gær gagnrýndi
hagfræðingurinn Leoníd Abalkín
setningarræðu Gorbatsjovs og
sagði, að þar hefði hvað rekið sig
á annars horn. Væri það t.d. varla
í anda hugmynda um valddreifingu
og „fullkomið lýðræði", að flokks-
formenn væru jafnframt forýstu-
menn ríkisstjóma í sovétlýðveldun-
um. Þá sagði hann einnig, að eng-
inn raunverulegur árangur hefði
orðið af umbótastefnu Gorbatsjovs
í efnahagsmálum en margir urðu
til að mótmæla þeirri staðhæfingu.
Gorbatsjov sá oftar en einu sinni
ástæðu til að biðja um orðið og
skýra sjónarmið sín. Þegar rætt var
um hvort takmarka ætti setu
manna í æðstu embættum hlaut
einn ræðumanna langvinnt lófa-
klapp, þegar hann sagði að slík
tímatakmörk ættu að gilda um alla
aðra en Gorbatsjov. Ýmsir aðrir
vildu hins vegar, að Gorbatsjov yrði
ekki undanþeginn hugsanlegum
ákvæðum um þetta.
í umfjöllun vestrænna fjölmiðla
um flokksráðstefnuna kemur yfir-
leitt fram vantrú á, að hugmyndir
Gorbatsjovs nái fram að ganga
gegn hagsmunum þeirra mörgu
flokks- og embættismanna, sem nú
sitja í hægu sæti. The Times í Lon-
don sagði, að áhersla Gorbatsjovs
á að viðamiklar stjómkerfisbreyt-
ingar yrðu um garð gengnar næsta
vor minnti helst á síðasta útspil fjár-
hættuspilara og De Telegraaf í
Hollandi taldi ólíklegt, að sovéskir
kerfisþjónar létu forréttindin af
hendi átakalaust. Die Welt í Þýska-
landi og Svenska Dagbladet sögðu,
að ræða Gorbatsjovs hefði valdið
vonbrigðum og virtist sem hann
héldi, að lýðræðið væri ekkert ann-
að en tæki til að auka framleiðni.
La Stampa á Ítalíu var hrifið af
ræðu Gorbatsjovs og einnig franska
blaðið Le Monde en í vestur-þýska
blaðinu Frankfurter Allgemeine
sagði, að tillaga Gorbatsjovs um
2.250 manna þjóðþing, sem kæmi
saman einu sinni á ári, væri út í
hött. „Stærðin ein mun tryggja
getuleysi þess,“ sagði í blaðinu.
Sjá aðrar fréttir á bls. 27
og forystugrein á bls. 30.
Flokksráðstefna sovéskra kommúnista:
Miklir hitar og þurrkar hafa ver-
ið í Bandaríkjunum, einkum Mið-
vesturríkjunum, kombeltinu, og
hefur verð á sumu komi hækkað
af þeim sökum um allt að 30%. í
Evrópu hefur verð á dýrafóðri
hækkað í kjölfarið en í gær lækk-
aði það verulega þegar rigna fór
vestra. Verðið er þó enn tiltölulega
hátt og bandarískir veðurfræðingar
eru vantrúaðir á frekari úrkomu.
í Evrópu er búist við skamm-
vinnri hækkun á svínakjöti og kjúkl-
ingum vegna hás fóðurverðs að
undanfömu en talið er, að fóður-
verðið lækki enn meira vegna þess,
að Bandaríkjamenn eiga miklar
birgðir í komgeymslum frá fyrri
sumrum.
Reuter
Þrír valdamestu menn sovéska kommúnistaflokksins bera saman bækurnar á ráðstefnunni. Þeir eru
frá vinstri Jegor Lígatsjov, Alexander Jakolev og MíkhaU Gorbatsjov. Nærri 5.000 fuUtrúar silja ráð-
stefnuna og hefur verið ákveðið, að hún standi fram á laugardag að minnsta kosti.