Morgunblaðið - 30.06.1988, Side 25

MORGUNBLAÐIÐ, FIMMTUDAGUR 30. JÚNÍ 1988
25
Þórshafnarför borgarstjóra lokið:
Bæjarstjóra Þórshafn-
ar boðið til Reykjavíkur
HEÍMSÖKN Davíðs Oddsson-
ar borgarstjóra og fylgdarliðs
hans til Þórshafnar í Færeyj-
um lauk á sunnudag. Davíð
notaði tækifærið meðal annars
tU þess að bjóða Þórshafn-
arbúum að senda sendinefnd
til Reykjavíkur á næsta vori,
sem væntanlega mun verða
skipuð bæjarstjóranum,
nokkrum bæj arfulltrúum og
færeyskum kór svo einhveijir
séu nefndir.
„Þórshöfn kom mér fyrir sjón-
ir sem athafnasamur og fallegur
bær og bar vott um traust og
öflugt atvinnulíf og mikla vel-
megun,“ sagði Davíð. Hann
sagðist telja að Reykvíkingar og
Þórshafnarbúar gætu töluvert
lært hvorir af öðrum. „Það er
alltaf svo að þegar menn eru að
vinna að sömu verkefnum, að
þótt aðstæður séu ólíkar koma
upp margar hugmyndir þegar
menn bera saman bækur sína
sem þeir geta nýtt í starfínu,"
sagði Davíð. „Mér hefur þótt það
vera svo að á þessu hafí verið
heilmikið að græða, maður getur
velt því fyrir sér hvemig aðrir
bera sig að.“
í Færeyjum hitti borgarstjóri
meðal annars Atla Dam lögmann
pg lagði homstein að nýju húsi
íslendingafélagsins í Þórshöfn.
Ekki er ljóst hvort núverandi
bæjarstjóri Þórshafnar, Poul
Michelsen, kemur í heimsókn til
Reykjavíkur að ári, þar sem
bæjarstjómarkosningar verða í
Þórshöfn í desember.
Davíð Oddsson leggur
homstein að nýju húsi
íslendingafélagsins í Þórshöfn.
Við hlið Davíðs stendur kona
hans, Ástríður Thorarensen, en
til hægri á myndinni er
formaður íslendingafélagsins,
og til vinstri má sjá í
bæjarstjóra Þórshafnar, Poul
Michelsen.
Morgunblaðið/Þorvaldur S. Þorvaldsson
Úrskurður félagsmálaráðuneytisins vegna kæru íbúa við Tjamargötu:
Byggingarleyfi standi óbreytt
Félagsmálaráðherra hefur úrskurðað í kæm íbúa við Tjarnargötu
•vegna veitingu byggingarleyfis fyrir ráðhús í Reykjavík og skal
útgefið byggingarleyfi standa óbreytt. Fer hér á eftir niðurstaða
ráðuneytisins:
I. Á bls. 17 í greinargerð með
staðfestu deiliskipulagi Kvosarinnar,
þar sem gerð er grein fyrir hæðum
húsa, er hæð fyrirhugaðs ráðhúss
ekki tilgreind. Á landnotkunarkort-
um á bls. 29—33 er hins vegar sýnd
notkun á þremur hæðum byggingar
í samkeppnisreit um ráðhús. Sam-
kvæmt samþykktum teikningum er
þakhæð ráðhúss, sem er aðeins Ú6
af stærð hinna hæðanna hverrar um
sig, sýnd sem tæknirými og ekki
gert ráð fyrir að þar fari fram dag-
leg starfsemi. Samkvæmt sérfræði-
legri athugun sem ráðuneytið hefur
látið gera er þakhæð einungis ætluð
loftræsibúnaði húss og ber því að
líta á húsið sem þriggja hæða bygg-
ingu. Samkvæmt teikningum af ráð-
húsi, sem byggingamefnd
Reykjavíkur samþykkti 28. apríl
1988, er mesta hæð þeirrar bygging-
ar sem er við Vonarstræti 17,50
metrar eða rúmlega tveimur metrum
meiri en ráða má af gögnum að
húsið hefði orðið miðað við teikning-
ar sem lágu fyrir þegar deiliskipu-
lagið var staðfest. Hér er um frávik
að ræða frá deiliskipulagi, sem rétt-
lætir þó ekki ógildingu byggingar-
leyfís.
n. Kærendur halda því fram að
samkvæmt byggingarleyfinu hafi
flatarmál ráðhússins aukist um
16,4% frá því sem ákveðið hafi verið
í deiliskipulagi og skipulagsstjóm
ríkisins gerir í umsögn sinni ekki
athugasemdir við þær fullyrðingar.
Samkvæmt þeim upplýsingum sem
fyrir lágu við staðfestingu deiliskipu-
lags var gert ráð fyrir að ráðhús
yrði 4.600 fermetrar. í umsögn sinni
telur skipulagsstjóm ríkisins 16,4%
breytingu á stærð hússins vera á
mörkum þess að geta talist minni-
háttar, en réttlæti ekki afturköllun
byggingarlejrfis. Þá halda kærendur
því fram að rúmtak hafi aukist um
27,8% frá staðfestu deiliskipulagi.
Þrátt fyrir að upplýsingar um rúm-
tak fyrirhugaðs ráðhúss hafi legið
fyrir þegar deiliskipulag Kvosar var
staðfest er ekki hægt að líta á þær
upplýsingar sem hluta af deiliskipu-
lagi, enda rúmtaks annarra fyrir-
hugaðra bygginga í Kvosinni hvergi
getið. Samkvæmt sérfræðilegri at-
hugun sem ráðuneytið fól arkitekt-
um að gera kemur fram að talist
getur eðlilegt að hús taki breyting-
um frá tillögum í samkeppni, og er
talið að þær breytingar sem gerðar
hafa verið á teikningum hússins séu
innan marka skipulags. Þegar þetta
er virt verður ekki fallist á það með
kærendum að annmarkar séu slíkir
að afturkalla eigi byggingarleyfi.
III. í gögnum sem lágu fyrir við
staðfestingu deiliskipulags var
markaður ákveðinn byggingarreitur,
sem skipulagsstjóm vegna aðstæðna
leit jafnframt á sem lóð, þótt þess
hafi ekki verið getið í gögnum. Lóð
sú sem síðar er skilgreind og sam-
þykkt í byggingamefnd 30. mars sl.
er mun stærri en byggingarreiturinn
í fermetrum talið. Afmörkun lóðar
í venjulegum skilningi hefur ekki
þýðingu í þessu tilviki vegna þess
að ekki er fyrirhugað að girða út í
tjöm eða byggja við hliðina á ráð-
húsi. í skipulagslögum, sbr. 2. mgr.
13. gr., er ekki gert ráð fyrir að
nýtingarhlutfall sé ákveðið á ein-
stökum lóðum heldur fyrir hverfi.
Það verður því ekki talið að nýting-
arhlutfallið 0,5 sem ákveðið er í stað-
' festu aðalskipulagi á þessum reit
eigi að gilda fortakslaust um ráð-
hússlóð. Þegar litið er til þess að
nýtingarhlutfall á einstökum lóðum
í miðbæ Reykjavíkur hefur verið
hækkað verulega og að meðalnýting
þeirra er 2,0—2,5 samkvæmt stað-
festu deiliskipulagi, svo og að í aðal-
skipulagi Reykjavíkur 1984—2004,
sem auglýst hefur verið, er reiknað
með að nýting á lóðinni Tjarnargata
11 sé á bilinu 2,0—2,5, verður nýt-
ingarhlutfall ráðhússlóðar eigi talið
vera í ósamræmi við skipulag.
IV. Að því er varðar bílastæði í
kjallara ráðhússins sem kærendur
telja að hafi verið fækkað um 200
frá því sem ákveðið hafi verið í deili-
skipulagi, skal eftirfarandi tekið
fram: I greinargerðinni með skipu-
laginu var bent á ýmsa möguleika
til lausnar bílastæðavanda í Kvo-
sinni. Besti möguleikinn var talinn
vera að koma 300 bílastæðum fyrir
í kjallara ráðhússins og var það sýnt
á teikningum. Það verður þó ekki
talið bindandi, því að í greinargerð-
inni er jafnframt tekið fram að nauð-
synlegt sé að fram fari verkfræðileg
athugun áður en ákvörðun verði tek-
in.
Skipulagsstjórn ríkisins vekur at-
hygli á því í umsögn sinni að borgar-
yfirvöld hafí hætt við bílastæði fyrir
almenning, sem áður voru hugsuð í
kjallara ráðhúss. Með bréfí dags. 2.
júní 1988 - óskaði félagsmálaráðu-
neytið eftir því við borgaryfirvöld
að þau gerðu fullnægjandi grein fyr-
ir því hvar koma ætti fyrir þeim
bílastæðum í suðurhluta Kvosar,
sem ráð hafði verið fyrir gert í kjal!-
ara ráðhúss, og hvort þau yrðu full-
búin, þegar fyrirhugað ráðhús yrði
tekið í notkun. í svari borgarstjórans
í Reykjavík dags. 16. júní 1988 kem-
ur fram að fyrir liggur frumtillaga
að bílageymsluhúsi á lóðunum Tjarn-
argötu 10E og 12, sem eru í eigu
borgarsjóðs, þar sem gert er ráð
fyrir u.þ.b. 200 bílastæðum og ráð-
gert er að bílageymsluhúsið verði
tilbúið um líkt leyti og ráðhúss-
byggingin verður tekin í notkun.
Tjamargata 10E og 12 eru utan
þess svæðis sem deiliskipulag Kvos-
ar nær til. Þegar deiliskipulag Tjam-
argötu—Suðurgötu verður lagt fram
til kynningar gefst íbúum tækifæri
til að gera athugasemdir við fyrir-
hugað bílageymsluhús.
Þegar allt framangreint er virt
verður ekki á það fallist með kær-
endum að byggingarleyfíð sé í slíku
ósamræmi við staðfest deiliskipulag
að varði ógildingu þess.
Ráðuneytið telur þó nauðsynlegt
að átelja vinnubrögð borgaryfirvalda
í þessu máli, því frá haustinu 1987
hafa vinnubrögð borgaryfirvalda
vegna undirbúnings byggingar ráð-
húss Reykjavíkur einkennst af fljót-
fæmi og vanvirðingu fyrir skipu-
lags- og byggingarlögum svo og
reglugerðum tengdum þeim og rétt-
ur hins almenna borgara til að tjá
sig um fyrirhugaðar framkvæmdir
verið fyrir borð borinn. Þessi vinnu-
brögð hafa kallað á athugasemdir
og §órar kæmr sem hafa verið til
umfjöllunar í ráðuneytinu.
Við staðfestingu ráðherra á deili-
skipulagi Kvosar kom í ljós að ekki
hafði verið nægilega vel staðið að
kynningu á deiliskipulaginu af hálfu
borgaryfírvalda, sem varð þess vald-
andi að ráðherra beindi því til borg-
arstjóra að hann beitti sér fyrir við-
bótarkynningu á skipulagi ráðhúss-
reits.
Kærendur hafa réttilega bent á
vafaatriði varðandi túlkun bygging-
arlaga og reglugerðar, svo sem
vegna þess að svokallað graftrar-
leyfí var ekki veitt löglega, og var
það fellt úr gildi með úrskurði ráðu-
neytisins dags. 3. maí 1988.
Þá hefur einnig réttilega verið
bent á frávik frá staðfestu deiliskipu-
lagi, þar sem veitt er byggingarleyfí
fyrir húsi sem er hærra og stærra
að flatarmáli en staðfest deiliskipu-
lag gerir ráð fyrir. Nokkmm dögum
eftir staðfestingu deiliskipulags vom
lagðar fram í byggingarnefnd
Reykjavikurborgar teikningar af
ráðhúsi, sem var mun stærra en
deiliskipulag hafði gert ráð fyrir.
Ljóst mátti vera að þeir uppdrættir
sem þá vom lagðir fram höfðu verið
í vinnslu um nokkum tíma hjá borg-
aryfírvöldum áður en deiliskipulag
var staðfest.
Aðeins viku eftir staðfestingu
deiliskipulags var óskað eftir breyt-
ingu á byggingarreit þannig að hann
færðist fjær Vonarstræti. Þar sem
lóðin hafði ekki verið skilgreind sérs-
taklega varð að líta svo á að lóð og
hyggingarreitur væm eitt og hið
sama. Eftir að sú breyting var stað-
fest var lóðin stækkuð þannig að
það svæði sem tekið var út úr bygg-
ingarreit með breytingu á staðfestu
deiliskipulagi varð innan lóðar.
Þá var við umfjöllun deiliskipulags
lögð áhersla á þá lausn sem bíla-
stæði í kjallara ráðhúss áttu að vera,
sem mundu leysa að vemlegu leyti
þá þörf sem er fyrir bílastæði í suður-
hluta Kvosar. Skömmu eftir stað-
festingu deiliskipulags var bílastæð-
um í kjallara ráðhúss fækkað úr 332
í 130 stæði, og hefur því orðið nauð-
sjmlegt að leita annarra leiða við að
leysa bflastæðavandamál Kvosar.
Af ofangreindu má ljóst vera að
í veigamiklum atriðum er málsmeð-
ferð borgaryfirvalda mjög ámælis-
verð í þessu máli.
í ljósi þess sem að framan er að
vikið átelur ráðunejdið vinnubrögð
borgaryfírvalda og krefst þess að
framvegis verði vandað mun betur
til málsmeðferðar skipulags- og
byggingarmála og borgaryfirvöld
virði að fullu ákvæði laga og reglu-
gerða þar að lútandi. Þetta á ekki
síst við í eldri hverfum, þar sem
taka þarf tillit til margra ólíkra
þátta.
Úrskurðarorð:
Byggingarleyfí fyrir ráðhúsi á
lóðinni nr. 11 við Tjamargötu í
Reykjavík, sem samþykkt var í
byggingamefnd Reykjavíkur 28.
apríl 1988 og staðfest í borgar-
stjóm 5. maí 1988, skal standa
óbreytt.
INNLAUSNARVERÐ
VAXTAMIÐA VERÐTRYGGÐRA
SPARISKÍ RTEINA RÍKISSJÓÐS
Í1.FLB1985
Hinn 10. júlí 1988 er sjöundi fasti gjalddagi vaxtamiða verðtryggðra
spariskírteina ríkissjóðs með vaxtamiðum í 1. fl. B 1986.
Gegnframvísun vaxtamiðanr. 7 verðurfráog með 10. júlí nk. greitt sem hér segir:
Vaxtamiði með 5.000,- kr. skírteini kr. 353,30
Vaxtamiðimeð 10.000,-kr. skírteini kr. 706,60
Vaxtamiði með 100.000,- kr. skírteini kr. 7.066,00
Ofangreind fjárhæð er vextir af höfuðstól spariskírteinannafyrirtímabilið
10. janúar 1988 til 10. júlí 1988 að viðbættum verðbótum sem fylgja hækkun
sem orðið hefur á lánskjaravísitölu frá grunnvísitölu 1006 hinn 1. janúar 1985
til 2154 hinn 1. júlf n.k.
Athygli skal vakin á því að innlausnarfjárhæð vaxtamiða breytist aldrei eftir gjalddagá.
Innlausn vaxtamiða nr. 7 ferfram gegn framvísun þeirra í afgreiðslu Seðlabanka Islands,
Kalkofnsvegi 1, Reykjavík, og hefst hinn 10. júlí 1988.
Reykjavík, 30. júní 1988
SEÐLABANKIÍSLANDS