Morgunblaðið - 24.07.1988, Blaðsíða 2
2
MORGUNBLAÐIÐ, SUNNUDAGUR 24. JÚLÍ 1988
Mannaflaþörfin vegna byggingar nýs álvers:
Um 1500 ársverk þarf til að
byggja, 90.000 tonna áJver
HAFINN er undirbúningur að
gerð ítarlegrar greinargerðar
um þjóðhagsleg áhrif af bygg-
ingu fyrirhugaðs álvers í
Straumsvík. Miðað við fyrri
reynslu og þekktar stærðir má
ætla að um 1.500 ársverk þurfi
til að byggja 90.000 tonna álver.
Þar með eru meðtaldir erlendir
sérfræðingar sem kæmu til að
vinna við uppsetningu sérhæfðra
véla og tækja og kæmi þvi þessi
Halldór Blöndal um þriðja álverið:
Annar stóriðnaður
verði kannaður
mannaflaþörf ekki öll fram á
innlendum vinnumarkaði.
Á vegum Landsvirkjunar er til
áætlun um viðbótarársverk vegna
framkvæmda í tengslum við nýtt
álver, það er virkjana. Áætlar
Landsvirlqun þessi ársverk vera
918 á tímabilinu 1989-1992. Að
meðaltali eru þetta 230 á ári en
mest yrði þörfín árin 1990-1991.
Ef reiknað er meðaltal fjögurra
ára vegna þessara framkvæmda,
bæði við álverið sjálft og virkjanir
kemur fram að árleg þörf á fyrr-
greindu tímabili nemur um 600 árs-
verkum.
Ef gert er ráð fyrir að nýtt vinnu-
afl á vinnumarkaðinn hérlendis sé
3.000 ársverk á ári eða 12.000 fyr-
ir þetta fjögurra ára tímabil kemur
í ljós að mannaflaþörfín vegna
framkvæmdanna nemur að meðal-
tali um 5% af þessum ársverkum.
Friðrik Sophusson iðnaðarráð-
herra segir að ekki verði séð að
þessi mannaflaþörf verði mjög
þensluaukandi, jafnvel þó hún komi
í sveiflum. Hann bendir ennfremur
á að eftirspum eftir vinnuafli vegna
virkjanaframkvæmdanna yrði
væntanlega að mestu leyti á Suður-
landi þar sem atvinna hefur verið
hvað ótryggust á landinu undanfar-
in ár og þar sem verulegur stað-
bundinn atvinnuvandi sé til staðar.
Keppt íþolreið fyrsta sinni
Morgunblaðið/Ámi Sæberg
Fyrsta þolreiðin, sem er ný grein hesta-
íþrótta hér á landi var farin í gær.Þolreið-
ar reyna fyrst og fremst á þol og þraut-
seigju hestanna og fara oft fram í hijós-
trugu og erfiðu landi. Hestarnir þurfa
að fara ákveðna vegalengd á iágmarks-
tíma og vera vel á sig komnir þegar þeir
koma í mark. Þá er m.a. mældur hjart-
sláttur þeirra og ræður skoðunin refsi-
stigafjölda sem hveijum hesti er gefinn.
Hestamennirnir, sem lögðu af stað frá
Laxnesi í Mosfellssveit í gær, riðu um 30
km leið á Þingvöll. Á myndinni sést Flosi
Ólafsson, leikari og hestamaður, ræsa
einn keppenda.
Flugleiðir:
Þotu snúið
við vegna
bilunar
BILUN varð í öðrum hreyfli
DC-8 átta þotu Flugleiða sem
fljúga átti til Luxemborgar
klukkan 7.15 í gærmorgun. Vélin
var komin á loft þegar vart varð
bilunarinnar og lenti hún
skömmu síðar á Keflavíkurflug'
velli.
Um borð í vélinni voru 160
manns. Bilunin reyndist smávægi-
leg og biðu farþegar meðan gert
var við hreyfílinn. Viðgerð lauk um
ellefuleytið og lagði vélin af stað í
annað sinn til Luxemborgar klukk-
an 11.30.
Læknadeild HÍ:
Úrtökupróf
í janúar
í stað maí
SÚ breyting verður í vetur á námi
á fyrsta ári í læknisfræði við
Háskóla íslands, að úrtökupróf
verða að loknu haustmisseri í stað
vormisseris áður.
Fjöldatakmarkanir hafa verið á
fyrsta ári'í læknisfræði undanfarin
ár og hafa einungis þeir 36 nemend-
ur sem fengið hafa hæstu einkunn
í maíprófum fengið að fara upp á
annað ár. Frá og með næsta vetn
munu hins vegar þeir 36 stúdentar,
sem hæstir eru á prófum í janúar
öðlast rétt til áframhaldandi náms í
deildinni.
Að sögn Ásmundar Brekkan,
deildarforseta læknadeildar, er þessi
nýja tilhögun liður í mikilli almennn
breytingu á námi í deildinni. „Fyrra
kerfí var svívirðileg misnotkun á
vinnu þeirra sem stunduðu nám fram
á vor en féllu svo út,“ sagði Ásmund-
ur. Hann sagði einnig að vormisse-
rið nýttist betur með hinni breyttu
tilhögun og námiðyrði markvissara.
Ekki kvað Ásmundur miklar
breytingar verða á læknanámi á
fyrsta ári þó úrtökupróf yrðu fyrr.
nema þá að áherslur myndu breyt-
ast og samþáttun námsefnis aukast.
Alls hafa eitt hundrað nýstúdent-
ar skráð sig í læknisfræði á næsta
haustmisseri, en eins og áður sagð*
munu í hæsta lagi 36 þeirra fá að
halda áfram námi að janúarprófum
loknum.
EINS og sagt var frá í Morgun-
blaðinu á föstudag hafa erlendir
aðilar sýnt áhuga á því að reisa
annað álver hér á landi en það
sem áformað er í Straumsvík.
Yrði slíkt álver að Iíkindum stað-
sett annað hvort á Norður- eða
Austurlandi, ef af yrði. Morgun-
blaðið leitaði i tilefni af þvi, álits
þeirra Halldórs Ásgrimssonar
sjávarútvegsráðherra og Halldórs
Blöndals alþingismanns á hug-
myndinni og æskilegri staðsetn-
ingu slíks álvers. Halldór Blöndal
telur að hagkvæmast yrði að reisa
slikt álver á Norðurlandi, en lagði
jafnframt áherslu á að nauðsyn-
legt væri að kanna möguleika á
öðrum orkufrekum iðnaði en
áliðnaði. Halldór Ásgrimsson
vísaði til vilja Alþingis varðandi
Fljótsdalsvirkjun og taldi að
stofna bæri samstarfshóp um
málið nú þegar.
„Alþingi hefur lýst yfír vilja sínum
á því að Fljótsdalsvirkjun verði virkj-
uð næst, ef það reynist hægkvæmt.
Ég tel að það beri strax að leita
markaðar fyrir þá virkjun og þar
hlýtur álver að koma vel til greina,"
sagði Halldór Ásgrímsson sjávarút-
vegsráðherra.
„Mér fínnst hins vegar óeðlilegt
að bíða með slíka könnun þar til
fyrirhugað álver í Straumsvík er
komið upp,_ eins og fram kemur í
greininni. Eg tel að stofna megi til
samstarfshóps um þetta mál nú þeg-
ar þar sem um er að ræða málefni
sem tekur mörg ár í undirbúningi,“
sagði Halldór Ásgrímsson. „Það
virðist vera meiri áhugi fyrir starf-
semi af þessu tagi en verið hefur
undanfarin ár. Það ber því að nýta
þau tækifæri sem nú bjóðast og at-
huga hvort þau séu hagkvæm fyrir
þjóðarbúið."
„Ég tel eðlilegast að uppbygging
af þessu tagi dreifðist meira um
landið en orðið er, en geri mér hins
vegar grein fyrir því að hér verða
hagkvæmnissjónarmið að ráða ferð-
inni. En það hefur enginn sýnt mér
fram á það að það sé óhagkvæmt
að virkja í Fljótsdal og byggja álver
í tengslum við það.“
Halldór Blöndal telur hins vegar
að slíkt álver væri hagkvæmast á
Norðurlandi. „Ég er ekki í vafa um
það, að mestur þjóðhagslegur ávinn-
ingur yrði af því að reisa álver við
Eyjafjörð eða Sjálfanda, vegna þess
að þar eru byggðimar svo þéttar að
slíkt myndi ekki valda neinni röskun
í atvinnulífi," sagði Halldór Blöndal.
„Hinn jákvæði ávinningur sem fylgdi
slíkum stóriðjurekstri yrði af þeim
sökum meiri þar en annars staðar
úti á landi."
„Ég vil á hinn bóginn leggja
áherslu á að nauðsynlegt er að kanna
möguleika á öðrum orkufrekum iðn-
aði en áliðnaði, sem myndi til dæm-
is henta vel á stöðum eins og Reyðar-
fírði,“ sagði Halldór Blöndal.
Óperan í Buxton:
Kristinn og Gunnar fengu
góða dóma fyrir söng sinn
ÍSLENSKU söngvaramir Krist-
inn Sigmundsson og Gunnar
Guðbjörnsson vöktu mikla at-
hygli fyrir söng sinn í óperu
Josephs Haydns, Armida, á Bux-
ton-listahátíðinni í Bretlandi, en
fyrsta sýning óperunnar var á
fimmtudagskvöld. í umsögn
breska stórblaðsins The Daily
Telegraph í gær er farið mjög
lofsamlegum orðum um
frammistöðu söngvaranna og
þeir sagðir vera máttarstoðir
sýningarinnar.
Kristinn syngur hlutverk heið-
ingjakonungsins Idreno og Gunnar
syngur hlutverk hermannsins Clot-
ardo, en þessi hlutverk eru tvö af
sex aðalhlutverkum. Umsögnina í
The Daily Telegraph í gær ritar
einn þekktasti tónlistargagnrýn-
andi Bretlands, Michael Kennedy.
Hann segir að óperan geri mikla
kröfu til sex stórra hlutverka og
því sé það vel af sér vikið hjá
Buxton-óperunni að geta komið á
heilstæðri sýningu. Kennedy segir
þá Kristin og Gunnar hafa sungið
óaðfínnanlega og verið máttar-
stólpa sýningarinnar. Um Gunnar
sérstaklega segir gagnrýnandinn
að hann hafí sungið áreynslulaust
og Ijóðrænt sem best mætti vera.
Kristinn Sigmundsson
Kristinn hafi farið með hlutverk
Idrenos á sannferðugan hátt og
sungið af aðdáanlegu öryggi.
Aætlað er að sýningar á ópe-
runni verði alls sex. Þá má geta
þess að ungur sonur Kristins,
Gunnar, fer með hlutverk fylgdar-
sveins.