Morgunblaðið - 24.07.1988, Blaðsíða 24
24
MORGUNBLAÐIÐ, SUNNUDAGUR 24. JÚLÍ 1988
DJASSINN
er ein stór nræra
Engir forystusauðir
Rætt við meðlimi
Kvartetts Tómasar
R. Einarssonar
ÍSLANDersífelltað
verða lífvænlegra land
fyrirþá sem mikinn
áhuga hafa á djassi.
Framboð á djassplötum
hefur aukist, einn tón-
listarskólanna hefur
sérstaka djassdeild og
aðstaða íslenskra
djasstónlistarmanna til
að koma fram opinber-
lega hefur batnað. í
Heita pottinum í Fisc-
hersundi eru djasstón-
leikar hvert sunnudags-
kvöld og það var einmitt
á slíku djasskvöldi sem
blaðamaður Morgun-
blaðsins hitti að máli þá
Birgi Baldursson, Sig-
urð Flosason og Tómas
R. Einarsson sem
ásamt Kjartani Valdi-
marssyni skipa Kvartett
TómasarR. Einarsson-
ar.
Morgunblaðið/BAR
Kvartett Tómasar R. Einarssonar. Frá vinstri: Kjartan Valdimarsson, Sigurður Flosason, Birgir Baldurs-
son og Tómas R. Einarsson.
í djassinum
Hvaða menn móta strauma og
stefnur í djasstónlist í dag?
Tó: í dag eru engir slíkir forystu-
sauðir í djassinum, ekki einu sinni
Miles Davis sem þó er búinn að
vera stefnumótandi í mörg ár.
Si: Núna renna allir þessir straumar
hlið við hlið án árekstra. Til dæmis
eru menn enn í dag að spila dixie-
land.
To: Enn er þó talað um áhrifavalda
í tónlistinni en þeir eru bara svo
margir. Þessi djass er ein stór
hræra. Stefnurnar eru svo margar
og ólíkar og öllu ægir saman, bee-
bopi, djassrokki, suður-amerískum
djassi, frjálsum djassi og jafnvel
indverskum. Þó má nefna eina línu
sem orðið hefur nokkuð áberandi á
síðustu árum. Það er hin svonefnda
Marsalis-lína, kennd við trompett-
leikarann Winton Marsalis. Marsal-
Hvað hafið þið spilað lengi sam-
an?
Sigurður: Við Tómas höfum spilað
saman hátt í áratug, við byijuðum
að spila saman f Nýja kompaníinu
fyrir 8 árum. Við höfum náttúru-
lega verið aðskildir af og til en spil-
að saman á hveiju sumri.
Tómas: Kvartettinn er hins vegar
nýlegur þó liðsmenn hans hafi spil-
að töluvert saman.
Útvötnuð pönkararotta með
djassáhuga
Hvaða bakgrunn hafið þið í tón-
list?
Si: Ég er búinn að vera lengi í skóla
en á mikið eftir ólært. Ég útskrifað-
ist í vor úr tónlistarskóla í Bloom-
ington í Bandaríkjunum. Mig langar
út til New York í haust í einkatíma
en það er of snemmt að segja til
um hvort af verður. Ég á eftir að
ræða það mál við væntanlegan
kennara, George Coleman, og
Lánasjóð íslenskra námsmanna.
Tó: Ég lærði hjá Jóni Sigurðssyni
bassa í þijú ár og svo var ég í eitt
ár hjá Johan Poulsen í Danmörku.
Hann kenndi m.a. þeim Niels Henn-
ing og Bo Stiefman.
Birgir: Ég er náttúrulega bara út-
vötnuð pönkararotta með djass-
áhuga.
Si: Þú ert nú búinn að vera í lúðra-
sveitum og stórsveitum frá því að
þú manst eftir þér.
Tó: Og svo lærðirðu á slagverk hjá
Jóhannesi Eggertssyni í nokkur ár.
Hér er rætt um Jóhannes Egg-
ertsson í Sinfóníunni, selló- og slag-
verksleikara og einn af fyrstu
íslensku djassleikurunum.
Aðspurðir um Kjartan Valdi-
marsson segja þeir félagar að hann
hafi gerst skiptinemi í Bandaríkjun-
um eftir að hafa dútlað í djassdeild
FÍH einn vetur. í Bandaríkjunum
hafi áhugi hans á Berklee-tónlistar-
skólanum í Boston kviknað og tvo
næstu vetur hafí hann lagt stund
á djasspíanónám við Berklee.
Bi: Kjartan var heima á íslandi í
vetur en hann hyggur á frekara
nám í Berklee í haust.
Á djasshátíð með David
Sanborn
Kvartettinn spilaði á tveimur
„Djassdeild FÍH hefur skilað þó
nokkrum mönnum en þeir eru
bara svo víða.“
sænskum djasshátíðum í júlí.
Tó: Við byijuðum í Karlstad og
tókum þar þátt í Norrænum djass-
dögum, „Nordiska Radio Jazz-
dagar". Þar kom fram ein djass-
sveit frá hveiju Norðurlandanna.
Helmingur efnisskrár okkar var
íslenskur en helmingur úr sálma-
bókum djasstónlistarinnar, þ.e.
sígild lög.
Si: Svo fórum við til Kristianstad
„Djassinn á íslandi hefur tekið of mikið mið af markaðnum undan-
farin ár.“
Kjartan Valdimarsson hyggur á frekara nám í Berklee í haust.
og tókum þar þátt í alþjóðlegri
djasshátíð. Þetta er gömul og virt
djasshátíð og meðal þeirra sem
komu fram voru David Sanborn,
Lester Bowie Brass Fantasy og
danskt djasstríó, skipað þeim Niels
Henning, Palle Mikkelborg og
Kenneth Knudsen. Okkar framlag
þama var nær eingöngu íslenskt
efni.