Morgunblaðið - 05.08.1988, Side 29

28
MORGUNBLAÐIÐ, FÖSTUDAGUR 5. ÁGÚST 1988
MORGUNBLAÐIÐ, FÖSTUDAGUR 5. ÁGÚST 1988
29

Útgefandi
Framkvæmdastjóri
Ritstjórar
Aðstoðarritstjóri
Fulltrúarritstjóra
Fréttastjórar
Auglýsingastjóri
Árvakur, Reykjavík
Haraldur Sveinsson.
MatthíasJohannessen,
Styrmir Gunnarsson.
Björn Bjarnason.
Þorbjörn Guðmundsson,
BjörnJóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst IngiJónsson.
Baldvin Jónsson.
Ritstjórn og skrifstofur: Aðalstræti 6, sími 691100. Auglýsingar:
Aðalstræti 6, sími 22480. Afgreiðsla: Kringlan 1, sími 83033.
Áskriftargjald 800 kr. á mánuði innanlands. í lausasölu 70 kr. eintakið.
Atvinnulíf
og áhætta
Bílaeign er óvíða meiri né al-
menn^iri en hér á landi. í
endaðan júlímánuð vóru 130.200
bifreiðir skráðar í landinu. Fólks-
bílar vóru rúmlega 126.000 tals-
ins — eða um það bil einn farkost-
ur á hverja tvo landsmenn.
Lífskjör Islendinga, mæld í bfla-
eign, eru með þeim beztu í heim-
inum. Á helztu þéttbýlissvæðum
á suðvesturhominu þarf að leggja
í verulegan kostnað til þess að
vegakerfíð beri umferðarþung-
ann.
Bíllin er nær eini kosturinn í
samgöngum á landi. Hann og
þjóðvegakerfíð gegní. því mikil-
vægu hlutverki í þjócarbúskapn-
um — í stóru og strjálbýlu landi
okkar í félagslegum, menningar-
legum og viðskiptalegum sam-
skiptum landsmanna. Vegakerfí
landsins er stundum líkt við æða-
kerfí líkamans, sem flytur „elds-
neyti" til allra hluta hans.
í þéttbýli flytur bílinn,
einkabfllinn og almenningsvagn-
inn, fólk milli heimila og vinnu-
staða. Alit heyrir þetta til nútíma
lífsháttum. Og til skamms tíma
gerði framboð fólksbíla ékki bet-
ur en að fullnægja eftirspum.
Nú þykir hinsvegar sýnt að mark-
aðurinn sé mettur, um sinn að
minnsta kosti. Fréttir standa til
þess að framboð nýrra bíla sé
nú verulega umfram eftirspum.
í marzmánuði 1986 vóru tollar
af bifreiðum lækkaðir mikið. í
kjölfar tollalækkunarinnar jókst
sala nýrra bifreiða. Rúmlega 13
þúsuna nýjar bifreiðir seldust
árið 1986, 18 þúsund árið 1987.
10.700 nýjar bifreiðir hafa verið
skráðar það sem af er líðandi
ári, samanber Innlendan vett-
vang um þetta efni í Morgun-
blaðinu í dag. Eftirspum hefur
hinsvegar dregizt saman, enda
var markaðurinn mettur, eða svo
gott sem, við upphaf annars árs-
fjórðungs. Verulegar birgðir af
óseldum bílum eru í landinu. Bif-
reiðaumboð, einkum þau sem
ráðist hafa í mikla fjárfestingu
eða hafa mikið lánsfé í rekstri,
horfa fram á nokkum vanda.
Samfélagið á að búa í haginn
fyrir allan atvinnurekstur, eftir
því sem aðstæður þess frekast
leyfa. Þetta á ekki sízt við um
framleiðsluatvinnuvegina, sem
standa ríkulegast undir verð-
mætasköpun í þjóðarbúskapnum,
útflutnings- og gjaldeyristekjum.
Atvinnureksturinn er hinsvegar
— eða á að vera — á ábyrgð eig-
enda og rekstraraðila. Þeir axla
þá áhættu, sem rekstrinum fylg-
ir, njóta hagnaðar er vel gengur,
en sæta tapi þegar móti blæs.
Það er hinsvegar fráleitt, sem
stundum ber við, að gerðar séu
kröfur til þess að áhættan og
tapið í einka- eða samvinnu-
rekstri sé þjóðnýtt, það er fært
yfír á bak skattgreiðenda, sem
ekkert hafa um viðkomandi
rekstur að segja. Slíkar kröfur
hafa að vísu ekki verið settar
fram þegar verzlunin á í hlut, enn
sem komið er að minnsta kosti,
en tap í verzlunarrekstri setur æ
meiri svip á almennar fréttir í
landinu. Þetta á að vísu einkum
við um strjálbýlisverzlun, en einn-
ig verzlun á höfuðborgarsvæðinu,
samanber Verzlunardeild SÍS og
KRON. Og fleiri fyrirtæki hafa
dregizt inn í fréttaljós af sömu
sökum. Það er því engan veginn
út í hött að minna á það, al-
mennt séð, að þjóðnýting áhættu
og taps í atvinnurekstri fellur
engan veginn að viðhorfum fólks
á líðandi stund.
Þjóðnýting þykir hvarvetna
steinaldarfyrirbrigði þótt hún
hafí verið í tísku upp úr síðasta
stríði. Meira að segja kommún-
istaríkin einbeita sér nú að því
að fínna svigrúm fyrir einka-
rekstur innan marxismans og
kerfísins.
Annað mál er, sem fyrr segir,
að samfélagið og löggjafínn
verða að setja atvinnurekstri
þann starfsramma, að vel rekið
fyrirtæki hafi ekki aðeins tekjur
fyrir gjöldum, heldur geti jafn-
framt myndað eigið fé í atvinnu-
rekstrinum að því marki sem
eðlilegt þykir í helztu samkeppn-
isríkjum okkar. Allt of lítið eigin
fé fyrirtækja, eða með öðrum
orðum of mikið og dýrt lánsfé í
atvinnurekstri, er einn helzti
Þrándur í Götu æskilegrar at-
vinnuuppbyggingar í landinu.
Lánsfjárkostnaður verður hins-
vegar ekki lækkaður að ráði
nema hægt verði á ná betur nið-
ur verðbólgu í landinu, samhliða
því að eigin fé atvinnulífsins vaxi.
Mikill innflutningur bifreiða —
sala rúmlega Ijörutíu þúsunda
nýrra bíla í landinu á aðeins
tveimur og hálfu ári — hefur
mettað markaðinn. Segja má að
framboð svari eftirspum, og
raunar stundum vel það, á öllum
sviðum neytendamarkaðar í
landinu. Þeir, sem axla áhættu í
þessum atvinnurekstri, sem öðr-
um, verða að haga framleiðslu,
innflutningi og tilkostnaði í sam-
ræmi við' _ markaðsaðstæður
hveiju sinni. Áhættan er þeirra.
Þeir verða eins og aðrir sem
stunda verzlun og viðskipti að
hlýta frumreglu þess fijálsa
markaðar sem er í senn örvun
og aðhald.
LANDAKOTSSPÍTALI
Ríkissjóði ber að greiða halla
spítalans án skuldbindinga
- segja stjórnendur Landakots-
spítala á blaðamannafundi
STJÓRNENDUR Landakotsspitala segja að hallarekstur spítalans
megi aðallega rekja til þess að spítalinn hafi greitt hærra álagshlut-
fall fyrir vaktir og yfirvinnu en Fjárlaga og hagsýslustofnun teldi
nauðsynlegt og að ágreiningur hafi verið á milli spitalans og hag-
sýslustofnunar um hverjar hafi verið eðlilegar verðhækkanir á
milli ára. Þetta hafi leitt til þess að framlög á fjárlögum hafi ver-
ið vanáætluð og rikissjóði beri að greiða halla spítalans þar sem
hann hafi aðeins veitt þá þjónustu sem heilbrigðisyfirvöld hafi
krafist. Einnig halda stjórnendur Landakots því fram að miðað við
kostnað á legudag sé rekstur Landakots síst dýrari en annara
spítala og hækkanir á milli ára sambærilegar.
Fulltrúaráð Landakotsspítala
fjallaði á miðvikudag um rekstrar-
vanda spítalans, skýrslu ríkisend-
urskoðunar og samkomulag fjár-
málaráðherra og heilbrigðisráð-
herra til lausnar málinu. í ályktun
sem ráðið samþykkti er talið, að
staðið hafi verið að rekstri spítal-
ans eins og skipulagsskrá sjálfs-
eignarstofnunarinnar, sem rekur
spítalann, geri ráð fyrir, og lýst
er yfir fyllsta trausti á yfirstjórn,
framkvæmdastjóm og fram-
kvæmdastjóra. Þá segir í ályktun-
inni að í samkomulagi ráðherranna
séu ákvæði sem hæpið sé að stand-
ist og séu i ósamræmi við samning
ríkisins og Landakotsspítala frá
árinu 1976. Var ákveðið að óska
eftir viðræðum við ráðherrana um
málið.
Stjóm Landakotsspítala hélt í
gær blaðamannafund til að skýra
sín sjónarmið varðandi rekstrar-
halla spítalans og umræður, sem
siglt hafa í kjölfar skýrslu Ríkis-
endurskoðunar um rekstur spítal-
ans. Logi Guðbrandsson fram-
kvæmdastjóri Landakots sagði þar
að í 46. grein laga um almanna-
tryggingar væm fyrirmæli til
stjómvalda um að gjöld til spítal-
ans eigi að standa undir rekstrar-
kostnaði miðað við þá þjónustu
sem heilbrigðis- og trygginga-
málaráðherra ákveði að stofnunin
skuli veita.
Logi sagði að í mars í ár hefði
Guðmundi Bjarnasyni heilbrigðis-
ráðherra verið tilkynnt að ef rekst-
urinn ætti að vera innan ramma
Ú’árlaga yrði að loka tveimur deild-
um, sem þýddi að spítalinn gæti
ekki sinnt bráðavöktum. Heil-
brigðisráðherra hefði þá gefið
spítalanum fýrirmæli um að halda
úti þannig starfsemi að hægt væri
að hafa bráðavaktir. Það hefði
verið gert og væri ástæðan fyrir
hallarekstrinum nú.
„Annað hvort á ríkissjóður að
greiða hallann á rekstri spítalans
eða ekki,“ sagði Logi. „Að mínu
viti á hann að greiða hallann, því
spítalinn hefur aðeins verið að
halda uppi þeirri þjónustu sem
heilbrigðis- og tryggingamálaráð-
herra hefur ákveðið að hann geri
og fyrir það á að greiða kostnaðar-
verð. Ef mistök hafa orðið í gerð
fjárlaga verður að leiðrétta þau
og þá ber að greiða þennan halla.
Þar á ofan er algerlega óheimilt
að binda þá greiðslu skilyrðum og
samkomulag ráðherranna, eins og
það er lagt fyrir, er fullt af þess
háttar skilyrðum.
Ef eftirlitsstjóm sú yfír fjármál
spítalans, sem ráðherramir vilja
setja á, á að koma rekstrinum
fyrir innan fjárlaga þá er aðeins
tvennt til. Annaðhvort verður að
minnka spítalann svo hann komist
inn fyrir fjárlagarammann, eða
stækka rammann, þ.e. að auka
fjárveitingar. Um þetta höfum við
einmitt verið að gera kröfur og
það þarf enga efirlitsstjórn til,“
sagði Logi.
Hann gagnrýndi einnig nokkur
fleiri atriði í samkomulagi ráðherr-
anna, m.a. það að leigutakar á
Marargötu 2 verði látnir standa
undir kostnaði, þannig að spítalinn
hafi engan kostnað af húsnæðinu.
Læknar spítalans leigja húsnæðið
af spítalanum undir læknastöð.
Logi sagði að leigan væri einmitt
miðuð við að hún stæði undir vöxt-
um og afborgunum af lánum sem
tekin voru til að kaupa húsið. Þeg-
ar 10 ára leigutíma væri lokið
yrði leigan búin að greiða þessar
skuldir og spítalinn ætti þá húsið
án þess að hafa borgað krónu í
því. Hvorki spítalinn né ríkið hefðu
nokkum kostnað af læknastöðinni
og væri engin ástæða til að setja
ákvæði um það í samning ráðherr-
ÆP**
■ i I
í vj W ■" "I
c ^ i i m, Vm | B y '■* ' . .
i\ '/~-n «Bfc, 1 x— ÉBbsmmm m |
, Morgunblaðið/Sverrir
Stjórnendur Landakotsspítala á fundi með fréttamönnum. Frá vinstri eru Höskuldur Ólafsson formaður
framkvæmdasljómar, Óttarr Möller formaður yfirsljóraar, Logi Guðbrandsson framkvæmdastjóri og
Ólafur Öra Arnarson yfirlæknir.
anna.
Ólafur Öm Arnarson yfirlæknir
Landakots sagði einnig að ger-
samlega óskiljanlegt væri hvers
vegna það ákvæði væri í sam-
komulagi ráðherra að styrktar-
sjóður spítalans mætti ekki gefa
spítalanum gjafir nemá samþykki
ráðherranna komi til.
Stjómendur gagnrýndu einnig
ýmis atriði í skýrslu Ríkisendur-
skoðunar og sögðu þau röng.
Þannig hefði halli vegna viðhalds
og stofnkostnaðar samtals verið 3
milljónir króna árin 1985-87 en
ekki 36,6 milljónir eins og segði í
skýrslunni. Þá benti Logi Guð-
brandsson á að Ríkisendurskoðun
hefði ekki tekið með í reikninginn
að Hafnarbúðir bættust í rekstur
spítalans eftir að óskir stjómenda
spítalans um framlög á fjárlögum
Samkomulag ráðherra um Landakot:
Ekki síður hagstætt
spítalanum en ríkinu
- segir Guðmundur Bjarnason heilbrigðisráðherra
GUÐMUNDUR Bjaraason heil-
brigðisráðherra telur að eftir-
litsstjórn yfir fjármálum Landa-
kots geti orðið grundvöllur fyrir
samkomulagi um hvaða þjón-
ustu spítalinn eigi að veita, hvað
hún kosti og tryggi að þeir pen-
ingar fáist. Hann segist vera
tilbúinn til að verða við ósk full-
trúaráðs Landakots um viðræð-
ur, en stjórnendur Landakots
hafa óskað eftir skýringum á
samkomulagi heilbrigðis- og
fjármálaráðherra.
Morgunblaðið bar undir Guð-
mund þær röksemdir forsvars-
manna Landakots að deilan um
rekstrarvanda spítalans snerist um
hvort ríkið ætti að greiða fyrir þá
þjónustu sem heilbrigðisráðherra
ætlaðist til. Annað hvort yrði að
hækka framlög til spítalans eða
minnka kröfur til spítalans, og
enga eftirlitsstjóm þyrfti til að
fylgjast með því. Guðmundur sagð-
ist telja nauðsynlegt fyrir Landa-
kot, eins og aðrar ríkisstofnanir
sem fá framlög frá ríkinu, að miða
sig við þá fjárveitingu sem spíta-
lanum hefði verið mörkuð.
„Vissulega hefur verið ágrein-
ingur um hvort fjárveitingar til
Guðmundur Bjarnason heil-
brigðisráðherra.
Landakots hafi dugað til að kosta
þann rekstur sem þar hefur verið
á undanfömum árum og svona
samstarfsnefnd allra aðila, sem
eftirlitsstjómin á að vera, ætti ein-
mitt að geta verið vettvangur þar
sem menn geta komið saman og
farið nákvæmlega ofan í þessa
þætti.
Ágreiningu’rinn hefur kannski
stafað af því að Landakot annars-
vegar og Fjárlaga- og hagsýslu-
stofnun hafa ekki verið sammála.
Ef fulltrúar heilbrigðisyfirvalda,
fjárveitingarvaldsins og fulltrúar
stofnunarinnar leggjast sameigin-
lega yfir málið væri von til að
þeir kæmust að samkomulagi um
það hvaða þjónustu á að veita og
hvað hún kostar," sagði Guðmund-
ur.
—Þetta þýðir þá ekki verið sé
að afsetja framkvæmdastjóm
Landakots með skipum eftirlits-
stjórnar?
„Ég vil alls ekki viðurkenna að
við séum að bijóta stofnsamning-
inn með því að setja neina stjóm
spítalans af, heldur er verið að
koma á samstarfshópi þessara
þriggja aðila.“
—Málið hefur verið sett þanhig
upp að samkomulagið sé þannig
að Landakot geti ekki gengið að
því, þar með verði spítalinn gjald-
þrota og fari þannig í raun bak-
dyramegin undir ríkisspítalakerfið.
„Ég hef heyrt þetta sjónarmið
en mín áhersla er sú að þarna sé
verið að koma á samstarfsvett-
vangi sem er ekki síður hagstæður
spítalanum en ríkisvaldinu," sagði
Guðmundur Bjamason.
voru settar fram. Þess vegna væri
því ranglega haldið fram að spítal-
inn hefði farið umfram fjárlaga-
heimildir þótt tillögur þeirra til
fjárlaga hefðu verið lagðar fram
óbreyttar.
Athuganir Stefáns Ingólfssonar
verkfræðings, sem hann gerði fyr-
ir Ríkisendurskoðun á ýmsum
rekstrarþáttum, voru gagnrýndar
af stjórnendum Landakots. Sögðu
þeir að ef Stefán hefði haft fyrir
því að leita skýringa í stað þess
að slá fram fullyrðingum, hefði
mátt komast hjá ýmsum missögn-
um. Þannig væri það hreinlega
röng niðurstaða að spítalinn hefði
tapað 5 milljónum vegna hugsan-
legrar sölú á Marargötu 2, þar sem
slík sala væri ekki á dagskrá. Þá
væru útreikningar Stefáns á hag-
kvæmni þvottahúss byggðar á
misskilningi þar sem þvottahúsið
væri aðeins rekið í hluta húsnæðis
sem spítalinn hefur á leigu, en
Stefán hefði miðað við leigu fyrir
allt húsnæðið.
Þá voru ummæli Stefáns* um
Styrktarsjóð Landakotsspítala tal-
in furðuleg þar sem sjóðurinn hafí
lagt spítalanum til um 35-40 millj-
ónir króna og gert honum kleyft
að eignast ýmis tæki og reka nauð-
synlega starfsemi svo sem bama-
heimili. Þá sé það ákvæði í skipu-
lagsskrá sjóðsins að verði hann
lagður niður muni eigur hans
renna til spítalans og þar með
ríkjsins.
í athugasemdum Landakots til
heilbrigðisráðherra um skýrslu
Ríkisendurskoðunar, sem gerðar
voru opinberar í gær, er sérstak-
lega fjallað um gagnrýni í skýrsl-
unni á Rannsóknarstofu sjúkra-
hússins. Vegna kröfu Ríkisendur-
skoðunar um að taka beri til end-
urskoðunar öflun sértekna spítal-
ans gegnum rannsóknarstofuna,
er bent á í athugasemdunum að
rannsóknarstofa af þeirri stærð,
sem hæfileg væri til að sinna ein-
göngu inniliggjandi sjúklingum
væri mjög óheppileg rekstrarein-
ing, að tekjur af seldum rannsókn-
um hafí borið uppi 84% af bók-
færðum rekstrarkostnaði rann-
sóknardeildarinnar, og að tekjur
Landakot
af seldum rannsóknum hafi verið
dregnar frá framlögum við fjárlög
eins og aðrar sértekjur. Ef ákveð-
ið yrði að leggja niður þjónustu
við utanspítalasjúklinga yrði fjár-
veiting að hækka sem því næmi.
I athugasemdunum segir að
sennilega sé kominn tími til að
taka upp viðræður við yfirlækni
stofunnar um breytta kostnaðar-
skiptingu en yfirlæknirinn fær í
sinn hlut 30% af tekjum sem inn
koma vegna rannsókna, en spítal-
inn 70%. Fram kemur að þegar
núverandi yfirlæknir hafi tekið við
rannsóknarstofu hafi þjónusta ut-
an spítalans verið lítil en hefði
síðan aukist verulega. Nokkrum
sinnum hafi verið samið um breyt-
ingu á hlutfalli við yfirlækninn.
Á fundinum í gær sagði Logi
Guðbrandsson að ýmislegt sem
Ríkisendurskoðun hefði nefnt í
skýrslu sinni mætti fara betur en
þau atriði væru flest lítilvæg, t.d.
bókfærsla á kaupleigusamningum.
I athugasemdum spítalans til heil-
brigðisráðherra segir einnig að
forráðamenn spítalans muni taka
afgreiðslufyrirkomulag lyfjabúrs-
ins til sérstakrar athugunar vegna
athugasemda í skýrslunni. Einnig
eru taldar réttmætar athugasemd-
ir vegna mötuneytis, óbókfærðs
kostnaðar, biðreikninga o.fl.
Þegar stjórnendur spítalans
voru spurðir hvort þeir teldu að í
samkomulagi ráðherranna hefði
ekkert tillit verið tekið til athuga-
semda þeirra við skýrslu Ríkisend-
urskoðunar benti Ólafur Örn Arn-
arson á, að á minnisblaði frá Fjár-
laga- og hagsýslustofnun dagsettu
8. júlí væru tillögur að nokkurn
veginn sömu aðgerðum og þeim
sem ráðherrarnir sammæltust um.
„Það er ljóst að fjármálaráðherra
var búinn að taka ákvörðun áður
en við gerðum okkar athugasemd-
ir: Við vorum því ásakaðir og
dæmdir áður en við fengum að
halda okkar málsvörn," sagði
Ólafur.
Logi gagnrýndi minnisblað
Fjárlaga- og hagsýslustofnunar og
sagði að þar væri skýringa að leita
á undarlegum fréttaflutningi fjöl-
miðla af skýrslu ríkisendurskoðun-
ar. Á þessu minnisblaði hefðu ver-
ið dregnar saman helstu niðurstöð-
ur skýrslunnar en að auki hefðu
verið ýmsar athugasemdir sem
ekki hefðu verið í skýrslunni, sum-
ar ósannar og aðrar mistúlkaðar.
Logi benti m.a. á að þar væri full-
yrt að stjómendur spítalans hafi
ekki breytt áformum sínum í sam-
ræmi við íjárlög en staðreyndin
væri sú að sami óskalistinn hefði
verið lagður fyrir Fjárlaga- og
hagsýslustofnun vegna fjárlaga-
gerðar ár eftir ár þar sem hann
hefði aldrei verið uppfylltur.
Jón Baldvin Hannibalsson fjármálaráðherra:
Einstök atriði skoðuð
ef ástæða þykir til
Samkomulag ráðherranna stendur að öðru leyti óhaggað
JÓN Baldvin Hannibalsson fjár-
málaráðherra segir að ef
ástæða þyki til-að skoða sér-
staklega einhver atriði í sam-
komulagi sínu og heilbrigðis-
ráðherra um Landakotsspítala
verði það gert, en hins vegar
telji hann ekki sérstakt tilefni
til sérstakra viðræðna beggja
ráðherra og fulltrúa Landa-
kots. Fjármálaráðherra segir
einnig að samkomulag þeirra
ráðherranna hafi verið gert að
vandlega athuguðu máli, m.a.
með tilliti til athugasemda
Landakots við skýrslu Ríkis-
endurskoðunar.
Fulltrúaráð Landakots óskaði
eftir viðræðum við fíármálaráð-
herra og heilbrigðisráðherra þar
sem það taldi að í samkomulagi
ráðherranna væru atriði sem hæp-
ið væri að stæðust og væru í ós-
amræmi við upphaflegan samning
ríkisins og Landakotsspítala. Jón
Baldvin Hannibalsson fjármála-
ráðherra sagði við Morgunblaðið
að eftir að hafa rætt við heilbrigð-
isráðherra væri niðurstaðan sú að
ekkert sérstakt tilefni væri til
sameiginlegra viðræðna.
„Landakot heyrir undir heil-
Jón Baldvin Hannibalsson fjár-
málaráðherra.
brigðisráðuneytið og heilbrigðis-
ráðherra og forsvarsmenn Landa-
kots gera grein fyrir sínum sam-
þykktum og viðbrögðum við heil-
brigðisráðherra. Ef eitthvað nýtt
kemur þar fram, sem ástæða er
til að skoða sérstaklega, svo sem
ef eitthvað af okkar tillögum er
ekki í samræmi við stofnskrá
spítalans, þá munum við lita á
það. Að öðru leyti stendur óhög-
guð okkar sameiginlega niður-
staða og tillögur okkar eru skil-
yrði að vandlega athuguðu máli
fyrir ijárhagsstuðningi við Landa-
kot umfram fjárlagaheimildir,"
sagði Jón Baldvin og bætti við
að tillögur ráðherranna hefðu ver-
ið gerðar eftir að þeir hefðu feng-
ið og fjallað rækilega um athuga-
semdir Landakots við skýrslu
Ríkisendurskoðunar.
Spurður um hvað það hefði í
för með sér ef stjómendur Landa-
kots hafnaði tillögum ráðherranna
sagði fjármálaráðherra að ef þeir
höfnuðu þeim skilmálum sem ríkið
setti fyrir því að yfirtaka skuldir
spítalans og veita honum stuðning
langt umfram heimildir, þá yrðu
þeir að taka afleiðingunum.
Um ástæður þær, sem stjóm-
endur Landakots gáfu fyrir halla-
rekstri, sagði Jón Baldvin m.a.
að það væm ekki rök í málinu
að segja að launakostnaður hefði
hækkað þar sem þeirra mál væri
að sjá til þess að launakostnaður
færi ekki fram úr því sem heimild-
ir væm fyrir.