Morgunblaðið - 12.10.1988, Blaðsíða 19

MORGUNBLAÐIÐ, MIÐVIKUDAGUR 12. OKTÓBER 1988
19
Þrjú óhöpp
í hálku
ÞRJÚ umferðaróhöpp urðu á
Reykjanesbraut vena hálku og
ísingar, að kvöldi mánudags og
morgni þriðjudags. Um klukkan 1
aðfararnótt þriðjudagsins valt bíll
við Kúagerði. 4 voru í bílnum og
sködduðust allir. Einn var fluttur
með fólksbíl á slysadeuild Bor-
graspítalans en þijá flutti lögregl-
an í Keflavík til meðferðar á
sjúkrahúsið í bænum.
Um klukkan 21.30 á mánudag
missti ökumaður stjórn á bíl sínum
og valt hann út af veginum. Okumað-
urinn kenndi sér meins og leitaði
sjálfur til læknis. Bíllinn skemmdist
mikið og var tekinn af vettvangi með
kranabíl.
Þá varð harður árekstur þriggja
bíla, eins úr Sandgerði en tveggja
af Vamarsvæðinu, á Miðnesheiði um
klukkan 9 á þriðjudagsmorgun. Eng-
inn slasaðist en áreksturinn er rakinn
til mikillar hálku á veginum.
Þórarinn Eldjárn
Skuggabox
— ný skáldsaga
eftir Þórarin
Eldjárn
HJÁ bókaforlaginu Gull-
bringu er komin út ný skáld-
saga, Skuggabox, eftir Þórar-
in Eldjárn. Skuggabox er 176
blaðsíður, Prisma setti og
prentaði, Arnarfell batt inn,
Sigrún Eldjárn hannaði kápu.
I frétt frá forlaginu segir:
„Hetjan í Skuggaboxi er Kort
Kjögx, fertugur málatferlis-
fræðingur og uppfínningamaður
af íslensku bergi brotinn, með
áherslu á brotinn. Eftir langan
námsferil virðist Kort hafa dag-
að uppi í lokaverkefni sínu við
Háskólann í Haparanda, í enda-
lausri togstreitu milli skyldu og
sköpunarþrár. Óvæntur arfur
skilar þessari hetju heim til föð-
urlandsins þar sem þráðurinn
skal tekinn upp á ný. En margt
annað reynist óvænt, bæði í
fortíð og nútíð, og þræðir liggja
víða — en þó ekki á lausu. Er
leitin að munstri í óreiðunni að-
eins fálm í myrkri, skuggabox?"
Afgreiðslu og dreifíngu ann-
ast Sigríður Olafsdóttir, Fífu-
mýri 4, 210 Garðabæ.
Fjöldi fólks
heimsótti Borg-
arspítalann
og slökkviliðið
í tengslum við norrænt tækniár
var starfsemi slökkviliðsins í
Reykjavík og Borgarspítalans
kynnt almenningi á sunnudag.
Jafhframt var þyrla Landhelgis-
gæzlunnar, TF-SIF, til sýnis við
Borgarspítalann.
Fjöldi fólks notaði tækifærið og
svipaðist um innan veggja þessara
stofnana. Starfsfólk leiðbeindi gest-
um og gangandi og sett voru á svið
ýmis þau verkefni sem stofnanimar
þurfa að leysa.
Morgunblaðið/ÓB
Yngri sem eldri skoðuðu TF-SIF, þyrlu Land-
helgisgæzlunnar,
Landsbankinn býr vel um hnútana
í verðbréfaviðskiptum
í Verðbréfaviðskiptum á Laugavegi 7 og á 43 afgreiðslustöðum um land allt býður Lands-
bankinn örugg verðbréf í mörgum verðflokkum og með mismunandi gildistíma. Spari-
skírteini ríkissjóðs eru þar á meðal, að ógleymdum bankabréfum Landsbankans. Banka-
bréf Landsbankans eru ein traustasta fjárfesting sem nú er völ á. Ástæðan er einföld:
Bankabréf eru útgefin og innleyst af bankanum sjálfum. Þau eru verðtryggð miðað við
lánskjaravísitölu, gefa háa ávöxtun og eru auk þess með endursölutryggingu, sem tryggir
skjóta innlausn þegar þörf krefur.
I Verðbréfaviðskiptum, Laugavegi 7, býðst viðskipta- ? j
mönnum fjárvarsla, sem felur í sér ráðgjöf og umsjón
með fjármunum, s.s. verðbréfum og innláns- ^ O
reikningum. Þér er óhætt að treysta
verðbréfaþjónustu og ráðgjöf Landsbankans.
L
Landsbanki
íslands
Banki allra landsmanna
Morgunblaðið/Sverrir
Brunaverðir sýna fólki hvernig bregðast á við.