Morgunblaðið - 27.03.1990, Blaðsíða 12
12
MORGUNBLAÐIÐ ÞRIÐJUDAGUR 27. MARZ 1990
fAl 1#| 1
11 #1 UFB li
iH iMr nwi » 'HJF
M. JÍJP^PlPÉfl flP%
HnOlPPI lO
Ivl ■"" SSiPiflik
/rá Múlalundi...
þar er tölvupappírinn vel geymdur.
Múlalundur
SÍMI: 62 84 50
Tölvu- og
viðskiptanám
Fjárfestu í sjálfum þér
og komdu a tölvu- og
viðskiptanámskeið.
í náminn era kenndar eftnfarandi greJnar.
Almenn tðhrafræði, stýiikerfi, rttvimwla, töflureiknar og
áætianagerS, gagnasamsftæði, tölvufjarakipti, bókfeerala,
tölvubófiiald, verahmart og toD- og veroóbttíkningar
Nðmfð tekur níu vikur oe
er fyrir fölk ð ölium aldrl.
Hafðu samband við o]da»r 1 gfma 687590.
Tölvuskóli Reykiavíkur
Borgartúní 28. S:687590
C3
n TÖLVUFRÆÐSfeA
Arto Noras og Krystyna Cortes
Tónlist_____________
JónÁsgeirsson
Sjöttu tónleikar Tónlistarfé-
lagsins í Reykjavík voru haldnir
í Islensku óperunni sl. laugardag
en þar léku saman sellósnillingur-
inn Arto Noras og Krystyna Cort-
es píanóleikari. Á efnisskránni
voru verk eftir Schumann, Schu-
bert, Brahms og Paganini.
Tónleikarnir hófust á Adagio
og Allegro eftir Schumann en það
verk og tvö næstu, „Arpeggi-
one“-sónatan eftir Sehubert og
Sónata nr. 2 eftir Brahms, eru
eiginleg samleiksverk. Síðasta
verkið, tilbrigði Paganinis yfir
þema úr „Mose“, eftir Rossini, en
hins vegar „bravura-verk“ fyrir
selló, með smá „dúlli“ fyrir píanó,
svona rétt til að auka á „dillandi"
hljóðfall verksins.
Atro Noras er frábær sellóleik-
ari, bæði hvað tækni snertir og
túlkun, svo sem heyra mátti í
báðum sónötuverkum og tvíþátt-
ungi Schumanns. Þar leikur á
milli stórbrotinna átaka og
fíngerðrar viðkvæmni og voru
þessar andstæður einkar skýrar í
túlkun beggja listamannanna.
Ljóðrænn hægi þátturinn hjá
Schumann, fíngerðir tónbogar hjá
Schubert, sem bera í sér klassíska
ögun og rómantíska viðkvæmni
og stórbrotin byggingatæknin og
Arto Noras
dulúðin hjá Brahms, blómstraði í
samleik þeirra.
Síðasta verkið á efnisskránni,
sem segja má að Paganini hafi
samið til að sýna tækni sína, er,
þrátt fyrir öll tæknimarkmið,
skemmtileg tónsmíð en aðeins í
höndum þeirra er geta leikið slíka
tónlist sem létt lag væri. Allt lék
þetta í hendi hjá Arto Noras og
víða frábærlega.
Samleikari var Krystyna Cortes
en hún er frábær píanóleikari og
mættu tónlistarmenn horfa til
Krystyna Cortes
hennar varðandi flutning á kam-
mertónlist, því bæði ræður hún
yfir góðri tækni og hefur sterka
tilfinningu fyrir þeim innviðum
tónlistar er snerta blæbrigði og
byggingu tónverka. Samleik þarf
að rækta í langri samvinnu og
því er frammistaða Krystynar
Cortes athyglisverð. í allegro-kaf-
lanum í verki Schumanns og í
Brahms var leikur hennar, þegar
til heildarinnar er litið, frábær og
segir það nokkuð um hana sem
píanóleikara.
Háskólakórinn
Háskólakórinn, undir stjórn
Guðmundar Óla Gunnarssonar,
hélt tónleika í menningarmiðstöð
Hafnaríjarðar sl. sunnudag. Tón-
leikarnir hófust á Hver á sér fegra
föðurland, eftir Emil Thoroddsen
og mátti þá strax heyra að kórinn
er góður og Guðmundi lætur vel
að stjórna og leggur mikið upp
úr skýrum framburði, jafnvel svo,
að við liggur að framburðurinn
verði nær því sem gerist í tali en
í söng. Þetta var einkum áberandi
í þjóðlagaraddsetningum Hjálm-
ars H. Ragnarssonar en auðheyrt
var að stjórnandinn beitti þessari
aðferð til að auka á hrynskerpu
laganna.
í þjóðlagaraddsetningum eftir
Jónas Tómasson, Atla Ingólfsson,
Jakob Hallgrímsson og Gunnar
Reyni Sveinsson var raddmótunin
öll önnur og einnig það sem eftir
af tónleikunum. Þrír trúarlegir
söngvar, Gamalt vers eftir Hjálm-
ar H. Ragnarsson, Heyr himna-
smiður eftir Þorkel Sigurbjörns-
son og altarisgöngusálmur eftir
Oliver Messiaen voru mjög vel
fluttir. Talkórslag efir Ernst Toch,
þar sem leikið er með alls konar
orð og orðasambönd, var feikna-
lega vel flutt.
Fjögur þjóðlög Árna Harðar-
sonar og tvö lög eftir Ingunni
Bjarnadóttur í raddsetningu
Hróðmars Inga Sigurbjörnssonar
voru og vel flutt, sérstaklega lag-
ið Um glókoll og sumartunglið,
við texta eftir Þorstein Valdimars-
son, sem kórinn flutti af innileik.
Eitthvað skakkskondrast það
fyrir undirrituðum, er íslenskir
tónhöfundar sækja sér erlend við-
fangsefni. Því hefur verið haldið
fram af mætum mönnum, að
ásókn Norðurlandabúa í að semja
lög við ljóð eftir snillinga heims-
málanna, sé í raun tilraun til að
komast í áheyrn sér meiri manna
og það takist oftast ekki. Sapient-
ia eftir Þorstein Hauksson við
kvæði Prundetíusar, var hér frum-
flutt. Þorsteinn leggur áherslu á
kyrrstætt tónferli en leikur þar á
móti með styrkleikabreytingar,
nema nærri niðurlaginu, þá fitjar
hann upp á „kaótískri" fjölröddun.
Kórinn söng verkið virkilega vel.
Lorca-svítan eftir Rautavaara
er ágætlega samin og sérstaklega
Tataraljóðið, sem kórinn söng
mjög vel._ Tónleikunum lauk með
lagi Páls ísólfssonar, Úr útsæ rísa
íslands ijöll, sem ásamt fyrsta
laginu mætti túlka sem hugleið-
ingu og ábendingu um að varð-
veita skuli íslenskan menningar-
arf og tungu.
Guðmundur Óli Gunnarsson
kemur hér fram sem afburðaefni-
legur kórstjóri, sem ekki er aðeins
laginn við að „slá“, heldur sérlega
fundvís á alls konar útfærslur í
styrk og hraðabreytingum og blæ-
brigðum, er tengjast 'innihaldi
textans.
Bankaráð og bankasljórn Seðlabanka:
Eðlileg' afskipti af Ávöxtun sf.
BANKARÁÐ og bankastjórn Seðlabankans telja að bankaeftirlitið
hafi rækt skyldur sínar vegna eftirlits með Ávöxtun sf. og verðbréfa-
sjóðum fyrirteekisins með eðlilegum hætti. Bankaráð og bankastjórn
eru ósammála umboðsmanni Alþingis, en hann hefur komizt að
þeirri niðurstöðu að bankaeftirlitið hafi ekki slaðið í stykkinu. Yíir-
stjórn Seðlabankans Iýsir því fullu trausti á störfum og starfsmönn-
um bankaeftirlitsins.
„Lengst af þann tíma, sem
Ávöxtun sf. starfaði, giltu ekki nein
lög um fjármálastarfsemi af þessu
tagi og bankaeftirlitið hafði því
engar sérstakar heimildir eða skyld-
ur til þess að hafa afskipti af eða
eftirlit með rekstrinum,“ segja
seðlabankamenn í áliti, sem þeir
hafa sent frá sér. „Hins vegar kærði
bankaeftirlitið Ávöxtun sf. í febrúar
1986 til ríkissaksóknara vegna
meints brots á lögum um innláns-
stofnanir en málið var látið niður
falla af hálfu ákæruvaldsins."
Seðlabankamenn segja að frá 1.
júní 1986 og síðan allan þann tíma,
sem Ávöxtun hafi starfað, hafi ver-
ið gildandi lög um verðbréfamiðlun,
sem verið hafi ófullkomin, eins og
reyndar komi einnig fram hjá um-
boðsmanni Alþingis. „Virðist um-
boðsmaður þó túlka heimildir
bankaeftirlitsins til afskipta á þessu
tímabili miklu víðtækar en eðlilegt
getur talizt. Jafnframt er ljóst að
bankaeftirlitið hafði engu _að síður
mikil afskipti af starfsemi Ávöxtun-
ar sf. og verðbréfasjóða þess og
átti fundi með forstöðumönnum
fyrirtækisins árið 1988, þar á með-
al með stjórnarformanni og löggilt-
um endurskoðanda. Var á þessu
tímabili þráfaldlega á það bent af
hálfu Seðlabankans, að þörf væri
víðtækrar heildarlöggjafar um þessi
efni,“ segir í álitinu.
Bent er á að samstarfsnefnd
Seðlabankans og viðskiptaráðu-
neytisins um starfsemi bankaeftir-
litsins telji eftirlitið hafa gegnt hlut-
verki sínu með eðlilegum hætti.
Loks er tekið fram að hvað varðar
hvatningu umboðsmanns um að
tekið verði tillit til ábendinga hans
um starf bankaeftirlitsins í fram-
tíðinni, þá verði þær hafðar til hlið-
sjónar.
Bessastaðahreppur:
Listi sjálf-
stæðismanna
samþykktur
Sjálfstæðisfélag Bessastaða-
hrepps hefur samþykkt, fram-
boðslista félagsins íyrir sveitar-
stjórnarkosningar í vor.
Eftirtaldir skipa iistann: Guð-
mundur G. Gunnarsson, María
Sveinsdóttir, Birgir Guðmundsson,
Guðmundur Ingvi Sverrisson, Jón
G. Gunnlaugsson, Sigurður G.
Thoroddsen, Guðrún Eggertsdóttir,
Ársæll Hauksson, Einar Ólafsson
og Erla Siguijónsdóttir.