Morgunblaðið - 26.05.1990, Page 24

24
MORGUNBLAÐIÐ LAUGARDAGUR 26. MAI 1990
Makalaus málflutningiir
eftir Kristínu Á.
Ólafsdóttur
Á síðasta snúningi kosningabar-
áttunnar hleypa frambjóðendur
Sjálfstæðisflokksins í Reykjavík í
sig kjarki og opna munninn opin-
berlega um Fæðingarheimili
Reykjavíkur. Og hvert er nú inn-
leggið? „Mikið hefur borið á að
fulltrúar minnihlutaflokkanna í
borgarstjórn hafi ekki hugað Fæð-
ingarheimilinu líf og nýlega kom
fram tillaga frá fulltrúa Alþýðu-
bandalagsins (nú frambjóðanda
Nýs vettvangs) um að loka því,“
skrifar geðlæknirinn Ingólfur S.
Sveinsson í Mogga á fimmtudag.
Og Guðrún Zoéga: „Fæðingar-
heimilinu hefur ekki verið lokað og
eru engin áform um það af hálfu
meirihlutans. Þvert á móti hefur
verið ákveðið að fjölga þar rúmum.
Hins vegar hefur Kristín Ólafsdótt-
ir, einn frambjóðenda Nýs vett-
vangs, lagt til að því verið lokað.“
Það má vera að fulltrúar Sjálf-
stæðisflokksins treysti í blindni á
upplýsingaskort fólks um málefni
Reykjavíkurborgar, þau sem koma
Sjálfstæðisflokknum illa. Þeir geti
þar af leiðandi leyft sér hvaða
ósvífni sem er í málflutningi. Og
eitt er víst, Morgunblaðið hefur
gætt þess vendilega að forðast all-
an fréttaflutning af síðasta þætti
þess vanda sem Sjálfstæðismenn í
borgarstjórn hafa komið Fæðingar-
heimilinu í.
Aðvörun hjúkrunar-
íiramkvæmdastjórans
Þeir tveir varaborgarfulltrúar
Sjálfstæðisflokksins sem létu
gamminn geysa í blaðinu sínu á
fimmtudaginn, gátu ekki um til-
drög þeirrar tillögu sem ég lagði
fram í stjórn sjúkrastofnana
Reykjavíkur snemma í þessum
mánuði. Skulu nú lesendur blaðsins
upplýstir um það, að á stjómar-
fundinn kom sá hjúkrunarfram-
kvæmdastjóri Borgarspítalans sem
er yfirmaður alls starfsfólks Fæð-
ingarheimilisins, nema fæðingar-
læknisins. Hjúkrunúrfram-
kvæmdastjórinn, sem ber höfuð-
ábyrgð á faglegum vinnubrögðum
og öryggi þjónustunnar, lagði fyrir
stjórnina erindi og tillögu, svohljóð-
andi: „Undirrituð leggur til í ljósi
aðstæðna að FHR verði lokað um
óákveðinn tíma nú þegar, og unnið
verði skilvirkt að eftirfarandi atrið-
um: 1. Taka ákvörðun sem byggj-
andi sé á um hvort borgin ætli að
reka áfram fæðingarhjálp á FHR
og sjá þá fyrir þeim forsendum sem
til þarf (sbr. tillögur um húsnæðis-
breytingar og nauðsynlegan tækja-
búnað ásamt því hvernig standa
beri að slíkum framkvæmdum ef
af verður). 2. Tryggja viðunandi
læknisþjónustu á FHR. Ef ekki
verður tekið ábyrgt á þessu máli
af SSR er að mati undirritaðrar
viðbúið að skjólstæðingar hljóti al-
varlegar afleiðingar af þjónustu
FHR fyrr en síðan."
Átti ekki að bera upp tillöguna
Eftir heitar umræður á stjórnar-
fundinum, þar sem hjúkrunarfor-
stjóri Borgarspítalans tók undir
erindið og formaður læknaráðs lýsti
þeirri skoðun sinni að ekki væri
Kristín Á. Ólafsdóttir
forsvaranlegt að halda áfram starf-
semi við óbreyttar aðstæður, varð
ljóst, að stjórnarformaðurinn, Páll
Gíslason, borgarfulltrúi Sjálfstæð-
ismanna hugðist ekki bera upp til-
lögu hjúkrunarframkvæmdastjór-
ans. Ég gerði þá tillöguna að
minni, og þeir létu sig hafa það,
formaðurinn og annar borgarfull-
trúi flokksins, Vilhjálmur Þ. Vil-
hjálmsson, að fella hana. Þar með
höfðu þeir að engu þessa sterku
aðvörun fagaðilanna, enda illt fyrir
flokkinn að standa frammi fyrir
afleiðingum eigin gjörða rétt fyrir
kosningar.
Afleiðingar þeirrar fásinnu Sjálf-
stæðismanna, að leigja læknahópi
húsnæði, sem Fæðingarheimilið
hafði brýna þörf fyrir, koma skýrt
fram í erindi hjúkrunarfram-
kvæmdastjórans, en þar segir m.a.:
„Nú er einungis einn starfandi sér-
fræðingur í fæðingarhjálp við FHR
og sinnir hann vaktþjónustu allan
sólarhringinn alla daga vikunnar.
Engir aðstoðarlæknar eru starf-
andi. Ljóst er að slíkt fyrirkomulag
er alls ekki viðunandi fyrir skjól-
stæðinga FHR.“ — „Starfsfólks-
flótti vel hæfs fólks er þegar hafinn
á FHR og er umræða faghópa er
starfa við fæðingarhjálp í
Reykjavík á þann hátt að óvíst er
hvort takist að fá hæft fólk til
starfa. Mönnun ljósmæðra á deild-
inni er nú í algjöru lágmarki og
ekki hefur tekist að ráða nýtt fólk
til starfa."
Áköllum geííð langt nef
Fólk minnist væntanlega við-
bragða fjölda manns, þar á meðal
fólks sem stutt hefur Sjálfstæðis-
flokkinn, þegar ljós urðu áform
meirihluta borgarstjórnar um að
leigja nokkrum hæð, sem Fæðing-
arheimilið hafði ríka þörf fyrir,
m.a. til þess að bregðast við veru-
legri fjölgun fæðinga síðustu árin.
Fólk ákallaði borgarstjórnarmeiri-
hlutann um að hlífa Fæðingarheim-
ilinu, um að tryggja fjölskyldum
sómasamlega fæðingarþjónustu í
Reykjavík. Þau áköll hljómuðu á
fjölsóttum fundi á Hótel Borg, þar
sem enginn borgarfulltrúi Sjálf-
stæðisflokksins þorði að stinga inn
höfði. Áköllin bárust sjálfstæðis-
mönnum í gegnum undirskriftir
hundruð Reykvíkinga. En allt kom
fyrir ekki. Litli læknahópurinn,
sjálfsagt vinir geðlæknisins, fengu
það sem þeir vildu og vinum Fæð-
ingarheimilisins var gefið langt
nef. Hvar var þá Ingólfur Sveins-
son, hinn mikli aðdáandi Fæðingar-
heimilis Reykjavíkur?
Reynt að þagga niður málið
Sjálfstæðismenn ætluðust auð-
vitað til að aðvörun og tillaga
hjúkrunarframkvæmdastjórans
yrði þögguð niður. Það átti ekki
að bera hana undir atkvæði stjóm-
arinnar. Þá hefði hún legið hljóð
og hættulítil í skjalasafni og ein-
ungis unnt að lesa í fundargerð:
„Lagt fram erindi um Fæðingar-
heimili Reykjavíkur".
Að sjálfsögðu lét ég strax vita
af þessari aðvörun, enda ber mér
til þess skylda sem fulltrúi Reyk-
víkinga í stjórn Borgarspítalans.
Og ríkisútvarpið gerði frétt um
málið. Þá upphófst mikill taugatitr-
ingur hjá flokknum við að reyna
að þjarga málum fyrir horn á
síðustu stundu kosningabaráttunn-
„Ég gerði þá tillöguna
að minni, og þeir létu
sig hafa það, formaður-
inn og annar borgar-
íulltrúi flokksins, Yil-
hjálmur Þ. Vilhjálms-
son, að fella hana. Þar
með höfðu þeir að engu
þessa sterku aðvörun
fagaðilanna, enda illt
fyrir flokkinn að standa
frammi fyrir afleiðing-
um eigin gjörða rétt
fyrir kosningar.“
ar. Öryggistæki (monetor), sem
beðið hafði verið um í fleiri mán-
uði, var allt í einu komið upp á
Fæðingarheimili í kjölfar fréttar-
innar, og svarnir voru dýrir eiðar
um að nú yrði húsnæðisvandanum
einhvern veginn bjargað. Og Sjálf-
stæðismennirnir reyndu að slaka á
stríðum taugum, ekki síst með það
prýðis „vopn“ í höndunum að það
voru pólitískir andstæðingar þeirra
sem „lögðu til að Fæðingarheimil-
inu yrði lokað“.
Ég held hins vegar, að hugarró
þeirra sem sniðganga sannleikann
svo rækilega sem gert var í Morg-
unblaðinu á fimmtudaginn, geti
hvorki verið djúp né heil.
Höfundur er borgarfulltrúi og
skipar 2. sætiá framboðslista Nýs
vcttvangs í Reykjavík.
Kristín Á. Ólafsdóttir óskaði birt-
ingar á meðfýlgjandi grein til þess
að koma á framfæri athugasemdum
við greinar eftir Ingólf S. Sveinsson
og Guðrúnu Zoéga, sem birtust hér
í blaðinu sl. fimmtudag.
Þar sem þetta tölublað Morgun-
blaðsins kemur út á kjördag veitti
hún samþykki sitt til þess, að Ing-
ólfur S. Sveinsson og Guðrún Zoéga
kæmu að svörum í sama blaði og
birtast þau hér einnig.
Ritstj.
Enn um Fæðingar-
heimili Reykjavíkur
eftirlngólfS.
Sveinsson
í tilefni af grein minni „Fæðing-
arheimili Reykjavíkur mun starfa
áfram“, sem birtist í Morgunblað-
inu á uppstigningardag 24. maí,
vil ég taka fram eftirfarandi: Vel-
unnarar Fæðingarheimilisins hafa
haft samband við mig og þakkað
greinina og getið þess jafnframt
að sú aðferð vinstra liðsins að nota
heimilið sem efnivið til árása á
borgarstjórnarmeirihlutann hafi
valdið óþægindum fyrir starfsfólk.
Hins vegar hefi ég einnig heyrt
raddir frá þeim sem auka vilja
óánægju og vandræði. Segja þær
að heimilið hafi ekki starfsfólk og
þó einkum ekki læknalið til að
veita örugga þjónustu. Heimilið
hefur undanfarið farið í gegnum
tímabil óróleika og óvissu en upp-
lýsingar mínar eru nýjar. Vil ég
vísa til heimildarmanns míns,
Benedikts 0. Sveinssonar, sér-
fræðings í kvensjúkdómum og
fæðingarhjálp. Benedikt hafði ver-
ið frá störfum í nokkrun tíma en
hefur nú hafið störf á ný og hyggst
halda áfram. Allar upplýsingar í
grein minni voru staðfestar af hon-
um_2 dögum áður en greinin birtist.
Ég vil að lokum ítreka þá ósk
mína að friður megi aukast en
ekki minnka kringum heimilið og
að gandreið þeirra Kristínar A.
Olafsdóttur og vinkvenna hennar
megi ljúka þegar sól rís eftir kosn-
ingar.
Iíöfundur er læknir. Hann skipar
20. sæti á framboðslista
Sjálfstæðisflokksins.
Ingólfur S. Sveinsson
Aldrei hefur staðið til að
loka Fæðingarheimilinu
eftir Guðrúnu Zoega
Orð Kristínar um ósvífni í mál-
flutningi hitta hana sjálfa fyrir. Hún
og aðrir borgarfulltrúar minnihlut-
ans hafa haldið því fram og reynt
að telja öðrum trú um, gegn betri
Kynning á gas- og eldskynjurum
Þriðjudaginn 29. maí kynnir ör-
yggisþjónustan Vari og bandaríska
fyrirtækið DET-TRONICS nýja
gerð eldskynjara.
Skynjarar þessir skynja inn-
rauða- og útfjólubláa geislun elds
í tuga metra ijarlægð. Skynjaramir
eru sérstaklega ætlaðir til notkunar
í efnaverksmiðjum, flugskýlum,
olíubirgðastöðum og við aðrar
áhættusamar aðstæður jafn utan-
húss sem innan. Þess má geta að
skynjarar þessarar tegundar hafa
nýlega verið settir upp í vetnisfram-
leiðsludeild áburðarverksmiðjunnar
í Gufunesi. Einnig framleiðir DET-
TRONICS sérstaka gas-skynjara.
Sven Frejvall fulltrúi DET-
TRONICS á Norðurlöndum kynnir
skynjara þessa í húsakynnum
VÁRA - Þóroddstöðum við Skóg-
arhlíð. Verkleg sýning fer fram að
fundi loknum hjá slökkviliði
Rey kj avíkurflugvallar.
Kynning þessi er fyrst og fremst
ætluð hönnuðum og ábyrgðarmönn-
um öryggismála í þeim stofnunum
og fyrirtækjum sem framleiða,
geyma, eða nota eldfim efni og loft-
tegundir.
Aðgangur að kynningunni er tak-
markaður og þurfa þeir sem áhuga
hafa á að mæta að hringja í VARA
og tilkynna um þátttöku sína.
(Fréttatilkynning)
Guðrúnu Zoega
vitund, að sjálfstæðismenn vildu
loka Fæðingarheimilinu. M.a. er því
haldið fram í auglýsingu Nýs vett-
vangs, sem ég gerði að umtalsefni
í grein minni. Staðreyndin er sú að
það hefur aldrei staðið til. Ef svo
hefði verið hefðu fulltrúar Sjálf-
stæðisflokksins að sjálfsögðu átt
að grípa þetta tækifæri fegins
hendi. Það var ekki gert, heldur
haldið áfram að vinna að lausn
þeirra vandamála, sem upp hafa
komið meðal starfsfólks heimilisins
og er árangurinn að koma í ljós
núna. Það er húsnæði, sem staðið
hafði autt í tæpt ár, og Fæðingar-
heimilið hafði ekki- notað í mörg ár
þar áður, var leigt út til nokkurra
sjálfstætt starfandi lækna, hefur
engin áhrif á starfsemi Fæðingar-
heimilsins.
Höfundur er vcrkfræðingur og
skipar 9. sæti á framboðslista
Sjálfstæðisflokksins í Keykja vík.