Morgunblaðið - 24.06.1990, Blaðsíða 24

24
MORGUNBLAÐIÐ SUNNUDAGUR 24. JÚNÍ
Texti og myndir: Agnes Bragadóttir
ÁKVEÐINN tíma á sumri hverju
fer fram starfsemi að Hólum í
Hjaltadal, sem ekki getur talist
dæmigerð fyrir Bændaskólann
að Hólum, en engu að síður á
hún hug og hjörtu starfsmanna
sem þátttakenda. Hér er átt við
sumarbúðirnar fyrir börn og
unglinga sem starfræktar eru
nokkrar vikur á sumri hveiju,
og stendur hvert námskeið í eina
viku. Það er Bændaskólinn að
Hólum sem er framkvæmdaaðil-
inn, en sumarbúðirnar eru rekn-
ar í samvinnu við Þjóðkirkjuna.
Blaðamaður Morgunblaðsins brá
sér norður í blíðunni fyrir nokkr-
um dögum, ræddi við Jón
Bjarnason, skólastjóra Bænda-
skólans, um sumarbúðirnar og
fylgdist með ungviðinu við leik
og störf.
— Hversu lengi hafa þessar
sumarbúðir verið starfræktar?
„Þetta er áttunda sumarið sem
við rekum búðirnar. Upphaflega
var það þannig að séra Hjálmar
Jónsson, prófastur á Sauðárkróki,
og Karl Lúðvíksson, íþróttakennari
í Varmahlíð, og ég komum okkur
saman um að hér væri aðstaða
fyrir hendi, sem nýta mætti fyrir
börnin úr héraðinu, til leikja og
fræðslu ákveðinn tíma úr sumrinu.
Mér höfðu borist ýmsar óskir um
að slíkri starfsemi yrði komið á hér
á Hólum.
Það er Bændaskólinn sem rekur
sumarbúðirnar, en prestamir í
Skagafirði leggja búðunum til einn
starfsmann, sem er þá iðulega guð-
fræðinemi eða guðfræðingur. Karl
Lúðvíksson íþróttakennari hefur
verið aðalleiðbeinandinn á nám-
skeiðunum hjá okkur frá upphafi
og gengið geysilega vel.“
Sterkari vitund um Hóla
innan héraðsins
— Hvert er markmiðið með
þessum sumarbúðum?
„Það er nú margþætt. Við viljum
fræða börnin um þetta merka set-
ur, sögu þess og starfsemi. Jafn-
framt viljum við gefa börnunum
tækifæri til þess að kynnast bú-
skaparháttum. Þau eru við ýmsa
náttúruskoðun, skógrækt, skoða
loðdýrabúið, fiskeldisstöðina og fá
tilsögn í skyndihjálp. Auk þessa eru
þau við ýmiss konar íþróttaiðkun,
en hér er afbragðs aðstaða til
íþrótta- og sundiðkunar. Þau fara
á hestbak daglega, sem er langvin-
sælasti þátturinn í öllu prógramm-
inu hér. Hólar eru svolítið úr leið
í héraðinu og sú löngun blundaði
einnig hjá okkur að svona starfsemi
vekti upp sterkari vitund um Hóla
innan héraðsins."
- Hversu mörg böm komast á
hvert námskeið og hvaða eru börn-
in?
„Það eru um 40 böm sem kom-
ast á hvert námskeið, en við erum
með þijú til fjögur námskeið yfir
sumartímann. Börnin eru að lang-
mestu leyti úr Norðurlandskjör-
dæmi vestra, en þó eru alltaf nokk-
ur sem koma annars staðar frá.
Þétta er alls ekki lokað fyrir öðrum
bömum, en aðsóknin héðan úr kjör-
dæminu hefur verið svo mikil að
við höfum ekki annað eftirspum-
inni. Reyndar er alltaf ákveðinn
flöldi barna á biðlista, sem ekki
kemst að, því miður.“
Krakkarnir koma
aftur og aftur
— Nú heyri ég það á krökkunum
sem ég er búin að spjalla við, að
þessi vika er þeim undursamlegt
Innar í dalnum er lítil tjörn, til
orðin vegna frárennslis af lax- og
silungseldisstöðinni. Hér fá börnin
að spreyta sig á gúmbátum og æfa
róður. Það gengur svona upp og
ofan, eins og við er að búast hjá
þessum aldurshópi, en gi-einilegt
að ánægjan af tiltækinu er ótak-
mörkuð. Þegar blæs, rekur bátana
yfir í hinn enda tjarnarinnar, og
lífróður lítilla handa fær þar engu
um breytt. Þá finnst hópnum gott
til þess að vita að Kalli, sem vakir
yfír hverri hreyfingu úr því sem
börnin nefna „varðskip", er snögg-
ur á staðinn og tekur strandaglóp-
ana í tog.
Kalli er skemmtilegastur
„Það eru allir skemmtilegir hér,
en Kalli er lang skemmtilegastur,“
upplýsir lítil hnáta og aðrir taka í
sama streng. Það er greinilegt að
Karl Lúðvíksson íþróttakennari,
sem börnin nefna alltaf Kalla, á
sér fjöldann allan af ungum aðdá-
endum. í þeirra hópi eru eineggja
tvíburasysturnar Kristrún og María
af Króknum. Þær eru svo líkar að
nánast hlýtur að vera útilokað að
þekkja þær í sundur. Þó hafa hinir
krakkarnir komið sér upp aðferð
til þess að greina þær í sundur:
Kristrún er með sár á kinninni, en
María ekki! „Það er æðislega gam-
an héma,“ segir Kristrún og María
bætir við: „Mér finnst allt algjört
æði.“ en hvað finnst þeim skemmti-
legast: „Að fara á hestbak, keppa
í júdó, fara út á bát og æfa há-
stökk. Kannski bara allt.“
Þær Kristrún og María segjast
hlakka svolítið til þess að fara heim,
en ekki mjög. Þær ætla ekki að
stoppa lengi á Króknum, því þær
eru á leiðinni í sveit til frænku
sinnar að Mánárbakka á Tjörnesi.
Er níu, nei ég meina tíu
„Eg er níu, nei, ég meina tíu,“
segir Sindri, en er eitthvað örlítið
undirleitur um leið. Blaðamaður
gengur á hann með afmælisdaginn
og kemur þá á daginn að hann er
ekki fyrr en 20. nóvember. Samn-
ingar takast með blaðamanni og
Sindra um að hann verði að una
því enn um sinn að vera bara níu
ára. Sindri hefur mest gaman af
því að fara á hestbak og út á bát.
Þetta er fyrsta skiptið sem hann
kemur í sumarbúðirnar á Hólum,
en hann er staðráðinn í því að koma
aftur og sömu sögu er reyndar að
segja af öllum börnunum sem voru
spurð þeirrar spurningar. Árni Geir
er orðinn tíu ára. „Mér finnst mest
gaman á hestbaki og í júdó, og svo
örugglega á bátunum," segir hann
áður en hann spennir á sig björgun-
arvestið og snarast um borð.
Bömin sjá sjálf um kvöldvökur,
með söng og skemmtiatriðum öll
kvöldin, með dyggri aðstoð leið-
beinendanna. Kristinn Sigþórsson
guðfræðinemi stýrir bænahaldi og
kristilegri uppfræðslu og börnin
læra einhver býsn af söngvum.
Síðasta kvöldið er svo diskótek og
danskeppni og börnin fá að vaka
til hálftólf, sem er hreint ekki svo
lítið í augum smáfólksins. Það er
greinileg eftirsjá í svip barnanna
þegar þau eru að kveðjast eftir
hádegi laugardagsins, en vonin um
endurfundi að ári er þó huggun
ævintýr — þaulskipulögð og spenn-
andi dagskrá frá klukkan átta á
morgnana og fram á rauðakvöld.
Fáið þið ekki sömu börnin til ykkar
sumar eftir sumar?
„Jú, það er mikið um það að
krakkarnir koma aftur. Þau yngstu
sem komast að eru níu ára. Við
skiptum börnunum í hópa eftir
aldri, tökum 9 til 10 ára börn á
sérnám-
skeið og 11 til 12 ára á sémámske-
ið. Það eru fjölmörg börn sem hafa
komið hingað á námskeið þrisvar
til fjórum sinnum, og ég hugsa að
það séu mjög fá börn sem alast
hérna upp hér á svæðinu sem ekki
hafa komið hingað a.m.k. einu sinni
á tímabilinu 9 til 12 ára.“
Þær hafa augljóslega verið óskabörn þær Kristrún og María, ein-
eggja tvíburarnir frá Sauðárkrók, enda heita þær báðar Ósk að
seinna nafni og eru Sigurðardætur. Þeim sem öðrum fannst svolítið
erfitt að róa, þegar blés .. .
Krakkarnir eru öll sammála um að útreiðartúr í góðu veðri
sé „toppurinn á tilverunni", enda lék veðrið við þau á Hólum.
Morgunbladid
heimsækir
sumarbúdir
á Hólum
í Hjalfadal
... þá var nú hughreystandi að geta kallað til Kalla á „varðskip-
inu“ sem réri umsvifalaust til strandaglópanna og tók þá í tog.
— Ég hef séð að hér hjá ykkur
er fatlaður drengur í hjólastól.
Hvernig gengur slíku barni að taka
þátt í dagskránni hjá ykkur?
„Það gengur alveg ljómandi hjá
honum Ragnari litla. Við höfum
haft samstarf við Svæðisnefnd fatl-
aðra um að reyna að taka á hvert
námskeið eitt fatlað barn. Þessi
börn njóta supiarbúðanna, ekki
síður en önnur börn, og það er
mjög gott fyrir heilbrigðu börnin
^að fá tækifæri til þess að umgang-
ast fötluð börn, leika sér með þeim
og læra að taka tillit til þeirra.
Ragnar hefur tekið þátt í velflestu,
með góðri aðstoð Sólveigar, kenn-
ara síns, og annarra starfsmanna
hérna og svo auðvitað hinna barn-
anna. Hann hefur meira að segja
farið á hestbak.“
Hann á aftnæli hann Ragnar
Úr setustofunni berst nú mikill
kliður, og blaðamaður fer að for-
vitnast um hvað standi til. Þar er
allur barnahópurinn saman kominn
ásamt leiðbeinendum, til þess að
syngja fyrir Ragnar Berg, frá
Bergsstöðum sem á níu ára af-
mæli þennan dag. Börnin syngja
af kappi og gleðin ljómar af Ragn-
ari, sem með aðstoð barnanna býð-
ur öllum upp á sælgætismola.
Hann var brosmildur hann
Ragnar Berg Andrésson frá
Bergsstöðum laugardaginn 16.
júní, þegar börnin komu saman
á sal og sungu: „Hann á afmæli
í dag ... Hann er níu ára í
dag... Hann er níu ára hann
Ragnar."
Söng- og leikgleðin leynir sér
ekki í svip krakkanna er þau
taka lagið áður en haldið er úl
í náttúruna.