Morgunblaðið - 01.12.1990, Page 24

öS
24---
oeei aaaMaaaa .1 aaoAaHAOUAJ aiaAjavrjoíiOM
MORGUNBIIAÐIÐ'tAUGARDAGUin DESEMBER 1990
RUT Glæsibæ
RUT Kópavogi
RUT Eiðistorgi
Menningarmiðstöðin við Gerðuberg er eitt fjölmargra húsa, sem Teiknistofan hf hefur teiknað.
Teiknistofan hf. 50 ára
Morgunblaðið/Sverrir
Eigendur teiknistofunnar frá vinstri: Halldór Guðmundsson, Jósef Reynis, Leifur Gíslason og Gísli
Halldórsson, sem stofnaði stofuna og hefur starfað við hana í hálfa öld.
eftirHalldór
Guðmundsson
EIN AF elstu arkitektastofum
landsins verður 50 ára þann 1. des-
ember, er það Teiknistofan hf.,
Ármúla 6, sem stofnuð var þann
dag árið 1940.
Eins og kunnugt er breytti stríðið
er hófst í september 1939 högum
margra. Margir íslendingar er voru
erlendis lentu í erfiðleikum þegar
allar samgöngur rofnuðu við megin-
land Evrópu. Vildu þeir heldur fara
heim en fara til vinnu i Þýska-
landi, sem fiestir áttu kost á og þó
einkum tæknimenn. Það var þá sem
íslenska ríkið fékk leyfí'til að senda
strandferðaskipið Esju til Petsamo
og sækja þangað um 300 íslend-
inga, eins og getið var um nýlega
í Morgunblaðinu.
Með í þessari ferð voru m.a. Sig-
valdi Tordarson og Gísli Halldórs-
son, sem báðir höfðu verið við nám
í húsagerðarlist á listaháskólanum
i Kaupmannahöfn. Þegar þeir komu
heim og leituðu eftir vinnu á þeim
teiknistofum, sem þá voru hér, voru
svörin ekki uppörvandi. Enginn
hafði þörf fyrir vinnukraft. Enda
lá þá byggingarstarfsemi nánast
niðri um þessar mundir, aðeins
byggðar 25 íbúðir árið 1940.
Það var því engin lausn önnur,
en að setja á fót teiknistofu og sjá
hvað framtíðin bæri í skauti sínu.
Það varð engin örtröð fyrst um
sinn, en fyrstu húsin sem teiknuð
voru, eru húsin Laufásvegur nr. 21
og 23, sem síðan voru sameinuð
fyrir sendiráð Bandaríkjanna.
Teiknistofan hefur allt frá byijun
hannað hverskonar hús og mann-
virki, bæði fyrir einkaaðila og hið
opinbera.
Að sjálfsögðu hafa orðið nokkrar
breytingar á eignaraðild Teiknistof-
unnar á þessum langa tíma. Sig-
valdi Tordarson skipti um starfs-
vettvang árið 1950 er hann tók að
sér stjómun teiknistofu SÍS. En þá
hafði Kjartan Sigurðsson arkitekt
gerst meðeigandi um tíma. Árið
1957 gerðust Jósef Reynis arkitekt
og Ólafur Júlíusson byggingar-
tæknifræðingur meðeigendur og
hefur síðan orðið lítil breyting á
eignaraðilum, nema 1974, eftir
sviplegt fráfall Ólafs að Bjarni
Marteinsson arkitekt og Leifur
Gíslason byggingarfræðingur gerð-
ust eignaraðilar. Árið 1980 stofnaði
Bjarni sína eigin teiknistofu, en þá
kom Halldór Guðmundsson arkitekt
og gerðist eignaraðili.
Teiknistofan hefur verið rekin
síðustu 25 ár í eigin húsnæði í Árm-
úla 6. Á undanfömum ámm hafa
starfað 12-15 arkitektar og bygg-
ingarfræðingar á stofunni.
Á þessum langa tíma hefur verið
unnið að mörgum mismunandi
byggingarframkvæmdum. Má þar
til nefna flugstöðvar út um lands-
byggðina og skipulag af Reykjavík-
urflugvelli, deiliskipulög og aðal-
skipulög, Póst- og símahús, íbúðar-
hús fyrir einkaaðila og stjórn
Verkamannabústaða í Reykjavík,
skólahús, bankahús, verslunarhús,
íþróttahús, félagsheimili, hótel og
veitingasali, vistheimili, hjúkrunar-
heimili, orkustöðvar, verslanamið-
stöðvar o.fl. Jafnhliða hönnunar-
verkefnum fer fram ýmis önnur
starfsemi tengd byggingariðnaði,
s.s. áætlanagerðir, kostnaðarút-
reikningar, ýmsar áætlanagerðir og
stjórnun byggingarframkvæmda.
í dag er Teiknistofan hf. stærsta
einkarekna arkitektastofa landsins
með mörg og fjölbreytt verkefni.
Eigendur stofunnar eru Gísli
Halldórsson arkitekt, Leifur Gísla-
son byggingarfræðingur, Jósef
Reynis arkitekt og Halldór Guð-
mundsson arkitekt.
Höfundur er arkitekt og einn
eigenda Teiknistofunnar hf.