Morgunblaðið - 01.12.1990, Blaðsíða 45
MORGUNBLAÐIÐ LAUGARDAGUR 1. DESEMBER 1990
45
„Fólk og ræningjar í Karde-
monunubæ“ á Hvolsvelli
eftir Ingibjörgu
Marmundsdóttur
Leikfélag Rangæinga frumsýndi
leikrit Thorbjörns Egner „Fólk og
ræningjar í Kardemommubæ" laug-
ardaginn 17. nóvember, í húsnæði
Kaupfélags Rangæinga á Hvols-
velli, þar sem áður var starfrækt
Saumastofan Sunna.
Húsfyllir var á frumsýningu og
stemmning góð. í anddyrinu voru
frumsýningargestir boðnir vel-
komnir á Kardemommuhátíðina af
íbúum bæjarins og fékk maður
strax á tilfinninguna að komið væri
ríki í ríkinu eða þorp í þorpinu, —
Kardemommubærinn var kominn á
Hvolsvöll til að vera um skeið.
Á veggjum beggja vegna við inn-
ganginn að áhorfendabekkjum
blasa við teikningar af fólki og
mannvirkjum í Kardemommubæ og
eru teikningar þessar unnar af
yngstu kynslóð Rangæinga. Vöktu
þær og sviðið þegar inn var komið
svipaða eftirvæntingu og tilhlökk-
un, sem fýlgir því að horfa á og
þukia jólapakka, sem ekki má taka
upp strax. Innihald pakkans, sem
Leikfélag Rangæinga hefur undan-
famar vikur unnið hörðum höndum
við að undirbúa handa okkur áhorf-
endum olli ekki vonbrigðum.
Sviðið, sem í fýrstu er torgið í
Kardemommubæ fylltist af syngj-
andi bæjarbúum, Tobías í turninum
(leikinn af Þorsteini Runólfssyni)
spáði góðu veðri og Bastían bæjar-
fógeti kynnti fyrirhuguð dagskrár-
atriði á hátíðinni.
Þannig byijar sýningin með
krafti og hressum blæ, sem fylgir
henni til enda. í hlutverkum bæj-
arbúa eru börn og unglingar í meiri-
hluta og skila þau sínu hlutverki
með sóma og samviskusemi, hvert
spor fyrirfram ákveðið og þess
vandlega gætt að enginn „steli
senu“ af öðrum og kemur þar vel
fram gott vald leikstjóranna á því
sem þeir era að gera og þessu ná
þeir án þess að þvingun eða ótti
sé til staðar hjá nokkurri persónu.
Þetta er glaðlegur hópur, sem syng-
ur og leikur af hjartans lyst og
skilar texta skýrt og vel. Remó litli
er leikinn af Daða Friðrikssyni,
Kamilla af Berglind Hákonardóttur
og Tommi af Árna Þór Guðjóns-
syni, en hlutverk Tomma og Kam-
illu hafa einnig æft þau Hanna
Friðriksdóttir og Guðmundur Sæ-
mundsson og munu þau skiptast á
að leika hlutverkin.
Leikritið þekkja flestir, þetta er
bráðskemmtileg saga um Iíf og
starf í bæjarfélagi, sem er saman
sett af alls konar fólki, sem býr við
sitt strit, bakar brauð, gerir pylsur,
hittist á torginu og ræðir málin og
drífur sig svo í að undirbúa og halda
hátíð, rétt eins og við þekkjum úr
okkar lífí. En eins og í öllum bæjar-
félögum er fólkið í Kardemommubæ
ekki allt eins og víða er misjafn
sauður í mörgu fé. Ræningjarnir
þrír, Kasper, Jesper og Jónatan, eru
vandamálið í þessum bæ, en á því
vandamáli er tekið og það leyst.
Og hvernig er það leyst? Með því
að glæða það sem gott er í þessum
greyjum og gefa þeim tækifæri á
„Það hafa margir lagt
hönd á plóginn við upp-
setningu þessa verks en
að sögn formanns leik-
félagsins koma um 50
manns við sögu á einn
eða annan hátt.“
nýjum starfsvettvangi. „Það er
gaman að geta gengið um og boðið
góðan daginn," segja þeir í lokin,
þá orðnir fijálsir menn.
Þetta er líklega boðskapurinn,
sem þetta ævintýri inniheldur,
áminning til okkar að vera ekki of
fljót á okkur að dæma náungann
og íhuga stöðu þeirra, sem ein-
hverra hluta vegna eru ekki fijálsir
að því að ganga um og bjóða góðan
daginn.
Ræningjarnir eru leiknir af þeim
Þorsteini Ragnarssyni, Jóhanni
Haukssyni og Þráni Sigvaldasyni
og skila þeir þremenningar hlut-
verkum sínum afar vel.
Eitt atriði af mörgum góðum vil
ég nefna sérstaklega, en það er
þegar bæjarbúarnir þrír handtaka
ræningjana og færa þá til yfir-
heyrslu hjá Bastían, en í yfirheyrsl-
unni ná leikarar frábæru samspili.
Bastían bæjarfógeti var á frum-
sýningu leikinn af Bjarna Böðvars-
syni, en Sigurgeir Hilmar Friðþjófs-
son mun leika hlutverkið á móti
Bjarna. Hin miður viðmótsþýða,
röggsama og inn við beinið ágæta
Soffía frænka er leikin af Ásgerði
Ásgeirsdóttur. Það sögðu margir
sem til þekkja, þegar það kvisaðist
hver leika ætti Soffíu að þar væri
rétt kona á réttum stað, og ég sá
ekki betur á frumsýningunni en
þetta væri hárrétt.
Leikstjórar eru þau Ingunn Egils-
dóttir og Elfar Bjarnason bæði
menntað leikhúsfólk. Elfar er
Rangæingum að góðu kunnur fyrir
fyrri verk sín hjá leikfélaginu, en
hann hefur séð um ljós og leikmynd-
ir undanfarin ár.
Hann ásamt Ingunni og Hafþóri
Þórhallssyni sér einnig um leik-
myndina nú og ber hún höfundum
sínum vitni um vandvirkni og fal-
legt handbragð, dýragervin eru frá-
bær og þegar þau öðlast líf og
hreyfíngu leikaranna trúir maður
næstum að lifandi dýr séu á ferð-
inni.
Tónlist er mikill þáttur í sýning-
unni, einsöngur, kórsönur og undir-
leikur. Söngurinn er kraftmikill og
góður, texti skilar sér vel og undir-
leikurinn er fínn og fjörugur. Söng-
þjálfun og undirleik á æfingum
annaðist Gunnar Marmundsson, en
Stefán Þorbergsson hljómsveitar-
stjóri á heiðurinn af undirleik á
sýningum.
Það hafa márgir lagt hönd á
plóginn við uppsetningu þessa verks
en að sögn formanns leikfélagsins
koma um 50 manns við sögu á einn
eða annan hátt. Margar andvöku-
nætur, akstur fram og til baka og
mikið púl liggur að baki. En hópur-
inn uppsker nú árangur erfíðis síns
með glæsilegri sýningu. Ég giska
á að aldursmunur þess yngsta og
elsta í hópnum sé um 50 ár, en
þrátt fyrir það tekst stjómendum
að stýra hópnum til sigurs á sviðinu
og um leið afsanna þá kenningu
sem raddir í þjóðfélaginu klifa á
að fólki skuli skipta í fjóra hópa
þ.e. börn, unglinga, fólk og gamal--
menni. Við erum öll manneskjur
sem eigum að geta unnið saman
beri stjórnendur þjóðfélagsins gæfu
til að vinna eins og leikstjórarnir í
Kardemommubænum gera. Þökk
sé öllum hópnum fyrir skemmtun-
ina.
Ég hvet alla, sem vettlingi valda
og geta gengið um og sagt góðan
daginri til að heimsækja Hvolsvöll
og sjá hvernig bæjarlífið gengur
fyrir sig í Kardemommubæ. Það er
vel þess virði.
Leikfélagið lengi lifi.
Höfundur er búsett á Hvolsvelli.
Vegurinn um Mýrar:
Borgarverk með lægsta tilboð
BORGARVERK hf. í Borgarnesi
átti lægsta tilboð í lagningu Ól-
afsvíkurvegar'um Mýrar en lagn-
ing vegarins var boðin út fyrir
skömmu.
Borgarverk býðst til að leggja
veginn fyrir 40,5 milljónir kr., sem
er innan við 70% af kostnaðaráætl-
un Vegagerðarinnar. Vegagerðin
áætlaði kostnað 58,4 milljónir og
er tilboð Borgarverks því tæpum
18 milljónum lægra.
Tíu verktakar buðu í veginn um
Mýrar. Öll voru tilboðin undir áætl-
un Vegagerðarinnar, utan eitt, sem
var 12% yfír kostnaðaráætlun.
• M
AFÞRUMumm oe oryggi
Líttu inn og fagnaðu með okkur
Ilobus?
Lágmúla 5, s. 681555
FRUMSYNING
ÁSAAB9000CD
- MiB NÝIU 2.3 16 v. TÚRBÓVÉLINNI
ídagkl. 10:00-16:00
og á morgun kl. 13:00-16:00.
HÉR&NÚ AUCtÝSIN'GASTOFA