Morgunblaðið - 20.02.1991, Qupperneq 48

— svo vel
sé tryggt
ALMENNAR

PC MAGAZINE UM
ÍBM OS/2:
„ÞETTA ER
FRAMTÍÐIN"
MIÐVIKUDAGUR 20. FEBRUAR 1991
VERÐ I LAUSASOLU 100 KR.
Víkurbergið GK á veiðum skammt vestan við Vestmannaeyjar síðdegis í gær.
Morgunblaðið/Sigurgeir
Long John
Silver’s á í
erfiðleikum
Veitingahúsakeðjan Long
John Silver’s á nú í umtalsverð-
um fjárhagserfiðleikum. Helztu
ástæðurnar eru sagðar hár fjár-
magnskostnaður, hátt verð á
fiski og eldsneyti. Sjávarút-
vegstímaritið Seafood Leader
skrifar um stöðuna í nýjasta tölu-
blaði og spyr í fyrirsögn hvort
Long John Silver’s sé að drukkna
i skuldum.
Vegna mikilla skulda hefur gefið
á bátinn og fyrirtækið orðið að
borga óvenju háa vexti, allt að 15%,
og lánakostnaður því verið gífurleg-
ur. Til að létta á rekstrinum hefur
móðurfyrirtækið, Jerrico, selt aðrar
veitingahúsakeðjur í eigu sinni.
Long John Silver’s hefur verið
stærsti einstaki kaupandi íslenzkra
þorskflaka, en hlutur fyrirtækisins
í þeim viðskiptum hefur farið
minnkandi og ræður ekki lengur
úrslitum í fisksölu okkar vestan
hafs.
Sjá nánar á bls. Bl.
Verið er að undirbúa
nýjan loðnuleiðangur
Mokveiði hjá loðnuskipunum á þrem stöðum við Suðurland
MOKVEIÐI var hjá loðnuskipun-
um á þremur stöðum í gær, við
Krísuvíkurberg skammt austan
"Tið Grindavík, rétt vestan við
Vestmannaeyjar og við Ingólfs-
höfða. Verið er að undirbúa nýjan
loðnuleiðangur við Suðurland á
næstunni að beiðni sjávarútvegs-
ráðherra og líklegt er að rann-
sóknaskipið Árni Friðriksson fari
i þann leiðangur, að sögn Jakobs
Jakobssonar forstjóra Hafrann-
sóknastofnunar. Árni Friðriksson
mældi 400 þúsund tonn af loðnu
frá Hjörleifshöfða að Þorlákshöfn
á sunnudagskvöld og mánudags-
morgun og var það í samræmi við
fyrri niðurstöður, þar sem búið
var að veiða um 50 þúsund tonn
úr þessari göngu, að sögn Jakobs.
*■* Snorri Gestsson, skipstjóri á Gígju
VE, segir að mun meira sé af loðnu
í sjónum en þau 525 þúsund tonn,
sem fiskifræðingar hafi mælt, og
Bjami Gunnarsson, skipstjóri á
Hólmaborg SU, segist vera viss um
að ekki sé minna af loðnu í vetur en
á síðustu vertíð. Skipstjórarnir segja
að loðnan sé stór og falleg, bæði við
Krísuvíkurberg og Ingólfshöfða. Um
' 450 þúsund tonn af loðnu mældust
við Suðausturland fyrir fund sjávar-
útvegsráðherra með leiðangursstjór-
um rannsóknaskipanna og loðnu-
skipstjórum á Reyðarfirði 11. febrú-
síðastliðinn.
Eftir Reyðarfjarðarfundinn mældi
rannsóknaskipið Bjarni Sæmunds-
son 50 þúsund tonn af loðnu við
Hvalbak og rannsóknaskipið Árni
Friðriksson mældi 25 þúsund tonn
við Stokksnes. Fiskifræðingar
mældu því samtals 525 þúsund tonn
af loðnu. Leyft var að veiða 182
^pusund tonn af því magni en fiski-
fræðingar vilja að um 400 þúsund
tonn fái að hrygna. Hugsanlegt er
að loðnan, sem mæld var við Stokks-
nes, sé nú komin að Ingólfshöfða,
að sögn Jakobs Jakobssonar. Hann
segir að loðnan við Hvalbak hafi
verið smærri og skemmra á veg
komin en loðnan við Stokksnes.
Loðna hefur fundist á Vestfjarða-
miðum undanfarið og hugsanlegt er
að lítil loðnuganga komi þaðan og
hrygni í Breiðafirði eða við Snæfells-
nes, að sögn Jakobs Jakobssonar.
Hann segir að þessi loðna verði
líklega rannsökuð í næsta mánuði.
Búið var að veiða um 60 þúsund
tonn af 182 þúsund tonna loðnu-
kvóta síðdegis í gær. Albert GK
landaði hjá Síldarverksmiðjum ríkis-
ins (SR) á Seyðisfirði í gær en það
er fyrsta loðnan, sem verksmiðjan
tekur á móti eftir að hún var end-
urnýjuð fyrir rúmar 500 milljónir.
Sjá einnig á bls. 2,18 og miðopnu.
Gæsluþyrlan
sótti slasaðan
sjómann
ÞYRLA Landhelgisgæslunn-
ar, TF-SIF, sótti í gær slasað-
an sjómann um borð í bátinn
Stefán Þór sem var við veið-
ar 90 mílur suðvestur af
Garðskaga. Maðurinn hafði
fengið öngul í annað augað.
Þyrlan fór í loftið um kl.
17.00 og var komin til
Reykjavíkur með sjómanninn
laust eftir kl. 19.00. Skipvetjar
á Stefáni Þór höfðu náð önglin-
um úr auga hins slasaða áður
en þyrlan kom á staðinn.
Kostnaður við einkaflugvélar hefur aukist um 25%:
Tveir af hverjum þreinur
fara í flugnám erlendis
Hættunni boðið heim, segir formaður Flugmálafélagsins
VERULEGA hefur dregið úr innflutningi lítilla einkaflugvéla til lands-
ins síðastliðin þrjú ár og rekstrarskilyrði þessara véla versnað mjög
á sama tíma. Afleiðingarnar eru að allt að tveir af hverjum þremur
flugnemum hafa leitað út fyrir landsteinana til að afla sér atvinnu-
flugmenntunar, að sögn Ragnars J. Ragnarssonar, formanns Flug-
málafélagsins. Hann segir að þessi þróun ýti undir hættu á því að
atvinnuflugmenn hljóti þjálfun við önnur skilyrði en ríkja hér á kostn-
að flugöryggis hérlendis.
Með skattbreytingum í ársbyrjun
1989 til undirbúnings upptöku virð-
isaukaskatts voru lögð opinber gjöld
á litlar flugvélar. Fyrir þann tíma
voru hvorki lagðir á tollar né sölu-
skattur á slíkar vélar. Verð á litlum
flugvélum hækkaði þá um fjórðung
auk þess sem virðisaukaskattur
lagðist á varahluti, vinnu og bensín
í ársbyijun 1990, en áður voru þess-
ir iiðir undanþegnir söluskatti. Þetta
kemur fram í tölum um innflutning
á minni flugvélum. Árið 1988 voru
fluttar inn 24 flugvélar undir tveim-
ur tonnum að eigin þyngd, 1989
voru þær sjö og á síðasta ári fjór-
ar, samkvæmt tölum frá Hagstofu
Islands.
Þá hefur Loftferðaeftirlitið lagt
svonefnd skoðunar- og eftirlitsgjöld
á einkaloftför frá 1. júlí 1989, sem
nemæyfir 20 þúsund kr. á ári á fjög-
urra sæta vél og rennur gjaldið til
rekstrar á Loftferðaeftirlitinu, að
sögn Ragnars. Hann sagði það und-
arlegt að með tilliti til búnaðar
einkaflugvéla og atvinnuflugvéla
væru þessi gjöld 12% hærri vegna
einkaflugvéla en atvinnuflugvéla.
Samkvæmt loftfaraskrá 1. janúar
1990 voru 198 loftför skráð til
einkaflugs og 97 til atvinnufiugs.
Skoðunar- og eftirlitsgjöld einka-
loftfara námu á árinu rúmum 3,4
milljónum kr. en rétt rúmum 3 millj-
ónum kr. vegna atvinnuloftfara.
Ragnar sagði að verðhækkun á
einkaflugvélum og aukinn rekstrar-
kostnaðar þeirra hefði víðtæk áhrif
á allt flug hér á landi því einkaflug
væri einn áfangi að atvinnuflugi.
„Flugmaður sem hyggst taka at-
vinnuflugmannspróf verður að hafa
að baki 200 tíma í einkaflugi og sá
er hyggst taka einkaflugmannspróf
verður að hafa 60 tíma að baki,“
sagði Ragnar og benti á að hvergi
væri gert ráð fyrir atvinnuflugnámi
í opinberu námskerfi landsins, fyrir
utan bóklegt nám í fjölbrautaskóla-
kerfinu. „Menn hafa leyst þetta með
því að kaupa sér hlut í einkaflugvél
og flogið þann tíma sem krafist er
til atvinnuflugprófs. I raun hefur
því fiugnám hækkað um 25%,“ sagði
Ragnar.
Ragnar sagði að það hefði aukist
mjög að flugnemar með einkaflug-
mannspróf tækju atvinnuflugpróf í
Bandaríkjunun, allt að tveir af
hveijum þremur héldu til Banda-
ríkjanna þeirra erinda. „Ég veit að
það er aukin aðsókn í flugnám er-
lendis vegna þess hve dýrt flugnám
er orðið hérlendis. Með þessu bjóð-
um við þeirri hættu heim að atvinnu-
flugmenn fái ekki alla sína þjálfun
við þær aðstæður sem hér ríkja. Það
er eitt að æfa aðflug að flugvellinum
í Tampa og annað að flugvellinum
á ísafirði," sagði Ragnar.