Morgunblaðið - 02.08.1991, Blaðsíða 19

MORGUNBLAÐIÐ FÖSTUDAGUR 2. ÁGÚST 1991
19
Morgunblaðið/Kári Jónsson
Frá afhjúpun minnisvarða um Greip Sigxirðsson landgræðsluvörð á
Haukadalsheiði.
Haukadalsheiði:
Minnisvarði um Greip
Sigurðsson afhjúpaður
Laugarvatni.
LAUGARDAGINN 27. júlí sl. var afhjúpaður á Haukadalsheiði minn-
isvarði um Greip Sigurðsson landgræðsluvörð. Varðan stendur við
krossgötur þar sem farið er af línuveginum niður í Haukadalinn og
hafa nú verið nefndar Greipsgötur.
Séra Guðmundur Óli Ólafsson
sóknarprestur í Skálholti flutti
minningarorð um Greip Sigurðsson
í Haukadal. Sveinn Runólfsson
landgræðsiustjóri minntist frum-
heijans í landgræðslu á heiðinni og
verka hans til að stöðva uppblástur
ogsandfok af Haukadalsheiði. 1963
var Haukadalsheiðin fyrst friðuð
og girt af, þar með hófst tími land-
vinninga og uppgræðslu á heiðinni
sem Greipur stjórnaði allt þar til
hann lést í september í fyrra. Varð-
an sem er hlaðin úr hraungijóti af
heiðinni er staðsett í dal sem Greip-
ur nei'ndi 'sjálfur „Dauðadal“ því
þar var ekki stingandi strá áður en
uppgræðslan hófst. Þar liggur veg-
urinn af heiðinni niður í Haukadal-
inn. Sveinn taldi að hér eftir yrði
þessi staður nefndur Greipsgötur
og varðan Greipsvarða. Varðan er
hlaðin af Kristni Antonssyni með
aðstoð Siguijóns Kristinssonar í
Vegatungu. Lionsklúbbarnir Freyr
og Baldur gáfu fé til verksins auk
fleiri aðila en umsjón með verkinu
höfðu mæðginin Kristín Sigurðar-
dóttir og Sigurður Greipsson.
- Kári
Kann að tapa húsnæði
vegna vanskila ættingja
NÝLEGA birtist í Morgunblað-
inu beiðni um fjárhagsaðstoð frá
74 ára gömlum manni. Maðurinn
sem heitir Halldór Guðnason
skrifaði upp á skuldabréf fyrir
fjarskyldan ættinga sinn.
Skuldunauturinn hefur ekki
staðið í skilum með tvær fyrstu
afborganir skuldarinnar og
hætt er við að Halldór þurfi að
láta 3ja herbergja blokkaríbúð
sem hann býr í til þess að borga
skuldina.
„Við skrifuðum tveir upp á
1.200.000 króna skuldabréf sem
ég hef ekki haft tiltakanlegar
áhyggjur af vegna þess að skuld-
hafínn hefur komið til mín og sagt
að ég þyrfti ekki að hafa áhyggjur
vegna þess að lánið lenti örugglega
ekki á mér. Skuldhafinn, fjarskyld-
ur ættingi, borgaði hins vegar ekki
fyrstu afborgunina 1. maí síðastlið-
inn og þegar ekki var heldur greitt
af láninu 1. júní fór skuldabréfíð
til borgarfógeta. Ég hef enga pen-
inga aðra en ellilaunun en nú hef-
ur sonur minn gengið í málið og
fengið frest á því að íbúðin verði
seld á nauðungaruppboði. Engu
að síður er ég viss um að þetta
lendir á endanum á mér. Fyrir
gamlan mann er agalegt að lenda
í svona. Ég hef alltaf borgað öll
mín gjöld og skatta. Aldrei skuldað
neinum neitt. Þetta er verulegt
áfall,“ segir Halldór.
Hann sagði að hann hefði ekki
leitað til hins opinbera um stuðning
og engir hefðu boðið honum aðstoð
sína eftir að beiðnin birtist í Morg-
unblaðinu. Hins vegar hefðu ýmsir
fjölmiðlar sýnt málinu áhuga.
---------------
Verslunarmannahelgin:
*
Ahersla á
hraðamæiingar
LÖGREGLAN í Reykjavík mun
beita sér af auknum þunga að
hraðamælingum fyrir og um
verslunarmannahelgina, sam-
kvæmt tilmælum frá dómsmála-
ráðuneytinu.
Að sögn Arnþórs Ingólfssonar,
aðstoðaryfírlögregluþjóns, verður
eftirlitið aukið og hert í umdæmi
lögreglunnar í Reykjavík, sem nær
upp í Hvalfjörð og Svínahraun. Því
til viðbótar verður lögreglan með
eftirlit á hálendinu og bíla úti á
landsbyggðinni.
Um helgina heldur lögreglan
einnig uppi eftirliti með þyrlu Land-
helgisgæslunnar, bæði á hálendinu
og í byggð.
Umferðarkönnun:
Tæp 90% nota bílbelti
Karlmenn á aldrinum 17-25 ára nota bílbelti minna en aðrir og eru
oftar en aðrir með radarvara í bílum sínum. Bílbeltanotkun í aftur-
sæti hefur minnkað örlítið frá því í fyrra þrátt fyrir að lög sem
skylda notkun belta í aftursæti hafi verið sett í október í fyrra.
Umferðarráð hefur látið gera
könnun sem varpar ljósi á margt í
umferðarmenningu íslendinga.
Könnunin hefur staðið yfir frá árinu
1985 og sýnir þróun umferðar þessi
ár. Könnunin var framkvæmd í sam-
vinnu við lögreglu sem stöðvaði öku-
menn og spurði þá um ýmiss atriði
tengd hegðan þeirra í umferðinni.
Það kemur í ljós að bílbeltanotkun
í framsæti er nú tæp 90% og hefur
alltaf farið hækkandi á milli ára. Lög
um bílbeltanotkun í aftursæti voru
sett í október s.l. en þeim hefur þó
fækkað frá því í fyrra sem nota belti
í aftursæti. Börnum sem eru laus í
framsæti hefur fækkað mikið á þessu
árabili eða úr 3,3% í 0,4%. Mikill
meirihluti bama í aftursæti var í stól
eða belti
Karlar eru mun meira úti í umferð-
inni en konur, 70 % þeirra sem voru
stöðvaðir voru karlar en 30% konur.
Ungir karlmenn nota hlutfallslega
minnst bílbelti og hlutfall þeirra er
hæst af þeim sem hafa radarvara í
bílnum. Þeir sem hafa bílasíma í
bflnum eru flestir eldri en 26 ára.
Ljósanotkun er liðlega 95% í ár og
hefur lítð breyst frá því í fyrra.
Könnunin leiðir í ljós að á tímum
orkusparnaðar er ökumaður einn í
bílnum í yfir helmingi tilfella. Rösk-
lega helmingur bíla reyndist vera
árgerð 86 eða þaðan af yngri.
Nú er TVÖFALDUR
1. vinningur
draumurinn gæti orðið að veruleika!
Verslunarmannahelgi
Við gefum starfsfólki okkar frí um versiunarmannaheigina og eru verslanir okkar því lokaðar
laugardaginn 3. ágúst og mánudaginn 5. ágúst. Föstudaginn 2. ágúst er opið frá kl. 9—20.
HAGKAUP
J