Morgunblaðið - 02.08.1991, Blaðsíða 44
LVKIIJJNIM \n GÓniJ KVÖLItl - svo vel
liSi^ m
- LÉTTÖL SJÓVÁ®ALMENNAR
FÖSTUDAGUR 2. ÁGÚST 1991
VERÐ í LAUSASÖLU 100 KR.
Hitaveita Suðurnesja:
Fyrsta hús-
ið úr íslensk-
*um steinull-
areiningum
NÚ ER að rísa hérlendis fyrsta
húsið sem að hluta er reist úr
nýrri tegund útveggseininga úr
íslenskri steinull er bandarískt
stórfyrirtæki framleiðir. Eining-
arnar eru notaðar í aðveitustöð
sem Hitaveita Suðurnesja er að
byggja að Fitjum.
Að sögn Einars Einarssonar,
framkvæmdastjóra Steinullarverk-
smiðju Sauðárkróks, er þetta í
fyrsta skipti sem þessar útveggsein-
fTingar eru notaðar á íslandi en Stein-
' ullarverksmiðjan framleiðir stein-
ullina í einingarnar. Björn Stefáns-
son, innkaupastjóri Hitaveitu Suð-
urnesja, sagði að þessar nýju út-
veggseiningar væru notar í hluta
af stálgrindarhúsi í aðveitustöð sem
verið væri að byggja að Fitjum.
Einingarnar eru ný framleiðsla hjá
Butler Manufacturing Company
sem er langstærsta fyrirtæki ver-
aldar í byggingu stálgrindarhúsa.
Einingarnar eru úr stáli með inn-
-iwbrenndum lit og steinull frá Sauðár-
króki. í auglýsingum um einingarn-
ar segir að steinullin í klæðningun-
um sé umhverfisvæn, þ.e.a.s. hún
valdi engum skaða á ósonlaginu við
bruna.
á . m.
Morgunblaðið/BB
Starfsmenn Hitaveitu Suður-
nesja reisa fyrsta húsið úr nýrri
tegund útveggseininga úr
íslenskri steinull.
Morgunblaðið/Gunnar Hallsson.
í Ósvör hafa verið byggð upp verbúð og verkunarhús í þeirri mynd, sem slík mannvirki voru um
og fyrir síðustu aldamót. Úr Ósvörinni blasa Bolungarvík og Bolungarvíkurhöfn við.
Bolungarvík:
Verksamningur undirrit-
aður í elztu verstöð landsins
Bolungarvík.
VERKSAMNINGUR vegna hafn-
arframkvæmda í Bolungavíkur-
höfn var undirritaður i gær.
Samningurinn var undirritaður
í hinni fornu verstöð Ósvör, sem
er elsta verstöð landsins.
Samningurinn var gerður við
verktakafyrirtækið Gunnar og
Guðmund í Kópavogi og hljóðar
upp á 196 milljónir króna, sem er
m 61% af kostnaðaráætlun. Um
er ræða byggingu brimvamar-
garðs, sem ná mun um 90 metra
út fyrir núverandi brimbrjót.
Þessar framkvæmdir í Bolung-
arvíkurhöfn eru stærstu fram-
kvæmdirnar á fjögurra ára áætlun
Vita- og hafnarmálastofnunarinn-
ar. Gert er ráð fyrir að hafist verði
handa um miðjan þennan mánuð
og hafa verktakarnir sett sér það
markmið að ljúka verkinu á næsta
ári- _ Gunnar
Verksamningurinn var undirritaður á steini við verbúðargaflinní
Ósvörinni.
Davíð Oddsson forsætisráðherra:
Vaxlahækkun bankanna ekki
í samræmi við raunveruleika
Þýðir 12-15% raunvexti miðað við verðbólgu á þessari stundu
DAVÍÐ Oddsson forsætisráðherra segir að vaxtahækkun bankanna
þýði að þeir séu að taka 12-15% raunvexti af óverðtryggðum lánum,
miðað við verðbólguna þessa stundina. Vaxtahækkunin sé því í engu
samræmi við raunveruleikann og svo virðist sem bankarnir séu með
T*lienni að mæta tapi vegna óvarkárni í starfsemi sinni.
„Mér finnst þessi vaxtahækkun
úr takt við raunveruleikann, því
staðreyndin er sú að verðbólga er á
hraðri niðurleið og ef miðað er ná-
kvæmlega við þennan tíma stefnir í
að raunvextir á nafnvaxtalánum
bankanna verði milli 12 og 15%. Það
er auðvitað miklu hærra en eðlilegt
er,“ sagði Davíð.
Hann gagnrýndi þau vinnubrögð
bankanna að miða við hækkun láns-
kjaravísitölu aftur í tímann, því láns-
kjaravísitala hefði m.a. hækkað í
júlí vegna þess að eingreiðsla í júní
til launafólks samkvæmt kjarasamn-
ingum hækkaði launavísitölu sem
aftur hækkaði lánskjaravísitölu.
„Framfærsluvísitalan er auðvitað
miklu lægri, og lánskjaravísitalan
mun hrapa niður næstu mánuðina,“
sagði Davíð.
Þegar Davíð var spurður hvort
hann teldi koma til greina að beita
lögum um Seðlabanka til að þvinga
bankana til að lækka vexti, sagðist
hann ekki vilja grípa til slíks. En
hann hefði verið að skoða þetta mál
í gær og myndi í dag ræða áfram
við menn sem því tengdust. „Mér
finnst bankarnir hafa gengið þarna
lengra en eðlilegt er, og þeir séu í
raun að bæta sér upp með þessum
vaxtahækkunum hluti eins og töp,
sem menn hafa orðið fyrir, kannski
vegna óvarkárni í bankastarfsemi,"
sagði Davíð.
Kjörvextir almennra verðtryggðra
útlána bankanna eru nú 8,5% en
raunvextir almennra verðtryggðra
skuldabréfa bankanna eru allt að
10,25%. Bankamenn segja að ekki
sé hægt að lækka þessa vexti meðan
ríkið bjóði um 8% raunvexti á spari-
skírteinum sínum. Þegar Davíð var
spurður hvort vænta mætti lækkun-
ar á vöxtum ríkisskuldabréfa, sagð-
ist hann hafa átt von á því að þeir
færu lækkandi með haustinu. „En
þessi hækkun bankanna nú er ekki
gott innlegg í það,“ sagði Davíð
Oddsson.
Gaf lögreglu
blómvönd
LÖGREGLU á Akureyri barst
myndarlegur blómvöndur í gær-
kvöldi frá ökumanni sem stöðv-
aður hafði verið á Öxnadalsheiði
um morguninn. Blómunum
fylgdu bestu kveðjur frá gömlum
Akureyringi fyrir höfðinglegar
móttökur við sýslumörkin.
Akureyrariögregla stöðvaði bif-
reið mannsins vegna ábendingar
um að eitthvað væri athugavert við
aksturinn. Þar reyndist þó allt í
stakasta lagi og ökuþórinn sá
ástæðu til að launa löggæslumönn-
um samviskusemina.
Vigdís á
Vínlandi
FORSETI íslands, frú Vigdís
Finnbogadóttir, tekur þátt í
hátíðahöldum í l’Anse-aux-
Meadows á Vínlandi í dag en
Iangskipið Gaia er væntanlegt
þangað síðdegis. Stjórnvöld á
Nýfundnalandi ákváðu að breyta
nafni landsins í einn dag til þess
að minnast landafunda Leifs
heppna.
Forsetinn kom til St. John’s á
Nýfundnalandi í gær. Frú Vigdís
Finnbogadóttir var viðstödd form-
lega opnun á skrifstofu Eimskipafé-
lagsins síðdegis í gær en í gær-
kvöldi efndu Islendingar og Norð-
menn til sameiginlegs kvöldverðar-
boðs.
Rætt við Rússa
um viðskipti
VIÐRÆÐUR um viðskiptasamn-
ing milli Islendinga og lýðveldis-
ins Rússlands hófust í Moskvu í
fyrradag og var þeim fram hald-
ið í gær eftir að sérfræðingar
aðilanna höfðu farið yfir texta
draga að viðskiptasamningi og
viðskiptabókun.
Að sögn Ólafs Egilssonar sendi-
herra hefur viðræðunum miðað vel
áfram.
Formaður sendinefndar íslands
er Sveinn Á. Björnsson frá utanrík-
isráðuneytinu en einnig sitja við-
ræðurnar af íslands hálfu Jón Ög-
mundur Þormóðsson frá viðskipta-
ráðuneytinu og fulltrúar þeirra fyr-
irtækja sem hagsmuna eiga að
gæta.
Hitamet á
Hveravöllum
Meðaihiti á Hveravöllum í júlí
mældist 10,5 stig en það er
hæsti meðalhiti er hefur mælst
þar frá því að mælingar hóf-
ust árið 1965.
Meðalhiti í júlí í Reykjavík var
13 stig. Jafnhár meðalhiti hefur
mælst í sama mánuði í Reykjavík
1917, 1939 og 1944 að sögn
Trausta Jónssonar veðurfræð-
ings hjá Veðurstofu íslands.
Meðalhitinn í Reykjavík var 3,5
stigum fyrir ofan meðallag. Á
Akureyri var meðalhitinn í júlí
12,6 stig en mestur meðalhiti
mældist þar árið 1955 13,3 stig.