Morgunblaðið - 02.08.1991, Blaðsíða 36
MQRGUNBLAÐIÐ FÖSTUDAGUR 2. ÁGÚST 1991
36
Áskorendaefnum fækkar
Skák
Margeir Pétursson
NÆSTUM allir sterkustu skák-
menn heims, að heimsmeistar-
anum Kasparov undanskildum,
munu berast á banaspjótum
næstu tvo mánuði, fyrst í fjórð-
ungsúrslitum áskorendakeppn-
innar sem hefjast í Brussel 10.
ágúst og síðan hefst heimsbikar-
keppnin 1991-93 með heimsbik-
armótinu hér í Reykjavík, sem
byijar 21. september. Hér heima
er fleira á döfinni, því nú er ljóst
að Skákþing íslands i landsliðs-
flokki 1991 verður háð i
Garðabæ dagana 27. ágúst til
8. september næstkomandi.
Likur eru á að mótið geti gefið
alþjóðlegu meisturunum færi á
að ná áfanga að stórmeistara-
titli, en til þess þurfa a.m.k.
þrír stórmeistarar að vera með.
Þegar dregið var í áskorenda-
einvígjunum í febrúar virtust þau
öll fjögur geta orðið býsna ein-
stefnukennd, en síðan hefur mikið
vatn runnið til sjávar og nú er jafn-
vel útlit fyrir tvísýna keppni í þeim
öllum.
í fjórðungsúrslitunum mætast
eftirtaldir:
Viswanathan Anand, Indlandi
2.630 stig — Anatolíj Karpov,
Sovétr., 2.730 stig.
Boris Gelfand, Sovétr., 2.665
stig — Nigel Short, Englandi,
2.660 stig
Vassily Ivantsjúk, Sovétr., 2.730
stig — Artur Jusupov, Sovétr.,
2.625 stig.
Viktor Kortsjnoi, Sviss, 2.610
stig - Jan Timman, Holiandi,
2.630 stig.
Jafnvel í einvígi Karpovs og
Anands er ákveðinn óvissuþáttur,
því Indveijinn náði að leggja
Karpov að velli í síðustu skák
þeirra í Linares í febrúar. Með
hraðri og hvassri taflmennsku
gæti honum aftur tekist að setja
heimsmeistarann fyrrverandi út af
laginu.
Um síðustu'áramót var Gelfand
þriðji sterkasti skákmaður heims
með 2.700 stig, en Short talsvert
neðar með 2.635. Síðan þá hefur
Gelfand ekki getað staðið undir
þessari háu einkunn, en Short hins
vegar stöðugt sótt í sig veðrið. Það
virðist því alveg undir hælinn lagt
hvor þessara sterku skákmanna
ber sigur úr býtum.
Eftir glæsilegan sigur Ivant-
sjuks í Linares töldu ýmsir það
allt að því formsatriði að afgreiða
Jusupov, en síðan þá hefur Ivant-
sjuk teflt á öðru móti á Spáni þar
sem honum brást bogalistin, hann
mátti sætta sig við þriðja sætið á
eftir Anand og Ehlvest. Jusupov
var hins vegar að enda við að vinna
sinn stærsta mótssigur, hlaut 1IV2
v. af 13 mögulegum í Hamborg
og sýndi gríðarlegt öryggi. Hann
er miklu reyndari einvígismaður
en Ivantsjuk, enda 10 árum eldri,
og í síðustu áskorendakeppni átti
Karpov í miklum erfíðleikum með
hann.
Þá gætu menn haldið að Timm-
an, sem komst í úrslit síðustu
áskorendakeppni gegn Karpov,
ætti að fara létt með Kortsjnoi,
sem hefur verið býsna brokkgeng-
ur upp á síðkastið. En Viktor gamli
hefur unnið þrjár síðustu innbyrðis
skákir þeirra og þótt þar af hafi
ein verið atskák, sýnir það eitt að
Timman má vissulega vara sig.
Ný heimsbikarkeppni
að hefjast
í Heimsbikarkeppninni 1988-89
voru haldin sex mót með miklum
glæsibrag á tveimur árum 0g tók
hver keppandi þátt í fjórum mót-
um. Kasparov sigraði eftir harða
keppni við Karpov, sem sprakk á
limminu í Amsterdam og tapaði
þremur skákum í röð, fyrir þeim
Salov, Ljubojevic og Nunn, í fyrsta
sinn á ævinni. Eitt mótanna fór
fram hér á landi og var það haldið
af Stöð 2.
Aðdragandi þeirrar keppni sem
hefst í haust hefur verið mjög erf-
iður, aðallega vegna samstarfserf-
iðleika Kasparovs og belgíska fjár-
málamannsins Bessels Koks, en
fyrirtæki hans, fjármagnsflutn-
ingafyrirtækið SWIFT, sem
íslenskir bankar eru m.a. aðilar
að, mun greiða öll verðlaun í þess-
ari keppni. Það var ekki fyrr en nú
í vor að samningar náðust við
Kasparov um þátttöku hans.
Þess má reyndar geta að Bessel
Kok virðist hafa fengið nóg í bili
af samskiptum sínum við heims-
meistarann, því hann mun hætta
sem framkvæmdastjóri stórmeist-
arasambandsins um næstu áramót.
Hann hefur þó lofað að halda
áfram stuðningi við það, en þar
er þó mikið skarð fyrir skildi.
I heimsbikarkeppninni tefla eft-
irtaldir:
Garíj Kasparov, Sovétr. 2.770
Vassilíj Ivantsjuk, Sovétr. 2.735
Anatolíj Karpov, Sovétr. 2.730
Evgeníj Bareev, Sovétr. 2.680
Valery Salov, Sovétr. 2.665
Nigel Short, Englandi 2.660
Alexander Beljavskíj, Sovétr. 2.655
Alexander Khalifman, Þýzkal. 2.630
Mikhail Gurevitsj, Sovétr. 2.630
Jonathan Speelman, Engl. 2.630
Jan Timman, Hollandi 2.630
Predrag Nikolic, Júgósl. 2.625
Ulf Andersson, Svíþjóð 2.625
Zurab Azmaiparashvili, Sov. 2.615
Yasser Seirawan, Bandaríkj. 2.615
John Nunn, Englandi 2.615
Viktor Kortsjnoi, Sviss 2.610
Jaan Ehlvest, Eistlandi 2.605
Murray Chandler, Englandi 2.605
Ljubomir Ljubojevic, Júg. 2.600
Zoltan Ribli, Ungveijal. 2.595
Kiril Georgiev, Búlgaríu 2.590
Simen Agdestein, Noregi 2.590
Lajos Portisch, Ungveijal. 2.570
Nick DeFirmian, Bandaríkj. 2.570
Boris Gulko, Bandarikj. 2.565
Af þessum köppum tefla eftir-
taldir á heimsbikarmótinu hér í
Reykjavík frá 21. september til 14.
\ >
Anatolíj Karpov
október í haust: Ivantsjuk, Karpov,
Salov, Beljavskíj, Khalifman, Spe-
elman, Timman, Nikolic, Anders-
son, Seirawan, Ehlvest, Chandler,
Ljubojevic, Portisch og Gulko. Auk
þeirra teflir Jóhann Hjartarson á
mótinu sem gestur.
Fyrir íslenska skákáhugamenn
er mótið ekki sízt athyglisvert fýr-
ir þá sök að Anatolíj Karpov teflir
nú í fyrsta skipti á íslandi. Búast
má við að um hatrammt uppgjör
á milli hans og Ivantsjuks verði
að ræða, en þeir Salov, Beljavskíj
og Timman gætu einnig blandað
sér í baráttuna um efsta sætið.
Sama má segja um Ehlvest og
Ljubojevic, sém eru að vísu mis-
tækari. Mótið verður haldið á Hót-
el Loftleiðum og Stöð tvö mun
vera með nokkrar útsendingar á
dag frá því, á sama hátt og frá
heimsbikarmótinu 1988.
Skákþing íslands hefst
eftir mánuð
Mótið verður haldið í Garðabæ
eftir mánuð og er ekki Ijóst hverj-
ir verða á meðal þátttakenda. Þó
má búast við að það verði allvel
skipað, jafnvel öflugra en íslands-
mótið á Grundarfirði 1986. Teflt
verður um tvö sæti í Ólympíuliði
íslands næsta ár, en þá fer
Ólympíumótið fram í Manila á
Filippseyjum dagana 7. til 25. júní.
Einnig má gera ráð fyrir því að
teflt verði um tvö sæti á svæða-
móti FIDE, sem jafnframt verður
skákþing Norðurlanda, en kepp-
endur munu þó líklega ekki vita
um það fyrr en eftir að íslandsmót-
inu verður lokið. Er það dæmigert
fyrir það ástand sem ríkt hefur
síðan sérstakt Norðurlandasvæði
var stofnað innan FIDE.
Fullnægi íslandsmótið þeim
skilyrðum að meðalstig þess verði
a.m.k. 2.400 og þrír stórmeistarar
verði með, gefst alþjóðlegu meist-
urunum fágætt tækifæri til að
vinna sér inn áfanga að stórmeist-
aratitli en þau liggja svo sannar-
lega ekki á lausu þessa dagana.
Því miður hefur stöðnun ríkt í
skáklífmu hér undanfarinn vetur,
í fyrsta sinn síðan 1983 var hér
enginn alþjóðlegur skákviðburður.
Skýtur þar mjög skökku við, því á
síðasta ári varð Hannes Hlífar
yngstur íslendinga til að ná fýrsta
áfanga að stórmeistaratitli og Héð-
inn Steingrímsson varð yngsti ís-
landsmeistarinn frá upphafi. Þá
náði Helgi Áss Grétarsson nýlega
þeim frábæra árangri að verða í
öðru sæti á heimsmeistaramóti 14
ára og yngri, eins og lesendur
Morgunblaðsins gátu íýlgst með í
daglegum fréttapistlum frá mót-
inu. Atti Helgi þó í höggi við mjög
erfíða andstæðinga frá Austur-
Evrópuríkjunum, sem sum áttu
fleiri keppendur en einn á mótinu.
Ég fæ því ekki betur séð en
unglingar okkar séu efnilegri en
nokkru sinni lýrr, en skortur á
tækifærum gerir allar framfarir
mjög erfiðar. Stórmeistaramir
geta auðvitað mætt verkefnaleysi
hérlendis með þátttöku í mótum á
erlendri grund, þótt auðvitað sé
betra að tefla hér heima, en ekki
er hægt að búast við því að ungl-
ingar nái sínu bezta ef þeir þurfa
að dveljast langdvölum í útlöndum
til að fá tækifæri á alvörumótum.
TVFJllYINIll
oganmrífríi
Laugavegi 45
s. 21255
I kvöld:
GÓOKUWNIWGJAR
LÖGREGLUNNAR
FRÍTT INN
Laugardagskvöld:
DISKOTEK
FRÍTTINN
Sunnudagskvöld:
IIMFERIMO 5
ÁSAMT R.M.F.
Við viljum vekja
athygli á okkar
stórgóða og ódýra
matseðli.
Cterkurog
k J hagkvæmur
auglýsingamiöill!
ARMIJIA 7
SIMI 68 16 61
GE0R6EGROSSMAN
skemmtir í kvöld
„Draft happy hour“
daglegakl. 18-21
M01JLIN R0LGE
DJ. KRISTINN
LAUGAVEG1116
DANSBARINN
Grensásvegi 7, sími 33311-688311
ÞAÐ VERÐUR
FJÖR í KVÖLD !
OPIÐ LAUGARDAG
OG SUNNUDAG
BREYTT OG BETRA DANSHUS !
Aögangseyrir kr. 800.- Snyrlilegur klæönaöur.
Opiö frá kl. 22 - 03.
DAMSHÚM GUESIBÆ SÍMI686220
VITASTÍG 3
SIMI 623137
Föstud. 2. ágúst. Opið kl. 20-03
Hin frábæra blussveit
„HAPPYHOUR“kl. 22-23
Geisladiskurinn BLU ICE með CHICAGO
BEAU/JIMMY DAWKINS/VINUM DÓRA
til sölu við innganginn á gjafverði
kr. 1500 (kostar kr. 1899)
MÆTIÐ TÍMANLEGA
lengi lifi blúsinn!
MuMtk
í Kaupmannahöfn
FÆST
í BLAOASÖLUNNI
ÁJÁRNBRAUTA-
STÖÐINNI,
KASTRUPFLUGVELLI
OG Á RÁDHÚSTORGI
INGÚLFS EAFÉ
Píanóbarinn opinn frá kl. 22.00
í kvöld, laugardag og sunnudag
Snyrtilegur klæðnaður
Ingólfscafé, ingólfsstræti, sími 14944