Morgunblaðið - 18.08.1991, Blaðsíða 16

16
MRfiíá&LAÐIÐ SUNNUDAgM^-ÁGÚST 1991
eftir Kristínu Marju Baldursdóttur
Á LOFTINU í gömlu steinhúsi við Skóla-
vörðustíginn situr fínleg kona við stórt
skrifborð og rýnir í reikninga og skjöl.
Þessi kona talar hratt, borðar hratt og
hugsar hratt, og á þremur dögum seldi
hún fyrirtæki sitt einmitt þegar rekstur
þess stóð í blóma. Hefur það komið land-
anum á óvart, sem selur helst þegar í
óefni er komið. Hjördís Gissurardóttir,
fyrrum eigandi Benetton verslananna á
*
Islandi er nú í óða önn að byggja upp ný
fyrirtæki og liggur ekki á skoðunum sín-
um þegar vinna og uppeldi unga fólksins
á íslandi er annars vegar.
g hef fylgst með verslunum frá því
ég rak gullsmíðavinnustofu hér á
Skólavörðustíg 5, og hef séð versl-
anir koma og fara, segir kaupsýslu-
konan og gullsmiðurinn Hjördís
Gissurardóttir. „Maður hefur séð
myndir í tímaritum þar sem eigend-
ur fagna opnun fyrirtækja sinna
með glas í hendi, en ég hef aldrei
haldið upp á opnun nýrrar verslun-
ar. Ég opna bara dyrnar fyrir við-
skiptavinum mínum, það er venju-
legur dagur, og ég er ein af af-
greiðslustúlkunum.“
Hjördís hefur rekið fyrirtæki sitt
í tíu ár og segir að sú reynsla hafi
verið betri en 25 ára nám í við-
skiptafræði. Benetton-umboðið
fékk hún innan þriggja daga á sín-
um tíma og selur það nú jafn
skyndilega og hún fékk það. Mar-
geir Márgeirsson frá Keflavík og
tjölskylda hans eru kaupendurnir
og leigir Hjördís þeim húsnæði sitt
í Kringlunni næstu tíu árin.
Á Skólavörðustíg 4, mun hún
hins vegar opna nýja verslun með
ítalskar vörur frá Peter Hadley. Eru
það vörur í vönduðum, sígildum
stíl bæði fyrir dömur og herra. I
Borgarkringlunni opnaði hún tvær
nýjar verslanir í sumar, skóverslun-
ina Cinderella og verslun með
heilsuvörur frá L’herbier, og mun
reka þær áfram.
LISTAVERKIÐ
Þar sem Hjördís hefur lengi ver-
ið kunn fyrir kænsku í viðskiptum
og á velgengni að fagna á tímum
gjaldþrota, þykir nokkuð forvitni-
legt _að vita hvað fyrir henni vakir.
„Ástæðan fyrir því að ég seldi
er einfaldlega sú að mér finnst kom-
inn tími til „gíra mig aðeins niður!“
segir hún. „Þú segir að ég tali hratt,
en það er nú ekki nóg með það, ég
er farin að borða hratt, aka hratt
og hugsa hratt. Ég varð fertug í
desember í fyrra og ég held að það
sé gott að fara að breyta aðeins til
Morgunblaðið/Kristján Arngrímsson
Hjördís Gissurardóttir selur fyrirtœki sín þegar best gengur,
hefur gaman afað byggja upp önnur ný og hefur ákveðnar
skoðanir þegar vinna og þekking er annars vegar.