Morgunblaðið - 04.09.1991, Blaðsíða 23
MORGUNBLAÐIÐ MIÐVIKUDAGUR 4. SEPTEMBER 1991
23
Kína:
*
Obreyttum borgur-
um haldið frá Major
Peking. Reuter.
KÍNVERSKIR öryggisverðir hindruðu John Major, forsætisráðherra
Bretlands, í að gefa sig á tal við óbreytta borgara við lok gönguferð-
ar breska ráðherrans um keisarahöllina í Peking, Forboðnu borgina,
í gær.
í lok göngunnar um höllina
sveigði Major af leið og gekk hröð-
um skrefum og gleiðbrosandi í átt
áð hópi óbreyttra borgara sem stóð
skammt frá. Óeinkennisklæddir ör-
yggisverðir hlupu til og skipuðu
fólkinu að færa sig en áður tókst
Major að heilsa einum viðstaddra
með handabandi. Þeir höfðu vart
tekist í hendur er öryggisverðir
drógu manninn í burtu.
Major ræddi í gær við Li Peng,
kínverskan starfsbróður sinn, um
mannréttindarmál í Kína. Tók hann
sérstaklega upp mál fjögurra þegna
Hong Kong sem handteknir voru í
aðför að umbótasinnum vorið 1989.
Einnig afhenti Major Li lista sem
mannréttindasamtökin Amnesty
International segja að hafi verið
fangelsaðir vegna stjórnmálaskoð-
ana sinna og bað hinn kínverska
starfsbróður sinn að taka mál þeirra
sérstaklega að sér. Eftir fundinn
sagði Major áð besta leiðin til að
fá einhveiju áorkað í þeim málum
væri að taka upp viðræður við
æðstu valdamenn í Kína.
„Heimsbyggðin hefur ekki
gleymt atburðunum í júní 1989,“
sagði Major á blaðamannafundi og
vísaði til þess er skriðdrekasveitir
kínverska alþýðuhersins voru
sendar inn á Torg hins himneska
friðar til að bijótá á bak aftur
mótmælaaðgerðir umbótasinna.
Hann sagði þjóðarleiðtogar ættu
um tvennt að velja; senda frá sér
mótmælaayfirlýsingu eða tala beint
við harðlínumennina. „Ég efast ekki
um hvor leiðin er vænlegri,“ sagði
Major.
Öpinberri heimsókn breska for-
sætisráðherrans til Kína lýkur í
dag. Frá Peking heldur hann til
Hong Kong, bresku nýlendunnar
sem fellur undir kínversk yfirráð
1997 samkvæmt samningum Breta
og Kínveija. •
Reuter
Ráðstefna um frið íJúgóslavíu boðuð
Utanríkisráðherrar aðildarríkja Evrópubandalagsins ákváðu í gær að
efnt skyldi til friðarráðstefnu í Júgóslavíu á laugardag og fólu Carring-
ton lávarði, fyrrverandi framkvæmdastjóra Atlantshafsbandalagsins,
að stjórna henni. Hans van den Broek, utanríkisráðherra Hollands og
formaður ráðherraráðs bandalagsins, sagði að átökin í Júgóslavíu eft-
ir að öll lýðveldi landsins höfðu fallist á vopnahlé sýndu hversu brýnt
væri að senda friðargæslusveitir til landsins. Á myndinni leitar sprengj-
usérfræðingur úr júgóslavneska hernum að sprengju undir langferðabif-
reið í suðurhluta Króatíu, þar sem harðir bardagar hafa geisað að
undanförnu.
Eystrasaltsríkin sækja um aðild að SÞ
New York. Kaupmannahöfn. Reuter.
EISTLAND, Lettland og Litháen sóttu í gær formlega um aðild að
Sameinuðu þjóðunum (SÞ) og fylgdu meðmæli Frakka og Breta
umsókninni. Fara ríkin fram á að umsókn þeirra verði þegar tekin
fyrir svo fulltrúar ríkjanna þriggja geti tekið þátt í störfum allsherj-
arþingsins sem sett verður 17. september nk.
Sendiherrar Frakklands og Bret-
lands gengu á fund Javiers Perez
de Cuellars, framkvæmdastjóra SÞ
í gær og afhentu honum aðildarum-
sókn Eystrasaltsríkjanna. Enginn
fulltrúi ríkjanna var viðstaddur. Þau
geta ekki hlotið aðild að SÞ án sam-
þykkis öryggisráðsins en Sovét-
menn hafa þar neitunarvald.
Pólveijar tóku í gær upp stjórn-
málasamband við Lettland og tals-
maður utanríkisráðuneytisins í Var-
sjá sagði að það yrði einnig gert
við Litháen og Eistland innan tíðar.
Um 40 ríki hafa viðurkennt sjálf-
stæði Eystrasaltsríkjanna og bætt-
ust Grikkland, Tyrkland og Nic-
aragua í þanan hóp í gær.
Uffe Ellemann-Jensen, utanríkis-
ráðherra Danmerkur, heldur til
Eystrasaltsríkjanna í vikulok.
■ LONDON - David McTagg-
art, formaður alþjóðlegu um-
hverfisverndarsamtakanna Green-
peace, er sestur í helgan stein, að
því er fram kom í yfirlýsingu sam-
takanna í gær. McTaggart var for-
maður Greenpeace í tólf ár og urðu
samtökin þekkt um allan heim á
þeim tíma vegna mikið auglýstra
umhverfisverndarherferða. Nýverið
tókst samtökunum að koma í veg
fyrir að reynt yrði að vinna efni
úr jörðu á Suðurheimskautsland-
inu undir hans forystu og hann
stjórnaði einnig aðgerðum samtak-
anna til að stöðva hvalveiðar og
losun kjarnorkuúrgangs í haf út.
í yfirlýsingu samtakanna sagði að
McTaggart yrði heiðursformaður
Greenpeace. Finnski lögfræðingur-
inn Matti Wuori tekur við for-
mannsstöðunni.
■ OSAKA - Tveir menn voru
ákærðir á mánudag vegna mesta
bankafjárdráttar í sögu Japans.
Annar þeirra er veitingahúsaeig-
andi og hinn útibússtjóri Toyo
Shinkin-banka. Þeir voru handtekn-
ir í ágúst fyrir að falsa vottorð um
350 milljarða jena (154 milljarða
ÍSK) inneign í bankanum. Veitinga-
húsaeigandinn veðsetti siðan vott-
orðin til að fá lán í öðrum bönkum.
■ BRUSSEL - Ríki Evrópu-
bandalagsins þurfa að koma upp
sameiginlegri flugumferðar-
stjórn til að hægt verði að mæta
aukinni flugumferð, að sögn Karel
Van Miert, sem fer með samgöngu-
mál innan framkvæmdastjórnar
bandalagsins. Áætlað er að umferð-
in tvöfaldist fyrir'aldamót og Van
Miert segir að flugumferðarstjórnir
margra aðildarríkjanna séu of illa
tækjum búnar tii að geta mætt
aukningunni.
NISSAN SUNNY
GJÖRBREYTTUR OG GLÆSILEGUR
Fyrir utan nýja hönnun má nefna
• Nýjar 16 ventla 1,6L og2.0L vélar
• Nýja 4ra þrepa sjálfskiptingu
• Nýja fjöðrun og frábæra
hljóðeinangrun
• Verð frá kr. 869.000 stgr.
.ísssíí.' sími 91-674000
Nissan Sunny hefur fengið hreint
frábærar viðtökur og hvetjum við
því sem flesta að koma í reynslu-
akstur.
Ingvar
Helgason hf.
Sævarhöfða 2