Morgunblaðið - 23.10.1991, Blaðsíða 41
MORGUNBLAÐIÐ MIÐVIKUDAGUR 23. OKTÓBER 1991
41
Mannvirðing og hjúkrun
Svar við bréfi Einars Ingva
Magnússonar frá 8. okt. 1991
Einu sinni hringdi ég á launa-
skrifstofu ríkisins vegna þess að ég
hafði ekki fengið greitt fyrir vinnu
mína. Þeim sem svaraði í símann
fannst eitthvað fyndið við það að
fara fram á laun fyrir hjúkrun og
spurði hvort ég væri ekki í hugsjóna-
starfi? Ég svaraði því til að ennþá
hefði ég löngun til að lifa en ekki
bara tóra og til þess þyrfti ég pen-
inga. Því að hollur matur, klæði og
heilsusamlegt húsnæði kostaði
skildinginn og þetta þrennt væri lið-
ur í því að uppfylla þessa löngun
mína.
Símtal þetta riíjaðist upp fyrir
mér er ég las bréfið þitt í Velvak-
anda, Einar Yngvi. En þar skrifar
þú annars vegar um hugsjónastarf
látins héraðslæknis, og hins vegar
um hjúkrunarfræðinga nútímans
sem störfuðu ekki við hjúkrun vegna
lágra launa. Skrif þín um hugsjóna-
starfið yljuðu mér um hjartarætur
en aftur á móti fóru skrif þín um
hjúkrunarfræðinga fyrir brjóstið á
mér. En þar skrifar þú:
„Kannski er mikil gæfa fólgin í
lágum launum hjúkrunarfólks. Þeir
sem láta sér lynda lág laun og taka
starfíð og hugsjónina fram yfir auð-
söfnun þjóna vel þjáðum mönnum.
Því hef ég ekki mikla samúð með
fólki sem ætlar sér að safna verald-
legum auð af sjúkdómum með-
bræðra sinna.”
Er ekki einhver misskilningur hér
á ferðinni? Því ef hjúkrunarfræðing-
ar hugsuðu um það eitt að auðgast
á sjúkdómum annarra þá væru þeir
ekki að leggja á sig langt og strangt
nám, sem kostaði þá ógrynni fjár
og fjarveru frá ástvinum sínum. Þá
legðu hjúkrunarfræðingar heldur
ekki á sig endurmenntun og sí-
menntun að grunnnámi loknu þar
sem umbun liggur ekki í hærri laun-
um heldur fremur í starfshæfni
þ.e.a.s. hæfni til þess að hlúa að
sjúkum og hjálpa þeim til heilbrigð-
is aftur. En það er svo annað mál
sem er kjarni þessara skrifa að ann-
ars göfug hugsjón getur slokknað
þegar niðurrif, virðingarleysi, og
vanmat á störfum manna er svo
mikið að liggur við kúgun. Héraðs-
lækninum (blessuð sé minning hans)
sem þú, Einar Yngvi, lýsir sem ósér-
hlífnum hugsjónamanni hefur án efa
verið sýnd mannvirðing, sem er
ekki lítil umbun fyrir vel unnin störf.
En sú umbun ein og sér hefur tæp-
lega dugað til þess að draga fram
lífið. Frá mínum bæjardyrum séð
hefur samferðafólk hans hlúð að
honum eins og hann hlúði að því
þó að á annan hátt væri. Að gefa
og þiggja er náttúrulögmál og verð-
ur ekki slitið í sundur. En það að
stunda störf sín af hugsjón og að
lág laun séu náttúrulögmál er hæp-
in fullyrðing. Hugsjón er oftast
sprottin af kærleiksþörfínni sem
felur m.a. í sér að hlúa að og byggja
upp. Kærleikurinn býr í öllu fólki
og vex og dafnar sé að honum hlúð
s.s. með mannvirðingu. Litla gæfu
tel ég fólgna í því að meta mannúð-
arstörf (störf sem lúta að uppbygg-
ingu þjóðfélagsþegna) lágt til launa.
Slíkt gildismat færir þjóð vora varla
örar til heilbrigðis. Ef héraðslæknir-
inn okkar væri ennþá þessa lífs er
ég viss um að hann væri mér sam-
mála.
Lifðu heill
Með kveðju frá
Kristínu G'uðmundsdóttur,
barna- og heilsugæslu-
hjúkrunarfr., heimastarf-
andi húsmóður.
----------------
Leiðrétting
Seinni hluti málsgreinar féll úr
grein JAG „Hvellur útvarpssmellur”
sem birtist í Velvakanda 1. október.
Málsgreinin er birt hér leiðrétt í
heild sinni.
Algengt er að erindi séu murkuð
sundur af innskoti hvellrar tónlistar
sem ekki er í neinum tengslum við
efni það sem flutt er. Þetta rýfur
samhengi og veldur ama, enda rokur
þessar í meiri tónhæð en hið talaða
orð. Ýmsir þáttahöfundar tilkynna
upphaf og endi erinda sinna með
slíkum drunum að hlustendur fá
hellu fyrir eyru. Alla slíka graðhesta-
músik á þessum stöðum ætti hið
bráðasta að sópa út af borðinu, enda
henni ætlað annað rúm í dagskrá.
Innilegar þakkir viljum við senda öllum þeim
sem heiðruðu okkur með nœrveru sinni og/eða
glöddu okkur á annan hátt þann 19. október
sl., / tilefni afmœlis okkar beggja.
Björgvin S. Sveinsson,
Hólmfriður Vigfúsdóttir.
Hjartanlega þakka ég börnum mínum, tengda-
börnum, barnabörnum, langömmubörnum,
frœndfólki og vinum fyrir gjafir, heillaóskir og
heiður mér sýndan á 75 ára afmœli mínu 11. ’•
október sl.
Guðs blessun veri með ykkur áframtiðarvegum.
Sigrún S. Oddsdóttir,
Nýjalandi,
Garði.
3 dagar 1 7.900
CENTRAL HOTEL
Með morgunverðarhlaðborði. Aðgangur að heildverslun Marko.
— FllingSRQIR
= 5DLRRFLUG
Vesturgata 12, Símar 620066, 22100 og 15331
Öll verö eru staögreiösluverö án flugvallaskatta og forfallatryggingar.
ÞÆR VERSLANIR SEM HAFA
ÁHUGA Á AÐ SELJA
SPORTFATNAÐ FRÁ H2O
GETA HAFT SAMBAND VIÐ
KONRÁÐ í SÍMA 617195
ATHUGIÐ AÐ SÝNISHORN AF
VORLÍNU '92 ERU KOMIN.
F4966ELM
Sambyggður ofn/
örbylgjuofn
Yfir-undirhiti, blástur, grill
og snúningsgriil.
Full sjálfhreinsun,
kjöthitamælir, spegilútlit,
örbylgjuofn, tölvuklukka
og tímastillir.
FIM 6
o
Ofn
Yfir-undirhiti, blástur, grill
og snúningsgrill, full
sjálfhreinsun, stálútlit,
tölvuklukka og tímastillir.
F3805 ELM
Ofn
Yfir-undirhiti, blástur, grill
og snúningsgrill,
fituhreinsun, svart eða
hvítt spegilútlit,
tQlvuklukka með tímastilli.
F 4805 ELX
Ofn
Yfir-undirhiti, blástur og
grill, fituhreinsun, svart
eða hvítt glerútlit,
tölvukiukka með tímastilli
Funahöfða 19
sími 685680