Morgunblaðið - 06.03.1992, Blaðsíða 24

24
MORGUNBLAÐIÐ FÖSTUDAGUR 6. MARZ 1992
VMA;
Fjölbreytt
dagskrá
á Opnum
dögnm
OPNIR dagar hafa staðið yfir í
Verkmenntaskólanum á Akur-
eyri þessa viku og er þetta í
fimmta sinn sem efnt er til slíkra
daga í skóianum. Engin kennsla
fer fram í skólanum þessa daga,
en nemendur fá tækifæri til að
kynnast hinum ýmsu hliðum
mannlífsins þess í stað.
Dagskrá Opnu daganna hefur að
venju verið fjölbreytt, ýmis nám-
skeið hafa verið í boði, s.s. í nuddi
og blómaskreytingum og brids, þá
hefur verið farið í útreiðartúr á
vegum hestamannafélags skólans,
Fyam úr hófí, keppt hefur verið í
borðtennis og hjálparsveitarmenn
hafa kynnt bjargsig. Þá hafa verið
haldnir fyrirlestrar, m.a. um at-
vinnuhorfur, fjölmiðla, ástandið í
Júgóslavíu, sjálfsvíg og líf eftir
dauðann.
Sykurmolarnir léku á fjölmenn-
um tónleikum á þriðjudagskvöld,
en Opnu dögunum lauk í gærkvöld
með árshátíð skólans sem haldin
var í Iþróttahöllinni.
-----»■ 4-----
Rocky Horror
í Borgarbíói
Kvikmyndaklúbbur Akureyrar
sýnir rokksöngleikinn Rocky
Horror Picture Show í Borg-
arbíói, sunnudaginn 8. mars kl.
17. og mánudaginn 9. mars kl. 19.
Söngleikurinn hefur notið mikilla
vinsælda um langt skeið, en þar
segir frá þeim Brad og Janet sem
leita aðstoðar í húsi nokkru eftir
að dekk á bíl þeirra springur og eru
íbúar hússins í meira lagi furðuleg-
ir.
Á meðal leikara eru Tim Curry,
Meatloaf, Barry Bostwic, Susan
Sarandon, Charles Grey og Richard
O’Brian. Myndin er með íslenskum
texta og eru allir velkomnir.
(Úr fréttatilkynningu)
Morgunblaðið/Rúnar Þór
VMA-nemar skoða varnarliðsþyrlu
Björgunarþyrla varnarliðsins á Keflavíkurflugvelli kom til Akureyrar í gær, en koma hennar er einn liður
í Opnum dögum sem staðið hafa yfir í Verkmenntaskólanum á Akureyri þessa viku. Auk þess sem nemar
við Verkmenntaskólann skoðuðu þyrluna fór fram kynning á þyrlunni fyrir björgunarsveitarmenn af Eyja-
'fjarðarsvæðinu. Það voru því fjölmargir sem skoðuðu og kynntu sér kosti þessarar þyrlu á Akureyri í gær.
Sýningu Ið-
unnar í Vín
að ljúka
Sýningu Iðunnar Ágústsdóttur
myndlistarkonu í blómaskálanum
Vín í Eyjatjarðarsveit lýkur um
helgina. Á sýningunni eru 45 mynd-
verk, pastelmyndir og myndir unnar
með blandaðri tækni, en viðfangs-
efni Iðunnar eru þjóðsögur, ævin-
týri og ljóð. Sýningin er opin á
opnunartíma blómaskálans og lýkur
henni á sunnudag.
-----♦ ♦ 4----
■ STJÓRNIN leikurí Sjallanum
á Akureyri í kvöld, föstudagskvöld
og annað kvöld. Hljómsveitin hefur
undanfarið leikið á Hótel íslandi og
heldur því áfram, eftir þessa stuttu
norðurför. Þrír liðsmanna Stjórnar-
innar eru nýir, þeir Halldór H.
Hauksson, trommur, Friðrik
Karlsson, gítar og Jóhann Ás-
mundsson, bassi. Fyrir eru þau
Sigríður Beinteinsdóttir og Grét-
ar Orvarsson. í frétt frá hljóm-
sveitinni segir að hún sé nú með
fjölda nýrra danslaga í farteskinu.
Ovíst er hvenær hljómsveitin spilar
næst á Akureyri, því í hönd fer
mikil vinna vegna útgáfu nýrrar
hljómplötu og þátttöku í Söngva-
keppninni í Málmey.
Ferðaskrifstofa Akureyrar og
Úrval-Útsýn hefja samstarf
FERÐASKRIFSTOFAN Úrval-Útsýn hefur hætt formlegum rekstri
umboðsskrifstofu á Akureyri, en tekið þess í stað upp samstarf við
umboðsaðilann, Ferðaskrifstofu Akureyrar. Þessar breytingar gengu
í gildi 1. mars síðastliðinn og mun Úrval-Útsýn taka þátt í kostnaði
við rekstur skrifstofunnar og fá hlutdeild í tekjum hennar. Rekstrar-
formmu er breytt td að na fram
eyrar verður eftir sem áður með
Tryggingamiðstöðina.
Hörður Gunnarsson fram-
kvæmdastjóri Úrvals-Útsýnar sagði
að ekki væri um að ræða sameiningu
félaganna og áfram yrði Ferðaskrif-
stofa Akureyrar norðlenskt fyrir-
tæki. Þessar breytingar hefðu verið
gerðar til að ná fram hagræðingu í
rekstrinum, sem aðallega kemur
hagræðmgu. Ferðaskrifstofa Akur-
umboð fyrir Fjárfestingafélagið og
fram í minni tilkostnaði. Jafnframt
væri verið að vinna að tenginu skrif-
stofunnar við aðalbókunartölvu Úr-
vals-Útsýnar sem bætir verulega
þjónustu við farþega á Eyjafjarðar-
svæðinu.
„Það var ákveðið að hætta rekstri
umboðsskrifstofu á Akureyri og taka
þess í stað upp samstarf við Ferða-
skrifstofu Akureyrar. Það samstarf
felur m.a. í sér að Úrval-Útsýn tek-
ur nú þátt í launa- og rekstrarkostn-
aði við þann hluta rekstrarins sem
fellur undir ferðaskrifstofuhlutann
og munum fá okkar hlutdeild í tekj-
um. Við erum þannig beinir þátttak-
endur í rekstrinum eftir þessar
breytingar," sagði Hörður.
Hann sagði að fyrst og fremst
hefðu umræddar breytingar verið
gerðar til að ná fram hagræðingu
þar sem unnt væri að samnýta
marga þætti í rekstrinum og ljóst
þótti að hægt væri að spara talsvert
í kjölfarið. „Okkur þótti sjálfsagt að
reyna þetta, en tíminn leiðir í ljós
hver árangurinn af þessu samstarfi
verður.“
Hörður sagði að viðskipti fólks
af Eyjafjarðarsvæðinu hefðu aukist
mikið og á síðasta ári hefði umtals-
verð fjölgun verið í leiguflugsferðir
á vegum ferðaskrifstofunnar. „Það
var einmitt vegna þess, sem við fór-
um að skoða þessa samnýtingar-
möguleika, því ef heldur áfram sem
horfir, þá teljum við rekstrinum bet-
ur borgið með þessari samnýtingu
heldur en að vera með umboðs-
aðila,“ sagði Hörður.
Ráðstefna um sjávarútvegsmál
Stafnbúi, félag sjávarútvegsfræðinema við Háskólann á Akur-
eyri, og Akureyrarbær gangast fyrir ráðstefnu um
SJÁVARÚTVEGSSTEFNU FRAMTÍÐARINNAR.
Ráðstefnan verður haldin í Alþýðuhúsinu, 4. hæð (Fiðlaranum),
Skipagötu 14, Akureyri, þann 14. mars og hefst kl. 10.00 með
innritun ráðstefnugesta.
Frestur til skráningar rennur út miðvikud. 11. mars. Skráning-
arsími er 96-11770 f.h. og 11780 e.h. Skráningargjald er kr.
t 2.500 pr. mann (innifalið er matur, kaffi og ráðstefnugögn).
Dagskrá:
10.45 Setningarávarp: Þorsteinn Pálsson, sjávarútvegsráðherra.
11.00 Erindi hagsmunaaðila (skipt á tvo sali).
Framsögumenn verða:
Snær Karlsson, V.M.S.Í.
Kristján Þór Júlíusson, Samb. ísl. sveitarfélaga.
Hólmgeir Jónsson, Sjómannasamb. Islands.
Sveinn H. Hjartarson/Kristján Ragnarsson, L.Í.Ú.
Guðjón Kristjánsson/Benedikt Valsson, F.F.S.Í.
Arthur Bogason, Landssamb. smábátaeigenda.
Guðlaugur Stefánsson, Landssamb. iðnaðarmanna.
Sturlaugur Sturlaugsson, Sambandi fiskvinnslustöðva.
13.00 Hádegisverður.
14.00 Fulltrúar stjórnmálaflokkanna.
Framsögumenn verða:
Jón Sigurðsson, Alþýðuflokki.
Halldór Ásgrímsson, Framsóknarflokki.
Árni Johhsen, Sjálfstæðisflokki.
Steingrímur J. Sigfússon, Alþýðubandalagi.
Jóna Valgerður Kristjánsdóttir, Kvennalista.
16.30 Kaffihló.
17.00 Pallborðsumræður.
18.30 Ráðstefnuslit.
Ráðstefnustjóri: Sigurður J. Sigurðsson,
forseti bæjarstjórnar Akureyrar.
Morgunblaðið/Rúnar Þór
Isinn brast
Starfsmenn Umhverfísdeildar Akureyrarbæjar hugðust nota ísinn á
Leirutjörn til að flytja mold út í eyju eina sem í tjöminni er, en
hann reyndist ekki nægilega traustur, því hann brast undan þungan-
um. Stórvirk vinnuvél var fengin á staðinn og dró dráttarvélina með
hlassið upp úr tjörninni.
-----4—♦—4---
Kirkjuvika:
Hádegistón-
leikar og há-
tíðarguðs-
þjónusta
Hádegistónleikar verða
haldnir í Akureyrarkirkju kl.
12.00 á morgun, laugardag, og
á sunnudag verður hátíðarguðs-
þjónusta í kirkjunni kl. 14 og
lýkur þar með kirkjuviku sem
staðið hefur síðustu viku.
Á hádegistónleikunum leikur
Björn Steinar Sólbergsson organ-
isti verk eftir Duruflé og Alain,
en einnig verður lesið úr ritning-
unni.
Sr. Bolli Gústavsson vígslubisk-
up flytur predikun við hátíðar-
guðsþjónustu í kirkjunni á sunnu-
dag, kór Akureyrarkirkju syngur
og þá syngja söngkonurnar Hólm-
fríður Benediktsdóttir og Þuríður
Baldursdóttir við athöfnina. Ragn-
heiður Árnadóttir formaður sókn-
arnefndar flytur lokaorð kirkju-
vikunnar.