Morgunblaðið - 06.03.1992, Blaðsíða 38

18
MORGUNBLAÐIÐ IÞROTTIR FÖSTUDAGUR 6. MARZ 1992
HANDKNATTLEIKUR
BLAK
FRÆÐSLUSTARF
Stefán og Rögnvald
í 20 para hópi fyr-
ir Ólympíuleikana
Tólf pör verða endanlega valin í lok apríl
STEFÁN Arnaldsson og Rögn-
vald Erlingsson hafa verið vald-
ir f hóp 20 dómarapara, sem
eiga möguleika á að verða í
endanlegum hóp sem dæmir á
^piympfuleikunum í Barcelona f
sumar. Tólf pör dæma í hand-
knattleikskeppni leikanna.
Þeir Stefán og Rögnvald dæma
á B-keppninni í Austurríki síð-
ar í mánuðinum. Það kemur svo í
ljós hvort þeir komast á Ólympíu-
leikana eftir mót í Madrid á Spáni
í lok apríl. Þar mæta pörin 20 og
verða þau síðan vegin og metin
eftir frammistöðuna þar.
Stefán og Rögnvald dæmdu í síð-
ustu viku tvo vináttulandsleiki
Svisslendinga og Rúmena í Sviss.
Gestimir unnu þann fyrri 19:17 en
Svisslendingar unnu síðari leikinn
stórt, 25:14. Svisslendingar verða
meðal þátttakenda í B-keppninni.
IMámskeið Fimleikasambandsins
Fræðslunefnd Fimleikasambnads íslands stendur fyrir námskeiði fyrir þjálf-
ara yngstu barnanna, 3-10 ára, um helgina, 7.-8. mars kl. 9-13 báða dagana
í íþróttahúsinu Digranesi. A námskeiðinu verður tekið fyrir hvernig vinna
má með börn út frá tónlist, hreyfingu og tjáningu. Útgangspunkurinn verður
barnið sjálft og kemur þetta til með að hjálpa til við að gera kennsluna
meira lifandi og gefandi. Leiðbeinandi verður Bára Lyngdal, leikari.
Fréttatilkynning
Ætlum að ná í
þann stóra aftur
- segir Friðrik Rúnarsson, þjálfari UMFN,
um viðureignina gegn Val í Njarðvík
SÍÐARI undanúrslitaleikurinn í
bikarkeppni karla í körfuknatt-
leik fer fram í íþróttahúsinu í
Njarðvík í kvöld kl. 20, en þar
mætast íslandsmeistarar
UMFN og Valur. Njarðvíkingar,
sem voru bikarmeistarar síð-
ast 1990, hafa verið erfiðir
heim að sækja í vetur, en Vals-
menn hafa komið sterkir til
leiks eftir áramótin. Það má
því búast við jöfnum og spenn-
andi leik.
Friðrik Rúnarsson, þjálfari
Njarðvíkinga, var hæfilega
bjartsýnn fyrir leikinn er Morgun-
blaðið talaði við hann í gærkvöldi.
„Við ætlum okkur að komast alla
leið og ná í þann stóra aftur. Það
hjálpar okkur vonandi að við erum
á heimavélli og við förum ekki að
tapa tveimur leikjum í röð á heima-
velli því það hefur ekki gerst í
mörg ár,“ sagði Friðrik. En sem
kunnugt er tapaði Njarðvík fyrir
Tindastóli á heimavelli sínum í síð-
ustu viku. Þeir höfðu þá ekki tapað
í „ljónagryfjunni" _ síðan í apríl í
fyrra og þá gegn ÍBK.
„Við erum með alla okkar sterk-
ustu menn og ætlum okkur sigur.
Við höfum spilað tvívegis við Val í
vetur og unnið í bæði skiptin með
innan við tíu stiga mun. Það má
því búast við að leikurinn verði
spennandi og við þurfum að hafa
fyrir hlutunum. Við verðum að hafa
góðar gætur á Booker því hann
getur verið ótrúlega góður,“ sagði
Friðrik.
Tómas Holton þjálfari og leik-
maður Vals sagði lið sitt eins til-
búið í slaginn og hægt væri. „Það
er mikil uppörfun fyrir okkur að fá
Booker aftur í liðið. Það var talið
að hann færi í bann og við vorum
búnir að sætta okkur við það, en
hann verður með og það er mjög
uppörfandi fyrir liðið,“ sagði Tómas
í gærkvöldi.
Hann sagði alla leikmenn Vals
heila. „Magnús snéri sig reyndar á
æfingu í gærkvöldi [miðvikudag]
Friðrik Rúnarsson, þjálfari Njarðvíkinga, segir að það komi ekki til greina
að UMFN tapi tveimur leikjum í röð á heimavelli.
en það var ekkert alvarlegt. Ég
gæti trúað að leikurinn þróaðist
þannig að liðin leggðu mikla áherslu
á vörnina. Þeir eru með hrúgu af
mönnum sem geta skorað mikið og
því verðum við að vera vel á verði.
Ég spái fjörugum leik og að sjálf-
sögðu spái ég okkur ekki tapi. Það
er ekki um neitt annað að ræða í
bikarkeppnini nema sigur,“ sagði
Tómas.
Valsmenn léku síðast til úrslita
í bikamum árið 1986 og þá gegn
Njarðvíkingum. Þá vann Njarðvík
en Valsmenn ætla sér í úrsltialeik-
inn að þessu sinni, og til þess þurfa
þeir að sigra í Njarðvík í kvöld.
Valsmenn verða með rútuferð til
Njarðvíkur með stuðningsmenn
sína frá Valsheimilinu kl. 18.30.
Skrifstofa íþróttasambands
íslands í Laugardal verður
lokuð í dag frá kl. 12.00
vegna jarðarfarar
HERMANNS GUÐMUNDSSONAR,
fyrrverandi framkvæmdastjóra ÍSÍ.
Rögnvald Erlingsson
Stefán Arnaldsson
Landsleikir
um helgina
Lokaundirbúningur landsliðs-
ins í handknattleik fyrir
B-keppnina er að nálgast. Liðið
leikur á Akureyri í kvöld gegn
styrktu liði KA og strax á morg-
un verður Iandsleikur á Selfossi
kl. 17. Það eru Portúgalir sem
koma í heimsókn og mæta ís-
lendingum öðru sinni í Laugar-
dalshöll á sunnudag kl. 20.
Skammt er stórra högga á
milli því landslið Slóveníu kemur
til landsins strax eftir helgina
og tveir leikir em á dagskrá við
þá. Sá fyrri í Laugardalshöll kl.
20 á þriðjudag og síðan kl. 20
^á miðvikudag í Keflavík.
' B-keppnin hefst 19. mars.
Norðmenn fyrir áfalli
Leikstjórnandinn Simon Muffetangen fóru úr axlarliði og verður
varla með í upphafi B-keppninnar
NORÐMENN urðu fyrir áfalli í
vikunni er einn besti maður
landsliðs þeirra í handknatt-
leik, leikstjórnandinn Simon
Muffetangen frá Kragero fór
úr axlarliði. Ólíklegt er talið að
hann verði orðinn góður þegar
B-keppnin hefst 19. þessa
mánaðar. Norðmenn eru ein-
mitt með íslendingum f riðli,
en liðin mætast í þriðja leik
þannig að Muffetangen gæti
verið tilbúinn í slaginn þá.
|uffetangen þessi hefur verið
einn besti maður norsku
deildarkeppninnar síðustu ár. Hann
Frá Erlingi
Jóhannssyni
í Noregi
hefur leikið vel með
landsliðinu í vináttu-
leikjunum að undan-
förnu. „Simon er
mjög fjölhæfur leik-
maður og gat skorað á margvísleg-
an hátt,“ sagði Gunnar Pettersen,
landsliðsþjálfari. Hann valdi Bjorn
Vidar Eriksen frá Runar í stað
Muffetangen, og sagði það svo sem
ekki slæm skipti. „Hann er góður
í vöm og stóð sig vel í Lotto-keppn-
inni,“ sagði þjálfarinn.
Landsliðsþjálfarinn valdi í vik-
unni leikmannahópinn sem hann fer
með á B-keppnina, oger hann þann-
ig skipaður eftir breytinguna:
Fredrik Brubakken, Kragero,
Gunnar Fosseng, Sandefjörd, Jan
Christian Danielsen, Runar, Roger
Kjendalen, Schutterwald, Gystein
Havang, Niederwurzbach, Rune
Erland, Gummersbach, Karl-Erik
Bohn, Sandefjörd, Morten Schon-
feldt, Sandefjörd, Brede Larsen,
Urædd, Ole Gustav Gjekstad,
Sandefjörd, John-Petter Sando,
Sandefjörd, Kjetil Lundeberg, Run-
ar, Tom Tvedt, Stavanger, Sjur
Tollefsen, Skiens Ball, Erland Sod-
al, Viking og Bjorn Vidar Eriksen
frá Runar.
Fyrsta
tap
Stúdenta
Þróttararsigruðu þá
í undanúrslitum bik-
arkeppni karla
KARLALIÐ Stúdenta tapaði
fyrsta leik sínum i vetur er
Reykjavíkur-Þróttarar gerðu
sér lítið fyrir og sigruðu efsta
lið íslandsmótsins, 3:2, í und-
anúrslitum bikarkeppninnar.
Kvennaliði Stúdenta gekk hins
vegar betur, sigraði HK 3:1 og
fer því í úrslit.
Við erum búnir að bíða lengi eft-
ir þessum leik. Voram fyrir
löngu búnir að afskrifa deildina í
vetur og við miðuð-
Guðmundur H. um allan okkar und-
Þorsteinsson irbúning undanfarið
skrifar við þennan leik.
Kortlögðum leik ÍS
og það hjálpaði okkur hvers einhæf-
ar sóknirnar hjá ÍS vora í Ieiknum
og auðveldaði okkur hávörnina,“
sagði Leifur Harðarson, þjálfari og
leikmaður Þróttar, eftir sigurinn.
Gamlar stjörnur
Þróttarar létu ekki einungis við
það sitja að skella ÍS, heldur skört-
uðu þeir fyrram leikmönnum úr
margföldu sigurliði gegnum tíðina,
þeim Lárentínusi H. Ágústssyni og
Guðmundi E. Pálmasyni og það eitt
gerir sigurinn sætari. Þróttarar
gáfu strax forsmekkinn af því sem
koma skyldi þegar þeir skelltu Stúd-
entum í fyrstu tveimur hrinunum,
15:13 og 15:7 og upp var komin
óvenjuleg staða. Eftir heldur daufa
byijun réttu Stúdentar úr kútnum
og náðu að jafna leikinn með sigri
í þriðju og fjórðu hrinu. Úrslitahrin-
an varð nokkuð spennandi en Stúd-
entar fóru betur af stað og höfðu
frumkvæðið þar til staðan var 10:7
en gáfu þá eftir og Þróttarar vora
ekki lengi að ganga á lagið og sigr-
uðu 15:12.
Stúdentar tóku seint við sér
Stúdentar geta sjálfum sér kennt
um ófarirnar, þeir tóku seint við
sér og vora ekki með framan af
leiknum. Slíkt getur ekkert lið leyft
sér í bikarkeppninni því þar gilda
önnur lögmál eins og kom á daginn.
Þetta var besti leikur Þróttar í
vetur. Bjarki Guðmundsson var
besti maður liðsins og einnig var
óvænt og gott hjá Þrótturum að
tjalda gömlu stjörnunum sem stóðu
fyllilega fyrir sínu.
Stúdínur í úrslit
Stúdínur lögðu HK í fjórum hrin-
um, 3:1, í nokkuð góðum leik. Þær
sigruðu í tveimur fyrstu hrinunum
með minnsta mun, 17:15 og 15:13
en HK í þeirri þriðju 16:14. Stúdín-
ur gengu síðan ákveðnar til leiks í
fjórðu hrinu og sigruðu nokkuð ör-
ugglega, 15:8. Það var lítill munur
á liðunum fyrstu þrjár hrinurnar
en meiri breidd gerði_ útslagið hjá
Stúdínum þar sem Úrsúla June-
mann var mikilvægur hlekkur. Hjá
HK sýndi Mirka Marikova að hún
er fremsti uppspilari í kvennablak-
inu hérlendis og hefur verið mjög
öflug með HK í vetur.
íkvöld
Körfuknattleikur
Bikarkeppni - undanúrslit:
Njarðvík: UMFN - Valurkl. 20
Handknattleikur
KA-hús: KA - Landsliðið 19.30
■Sigurður Sveinsson og
Þorgils Óttar Mathiesen leika
með KA. Einnigjúgóslavneski
markvörðurinn Iztok Race,
sem hefur æft með liðinu und-
anfarið og gengur líklega til
liðs við KA fyrir næsta vetur.
KORFUKNATTLEIKUR