Morgunblaðið - 05.05.1992, Blaðsíða 51

MORGUNBLAÐIÐ ÞRIÐJUDAGUR 5. MAÍ 1992
51

MITT EIGIÐIDAHO
m—r*- ■■ .aaim-aiiMMii
Van Sant laðar fram sama kraftaverkið frá River Pho-
enix og Kenau Reeves og hann gerði með Matt Dillon
í Drugstore Cowboy.
„Ekkert undirbýr þig undir þessa óafsakanlegu,
ósviknu kvikmynd.
Mynd sem snertir þig." ★ ★ ★ ★ N.Y. TIMES.
EFTIR LEIKSTJÓRA „DRUGSTORE COWBOY“
Sýnd í A-sal kl. 5, 7, 9 og 11. - Bönnuð innan 16 ára.
VÍGHÖFÐI
Stórmyndin með Robert De Niro
og Nick Nolte.
Sýnd í B-sal kl. 9 og 11.10.
REDDARINN
Eldfjörugur speimu/grínari.
Sýnd í B-sal
kl. 5 og 7.
HETJUR
HÁLOFTANNA
Þrælf jörug spennu- og gaman-
mynd.
Sýnd í C-sal
kl. 5, 7, 9 og 11.
ÞRIÐJUDAGSTILBOÐ: MIÐAVERÐ KR. 300ÁALLAR MYNDIR.
LÆKNIR KYNNIST
EIGIN MEÐULUM
Ádeila á lækna; Hurt kemst að því að hann er með
krabbamein.
Kvikmyndir
Arnaldur Indriðason
Læknirinn („The Doct-
or“). Sýnd í Sagabíói.
Leikstjóri: Randa Hai-
nes. Handrit: Robert
Caswell. Aðalhlutverk:
William Hurt, Christine
Lahti, Mandy Patinkin
og Elizabeth Perkins.
Flest höfum við verið
sjúklingar á sjúkrahúsi og
átt samskipti þar við
lækna og annað hjúkrun-
arfólk en einmitt þessi við-
kvæmu samskipti eru
þungamiðjan í ljómandi
góðri mynd í Sagabíói,
Lækninum, með William
Hurt. Hún er byggð á
sjálfsæfisögulegri bók
læknisins Eds Rosen-
baums, „A Taste of My
Own Medicine“, og segir
frá því þegar skurðlæknir
á stóru sjúkrahúsi lendir
fyi-irvaralítið í hlutverki
sjúklingsins og fær allt
aðra sýn á starf sitt, sam-
band sitt við sjúklinga og
sitt eigið líferni.
Hurt er sérstaklega
góður í hlutverki læknis-
ins er í byijun myndarinn-
ar tekur starf sitt sem
skurðlæknir á risastóru
sjúkrahúsi rétt mátulega
alvarlega. Sérstaklega á
þetta við um samskiptin
við sjúklingana. Á stofu-
gangi predikar hann að
læknar skyldu aldrei
mynda persónulegt sam-
band við sjúkling, hann
sé aðeins enn éitt verkefn-
ið sem þarf að klára. Tala
í tölfræði sjúkrahússins.
Læknastarfið er eitt-
hvað sem gerir Hurt ríkan
og vinsælan. Hann veitir
fullkomna læknisþjónustu
og er fær í sínu starfi en
hann veit í rauninni
minnst um það hvað sjúk-
lingur er. Eini læknirinn
sem við sjáum að veitir
einhveija hlýju og huggun
er gerður að athlægi í
vinahópi Hurts. Hann er
talinn eitthvað skrýtinn
og fellur ekki inn í.
Þangað til Hurt sjálfur
veikist. Hann fær krabba-
mein í hálsinn og skyndi-
lega stendur hann í spor-
um sjúklingsins og fær að
kynnast því nákvæmlega
hvað skjólstæðingar hans
þurfa að ganga í gegnum;
endalausa bið, kæruleysis-
legt viðmót og verst af
öllu, það hefur enginn
áhuga á honum nema sem
tilfelli. Enginn hefur tíma
til að róa hann eða hlusta
eftir óttanum í honum.
Myndin er ansi snörp
ádeila á sjúkrahúsalækna.
Læknamafían á spítalan-
um fær slæma útreið:
Læknarnir eru mestan-
part sjálfumglaðir og
sjálfbirgingslegir spaug-
arar, sem hafa meiri
áhuga á nýja kvenkyns
háls-, nef- og eyrnalækn-
inum og hvernig best er
að svindla á næstu kæru
fyrir afglöp í starfi en
sjúklingunum. Leikstjór-
inn, Randa Haines, sem
áður gerði myndina Guð
gaf mér eyra, einnig með
William Hurt, og handrits-
höfundurinn, Robert
Caswell, draga upp mjög
kaldranalega mynd af há-
tæknilegu spítalalífinu þar
sem hvefgi er pláss fyrir
mannlegar tilfinningar
innan um sótthreinsuð
tækin. Þar sem öllu mann-
eskjulegu hefur í raun
verið úthýst. Læknir
Hurts talar sjaldnast beint
við hann heldur í sjón-
varpsskerma sem fylla
læknastofuna.
Allt er það sett í bland
við viðkvæmara tilfínn-
ingadrama sem lýsir við-
brögðum Hurts við sjúk-
dómnum, hvernig hann
bregst við gagnvart fjöl-
skyldu sinni og vinum og
starfi en stór hluti
myndarinnar lýsir kynn-
um hans af dauðvona
krabbameinssjúklingi,
sem leikinn er ágætlega
af Elizabeth Perkins, sem
á endanum kennir honum
að sjúklingur er lifandi
vera, ekki tölfræði. Haines
heldur þar skynsamlega á
málum án þess að ofkeyra
efnið, dyggilega studd af
afbragðsleikurum en leik-
hópurinn allur er mjög
góður.
REGNBOGINN SÍMI: 19000
BANDARÍSKIR DÁÐA-
DRENGIR ARABÍSK FÓL
Kvikmyndir
Sæbjörn Valdimarsson
Laugarásbíó, Hetjur há-
loftanna - „Into the
Sun“. Leikstjóri Fritz
Kiersch. Aðalleikendur
Anthony Michael Hall,
Michael Paré, Beborah
Mary Moore, Michael St.
Gerard. Bandarísk. Tri-
mark 1992.
Af nafninu má hæglega
draga þá ályktun að hér
sé komin enn ein stælingin
á hinni geysivinsælu Top
Gun og það reynist rétt -
í aðalatriðum. Svo það
bólar lítið á frumlegri
hugsun hér. Paré leikur
flugkappa í hernum, þeirn
bandaríska, ef einhver er
í vafa, sem býðst það starf
að sýna kvikmyndastjörn-
unni Hall inn í daglegt líf
garpa háloftanna því leik-
arinn er að undirbúa sig
undir nýtt hlutverk. Sögu-
slóðir herstöð við Miðjarð-
arhafið og einn fagran
sumardag er vél félag-
anna skotin niður yfir
óvinalandi. Arabísku, því
kommúnisminn er lamað-
ur.
Myndir eftir þessari
formúlu eru farnar að
nálgast annan tuginn og
maður spyr sjálfan sig
hveijum afurðin sé ætluð.
Hetjur háloftanna inni-
heldur glæsilegar loft-
myndatökur, en það gerðu
allar hinar líka. Annað er
álíka klisjukennt, hér er
illa farið með hinar alam-
erísku hetjur af menning-
arsnauðum og órökuðum
arabaskríl. Reyndar er hér
að finna eina undantekn-
ingu frá reglunni; Banda-
ríkjamann á mála hjá
óvininum. Enda ljóst að
maðurinn er ekki með
réttu ráði. Þeir Hall og
Paré reyna að sýna leik-
ræn tilþrif án árangurs.
B-mynda leikstjórinn Ki-
ersch er kunnastur af því
að hafa gert eina mynd
sem stóð undir nafni. Sú
nefndist Gor. Dæmigerður
myndbandahas-
ar.
Ráðstefna um neyðar-
vaktstöðvar (neyðarsíma)
HALDIN verður ráðstefna í slysavarnahúsinu á Granda-
garði miðvikudaginn 6. maí, þar sem fjallað verður um
svonefndar neyðarvaktstöðvar, eða neyðarsíma, þar sem
tekið er við öllum hjálparbeiðnum af hvaða tagi sem er.
Ráðstefnan er haldin að frumkvæði landshlutasamtaka
sveitarfélaga og í samvinnu við Slysavarnafélag íslands
og Landsbjörgu.
Til ráðstefnunnar hefur
verið boðið fulítrúum ráðu-
neyta, stofnana og félaga,
sem um rnálið hafa fjallað
og eiga eftir að koma að
því á næstu misserum og
árum. Samband sveitarfé-
laga á Austurlandi hefur
þegar látið vinna mikið und-
irbúningsstarf vegna hugs-
anlegrar neyðarvaktstöðv-
ar, sem á að ná til allrar
almennrar neyðarþjónustu,
svo sem lögreglu, sjúkra-
flutninga, bráða- og nætur-
vakta lækna og sjúkrahúsa,
slökkviliðs, almarinavarna
og björgunarsveita.
Á ráðstefnunni á mið-
vikudag munu fjölmargir
aðilar bera saman bækur
sínar. Hallgrímur Guð-
mundsson, bæjarstjóri í
Hveragerði, setur ráðstefn-
una klukkan 13.30. Þá
munu fulltrúar frá Símafli
og Verkfræðistofu Snorra
Ingimarssonar kynna neyð-
arvaktkerfi, ásamt Haaland
Björk frá Svíþjóð, sem var
tæknilegur ráðgjafi við upp-
byggingu neyðarvaktar þar.
Síðan flytja stutt erindi
Katrín Fjeldsted, borgarfull-
trúi, Friðjón Guðröðarson,
sýslumaður, Guðjón Peters-
en, forstjóri almannavarna,
og fulltrúi frá heilbrigðis-
ráðuneytinu.
Þá fjallar Hálfdan Henr-
ysson, deildarstjóri, um
reynsluna_ af björgunarmið-
stöð SVFÍ og stöðin verður
sýnd. Þá verða almennar
umræður. Árni Gunnarsson
framkvæmdastjóri SVFÍ,
dregur síðan niðurstöður
sarnan. Fundarstjóri er
Björn Hermannsson frarn-
kvæmdastjóri Landsbjarg-
ar.