Morgunblaðið - 20.06.1992, Blaðsíða 26

26
MORGUNBLAÐIÐ LAUGARDAGUR 20. JÚNÍ 1992
Fyrstu fimm mán-
uðir ársins;
Velta DNG
tvöfaldast
VELTA rafeindafyrirtækisins
DNG hefur meir en tvöfaldast á
fyrstu fimm mánuðum þessa árs
miðað við sömu mánuði síðasta
árs.
' Kristján E. Jóhannesson fram-
kvæmdastjóri DNG sagði að sala
hefði verið mjög góð það sem af
er ársins hefði hún farið langt yfir
þær áætlanir sem gerðar hefðu
verið. Skýring á aukinni sölu væru
m.a. þær að töluverð aukning hefði
verið í útflutningi og þá hefði sala
á innanlandsmarkaði verið meiri en
búist hefði verið við. Ný færavinda,
C-5000 i, sem sett var á markað á
síðasta ár hefði hlotið góðar viðtök-
ur kaupenda og væri tveggja ára
þróunarvinna við hana nú farin að
skila sér.
Morgunblaðið/Rúnar Þór
Markaðstorg á kvennaráðstefnu
Kjölmargar konur kynntu vörur sínar, þjónustu og aðgerðir til atvinnu-
sköpunar á ráðstefu um atvinnusköpun kvenna sem hófst í Alþýðuhús-
inu á Akureyri í gær. Yfírskrift hennar er „Að taka málin í eigin
hendur". Flutt verða erindi og þá verður einnig starfað í hópum þar
sem m.a. verður rætt um leiðir til atvinnusköpunar. Ráðstefnunni lýkur
í dag, laugardag, en það er Áhugahópur um atvinnumál kvenna á
Norðurlandi eystra sem stendur að ráðstefnuhaldinu.
Hvassviðrið:
Rúður brotnuðu í
bókasafni Háskólans
NOKKURT tjón varð í bókasafni
Háskólans á Akureyri í fyrrinótt,
en þar brotnuðu nokkrar rúður.
Vindur fór í 12 vindstig í bænum
þegar mest var í fyrrinótt.
Ólafur Búi Gunnlaugsson skrif-
stofustjóri sagði að tjónið væri
metið á 100 til 150 þúsund krónur,
en um væri að ræða sérstakar rúð-
ur sem hefðu brotnað. Ekkert tjón
varð á bókum sem í safninu er, en
blöð voru á víð og dreif um gólfið
er að var komið. Þá fuku upp nokkr-
ar þakplötur, en Ólafur Búi sagði
að lítið mál hefði verið að smella
þeim á að nýju.
Stillans fauk frá húsi við Norður-
götu og skemmdi einn bíl, en að
sögn varðstjóra lögreglunnar varð
annað tjón af völdum hvassviðrisins
lítið. Vindur fór í 62 hnúta eða 12
vindstig þegar mest var í hviðunum
og var moldrok mikið í kjölfarið.
Heilbrigðisdeild Háskólans á Akureyri:
Fjöldi fyrirlestra um um-
önnun krabbameinssjúkra
„UMÖNNUN krabbameins-
sjúkra“ var yfirskrift ráðstefnu
sem heilbrigðisdeild Háskólans
á Akureyri hélt nú í vikunni, en
á ráðstefnunni voru fluttir fjöl-
margir fyrirlestrar og kynntar
nýjar rannsóknir um þetta efni.
Tveir erlendir fyrirlesarar fluttu
erindi á ráðstefnunni. Dr. Sally
Thorne frá Vancouver í Kanada
fjallaði um hinn mannlega þátt í
umönnun krabbameinssjúkra út
frá sjónarhóli einstaklings og fjöl-
skyldu og dr. Elisabeth Hamrin,
prófessor við Linköping-háskóla í
Svíþjóð, kynnti umfangsmikla
rannsókn sem er að hefjast þar í
landi um hefðbundnar og óhefð-
bundnar aðferðir í ummönnun
krabbameinssjúkra.
Þá voru á ráðstefnunni kynntar
Qórar nýjar rannsóknir sem unnar
hafa verið af nemendum og
kennurum heilbrigðisdeildar Há-
skólans á Akureyri. „Að greinast
með krabbamein" er heiti á rann-
sókn sem fimm nýútskrifaðir
hjúkrunarfræðingar frá skólanum
gerðu og aðrir fimm hjúkrunar-
fræðingar kynntu rannsóknina
„Upplifun foreldra krabbameins-
veikra barna á stuðningi og skorti
á stuðningi frá hjúkrunarfræðing-
um“.
Elsa B. Friðfinnsdóttir hjúkrun-
arfræðingur og lektor við Háskól-
ann á Akureyri kynnti rannsókn
sína um það að missa brjóst vegna
krabbameins og Sigríður Halldórs-
dóttir forstöðumaður kynnti rann-
sókn sína um upplifun þeirra sem
Aöalfundur Gilfélagsins
verður haldinn á Hótel KEA í dag, 20. júní, kl. 14.00.
Venjuleg aðalfundarstörf og umræður um hugsan-
legt samstarf við MENOR.
Nýir félagar velkomnir.
Stiórnin.
fengið hafa krabbamein á um-
hyggju og umhyggjuleysi í sam-
skiptum við sjúklinga. Dr. Þórir
Kr. Þórðarson, Sólveig Þórðardótt-
ir og Þuríður Guðmundsdóttir fjöll-
uðu í erindum sínum um þá mann-
legu reynslu að upplifa krabbamein
af eigin raun, sem maki eða for-
eldri. Björg Þórhallsdóttir fjallaði
um andlega ummönnun sjúkra og
Elísabet Hjörleifsdóttir flutti fyrir-
lestur um heildræna ummönnun
við lífslok. Þá fluttu Valgerður
Sigurðardóttir krabbameinslæknir
og Sigfinnur Þorleifsson sjúkra-
húsprestur á Borgarspítala einnig
erindi á ráðstefnunni.
Um 150 manns sóttu ráðstefn-
una alls staðar af laridinu, en fyrir-
hugað er að gera slíkt ráðstefnu-
hald að árlegum viðburði í starf-
semi heilbrigðisdeildar Háskólans
á Akureyri, en þannig gefst tæki-
færi fyrir nemendur og kennara
að kynna rannsóknir.
„Trójuhesturinn“ í safnaðarheimilinu:
Aðsóknin kemur á óvart
- segir Sólveig Eggertsdóttir
GÓÐ AÐSÓKN hefur verið að
sýningu sem nú stendur yfir í
safnaðarheimili Akureyrar-
kirkju, en þar er á ferðinni hóp-
ur listamanna sem kallar sig
„Trójuhestinn".
„Við eigum það sameiginlegt,
fólkið í þessum hóp, að okkur lang-
aði til að fara út fyrir borgarmörk-
in með okkar verk. Við vildum sýna
hér á Akúreyri og vildum gjarnan
fara víðar,“ sagði Sólveig Eggerts-
dóttir, en hún er einn þeirra lista-
manna sem er innanborðs í „Tróju-
hestinum". Aðrir eru Borghildur
Óskarsdóttir, Guðrún Kristjánsdótt-
ir, Kristinn E. Hrafnsson, Anna
Eyjólfsdóttir, Sigurður Örlygsson,
Sigrid Valtingojer og Ólöf Sigurðar-
dóttir.
Sýningin verður opin í safnaðar-
heimilinu í dag, laugardaginn 20.
júní, og sunnudaginn 21. júní frá
kl. 14 til 22, en henni lýkur á sunnu-
dagskvöld. Á sýningunni eru 43
verk, m.a. skúlptúrar, málverk og
grafíkverk. Sýningin er stór og
mikið fyrirtækið að flytja verkin
um langan veg. „Þetta er vissulega
dýrt og menn vona auðvitað að eitt-
hvað af verkunum verði eftir hér í
bænum, það er öllum listamönnum
nauðsynlegt að selja sín verk,“
sagði Sólveig.
„Það hefur komið okkur á óvart
hversu góð aðsóknin að sýningunni
er, við áttum ekki von á svo góðum
viðtökum. Það er greinilegt að fólk
vill koma á myndlistarsýningar, það
er vakning í bænum á þessu sviði
og framtak bæjarins að reisa lista-
Kennarar!
Nokkrar kennarastöður eru lausar við grunn-
skóla Eyjaf jaróarsveitar. Meðal kennslu-
greina: Danska, raungreinar, smídar,
myndmennt, sérkennsla, staeróf raeói
eg almenn bekkjarkennsla. Skólinn er
1 2 km sunnan Akureyrar. Nemendafjöldi er
220, þar af 15 í skólaseli í Sólgarði, 25 km
frá Akureyri. Þar vantar reyndan yngri barna
kennara sem jafnframt gæti verið selstjóri;
einnig er þar laust hlutastarf húsvarðar.
Odýrt húsnæði er í boði.
Umsóknarfrestur er til 7. júlí nk.
Upplýsingar fást hjá Sigurði Aðalgeirssyni,
skólastjóra, í síma 96-31 230 eða 96-31137
og hjá Önnu Guðmundsdóttur, aðstoðar-
skólastjóra, í síma 96-31127.
Staða skólastjóra
Laus er til umsóknar staða skólastjóra við Stóru-
tjarnaskóla í S-Þingeyjarsýslu. Umsóknarfrestur
ertil 19. júlí 1992.
Frekari upplýsingar fást hjá Fræðsluskrifstofu
N. eystra og hjá formanni skólanefndar, Þor-
geiri Jónssyni, sími 43241.
Fræðslustjóri Norðurlandsumdæmis eystra.
Morgunblaðið/Rúnar Þór
Eitt verkanna á sýningu „Tróju-
hestsins" í safnaðarheimili Akur-
eyrarkirlyu.
og menningarmiðstöð í Grófargili
er til fyrirmyndar, þetta er einstakt
á landinu.“
♦ ♦ ♦------
Miðnætur-
þríþraut
annað kvöld
Miðnæturþríþraut verður haldin
á Akureyri annað kvöld, sunnu-
dagskvöldið 21. júní, kl. 22.
Keppnin hefst við Sundlaug
Akureyrar, en keppt verður í
ólympískum vegalengdum þannig
að fýrst munu keppendur synda
1,5 kílómetra, þá tekur við 40 kíló-
metra hjólreiðar og loks 10 kíló-
metra hlaup.
Von er á núverandi íslands-
meistara í greininni, Einari Jó-
hannssyni, til keppninnar, en Cees
van de Ven, sem sér um skráningu
í miðnæturþríþrautina, sagði að
þetta væri í fyrsta sinn sem slík
keppni er haldin og væri fyrirhug-
að að framhald yrði á þannig að
um árlegan viðburð yrði að ræða.
------------♦---------

m
°4LVÍ*
E
miwmMBM
ufk
Sjávarútvegsdeildin á Dalvík - VMA
Framhaldsskólakennarar
Lausar eru kennarastöður veturinn 1992-93.
Kennslugreinar-. Enska, danska, raungreinar og
faggreinar stýrimanna- og fiskiðnaðarnáms.
Umsóknarfrestur til 25. júní.
Upplýsingar í símum 96-61 380, 96-61381
og 96-61162.
Skólasljóri.
Mývatnssveit:
Ohemju sand-
bylur sunnan
af hálendinu
Bjork, Mývatnssveit
SÍÐASTLIÐINN fimmtudag
gekk ofsaveður af suðvestri yfir
hér í Mývatnssveit.
Óhemjurok var á Mývatni og er
vatnið nú kolmórautt yfir að líta.
Óskaplegur sandbylur var sunnan
af hálendinu svo vart sá til fjalla
enda allt skraufþurrt. Hætt er við
að verulegt tjón hafí*orðið í þessu
veðri á grónu landi. Það má því
segja að mannshöndin megi sín lít-
ils gegn hamförum og eyðingaröfl-
um veðurfarsins.
Kristján.