Morgunblaðið - 25.06.1992, Qupperneq 5

MORGUNBLAÐIÐ FIMMTUDAGUR 25. JÚNÍ 1992
5
Borgarráð:
2,2 milljóna
aukafjár-
veiting til
Tilveru
BORGARRÁÐ hefur samþykkt að
veita 2,2 milljónir í aukafjárveit-
ingu vegna námsefnisins Tilveru
á næsta skólaári.
í erindi skólamálaráðs til borgar-
ráðs kemur fram að vegna færri
viðmiðunarstunda ríkisins sé ljóst að
ríkið muni ekki kosta kennslu náms-
efnisins Tilveru á næsta skólaári.
Kennsluefnið hafi gefíst vel og al-
menn ánægja hafí verið með það í
skólum, jafnt meðal kennara sem
nemenda. Áhyggjuefni sé ef hætta
verði þessari tilraun á öðru ári og
samþykkir ráðið því aukafjárveit-
ingu.
» ♦ ♦
Borgarráð:
Konum þegar
greiddur fæð-
ingarstyrkur
í SVARI heilbrigðis- og trygg-
ingamálaráðuneytisins við tillögu
borgarstjórnar um að teknar verði
upp beinar greiðslur til verðandi
foreldra, kemur fram að nú þegar
sé öllum konum' sem fæða barn
hér á landi greiddur fæðingar-
styrkur.
í bréfi borgarstjóra til heilbrigðis-
ráðherra er vísað til tillögu sem sam-
þykkt var í borgarstjóm, þar sem
þeirri hugmynd er beint til heilbrigð-
isráðuneytisins, að teknar verði upp
• beinar greiðslur til fæðandi kvenna,
svo skapast geti aukið val foreldra
á fæðingarþjónustu. „Með því móti
kynni að vera unnt að vekja áhuga
fagaðila á sjálfstæðum rekstri í fæð-
ingarþjónustu.“
í svari ráðuneytisins segir að nú
þegar sé öllum fæðandi konum
greiddur fæðingarstyrkur sem er
föst mánaðarleg greiðsla í sex mán-
uði. Þá segir og að, „ Lög um heil-
brigðisþjónustu gera ekki ráð fyrir
að unnt sé að reka hér á landi einka-
sjúkrahús sem rekin eru af greiðslum
sjúklinga fyrir þjónustu."
Mikil verðlækkun verður á til-
búnum blómvöndum í sumar.
Verð á blóm-
vöndum lækk-
ar um 35-45%
BLÓMAFRAMLEIÐENDUR og
Félag blómaverslana standa nú
að 35-45% lækkun á smásöluverði
á tilbúnum blómvöndum. Þessi
verðlækkun er í gildi í blóma-
verslunum um allt land til 1. sept-
ember nk.
Sigurður Moritzson hjá Blóma-
miðstöðinni hf. sagði að þessi lækk-
un þýddi að tilbúnir blómvendir er
hefðu kostað á bilinu 790-950 krón-
ur kostuðu nú kr. 495. Þessi útsala
verður í blómaverslunum um land
allt í sumar. Sigurður benti á að
þessi 35-45% verðlækkun næði ein-
göngu til blómvanda er kæmu til-
búnir í blómaverslanir frá blóma-
framleiðendum en þeir vendir sem
væru búnir til í verslununum væru
áfram á sama verði.
Fernung og skím
ítóftarbroti
Guðsþjónusta fór fram sl. sunnudag
í gömlu tóftarbroti á Kirkjubóli á
Norðurströndum, þar sem talið er
að séu rústir hinnar fornu kirkju.
Þar var komin saman fjöldi fólks
ásamt sóknarprestinum, séra
Sigurði Ægissyni í Bolungarvík.
Tilefnið var að ferma átti dóttur
þeirra Sjafnar Guðmundsdóttur og
Ragnars Jakobssonar, Elínu Elísa-
betu Ragnarsdóttur. Skírt var barn
hjónanna Auðar Ragnarsdóttur og
Reynis Ragnarssonar sem er bróðir
fermingarbarnsins. Rúmlega eitt
hundrað manns tóku þátt í athöfn-
inni að Kirkjubóli. Fullyrða má að
þessi helgistund verður ávallt í minni
þeirra sem þar voru viðstaddir.
1.
2.
3.
4.
5.
Utboð
ríkisbréfa
( RBR. 2. fl. 1992 )
Fjármálaráðherra, f.h. ríkissjóðs, hefur ákveðið að bjóða út
ríkisbréf í samræmi við heimildarákvæði lánsfjárlaga fyrir
árið 1992 og með hliðsjón af ákvæðum laga nr. 79/1983
svo og laga nr. 43/1990,1. gr., um Lánasýslu ríkisins.
í boði verða ríkisbréf 2. fl. 1992 með útgáfudegi 1. júlí 1992
og gjalddaga 30. desember 1992. Lágmarksfjárhæð
útboðsins er 300 milljónir króna. Heildarfjárhæð útboðsins
er áætluð um 500 milljónir króna samkvæmt nánari
ákvörðun fjármálaráðherra um töku tilboöa.
Ríkisbréfin verða gefin út í þremur verögildum; 2.000.000,
10.000.000 og 50.000.000 krónur að nafnvirði og verða þau
innleyst hjá Lánasýslu ríkisins eða Seðlabanka Islands á
gjalddaga. Ríkisbréf eru án nafnvaxta og verðtryggingar.
Öllum er heimilt að gera bindandi tilboð í ríkisbréf
samkvæmt eftirfarandi reglum:
a) Löggiltum verðbréfafyrirtækjum, löggiltum
verðbréfamiðlurum, bönkum og sparisjóöum er einum
heimilt að gera bindandi tilboð í ríkisbréf samkvæmt tilteknu
tilboðsverði.
b) Öllum öðrum er heimilt að gera bindandi tilboð í vegið
meöalverö samþykktra tilboða meðalávöxtun vegin með
fjárhæð). Tilboö samkvæmt þessum lið eru háð því að
samþykkt tilboð samkvæmt a-lið þessarar greinar verði að
minnsta kosti samtals 200 milljónir króna.
Gera skal bindandi tilboð í nafnverð ríkisbréfa, sbr. lið 3,
eða heilt margfeldi verðgilda. Allir tilboðsgjafar skulu láta
fylgja hverju tilboöi sínu gjaldkeratékka, þ.e. tékka sem
gefinn er út af innlánsstofnun, sem tilboöstryggingu.
Tékkinn skal vera að fjárhæö 20.000 kr. og stílaður á
Lánasýslu ríkisins v/tilboös í ríkisbréf. Gangi tilboðsgjafi frá
tilboöi sínu, sbr. þó 8. lið, glatar hann fjárhæðinni, ella
gengur hún upp í ríkisbréfaviðskipti viðkomandi aðila eða
verður endursend sé tilboöi hafnað af ríkissjóöi. Tilboð, sem
ekki fylgir greind innborgun, skal meta ógilt.
Undanþegnir greindri innborgunarskyldu eru:
Löggilt verðbréfafyrirtæki, löggiltir veröbréfamiðlarar,
bankar og sparisjóðir, fjárfestingalánasjóöir, lífeyrissjóðir,
sem viðurkenndir eru af fjármálaráðuneytinu og
tryggingafélög, sem viðurkennd eru af Tryggingaeftirliti
ríkisins.
6. Tilboö má senda á sérstökum eyðublöðum sem fást hjá
Lánasýslu ríkisins. Tilboðin ásamt tilboöstryggingu, ef um
hana ér að ræða, berist til Lánasýslu ríkisins, Hverfisgötu 6,
150 Reykjavík fyrir, kl. 14.00 mánudaginn 29. júnl 1992 og
séu í lokuðum ómerktum umslögum, að öðru leyti en því aö
þau séu sérstaklega merkt orðinu „Tilboð í ríkisbréf".
7. Heimilt er að símsenda tilboð í staðfestu símskeyti,
og skulu þau berast fyrir sama tíma og getið er í 6.
lið hér að framan. Sömuleiðis má símsenda
tilboðstryggingu, sbr. 5. lið.
8. Ríkissjóður áskilur sér rétt til þess aö taka eöa hafna
tilboðum í heild eða að hluta. Breyting eöa
afturköllun tilboðs skal hafa borist Lánasýslu ríkisins
fyrir kl. 14.00 hinn 29. júní 1992.
9. Tilboðsgjöfum sem eiga tilboð sem tekið er, veröur
tilkynnt um það símleiðis fyrir kl. 16.00 hinn 30. júní
1992. Staöfestingarbréf verða auk þess send til
þeirra.
Tilboðsgjöfum, sem eiga tilboð sem hafnað er eða
eru ógild, verður ekki tilkynnt um það sérstaklega að
ööru leyti en með endursendingu tilboöstryggingar í
ábyrgöarpósti.
10. Niðurstööur útboösins veröa kynntar tölulega eins
fljótt og hægt er, án vísunar til nafna tilboðsgjafa,
með fréttatilkynningu til fjölmiðla.
11. Greiðsla fyrir ríkisbréf, skv. tilboðum sem tekin verða,
þarf að berast Lánasýslu ríkisins fyrir kl. 14.00 á
útgáfudegi, þann 1. júlí 1992, og verða bréfin afhent
eða póstsend fyrir kl. 17.00 sama dag nema þess sé
óskað sérstaklega að Lánasýsla ríkisins geymi
ríkisbréfin. Berist greiðsla ekki á réttum tíma áskilur
ríkissjóður sér rétt til að krefja tilboðsgjafa um hæstu
lögleyfðu dráttarvexti fyrir þann tíma sem greiðsla
dregst, auk þess sem tilboðsgjafi glatar
tilboðstryggingu sinni.
12. Ríkisbréf þessi eru stimpilfrjáls. Um skattskyldu eöa
skattfrelsi ríkisbréfa, svo og forvexti af þeim, fer eftir
ákvæðum laga um tekju- og eignaskatt eins og þau
eru á hverjum tíma, sbr. nú 8. gr., 1. tl. B-liðar 30. gr.,
74. og 78. gr. laga nr. 75/1981, meö síðari
breytingum, sbr. og lög nr. 7/1974 og lög nr. 79/1983.
Ríkisbréf eru framtalsskyld.
13. Flokkur þessi verður skráður á Verðbréfaþingi
Islands og veröur Seölabanki íslands viðskiptavaki
flokksins.
14. Útboösskilmálar og tilboðseyðublöö liggja frammi hjá
Lánasýslu ríkisins, Hverfisgötu 6, Reykjavík.
Reykjavík 23. júní 1992
4
LANASYSLA RIKISINS
Hverfisgötu 6, 2 hæö, 101 Reykjavík, sími 91-626040