Morgunblaðið - 11.08.1992, Blaðsíða 28
28
MORGUNBLAÐIÐ ÞRIÐJUDAGUR 11. ÁGÚST 1992
.
Blóðbankinn á Akureyri;
Blóðþörf sjúkra-
hússins fullnægt
UM ÞAÐ bil 600 manns eru á blóðgjafaskrá Blóðbankans við Fjórð-
ungssjúkrahúsið á Akureyri. Blóðbankinn sér sjúkrahúsinu fyrir því
sem næst öllu blóði sem notað er þar. Rúmt ár er síðan bankinn
fékk sérstakt húsnæði. Nýir blóðgjafar eru vel þegnir hjá Blóðbank-
anum á Akureyri.
Blóðbankinn á Akureyri er nú
starfræktur sem deild innan Rann-
sóknadeildar Fjórðungssjúkrahúss-
ins á Akureyri og hefur frá því í
maí 1991 verið í sérstöku húsnæði
í kjallara sjúkrahússins. Fram að
því var Blóðbankinn á vegum slysa-
deildar í allmörg ár. Við bankann
eru tveir starfsmenn í fullu starfi
og einn að hluta.
Vilborg Gautadóttir hjá Blóð-
bankanum sagði til marks um um-
svif í bankanum að þar væru að
meðaltali teknar um 120 einingar
á mánuðí og með bankanum væri
sjúkrahúsið hér um bil sjálfbjarga
með blóð, ef svo mætti segja. í síð-
asta mánuði hefðu til dæmis verið
fengnar 120 einingar hjá bankanum
og aðeins 17 frá Blóðbankanum í
Reykjavík.
Blóðbankinn á Akureyri er eini
blóðbankinn á landinu utan Reykja-
víkur. Þar er nú hafin framleiðsla
á blóðvökva (plasma) í skilvindu
sem fengin var notuð frá Blóðbank-
anum í Reykjvaík. Vilborg sagði
að hún væri gömul og dálítið há-
vaðasöm en gerði sitt gagn ágæt-
lega. Þá væri blóð nú allt skimað
hér á Akureyri og ekki lengur sent
suður til prófunar.
Að sögn Vilborgar eru um það
bil 600 blóðgjafar á skrá hjá Blóð-
bankanum. Hún sagði að sú tala
væri síbreytileg, enda flytti fólk
burt og annað kæmi í staðinn. Fyr-
ir nokkrum árum hefði verið gert
talsvert átak til að efla blóðgjafa-
hópinn og meðal annars farið á
vinnustaði og hefði það gefist afar
vel. Mannafli í bankanum væri ekki
nægur til að unnt væri að gera við-
líka átak nú. Hins vegar væri nauð-
synlegt að stækka blóðgjafahópinn
og nýir blóðgjafar væru afar vel
þegnir. Þeir sem vildu gerast blóð-
gjafar gætu komið í Blóðbankann
alla virka daga á bilinu klukkan 9
til 2 og látið mæla blóð sitt og
greina blóðflokk. Öllum yrði vel
tekið því blóðgjafar væru aldrei of
margir.
Talið er eðlilegt að maður geti
gefíð blóð um það bil fjórum sinnum
á ári. Hveiju sinni eru teknir 450
millilítrar. Algengast er að blóðgjaf-
ar séu boðaðir til blóðtöku og sagði
Vilborg aðdáunarvert að vinnuveit-
endur brygðust undantekningar-
laust vel við að hleypa mönnum frá
til þessa. Hitt væri líka til að menn
kæmu reglulega og létu taka sér
blóð, þeir væru orðnir vanir því að
gera það á ákveðnum tímum og
þætti það gott.
Morgunblaðið/Eiríkur
Þórarinn Kristjánsson í Gúmmívinnslunni með hellur, gerðar að níu-
tíu hunduðustu úr gúmmíi sem til fellur við hjólbarðasólun.
KA gefur út
símaskrá
Knattspyrnudeild KA hefur
fengið leyfi Pósts og síma til
að gefa út símaskrá fyrir Akur-
eyri. Að sögn Sveins Brynjólfs-
sonar formanns deildarinnar
barst Knattspyrnudeild KA ný-
verið leyfi til útgáfu símaskrár
á þessu ári.
Fyrirhugað er að skráin komi
út seinni hluta ágústmánaðar og
eru knattspyrnudeildarmenn að
safna auglýsingum í hana þessa
dagana. Sagði Sveinn að þeir sem
ekki hefðu enn haft samband af
þessum sökum gætu gert það í
síma 96-26655 eða með símbréfi
{ 96-11839 á Akureyri næstu
daga. Ágóði af útgáfu símaskrár-
innar rennur til æskulýðs- og
íþróttastarfs deildarinnar.
Endurvinnsla á Akureyri;
Endurnýtíng hjólbarða
stuðlar að olíuspamaði
Gúmmívinnslan hf. á Akureyri
hefur um árabil auk þess að end-
urvinna og sóla hjólbarða fram-
leitt ýmsar vörur úr afgangs-
gúmmíi. Fyrir skemmstu þurfti
Gúmmívinnslan að flytja inn
gúmmísalla vegna þess að það sem
til fellur við endurvinnslu hjól-
barða hjá fyrirtækinu nægði ekki
til framleiðslunnar. Mikið fellur
til af gúmmíi á ári hveiju hér á
landi, einkum hjólbörðum, en með
Grunnskólar á Norðurlandi eystra:
Kennararáðningar ganga vel
Færri ráðnir en áður vegna sparnaðar í skólakerfinu
VEL HEFUR gengið að ráða kennara til starfa í umdæmi Fræðsluslu-
skrifstofunnar á Akureyri. Leiðbeinendum fer hlutfallslega fækkandi
en kennurum fjölgar. Samdráttur í kennslu vegna niðurskurðar í
menntakerfinu nemur 17 stöðugildum í fræðsluumdæminu. Kennslu-
stundum fækkar í öllum bekkjum frá fjórða bekk til tíunda bekkjar.
Að sögn Trausta Þorsteinssonar,
fræðslustjóra á Norðurlandi eystra,
hafa kennararáðningar gengið vel
fyrir komandi skólaár. I því sam-
bandi væri þess vert að geta að færri
kennarar væru ráðnir en áður vegna
samdráttar í kjölfar niðurskurðar í
fræðslukerfinu. Hins vegar væri
áberandi að fleiri kennarar sæktu
um lausar stöður á þessu ári en áð-
ur, meira framboð væri á kennurum
og hugsanlega væru meðal umsælq-
enda kennarar sem yrðu að hætta
vegna niðurskurðar annars staðar.
Trausti sagði að leiðbeinendum
fækkaði af þessum sökum. Á síðasta
ári hefðu verið kennarar í 80% starfa
í umdæminu en sú tala kæmi til með
að hækka núna. Nemendur í skólun-
um verða á komandi ári heldur færri
en í fyrra, þeim fækkar um 50 eða
svo. Það sagði Trausti að væri eðlileg
árssveifla.
Trausti sagði að sparnaður vegna
niðurskurðar í skólakerfínu kæmi
fyrst og fremst fram í því að nemend-
ur fengju nú minni kennslu. í 4. og
5. bekk fækkar kennslustundum um
eina og þar fyrir ofan fá nemendur
tveimur vikustundum færra en á síð-
asta skólaári. Með þessu féngist
spamaður sem næmi um 20 milljón-
um króna eða 17 stöðugildum.
VINNIMG AR
Laugardaginn 08.08.1992
Flokkur: K
Vinningsupphæð: Fjöldi:
Nr. 107928 Kr. 388.992,- 1
1
Nr. 5581 Kr. 18.192,- 0
Nr. 11 Nr. 16 Kr. 499,- 88
Nr. 90 Nr. 90 Kr. 998,- 47
í Lukkupotti núna eru 181.920,- kr.
KENNARAR
Kennara vantar við Grenivíkurskóla til að
kenna handavinnu og bóklegar greinar.
Upplýsingar gefur Björn Ingólfsson skóla-
stjóri í síma 96-33118 eða 96-33131.
UTVEGSMENN
NORDURLANDI
Útvegsmannafélag Norðurlands boðar til
fundar á Hótel KEA, Akureyri, miðvikudaginn
12. ágúst nk. kl. 13.00.
Dagskrá: Staða útgerðar.
Þingmenn í Norðurlandskjördæmi eystra og
vestra boðaðir á fundinn.
Stjórnin.
því að endurnýta þá og nota sól-
aða hjólbarða er talið að spara
megi mikla olíu.
Gúmmívinnslan á Akureyri er 10
ára á þessu ári. Þar eru framleiddar
gúmmímottur, millibobbingar svo og
hellur og einingar úr gúmmíi í ýms-
um litum, sem hentað geta sem
gangstéttahellur, hellulagnir við
sundlaugar og barnaheimili og sem
leiktæki. Þá framleiðir Gúmmívinnsl-
an umferðarvörur, það er að segja
efni til merkinga og girðinga fyrir
bæjarfélög.
Þórarinn Kristjánsson, fram-
kvæmdastjóri Gúmmívinnslunnar,
sagði að þessar vörur væru fyrst og
fremst unnar úr gúmmísalla sem til
félli við endurvinnslu og sólningu
hjólbarða, en það væru um 200 tonn
á ári. Þetta hefði ekki reynst nægjan-
legt magn fyrir framleiðsluna og því
þurft að flytja inn gúmmísalla nú í
ár. Þórarinn sagði að á hveiju ári
féllu til um 4.000 tonn af gúmmíi
hér á landi.
Þórarinn sagðist vonast til að með
aukinni kynningu á þessum fram-
leiðsluvörum myndu margir aðilar,
til dæmis bæjar- og sveitarfélög taka
að nota vörurnar í auknum mæli og
þá yrði framleiðslan nægilega mikil
til að yrði unnt að kaupa vélakost
til að tæta gúmmíið og auk þess að
koma skipan á að safna því saman
sem fellur til víðs vegar um Iand.
„Það er ekki ónýtt að geta til dæmis
haft snyrtilegar hellulagnir og fleira
þess háttar við sundlaugar og á
bamaleikvöllum þar sem fólk getur
hrasað og dottið án þess að eiga það
á hættu að stórskaða sig á hörðum
steini, og auk þess er minni hálka á
gúmmíhellunum en öðrum. Og það
er líka stórkostlegt að hugsa sér að
þessar gagnlegu vörur eru búnar til
úr 90% úrgangsefni, endurunnu
gúmmíi, en þau 10% sem á vantar
eru aðflutt bindiefni,“ sagði Þórar-
inn.
Samkvæmt upplýsingum frá ís-
lenskum hjólbarðasólendum getur
endurvinnsla hjólbarða sparað gífur-
lega mikla olíu. Venjulegur bíleig-
andi sem kýs sólaða hjólbarða frekar
en nýja stuðlar þannig að olíusparn-
aði sem nemur 80 lítrum að meðal-
tali. Á sama hátt sparast um 520
lítrar af olíu við kaup á 8 hjólbörðum
undir vörubíl. íslendingar gætu með
því að nota endurunna hjólbarða
sparað allt að því hálft fjórða þúsund
tonn af olíu, miðað við olíunotkun
við framleiðslu nýrra hjólbarða.