Morgunblaðið - 06.10.1992, Blaðsíða 39
MORGUNBLAÐIÐ ÞRIÐJUDAGUR 6. OKTÓBER 1992
39
Afmæli
Alexander Stefánsson
fv. ráðherra, Olafsvík
í dag, 6. október, er Alexander
Stefánsson fv. félagsmálaráðherra
70 ára, og í tilefni þessara merku
tímamóta í lífi hans sendi ég honum
og hans stóru fjölskyldu innilegar
hamingjuóskir.
Alexander sem er Snæfellingur
og það mikil Snæfellingur í þess
orðs bestu merkingu, í móðurætt
ættaður frá Ólafsvík en í föðurætt
ættaður frá Hjarðarfelli í Mikla-
holtshreppi. Alexander ber sterk
einkenni Hjarðarfellsættar.
En sú ætt er þekkt fyrir skap-
festu, metnað og fyrst og síðast
dugnað og samviskusemi. Þessi
ættarfylgja hefur gert honum kleift
að takast á við stórhuga verkefni
og sigrast á flestum torfærum. Mér
var sagt að Alexander hafi verið
frækinn íþróttagarpur á yngri árum
og þykir mér það meira en trúlegt
að hann hefur gengið að hverju
verkefni sem sönnum íþróttaanda
kappsfullur og ákveðinn að ná settu
marki.
Alexander nam við Héraðskólann
á Laugarvatni og síðan Samvinnu-
skólann 1942-1944. En að námi
loknu tóku við ýmis störf í Ólafsvík
m.a. sem kaupfélagsstjóri við Kaup-
félagið Dagsbrún en síðar störf hjá
Ólafsvíkurhreppi, lengst af sveitar-
stjóri og oddviti.
Það má segja að varla sé minnst
á Ólafsvík án þess að nafn Alexand-
ers beri á góma um leið, því fjöl-
breytt störf hans blasa alls staðar
við og í gamni og alvöru hefur
bærinn oft verið kenndur við nafn
hans, enda er Alexander stoltur af
bænum sínum og þegar hann segir
heim í Ólafsvík er sérstakur hreim-
ur væntumþykju í röddinni.
Ýmis trúnaðarstörf á vettvangi
sveitarstjómar hlóðust snemma á
herðar hans bæði hér á Vesturlandi
og víða, Alexander var m.a. í stjórn
sambands íslenskra sveitarfélaga í
fjölda ára, í stjóm Hafnarsambands
sveitarfélaga og á sama tíma
gegndi hann mörgum trúnaðar-
störfum fyrir Framsóknarflokkinn.
Árið 1978 var Alexander kjörinn
á þing en áður hafði hann verið
varaþingmaður. Alexander vann
mikið starf á Alþingi og var svip-
mikill þingmaður og barðist fyrir
mörgum framfaramálum. í ríkis-
stjóm Steingríms Hermannssonar
1983 varð hann svo félagsmálaráð-
herra. Það má segja með sanni að
fáir hafi verið jafngjörkunnugir
þeim málefnum sem það ráðuneyti
hefur innanborðs en Alexander og
naut hann sín vel sem ráðherra og
kom í framkvæmd m.a. breytingum
á húsnæðismálalöggjöfinni og
breytingum á sveitarstjórnarlögum
sem mörkuðu viss tímamót í sögu
sveitarfélaganna. Fátt eitt hefur
verið talið upp af verkum Alexand-
ers hér sem vert væri að þakka.
Ekkert hefur þó verið mikilvæg-
ara í hans lífi en sú mikla gæfa sem
hann hefur notið í einkalífi. Þvi
hefur hann ekki verið einn og
„bjarglaus" á gifturíkri vegferð. I
hálfa öld hefur kona hans, Björg
Finnbogadóttir, staðið við hlið hans
og stutt í blíðu og stríðu. Stjómað
stóru og einstaklega myndarlegu
heimili og ekki látið sig muna um
að eiga sex börn sem öll eru löngu
orðið fulltíða fólk en þau em Finn-
bogi héraðsdómari í Hafnarfírði
kvæntur Sigríði Halldórsdóttur og
eiga þau þrjú börn, Svanhildur flug-
freyja gift Marinó Sveinssyni þau
eiga tvö böm, þá kemur Stefán bif-
vélavirki, kvæntur Lailu Michaels-
dóttur, þeirra böm era fjögur. Lára
Alda starfar á Landspítalanum gift
Þórði Ólafssyni, þau eiga þijú böm.
Öm Alexander er skipstjóri kvænt-
ur Aðalheiði Eiríksdóttur, þau eiga
fjögur börn og yngstur er Atli kenn-
ari og forseti bæjarstjómar í Ólafs-
vík kvæntur Elfu Ármannsdóttur,
þeirra böm era þijú. Bamabama-
bömin em orðin fímm svo af þess-
ari upptalningu má sjá að fjölskyld-
an er orðin stór og dæmigerð fyrir
Alexander því hann er stór í hugsun
á öllum sviðum.
Þrátt fyrir að sjötíu ár sé nokkur
aldur og mörg þung störf að baki
er kempan Alexander léttur og
glæsilegur á velli enn sem fyrr og
gamla keppnisskapið bregst honum
ekki.
Eg óska Alexander, Björgu og
afkomendum öllum allra heilla og
blessunar á þessum tímamótum um
leið og ég þakka fyrir vináttu og
tryggð í minn garð.
Ingibjörg Pálmadóttir.
Alexander og Björg taka á móti
gestum í félagsheimilinu á Klifí á
laugardaginn kemur, 10. þ.m., kl.
17-19.
...síðasta HRAÐLESTRARNÁMSKEIÐID!
★ Vilt þú margfalda lestrarhraöann og bæta eftirtektina?
★ Vilt þú lesa meira af fagurbókmenntum?
★ Vilt þú verða mikið betri námsmaður og auðvelda þér allt nám með
auknum lestrarhraða og bættri námstækni?
★ Vilt þú ná betri árangri á prófum og með bættri tækni?
Svarir þú játandi, skaltu skrá þig strax á sfðasta námskeið ársins sem
hefst miðvikudaginn 21. október. Skráning í síma 641091.
HRAÐLESTRARSKOLINN
...við ábyrgjumst að þú nærð árangri!
E 1978 - 1992 CI
MIÐAVERÐ AÐEINS KR. 600 DREGIÐ VERÐUR 9. 0KTÓBER
HJARTAVERND
SÍMI 013755
ÁRATUGA RANNSÓKNIR 00 FORVARNIR í ÞÍNA ÞÁGU
1. VINNINGUR:
Til íbúðarkaupa
kr. 1.500.000
2. VINNINGUR:
Lancer langbakur m. aldrif árg. 1993
kr. 1.400.000
15 SKATTFRJALSIR VINNINGAR AD VERDMÆTI KR. 9.000.000
Með stuðningi frá:
Sparisjóöur Reykjavíkurog nágrenras