Morgunblaðið - 27.01.1993, Blaðsíða 27

MORGUNBLAÐIÐ MIÐVIKUDAGUR 27. JANÚAR 1993
27
Short vann tvær skákir í röð
Skák
Margeir Pétursson
ENGLENDINGURINN Nigel
Short vann bæði níundu og tí-
undu skákirnar í úrslitaeinvíg-
inu við Hollendinginn Jan Tim-
man á Spáni. Fátt virðist því
geta komið í veg fyrir að hinn
27 ára gamli Short verði næsti
áskorandi heimsmeistarans.
Hann hefur hlotið sex vinninga
en Timman fjóra og þarf nú
aðeins einn og hálfan vinning
til viðbótar til að tryggja sér
sigurinn. Níunda skákin á föstu-
daginn var stórskemmtíleg, tafl-
mennska meistaranna minnti
mest á gamla tíma, svo sem eins
og fyrir 200 árum, þegar bestu
skákmenn heims viluðu ekki
fyrir sér að fara í sókn.
Mjög neikvæðum orðum hefur
verið farið um taflmennskuna í
þessu einvígi og er það að mörgu
leyti ekki að ástæðulausu. Þeir
Timman og Short eru orðnir
„Blóðbræður" skákheimsins. Jan
Timman leitast ávallt við að
flækja taflið og kalla þannig fram
afleiki hjá andstæðingnum, en
ræður stundum ekki við stöðuna
sjálfur. Það má segja að hann
tefli stundum vitlaust en ávallt
skemmtilega og er það meira en
segja má um marga stórmeistara
frá A-Evrópu sem láta öryggið
sitja í fyrirrúmi og vilja hafa jafn-
teflið innan seilingar.
í níundu skákinni tefldi Tim-
man afar hraustlega, en varð á
gróf mistök í endatafli og tapaði.
Síðan gekk Short á lagið með
afar sannfærandi sigri í þeirri tí-
undu. Það er þó alveg víst að Tim-
man gefur sig ekki fyrr en í fulla
hnefana, en ef hann vinnur ekki
elleftu skákina í dag með hvítu,
þá fer að verða útséð um mögu-
leika hans.
Verðlaunasjóðurinn í einvígi
Shorts og Timmans er álitleg
fúlga, eða jafnvirði tæpra þrettán
miHjóna íslenskra króna. Þetta eru
þó smáaurar einir í samanburði
við þann digra sjóð sem sigurveg-
arinn mun tefla um gegn Gary
Kasparov í haust. Verðlaunin þá
verða a.m.k. 250 milljónir ísl.
króna. Jafnvel þótt hrokafyllstu
spádómar heimsmeistarans gangi
Short
eftir og áskorandi hans koltapi
einvíginu fær hann þó alltént önn-
ur verðlaunin í sinn hlut, en það
eru 100 milljónir. Má því segja
að sigurvegarinn í einvígi Shorts
og Timmans hljóti 108 milljónir,
en sá sem tapar fimm milljónir.
Það skal því engan undra þótt
kapparnir verði nokkuð óstyrkir í
síðustu skákunum.
Hvítt: Jan Timman
Svart: Nigel Short
Spánski leikurinn
1. e4 - e5, 2. Rf3 - Rc6, 3. Bb5
— a6, 4. Bxc6 — dxc6, 5. 0-0 —
Re7!?
í sjöundu skákinni lék Short hér
5. — Dd6 en beið algjört afhroð.
6. Rxe5 - Dd4, 7. Dh5 - g6,
8. Dg5 - Bg7, 9. Rd3 - f5, 10.
e5 - c5, 11. b3 - h6
Það er ekki gott að hirða hrók-
inn á al. Eftir 11. — Dxal, 12.
Rc3 - b6, 13. Bb2 - Dxfl, 14.
Kxfl fékk hvítur yfirburðastöðu í
skák Hollendingann Dieks og Van
Scheltinga í Wijk aan Zee 1974.
Short hefur örugglega verið
ákveðinn í að láta ekki fanga
drottningu sína aftur eins háðu-
lega og í sjöundu skákinni.
12. Dg3 - f4, 13. Df3 - Bf5,
14. Dxb7?!
Þetta er endurbót Timmans á
skák rússnesku meistaranna Vlad-
imirovs og ívanovs frá 1975, en
þá valdi hvítur mun rólegri leið:
14. Bb2 - Dd5, 15. Rf4 (15.
Dxd5 — Rxd5, 16. Rxc5 er svarað
með 16. - b6, 17. Rd3 - Bxd3,
18. cxd3 - Rb4), 15. - Dxf3, 16.
gxf3 — 0-0 og svartur fékk full-
nægjandi bætur fyrir peðin. Short
finnur sterka og þvingaða leið
gegn „endurbótinni". Timman
virðist ekki hafa ígrundað hana
nægilega vel.
14. - Be4, 15. Dxc7 - Bxd3,
16. cxd3 - Bxe5, 17. Db7 -
Hb8, 18. Dxa6
18. - f3?
Tekur ekki hrókinn á al, en fer
sjálfur í kóngssókn. Þessi leikur
skapar þó ekki nægilega hættu,
því svartur hótar alls ekki 19. —
Dg4 vegna 20. Da4+ og Timman
næði uppskiptum á drottningum.
Eftir 18. - Dxal, 19. Rc3 -
Bxc3, 20. dxc3 — Dxc3, 21. Bxf4
— Hd8, 22. De6 hefur hvítur ein-
hveijar bætur fyrir hrókinn vegna
hótananna 23. Be5 og 23. Hel,
en langt frá því nægar.
19. Rc3 - fxg2, 20. Hel - 0-0,
21. De6+ - Hf7 22. Rdl!?
Gefur skiptamun til að komast
út í endatafl. 22. He2 kom ekki
síður til greina, en þá víkur svart-
ur einfaldlega biskupnum á e5
undan og hvítur á enn eftir að
losa um sig.
22. — Dxal, 23. Dxe5 — Dxe5,
24. Hxe5 - Rc6, 25. Hxc5 -
Rb4, 26. Ba3?
Timman skellti skuldinni á
þennan leik eftir skákina og taldi
sig standa heldur betur. Það er
vissulega hægt að taka undir það
að leikurinn sé mjög lélegur, en
ekki stöðumatið. Svartur virðist
ekki vera í nokkurri taphættu.
Staða hvíts er alltof óvirk til að
peð hans á drottningarvæng geti
skapað hættu.
26. - Rxd3, 27. Hc6 - Ha8, 28.
Hd6 - Hxa3, 29. Hxd3 - Hxa2,
30. Re3 - Kg7, 31. Kxg2 -
Ha5, 32. Hd4 - Hb5, 33. b4 -
Hbb7. Það er mjög erfitt fyrir
hvít að halda þessu endatafli, þótt
tvö peð eigi venjulega að veita
fullnægjandi mótvægi fyrir
skiptamun. Ástæðan er sú að öll
peð Timmans eru stök.
34. Hc4 - Hfc7, 35. Hg4 -
Hd7, 36. h4 - h5, 37. Hg5 -
Hxb4, 38. d4 - Hf7, 39. Hd5 -
Hb2 og Timman gafst upp, því
hann tapar peðinu á f2.
í tíundu skákinni þræddu kapp-
arnir lengi troðnar slóðir lokaða
afbrigðisins í spánska leiknum.
Timman fékk vel viðunandi stöðu
en í 21. leik gaf hann andstæð-
ingnum kost á að opna taflið og
eftir það tefldi Short leikandi létt.
Hvítt: Nigel Short
Svart: Jan Timman
Spánski leikurinn
1. e4 - e5, 2. Rf3 - Rc6, 3.
Bb5 - a6, 4. Ba4 - Rf6, 5. 0-0
— Be7, 6. Hel - b5, 7. Bb3 -
d6, 8. c3 - 0-0, 9. h3 - Bb7,
10. d4 - He8, 11. Rbd2 - Bf8,
12. d5 - Rb8, 13. Rfl - Rbd7,
14. Rg3 - Rc5, 15. Bc2 - a5,
16. Rh2 - g6, 17. Df3 - h5,
18. Be3 - Rfd7, 19. Hadl -
De7, 20. Rgfl - Bg7, 21. Bcl
— c6?, 22. b4! — axb4, 23. cxb4
— Ra4, 24. dxc6 — Bxc6, 25.
Bb3.
Það sést nú af hveiju 21. leikur
Timmans var rangur. Svartur
hefur ekki bætur fyrir æpandi
veikleikann á d6 og biskupinn á
b3 hefur komið sér fyrir á óþægi-
legri skálínu. Þar að auki átti Tim-
man aðeins 20 mínútur eftir fram
að tímamörkunum í 40. leik.
25. - Had8, 26. Dg3 - Rf8, 27.
Rf3 - Re6, 28. Rg5 - Rxg5,
29. Bxg5 - Bf6, 30. Bxf6 -
Dxf6, 31. Hd3!
• b c d • » g h
31. - h4?
Fellur í lúmska gildru Shorts,
en staða hvíts var orðin mun betri.
32. Hf3! - hxg3, 33. Hxf6 -
gxf2+, 34. Kxf2 - He7, 35.
Hxg6+ - Kh7, 36. Hg3 - d5?,
37. exd5 - Bxd5, 38. Hd3 -
Rb6, 39. Re3 - Hed7, 40. Rxd5
og Timman gafst upþ.
Skákþing Reykjavíkur
ísfirðingurinn Guðmundur
Gíslason er óstöðvandi á Skák-
þingi Reykjavíkur, hefur unnið
fyrstu sjö skákirnar og er með
eins og hálfs vinnings forskot á
næstu menn. Guðmundur á að
vísu eftir að mæta alþjóðlegu
meisturunum Þresti Þórhallssyni
og Sævari Bjarnasyni, en hann
hefur teflt leikandi létt og er nú
reynslunni ríkari eftir Skákþing
Reykjavíkur í fyrra þegar hann
glutraði niður öruggu forskoti.
En þótt Guðmundur standi vel að
vígi, ríkir mikil spenna um það
hver hlýtur sæmdarheitið Skák-
meistari Reykjavíkur. ísfírðingar
og aðrir utanbæjarmenn eiga þess
nefnilega ekki þess kost að vinna
þann ágæta titil.
Staðan þegar sjö umferðir af
ellefu hafa verið tefldar er þessi:
1. Guðmundur Gíslason 7 v.
2-4. Bragi Þorfinnsson, Snorri
Karlsson og Kristján Eðvarðs-
son 5‘A v.
5-6. Sævar Bjarnason og Dan
Hansson 5 v. og frestuð skák
innbyrðis
7-10. Þröstur Þórhallsson,
Ólafur B. Þórsson, Áskell Örn
Kárason og Páll Agnar Þórar-
insson 5 v.
11-16. Þröstur Árnason, Ingv-
ar Þ. Jóhannesson, Hlíðar Þór
Hreinsson, Friðgeir K. Hólm,
Jóhann H. Sigurðsson og Frið-
rik Egilsson 4Vi v.
Langmesta athygli verkur frá-
bær frammistaða hins ellefu ára
gamla Braga Þorfinnssonar, en
hann er fremstur í flokki margra
sérlega efnilegra drengja. Á
sunnudaginn vann hann Þröst
Ámason mjög óvænt, en Þröstur
er reyndar sá yngsti sem orðið
hefur skákmeistari Reykjavíkur.
Þann titil vann hann aðeins 13
ára gamall árið 1986. Áttunda
umferðin verður tefld í kvöld.
Gamlir refir og ung
lión á leið á Bridshátíð
Spilað í Höfða
Frá einvígisleiknum í Höfða árið 1987. Nú er Georgio Belladonna væntan-
legur á Bridshátíð ásamt Pietro Forquet.
________Brids
Guðmundur Sv. Hermannsson
ÞAÐ líður að Bridshátíð og að
venju koma margir áhugaverðir
erlendir bridsspilarar til
keppni. Að þessu sinni fá bridsá-
hugamenn bæði að sjá nokkra
af bestu fulltrúum yngstu og
elstu kynslóða bridsspilara Evr-
ópu.
Von er á gömlu ítölsku meistur-
unum Georgio BeÚadonna og Pietro
Forquet til keppni en þeir voru báð-
ir í Bláu sveitinni sem hélt heims-
meistaratitlinum nær óslitið frá
1957 til 1976. Forquet hefur aldrei
komin hingað til lands fyrr en Bella-
donna kom hingað tvívegis fyrir
nokkrum árum og spilaði þá meðal
annars frægt einvígi í Höfða við
þáverandi ráðherra Halldór Ás-
grímsson og Matthías Á. Mathiesen
og hafði Davíð Oddsson þáverandi
borgarstjóra sem sveitarfélaga.
Fulltrúar ungu kynslóðarinnar
verða Hollendingarnir Barry
Westra og Enri Leufkens, sem þrátt
fyrir ungan aldur eru taldir eitt
besta bridspar Evrópu; og Wubbo
de Bauer og Bauche Muller. Þessir
menn mynduðu kjarnann í hol-
lenska landsliðinu sem náði brons-
verðlaunum á Ólympíumótinu á ít-
alíu í fyrra.
Þá kemur einnig Bretinn Andy
Robson, sem enn á nokkuð í þrítugt
en hann verður sveitarfélagi Zia
Mahmood/Eric Rodwells. Zia er
orðinn nokkurskonar hornsteinn
Bridshátíðarinnar og Robson og
Rodwell hafa báðir spilað hér áður.
Rodwell spilaði við Zia í fyrra og
Robson kom með breska landsliðinu
á afmælismót Bridsfélags Reykja-
víkur í fyrravor. Ekki er enn ljóst
við hvern Robson spilar á Bridshá-
tíð. Með þeim í för verður búlgarska
landsliðskonan Maretta Ivanova og
hún verður varamaður í sveitinni.
Einnig er von á harðsnúnu liði
frá Noregi. Norska landsliðsparið
Peter Marstrander og Jan Trollvik
kemur og spilar væntanlega í sveit
með Sverri Ármannssyni og Matt-
híasi Þorvaldssyni. Þá kemur heil
sveit frá Noregi, skipuð Dag og
Alf Jensen og Tor Hoyland og Even
Ulven.
Bridshátíð verður að þessu sinni
12-15. febrúar en skráningarfrestur
fyrir tvímenninginn rennur út á
föstudag hjá Bridsambandinu.
Erfið slemma
Þeir Belladonna og Forquet hafa
verið nokkuð iðnir við spilamennsk-
una upp á síðkastið. Þeir tóku með-
al annars þátt í Sunday Times-tví-
menningnum í London í síðustu viku
og þótt þeir yrðu ekki ofarlega fóru
fulltrúar okkar þar, Guðmundur
Páll Arnarson og Þorlákur Jónsson,
ekki vel út úr viðureigninni við þá.
ítalirnir voru þó talsvert heppnir.
Þeir misstu tvær slemmur sem fóru
niður við flest önnur borð og það dugði þeim til stórsigurs yfir íslend-
ingunum. Þetta var önnur slemman:
Norður ♦ 83 ♦ 10865 ♦ KDG74 ♦ G10
Vestur Austur
♦ G964 ♦ KD752
VKG97 ♦ 2
♦ 952 ♦ 10863
♦ 95 ♦ 872
Suður ♦ Á10 ¥ ÁD43 ♦ Á ♦ ÁKD643
Eins og sést vinnast 7 grönd í
svefni en ekkert par komst í grand-
slemmu. Tvö pör spiluðu sex lauf
og fóru niður þegar sagnhafi tók
aðeins einu sinni tromp áður en
hann reyndi að henda tapslögum
heima niður í tíglana í borði. Eitt
par spilaði sex hjörtu sem fóru nið-
ur, eitt parið spilaði sjö lauf sem
ekki var hægt að vinna og eitt par-
ið komst í sjö hjörtu. í vestur sat
tilvonandi sigurvegari mótsins,
Bobby Levin, og leyfði sér að dobla
alslemmuna og uppskar 500. En
ef suður hefði flúið í 7 grönd er
óvíst að Levin hefði hampað sigur-
laununum í mótslok.
Loks stoppuðu þijú pör í geimi.
Eitt þeirra var Belladonna og
Forquet eftir þessar sagnir:
Vestur Norður Austur Suður
Guðm. Bellad. Þorl. Forquet
pass 1 lauf
pass 1 tígull 1 spaði dobl
3 spaðar dobl pass 3 grönd/
Sagnir Guðmundar og Þorláks
slógu ítalina út af laginu og það
virtist ekki gróðavænlegt að fá alla
slagina í 3 gröndum. En hrakfarir
NS paranna við hin borðin voru
mun meiri, eins og áður er rakið,
og Belladonna og Forquet uppskáru
því rikulega.