Morgunblaðið - 02.02.1993, Blaðsíða 2
2
MORGUNBLAÐIÐ ÞRIÐJUDAGUR 2. FEBRÚAR 1993
Einbúi verður fyrir umtalsverðu tjóni í hvassviðri
Þakið af fjósi
og fjóshlöðu
ÞAK FAUK af fjóshlöðu, að hálfu af fjósi og af gangi
út úr fjósi á bænum Laugabóli í Mosdal í Arnarfirði í
hvassviðri sem gekk yfir Vestfirði á sunnudag og aðfara-
nótt mánudags. Húsin eru samtengd íbúðarhúsi sem
varð ekki fyrir skemmdum en hlaða skammt frá hrundi
að hálfu.
Aðalsteinn Guðmundsson, sem
er fæddur á Sléttu á Núpi í Dýra-
fírði árið 1907, hefur meira og
minna búið einn á bænum síðan
1963 þegar móðir hans lést. Hann
segist hafa verið með hefðbundinn
búskap auk þess sem hann hafi
komið á fót æðarrækt fyrir nokkr-
um árum. Nú hafi kindumar hins
vegar verið skomar niður og
æðarvarpið orðið ónýtt. Af naut-
gripum séu aðeins eftir vetrungur
og tveir kálfar í fjósi. Af fjósinu
hefur nú fokið hálft þakið, allt
þakið af fjóshlöðu og af gangi út
úr fjósi. Hins vegar segist Aðal-
steinn vera afar stoltur yfir að
hafa bjargað sambyggðu íbúðar-
húsi þar sem hann segist vera
með rafljósavél. Ljóslaust var í
fjósi og hlöðu vegna óveðursins.
Til hjálpar á jarðýtu
Björgunarsveitarmenn lögðu af
stað frá Þingeyri Aðalsteini til
hjálpar í gær. Þeir neyddust hins
vegar allir til að snúa við nema
einn, á jarðýtu, sem var að koma
í hlað þegar rætt var við bóndann
um kvöldmatarleytið í gær. Aðal-
steinn sagði að sá ætlaði að hjálpa
sér að bjarga því sem bjargað yrði.
Miður mín í Reykjavík
Þó Aðalsteinn hafi oft upplifað háskaveður í Arnarfírði dettur honum
ekki í hug að flytjast á mölina. „Ég verð alltaf svo feginn þegar ég
er búinn að vera í Reykjavík í nokkra daga og kem heim,“ segir hann.
„Síðast þegar ég var þar var ég svo miður mín að ég gat ekki sinnt
öllum þeim verkefnum sem ég þurfti.“ Myndina af Aðalsteini tók
Ragnar Axelsson í fjósinu að Laugabóli á liðnu sumri.
Samkomulag í kjaradeilunni á Landspítala
Kjör verða þau sömu
o g á öðrum spítulum
STARFSEMI Landspítalans var með eðlilegum hætti í gær
og mættu allir hjúkrunarfræðingar og ljósmæður, sem sagt
höfðu sagt upp störfum, til vinnu. Samkomulag tókst í kjara-
deilu hjúkrunarfræðinga og Ijósmæðra og yfirstjórnar spít-
alans síðdegis á sunnudag. Sett verður á fót fagnefnd, sem
á að athuga hvernig launakjörum sömu starfshópa á öðrum
sjúkrahúsum í Reykjavík sé háttað og gera tillögur um hvern-
ig greiða megi starfsfólki á Landspítalanum sömu laun.
Morgunblaðið/Kristinn
Skipt um
ljósaperu
í svörtu skammdeginu er mikilvægt
að lýsing við umferðargötur sé eins
og best verður á kosið. Þess vegna
gæta borgarstarfsmenn þess að
skipta jafnóðum um allar perur sem
bila. Þessi var önnum kafinn uppi
í stiganum við verk sitt þegar ljós-
myndara Morgunblaðsins bar að.
Davíð Á. Gunnarsson, forstjóri
Ríkisspítalanna, sagði í samtali við
Morgunblaðið að fagnefndin ætti
einkum að skoða málin með tilliti til
breytinga á ráðningarsamningum á
Borgarspítalanum. „Við munum
reyna að beita okkur fyrir því að
okkar hjúkrunarfræðingar fái sömu
kjör og aðrir hér á höfuðborgarsvæð-
inu. Við höfum sagt að við gerðum
okkur grein fyrir því að þarna væri
orðin dálítil misvísun og við ætlum
okkur að leiðrétta það,“ sagði Davíð.
Engin tímamörk ákveðin
Davíð sagði að fagnefndinni hefðu
ekki verið sett mörk um það hvenær
hún ætti að skila áliti sínu, en það
yrði væntanlega fljótlega. Ekki hefur
verið ákveðið hvemig starfshópurinn
verður skipaður, en í honum munu
eiga sæti fulltrúar hjúkrunarfræð-
inga, ljósmæðra og yfirstjórnar spít-
alans.
Davíð sagði að forsenda þess að
hægt væri að hækka launin við
hjúkrunarfræðinga og ljósmæður,
væri að þær legðust á eitt að spara
og hagræða á sínu sviði í rekstri
spítalans. „Það er spennandi og verð-
ugt verkefni bæði fyrir þær og okk-
ur,“ sagði hann.
Uppsagnir dregnar til baka
Þorgerður Ragnarsdóttir, tals-
maður hjúkrunarfræðinga, sagðist
ekki vita betur en allir starfsmenn,
sem sagt höfðu upp störfum, hefðu
mætt til vinnu í gærmorgun og flest-
ir myndu draga uppsagnir sínar til
baka. Slíkt væri þó hveijum og einum
í sjálfsvald sett, enda hefðu uppsagn-
imar verið á einstaklingsgrundvelli.
Þeir, sem ekki draga uppsagnir sínar
til baka eða vinna framlengdan upp-
sagnarfrest, eiga yfir höfði sér lög-
sókn af hálfu Ríkisspítalanna fyrir
að hlíta ekki framlengingu uppsagn-
arfrests.
Þorgerður sagði að stjórnarnefnd
Ríkisspítalanna hefði þegar sam-
þykkt að hjúkrunarfræðingarnir
myndu fá sömu hækkun og hjúkr-
unarfræðingar á Borgarspítalanum
hefðu fengið, en fagnefndin myndi
ákveða hvenær og hvernig sú hækk-
un yrði greidd, auk þess sem hún
myndi bera saman laun ljósmæðra
og hjúkmnarfræðinga.
Þótt hjúkrunarfræðingar á Land-
spítala fái hækkun til samræmis við
hjúkrunarfræðinga á Borgarspítal-
anum, eiga þeir engu að síður langt
í land að ná launum þeirra heilbrigð-
isstétta, sem þeir vilja miða sig við,
til dæmis sjúkraþjálfara. Hjúkrunar-
fræðingar fóru fram á það í viðræð-
um við stjórn Landspítalans að þessi
munur yrði minnkaður. Þorgerður
sagði þó að slíkt hefði í raun ekki
verið raunsætt markmið. „Það er
erfitt að ná slíku fram eins og ástand-
ið er nú í þjóðfélaginu, en við höfum
vakið athygli á þeim kjaramun, sem
er á milli heilbrigðisstétta með sam-
bærilega menntun," sagði Þorgerður.
Leysinga-
vatn komst
í bensínið
VATN komst í geyma á bensínstöð
Olíufélagsins við Hafnarstræti á
sunnudag. Nokkrir bílar stöðvuð-
ust vegna þessa, en skemmdir á
þeim urðu engar.
Sigurður Sigfússon, umsjónar-
maður bensínstöðva Olíufélagsins,
sagði að líklega hefði niðurfall verið
stíflað og leysingavatn flætt inn um
yfírfallsrör á geymum í plani bensín-
stöðvarinnar. „Þetta kemur stundum
fyrir í leysingum, en hefur ekki alvar-
legar afleiðingar, þó skemmdir geti
orðið á bílum ef vatn kemst í díselol-
íu,“ sagði hann. „Ef vatn kemst í
bensín skemmir það ekki bílana. Það
segir hins vegar fljótt til sín, því bíl-
arnir stöðvast eftir stutta ferð frá
bensínstöðinni," sagði hann. „Það
voru um 6-8 bílar sem þurfti að
dæla af, og einnig var vatninu dælt
af geymum stöðvarinnar. Tjónið varð
ekkert, en allnokkur fyrirhöfn og
vandræði hlutust af þessu.“
Milljarður í
barnabætur
BARNABÆTUR og barnabóta-
auki samtals að upphæð 1.064
milljónir króna voru greiddar út
nú um mánaðamótin. I barnabæt-
ur voru greiddar 624 milljónir og
í barnabótaauka, sem er tekju-
tengdur, 440 mil|jónir.
Að sögn Indriða H. Þorlákssonar
skrifstofustjóra í fjármálaráðuneyt-
inu er þetta nánast sama upphæð
og greidd var út í október. „Það
varð smávægileg breyting hvað
bamabótaaukann varðar, en það
kemur ekki til með að hafa nein
áhrif fyrr en við álagningu. Greiðsl-
umar eru vegna um 64 þúsund bama
og þar af eru um 10 þúsund hjá ein-
stæðum foreldrum. Um 60 þúsund
einstaklingar fá sendar greiðslur, en
báðir foreldrar fá greitt ef um hjón
eða sambýlisfólk er að ræða.“
Fárviðri á
Barðaströnd
Innri-Múla.
OFSAVEÐUR af suðvestri
gerði á Barðaströnd sl. sunnu-
dag svo að ekki varð fært á
milli bæja á bílum. Svo hvasst
var á einum bæ, þar sem göm-
ul kona býr ein, að ekki var
talið óhætt að hafa hana þar.
Sendir voru þrír menn á
þungri dráttarvél til að sækja
konuna og flytja hana á næsta
bæ og gekk sú ferð vel.
Ennfremur fauk um 70 metra
pallbíll, sem stóð á vegi einum,
yfir einn skurð og lenti á hvolfi
ofan í öðrum. Þak fauk af hlöðu
á einum bæ og einnig urðu fleiri
skemmdir.
- S.J.Þ.
í dag
Kynbætur______________________
Þýskur hrossaræktandi vill fá sæði
til kynbóta frá íslandi 16
Short mætir Kasparov
Nigel Short mætir Garrí Kasparov
í 24 skáka einvígi um heimsmeist-
aratitilinn í skák 19
Fækkar til sjós
íslenskum farmönnum fer stöðugt
fækkandi og búist er við áfram-
haldandi þróun í þá átt 28
Leiöari
Veðurrannsóknir-veðurspár 24
íþróttir
► Monica Sales og Jim Couri-
er unnu sér inn 17,1 millj. ísl.
kr. með sigri á opna ástralska
meistaramótinu í tennis. Seles
vann Steffi Graf í úrslitum.
Borgarbúar sækja í fískvinnslustörf á landsbyggðinni
Um 2.500 atvinnulausir
BORGARBÚAR leita nú í auknum mæli eftir störfum
í fiskvinnslu á landsbyggðinni en hafa ekki erindi
sem erfiði. Alls eru um 2.500 skráðir atvinnulausir
í Reykjavík og er atvinnuleysið hlutfallslega mest
meðal félaga í Dagsbrún eða yfir 10%. I stærsta
verkalýðsfélaginu, VR, nálgast atvinnuleysið 7%.
Atvinnulausum í Reykjavík hefur fjölgað um 500 í
janúarmánuði því um áramótin voru rétt tæplega
2.000 manns á atvinnuleysisskrá í borginni.
Samkvæmt upplýsingum frá forsvarsmönnum físk-
vinnslufyrirtækja á tveimur stöðum á Vestfjörðum,
Isafírði og Súðavík, hefur verið mikil ásókn í fiskvinnslu-
störf frá fólki af höfuðborgarsvæðinu. Ingimar Halldórs-
son framkvæmdastjóri Frosta hf. á Súðavík segir að
hann muni ekki eftir eins miklum fjölda fyrirspuma um
atvinnu. Hringingar hófust af krafti seinni part síðasta
árs og segir hann að fyrirspurnir hafí borist á hverjum
3égl síðustu tvo mánuði. Jóhannes G. Jónsson fram-
kvæmdastjóri Ishúsfélags ísfirðinga hf. segir að fyrir-
spurnir hafi náð hámarki í desember en aðeins dregið
úr þeim í janúar. Báðir segja að þrátt fyrir fjölda fyrir-
spurna sé ekki vinnu að fá þar sem heimamenn ganga
fyrir í störfín sem losna.
Um 500 án atvinnu í Dagsbrún
Hjá Dagsbrún eru um 500 manns skráðir atvinnulaus-
ir og er það yfír 10% félagsmanna. Hjá Verslunarmanna-
félagi Reykjavíkur er fjöldi atvinnulausra að nálgast
700 og eru það tæplega 7% félagsmanna. Hjá Ráðning-
arskrifstofu Reykjavíkur var fjöldi atvinnulausra rúm-
lega 2.400 á föstudag en áætlað var að um 100 manns
hefðu skráð sig atvinnulausa þar í gær.
Útlendingum í vinnu hérlendis hefur fækkað. Sam-
kvæmt upplýsingum- frá Óskari Halldórssyni hjá Vinnu-
miðlunarskrifstofu félagsmálaráðuneytisins voru útlend-
ingar með atvinnuleyfi hérlendis um síðustu áramót
1.936, en áramótin þar á undan 2.210.