Morgunblaðið - 25.02.1993, Síða 46

46
MORGUNBLAÐIÐ IÞROTTIR FIMMTUDAGUR 25. FEBRÚAR 1993
KÖRFUBOLTl || SKÍÐl / HM í NORRÆNUM GREINUM
Suns vann
Spursí
toppslag
PHOENIX Suns sigraði San
Antonio Spurs á útivelli,
105:103, í uppgjöri bestu liða
vesturdeildar í IMBA-deildinni í
körfuknattleik í fyrrinótt. Liðin
mættust í San Antonio og telja
spekingar að leikmenn Phoenix
hafi undirstrikað með sigrinum
að þeir skipi nú besta lið deild-
arinnar. Suns státar nú af
besta árangrinum í deildinni í
vetur, Spurs féll niður í þriðja
sæti við tapið en New York
Knicks, sem sigraði Minne-
sota, er annað í röðinni og efst
í austurdeildinni.
Charles Barkley var í aðalhlut-
verki hjá Phoenix sem fyrr.
Gerði 29 stig og hirti 12 fráköst og
Tom Chambers gerði 20 stig. Þetta
var 14. sigur Phoenix í 16 leikjum.
David Robinson gerði 35 stig og
tók 11 fráköst fyrir Spurs. Liðið
hafði unnið 15 leiki í röð á heima-
'Velli, þar til Barkley og félagar komu
í heimsókn.
Phoenix er lang efst í Kyrrahafsr-
iðlinum, hefur unnið 39 leiki en tap-
að 10. San Antonio hefur unnið 34
leiki en tapað 16, og er efst í mið-
vesturriðli. Liðið, sem bytjaði illa,
hefur unnið 24 leiki en aðeins tapað
5 síðan John Lucas tók við þjálfun-
inni. Þar af eru tvö töp gegn Phoen-
ix.
Stjömuleikurinn fór fram í Salt
Lake City, á heimavelli Utah Jazz
við miklar vinsældir heimamanna,
en áhangendur Utah-iiðsins komu
hressilega niður á jörðina er Hous-
ton Rockets kom í heimsókn. Hake-
em Olajuwon fór á kostum í liði
gestanna, sem tóku andstæðingana
í kennslustund og sigruðu 105:78.
Olajuwon gerði 24 stig.
Karl Malone, sem kjörinn var
besti maður Stjömuleiksins ásamt
samheijan sínum John Stockton,
gerði 18 stig fyrir Utah. Liðinu
gekk best allra liða á heimavelli síð-
asta keppnistímabil — vann 37 leiki
en tapaði fjórum — en nú em sam-
svarandi tölur 18-8.
Shaquille O’Neal gerði 28 stig,
tók 14 fráköst og varði 5 skot er
.Orlando Magic sigraði Portland
125:107 á heimavelli. Scott Skiles
gerði 23 stig fyrir Orlando og átti
11 stoðsendingar. Cliff Robinson var
stigahæstur í liði Portland með 2-3
stig.
Patrick Ewing gerði 23 stig fyrir
Knicks og John Starks 20 er liðið
vann Minnesota, 95:91, á heima-
velli í New York.
Michael Jordan gerði 34 stig er
Chicago vann Milwaukee 99:95 á
heimavelli, þar af tíu í síðasta fjórð-
ungi þegar allt var í járnum.
Mark Price, 3-ja stiga kóngurinn
frá því um Stjörnuleiks-helgina,
gerði 29 stig fyrir Cavaliers er liðið
vann Miami 102:100.
Dominique Wilkins var í miklum
ham þegar Atlanta vann Washing-
ton 109:94. Hann gerði 31 stig og
tók mikið af fráköstum. Ron Harper
var stigahæstur í LA Clippers-liðinu
þegar það sigraði Sacramento
123:116. Harper gerði 25 stig og
Danny Manning gerði 19 stig þegar
Clippers vann sinn fjórða leik í röð.
Örmagna - en nældi í gullið
Reuter
Norðmaðurinn Bjöm Dæhlie féll örmagna til jarðar eftir að hann kom í markið samhliða Vladímir Smírnov. En hann var fljótur að jafna sig og hampaði gull-
inu skömmu síðar.
Vona ad hann verði
áfram vinur minn
- sagði Björn Dæhlie, sem var aðeins sjónarmun á undan Vladímír Smírnov
BJÖRN Dæhlie frá Noregi sigr-
aði í tvíkeppni í göngu í gær-
morgun, var sjónarmun á undan
Vladímír Smírnov frá Kazakhst-
an og vann þar með fimmtu
gullverðlaun Norðmanna á
heimsmeistaramótinu í Falun í
Svíþjóð. „Ég var undrandi á
styrk Vladímírs. Ég vona að
hann verði áfram vinur minn
þrátt fyrir þetta og ég yrði mjög
ánægður ef hann gæti borðað
með okkur í kvöld og smakkað
norskan mat,“ sagði Dæhlie eft-
ir sigurinn.
Dæhlie og Smímov tóku fljótlega
forystuna í 15 km göngunni
og háðu mikið einvígi. Þeir skiptust
á um að hafa forystu, en Smímov
þó oftar sérstaklega upp brekkurnar
en Dæhlie náði honum á rennslinu
og fylgdi eins skugginn. Þegar 200
metrar voru eftir í markið hófst
mikið kapphlaup. Dæhlie komst upp
að hlið Smírnovs, þeir komu samsíða
í markið og var Smírnov sagður sig-
urvegari í fyrstu, en eftir að dómar-
ar höfðu skoðað myndband var
Dæhlie dæmdur sigurvegari, sjónar-
mun á undan.
„Ég er í sjöunda himni með sigur-
inn en ég skil vel að það er ekki
auðvelt að tapa á þennan hátt eins
og Vladímír," sagði Dæhlie, sem
vann þrenn gullverðlaun og ein silf-
urverðlaun á síðustu Ólympíuleikum.
„Þetta var tvísýnt en ég vissi að ég
yrði að hanga í honum ef ég ætti
að eiga möguleika. Hugmyndin var
að ganga fast á hæla hans þar til
200 metrar voru eftir og taka það
síðan. En ég var mjög þreyttur og
Reuter
Verdlaunahafarnir
Þrír efstu menn í göngutvíkeppninni; frá vinstri: Vladímir Smírnov frá Kaz-
akhstan, sem hreppti silfur, Normaðurinn Björn Dæhlie sem vann gullverðlaun
og bronsverðlaunahafinn Silvio Fauner frá Ítalíu.
ekki alveg í jafnvægi og þetta var
mun erfiðara en ég bjóst við,“ sagði
Dæhlie.
Smírnov, sem vann bronsverð-
launin í 30 km göngunni og silfur í
10 km göngunni, sá nafnið sitt efst
á tímatöflunni er hann kom í mark-
ið og fagnaði sigri. „Þeir sögðu að
ég hefði unnið. Eg sagði við sjálfan
mig „Ég er heimsmeistari“ en síðan
breyttist það. Ég var reiður í fyrstu
en nú hef ég jafnað mig. Svona eru
íþróttirnar, það er ekki hægt að
deila gullinu með öðrum og það var
Björn sem vann í dag,“ sagði
Smírnov, sem býr og æfir í Svíþjóð.
Hann var vel studdur af sænskum
áhorfendum sem vilja eigna sér hann
að hluta því enginn sænskur göngu-
maður var í toppbaráttunni.
Það var einnig mikil keppni um
bronsverðlaunin milli Norðmannsins
Vegard Ulvang og Silvio Fauner frá
Ítalíu. Ulvang var í þriðja sæti lengst
af-í göngunni, en ítalinn sem var
ræstur af stað númer 6, saxaði jafnt
og þétt á forskotið og fór framúr
þegar nokkrir metrar voru eftir í
markið og tryggði sér bronsið.
Norðmaðurinn Sture Sivertsen,
sem sigraði svo óvænt í 10 km
göngunni og fór því fyrstur af stað
í gær, dróst flótlega aftur úr og var
ekki að meðal tíu fyrstu.
HANDKNATTLEIKUR
Bodö vill Sigurð sem þjálfara
Sigurður Gunnarsson, þjálfari
og leikmaður ÍBV, er efstur
á lista yfir þá sem norska hand-
knattleiksliðið Bodö hefur áhuga á
að fá sem þjálfara næsta keppn-
istímabil. Formlegar viðræður hafa
rekki enn farið fram, en stefnt er
að þeim fljótlega. Gylfi Birgisson,
fyrrum leikmaður ÍBV, leikur með
Bodö.
Bodö er efst í 2. deild og í norsk-
um blöðum er því slegið föstu að
liðið leiki í 1. deild næsta tímabil.
Dag Vidar Halmstad, þjálfari þess,
sem lék 150 landsleiki með norska
landsliðinu, hefur tilkynnt að hann
ætli að hætta að loknu yfirstand-
andi tímabili og hefur félagið sýnt
áhuga á þremur þjálfurum, en
samkvæmt heimildum Morgun-
blaðsins er Sigurður þar efstur á
blaði.
Aðspurður sagðist Sigurður vita
af áhuga norska félagsins, en for-
svarsmenn þess hefðu ekki sjálfir
haft samband og því gæti hann
ekki sagt neitt um málið að svo
stöddu. „Ég hef um allt annað að
hugsa. Ég er samningsbundinn
hérna í Eyjum og efst á baugi er
að einbeita mér að verkefninu
hérna,“ sagði Sigurður.
Daníel
upp um
18sæti
DANÍEL Jakobsson fór upp
um 18 sæti ítvíkeppninni
í gær en þá var keppt í 15
km göngu með frjálsri að-
ferð. Hann var 8,6% á eftir
sigurvegaranum, Birni Dæ-
hlie frá Noregi.
Daníel sagðist í samtali við
Morgunblaðið vera nokk-
uð ánægður með árangurinn (
gær. Hann var með 52. besta
tímann f 15 km göngunni, en
það er samanlagður árangur
úr 10 og 15 km göngunni sem
telur í tvíkeppninni og þar end-
aði hann í 67. sæti.
„Gangan var nokkuð erfið
en þó ekki eins erfið og ég bjóst
við. En það var þröngt í braut-
inni á kölfum og maður varð
þá að olnboga sig áfram. Ég
datt í brekku þegar ég átti tvo
kílómetra eftir og missti þá
þrjá keppendur framúr mér, en
náði einum þeirra aftur. Ég er
sáttur við frammistöðuna og
hún lofar góðu fyrir heims-
meistaramót unglinga sem
hefst í Tékkóslóvakíu í næstu
viku,“ sagði Daníel.
Tími Daníels í samanlagðri
göngu (10 + 15 km) var
1.08,25 klst. en tíminn í 15 km
í gær var 39,56 mín. Sigurgeir
Svavarsson fór upp um þrjú
sæti og endaði í 88. sæti. Tími
hans var 1.12,49 klst. en 43,55
í 15 km göngunni í gær. Hann
sagðist vera sáttur við árang-
urinn í 10 km göngunni en
ekki í göngunni í gær. Hann
sagði rennslið hafa verið frekar
lélegt. Haukur Eiríksson hafn-
að í 91. sæti á 1.13,59 klst.,
en hann gekk 15 km í gær á
44,13 mínútum.