Morgunblaðið - 30.05.1993, Blaðsíða 29

HU0A«»JWÍU8-HADI/IIi/iySlM fflflA
MORGUNBLAÐIÐ SUNNUDAGUR 30. MAÍ 1993
29
Sturla Böðvarsson fyrsti þingmaður Vesturlands
Endurbyggð verði
brú á Brákarsund
STURLA Böðvarsson, fyrsti þingmaður Vesturlands, hefur skrifað
samgönguráðherra bréf þar sem hann lýsir þeirri skoðun sinni
að endurnýja eigi brúna yfir Brákarsund í Borgarnesi. Umræður
hafa verið um það í Borgarnesi hvort endurbyggja ætti brú eða
gera vegfyllingu sem er talinn mun ódýrari kostur. Halldór Blön-
dal samgönguráðherra segist hafa vísað málinu til athugunar
Vegagerðarinnar og bæjarstjórnar Borgarness og hefði engar til-
lögur fengið.
Sturla Böðvarsson sagði í sam-
tali við Morgunblaðið að frá því
bæjarstjóm Borgarness leitaði til
þingmanna kjördæmisins fyrr í
vetur hefði verið unnið að athugun
á fyrirliggjandi möguleikum um
endurnýjun þjóðvegarins út í
Brákarey. Hann sagðist hafa verið
í sambandi við heimamenn og far-
ið yfír málið með Vegagerðinni.
Hann sagði að fyrirliggjandi upp-
lýsingar um athugunir á aðstæð-
um bentu allar til þess að með
lokun Brákarsunds myndi höfnin
fyllast af framburði úr Hvítá og
yrði þá ekki skipgeng. Hann benti
á að ágætur viðlegukantur úr stál-
þili væri í Borgarnesi og þó höfnin
væri ekki mikið notuð væri ófor-
svaranlegt að eyðileggja mann-
virkin með því að loka Brákar-
sundi. „Að loknum þessum athug-
unum er það því niðurstaða mín
að endurbyggja eigi brúna,“ sagði
Sturla. Hann sagðist gera ráð fýr-
ir því að þingmenn Vesturlands
muni beita sér fyrir því að vega-
sjóður greiði kostnað við byggingu
brúarinnar, eins og við aðrar sam-
bærilegar brýr.
Sturla sagði að Brákarsunds-
brúin væri illa farin og þyrfti því
að hraða verkinu. Því hefði hann
óskað eftir því við samgönguráð-
herra að hann feli vegamálastjóra
að vinna áfram að undirbúningi
og að miðað yrði við endurbygg-
ingu brúarinnar.
Umhverflsmat skammt á veg
komið
Vegagerð ríkisins er að und-
irbúa umhverfísmat, það er mat á
áhrifum þeirra kosta sem rætt er
um við tengingu Brákareyjar. Jón
Rögnvaldsson, forstjóri tækni-
deildar Vegagerðar ríkisins, sagði
að vinna við þetta væri mjög
skammt á veg komin. Sturla Böð-
varsson sagði að það væri mikil
spurning í sínum huga hvort
ástæða væri til að ráðast í tíma-
frekt og kostnaðarsamt um-
hverfísmat þegar fyrir lægi að
vegfylling væri út úr myndinni.
Kátir krakkar
Krakkaskarinn samankomhm í dýragarðinum í Dyflinni, en hópurinn
fór víða um þann tíma sem dvalið var í írlandi.
Islensk böm í
■%*
írskum blöðum
TVEGGJA daga skemmtiferð krabbameinssjúkra barna til Dyflinnar
á Irlandi á vegum Samvinnuferða Landsýnar hefur fengið þónokkra
umfjöllun í þarlendum fjölmiðlum að undanförnu. Þannig má nefna
að greint er frá heimsókninni með myndskreyttri frásögn í The
Sunday Press á sunnudag, The Star á mánudag og Evening Herald
á miðvikudag. Evening Press segir frá heimsókninni komudaginn,
22. maí. Skemmtiferð íslensku barnanna og foreldra þeirra var kost-
uð af íslenskum og írskum aðilum. 4T
Minning
EinarB. Ingvarsson
Ég kynntist Einari B. Ingvars-
syni ekki fyrr en ég tók við störf-
um í Landsbankanum fyrir rúmum
tuttugu árum. Einar hafði þá
starfað í bankanum í nærfellt þijá-
tíu ár. Hann var því einn í hópi
þeirra reyndu starfsmanna bank-
ans, sem ég, nýliðinn á þessum
vettvangi, varð að leita hjá halds
og trausts. Þegar ég nú lít til baka
til þessa tíma, held ég að það sé
ekki ofmælt, að hann hafi verið
manna fremstur í þeim hópi. Einar
hafði til að bera mikla þekkingu
og reynslu í bankamálum yfirleitt,
og þá ekki síður í atvinnumálum.
Hitt skipti þó enn meira máli,
hversu lifandi áhuga hann hafði á
öllu, sem bankanum og viðskipta-
vini hans varðaði, og hversu reiðu-
búinn hann var að leita nýrra leiða
og sinna nýjum verkefnum.
Það vill brenna við, að menn á
miðjum aldri lokist inni við þau
verkefni, sem þeir hafa sinnt, og
þau vinnubrögð, sem þeir hafa til-
einkað sér. Ekki sízt á þetta við
um þá, sem alizt hafa upp í rót-
grónum, viðamiklum fyrirtækjum
og stofnunum. Um þetta hafa
fengizt ærin dæmi á undanfömum
árum bæði hér á landi og annars
staðar. En löng starfsár í Lands-
bankanum höfðu ekki skert hugar-
flug Einars Ingvarssonar né held-
ur lamað starfsgleði hans og þrótt.
Því fékk ég fljótlega að kynnast.
Annar sjaldgæfur kostur Einars
var hæfni hans í viðskiptum við
lánþega bankans. Það er ekki auð-
velt að ná réttu jafnvægi á milli
áhuga fyrir starfi og stríði við-
skiptavinarins, annars vegar, og
þeirrar gætni, sem bankinn krefst,
hins vegar, samfara þeim aga, sem
viðskiptavininum sjálfum er fyrir
beztu. Fáir bankamenn ná góðum
tökum á þessu verkefni. Einar
Ingvarsson var þó einn þeirra,
enda þótt hann hefði ekki, frekar
en aðrir, bolmagn til að sigrast á
ófyrirsjáanlegum áföllum. Hann
gladdist innilega, þegar vel tókst
til, en sveið sárt þegar miður fór.
Það var heilladrjúgt fyrir Einar
Ingvarsson og Landsbankann, að
hann skyldi verða aðstoðarmaður
bankastjórnar eftir að hafa lokið
störfum sem útibússtjóri á ísafírði.
Á þessum vettvangi gat fjölhæfni
hans og hugmyndaauðgi notið sín
bezt. Hann tók að sér hvert verk-
efnið á fætur öðru. Mörg þeirra
snertu sjávarútveginn, þá atvinnu-
grein sem hann þekkti bezt og
kynntist enn betur sem aðstoðar-
maður sjávarútvegsráðherra í
fjögur ár. Það var Landsbankan-
um heiður að geta léð mann til
slíks starfs og sönn ánægja að
heimta hann aftur.
En Einar sinnti mörgum öðrum,
óskyldum verkefnum á þessum
árum. Einna minnisstæðust eru
mér tvö þeirra. Annað var sam-
komulag um sameiginlegt gíró-
kerfí Pósts og síma, banka og
sparisjóða og skipulagningu slíks
kerfís, raunar þess fyrsta sem um
getur. Hitt var undirbúningur að
hundrað ára afmæli Landsbank-
ans 1985 og framkvæmd hátíðar
af því tilefni. Var Einar fulltrúi
starfsmanna bankans í undirbún-
ingsnefnd og_ framkvæmdastjóri
hátíðarinnar. Átti hann meiri þátt
í því að vel tókst til en nokkur
annar. Ein af hugmyndum Einars
í sambandi við þessa hátíð var
Landsbankahlaup skólabarna, sem
orðið hefur árlegur viðburður, sem
útibú bankans sjá um, börnunum
til ánægju og hreysti, og bankan-
um til góðrar kynningar. Þá hafði
Einar lifandi áhuga fyrir góðum
félagsskap og starfsanda innan
bankans. Ritaði hann og sá um
fréttablað starfsmanna árum sam-
an. Eftir að hann hætti störfum
var áhugi hans á málefnum bank-
ans enn svo mikill, að hann tók
þátt í hönnun Vörðunnar, mark-
aðsátaki Landsbankans vegna
námsmanna.
Fyrir tæpum þremur árum vildi
svo vel til, að ég var staddur hér
á landi, þegar Einar Ingvarsson
hélt sjötugsafmæli sitt hátíðlegt.
Þar voru þau Einar og Herdís glöð
og reif í stórum hópi vina og
starfsfélaga. í þetta skipti beið
mín fregnin um andlát þessa vinar
og félaga, þegar ég kom til lands-
ins, of seint til þess að vera við
útförina. En ég er samt feginn að
hafa komið einmitt í þennan tíma,
nógu snemma til að geta vottað
honum virðingu og þakkir, ekki
aðeins mínar, heldur allra þeirra
mörgu starfsfélaga, sem unnað
hafa þeirri stofnun og þeim mál-
efnum, sem hann helgaði krafta
sína.
Jónas H. Haralz.
Svo slysalega vildi til við
birtingu einnar af minn-
ingargreinunum um Einar
B. Ingvarsson í föstudags-
blaði Morgunblaðsins, að
seinni hluti hennar féll nið-
ur. Greinin birtist í heild hér
á eftir og eru hlutaðeigendur
innilega beðnir afsökunar á
mistökunum.
Á árunum 1952-60 þurfti lítill
frændi oft að fara vestur. Ekki
var amalegt á þeim árum að eiga
þá að sómahjónin, Einar og Dísu,
en á þeim árum var Einar banka-
stjóri á ísafírði. Lítill frændi var
á leið í sveit til Suðureyrar við
SúgandaQörð til Jönu og Gissurar.
Alltaf stóð frændi á gömlu bæjar-
bryggjunni, sem nú er horfin, og
tók á móti mér.
Seinna sótti ég sjóinn frá Flat-
eyri og ísafírði á togara, og bát
og var mikið notalegt að fá að
gista hjá þeim, bæði á ættaróðal-
inu á Sjónarhæð og seinna í nýja
bankahúsinu á ísafírði. Þessara
ára minnist maður með söknuði,
en mikilli hlýju.
Nú þegar frændi minn hann
Einar er allur og farinn til æðri
heima, vil ég votta þeim sem eftir
lifa mína dýpstu samúð. Kæra
Dísa, börn og barnabörn, megi
björt minning um góðan dreng
vera sem ljós á vegi ykkar í nán-
ustu framtíð.
Guðmundur og fjölskylda.
Sem dæmi má nefna að Even-
ing Press greinir frá heimsókn-
inni undir yfírskriftinni „Veik
börn njóta ánægjulegrar helg-
ar.“ Því næst er rakið að 60
krabbameinssjúk börn komi til
að njóta ógleymanlegarar helgar
í Dyflinni um morguninn. „Börn-
in og foreldarar þeirra koma
hingað í leiguflugi á vegum
Helga Jóhannssonar ferðaskrif-
stofuforstjóra - þeim sama og
sendi hingað 8.000 Islendinga
fyrir jólin," segir svo í greininni
og í beinu framhaldi er þess get-
ið að bömin fái fría fyrsta flokks
gistingu á Burlington hóteli og
bestu meðhöndlun írskra ferða-
málayfirvalda.
Síðar í greininni er dagskrá
heimsóknarinnar rakin. Hún
hófst með mótttöku írskra flug-
málayfirvalda og skoðunarferð
um Newbridge House, herragarð
skammt frá Dyflinni, en á eftir
gafst fólki tækifæri til að versla
eða skoða Náttúrugripasafn ír-
lands. Daginn eftir var svo m.a.
farið í leiktækjasal og dýragarð.
Tekið höndum saman
Skemmtiferð barnanna og fjöl-
skyldna þeirra var á vegum Sam-
vinnuferða Landsýn. Fjöldi annarra^--
fyrirtækja lagði þar að auki hönd
á plóginn og má þar nefna flugfé-
lagið Atlanta, Esso, Kynnisferðir,
íslandsflug, Coca Cola á írlandi,
Burlington hótel og ferðamálaráð
írlands. Fararstjórar hópsins voru
Helgi Pétursson, markaðsstjóri
Samvinnuferða-Landsýn, og Svan-
hildur Davíðsdóttir, einnig frá Sam-
vinnuferðum Landsýn.
+
Þökkum innilega auðsýnda samúð og hlýhug við andlát og útför
GUÐMUNDAR HALLDÓRSSONAR,
Magnússkógum,
Dalasýslu.
Sérstakar þakkir færum við starfsfólki sjúkrahússins í Stykkis-
hólmi.
Ólöf Jónasdóttir,
börn, tengdabörn, barnabörn
og systkini hins látna.

Ástkær eiginkona mín,
STEFANÍA GUÐBJÖRG STEFÁNSDÓTTIR,
er lést af slysförum 24. maí, verður jarðsungin frá Þorlákskirkju
í Þorlákshöfn miðvikudaginn 2. júní kl. 15.00.
Rúta fer frá Ásgarði 73 kl. 14.00 fyrir þá sem þess óska.
Fyrir mína hönd, barna minna, foreldra, systkina, ættingja og
annarra vandamanna,
Einar Bragi Bjarnason.
Gröfueigendur
Dýptarmælir fyrir gröfur
Dýptarmælinn má nota við beltis-, hjóla- eða trakt-
orsgröfur. Mælirinn sýnir dýpt skóflunnar upp á
sentimeter. Þú sparartíma, fyrirhöfn og fyllingarefni.
Mælirinn nýtist vel við skurðgröft með eða án halla,
við gröft húsgrunna og við að slétta plön í rétta
hæð. Hann hentar afar vel í slæmu skyggni, vondu
veðri og foræði.
Við höfum fyrirliggjandi örfá tæki til afgreiðslu strax.
Mælirinn er íslensk uppfinning.
Leitið nánari upplýsinga í síma 91-683675.
ÍSLENSK TÆKI,
Grensásvegi 13, Reykjavík.