Morgunblaðið - 30.05.1993, Blaðsíða 52
W*/ Reghibtmdiim
M. •spimaður
Landsbanki
íslands
MORGUNBLAÐIÐ, KRINGLAN I, 103 REYKJAVÍK
StMl 691100, SIMBRÉF 691181, PÓSTHOLF 1655 / AKUREYRl: HAFNARSTRÆTI 85
SUNNUDAGUR 30. MAÍ 1993
VERÐ í LAUSASÖLU 110 KR.
Nauðsyn
að endur-
skoða lög
um helgi-
dagafrið
ÞORSTEINN Pálsson dóms-
málaráðherra segist reiðubúinn
til að skoða það mál rækilega
að breyting verði gerð á lögum
um almannafrið á helgidögum
þjóðkirkjunnar, en eins og greint
var frá í Morgunblaðinu á föstu-
dag er Ólafur Skúlason biskup
íslands því fylgjandi að lögin
verði rýmkuð. Þorsteinn Pálsson
sagðist sammála biskupi um að
löggjöfín væri býsna stíf og
nauðsynlegt að endurskoða hana
í ljósi nýrra aðstæðna og
breyttra tíma.
Kirkjuþing samþykkti frumvarp
til laga um helgidagafrið árið 1988,
en í því er m.a. gert ráð fyrir að
helgidagar verði hinir sömu og sam-
kvæmt gildandi lögum frá 1926, en
felld verði niður friðun laugardaga
fyrir páska og hvítasunnu eftir kl.
18. Þorsteinn Pálsson sagði að frum-
varpið hefði ekki verið á sínu borði,
en hins vegar væri hann mjög fús
að skoða þetta mál í góðu samstarfi
og samráði við kirkjuna.
Handknattleikur
Hávaðinn
á pöllunum
getur verið
skaðlegur
HÁVAÐI á áhorfendapöllum
á leikjum í 1. deild karla í
handknattleik getur farið upp
fyrir sársaukamörk, sem eru
120 desibel. Þetta kom fram
í rnælingum sem Morgunblað-
ið gerði á leikjum í deildar-
keppninni og aftur í úrslita-
keppninni, sem lauk fyrir
skömmu. Gylfí Baldursson hjá
Heymar- og talmeinastöð Is-
lands segir ekki óhugsandi
að af slíkum hávaða geti hlot-
ist varanlegur skaði.
í reglum Vinnueftirlits ríkis-
ins er kveðið á um að ekki megi
vinna í meira en 85 desibela
hávaða í samfelldar 8 vinnu-
stundir og ef unnið er í 110
desibelum skuli nota heymar-
hlífar.
Hávaðinn var mældur á
nokkrum leikjum. Svo dæmi sé
tekið mældist hann 114-116
desibel þegar leikur Valsmanna
og Selfyssinga í Laugardalshöll
var í fullum gangi, en þegar
stórskyttan Sigurður Sveinsson
skoraði fallegt og mikilvægt
mark sýndi hávaðastyrks-mæl-
irinn 122 desibel. í öðrum leik
mældist hávaðinn 120 desibel í
miklum fagnaðarlátum, og í
tveimur leikjum mældist baul
áhorfenda — þegar þeir létu í
ljós andúð sína á dómgæslunni
— 104 desibel.
Sjá nánar bls. 55:
„Hávaði...“
Árni G. Reynissón
Stuðlabergið klifið
FALLSTAKKANÖF er 100 metra hár stuðlabergsklettur í Borgarhafnarfjalli vestan við Höfn í Hornafírði. Þar
hafa íjallamenn æft sig fyrir átök fyrir hærri og erfíðari björg, þótt það virðist óhugsandi af myndunum að
dæma. Hér má sjá vana fjallaklifrara, Björn Baldursson og Stefán S. Smárason, glíma við Fallstakkanöf.
Myndum af
körfubolta-
köppum líkt
við fágæt
frímerki
SÖFNURUM af yngri kynslóðinni,
sem áskotnast hafa sjaldgæfar
myndir af leikmönnum í banda-
rísku NBA-deildinni í körfuknatt-
leik, er nú óðum að verða Ijóst að
í sumum tilfellum eru þéir með
fágæta mynd undir höndum, sagði
Einar Örn Birgisson hjá Svan-
borgu hf. í samtali við Morg-
unblaðið, en heildverslunin sér
meðal annarra um innflutning á
slíkum myndum.
Myndimar hafa náð hylli meðal
yngri kynslóðarinnar og náði salan
hámarki sl. páska að sögn Danelíus-
ar Sigurðssonar í sölutuminum Póló
á Sogavegi í Reykjavík. Sagði hann
að margir viðskiptavina sinna hefðu
tekið körfuboltamyndimar fram yfír
páskaeggin að þessu sinni.
Talsverður verðmunur er á flokk-
um og ræðst hann af gerð mynd-
anna, t.d. hvort um er að ræða
þrívíddarmyndir eða myndir í gyllt-
um ramma, einstaklings- eða hóp-
myndir.
Keyptar dýrum dómum
Þess em dæmi í Bandaríkjunum
að myndir af einstaka leikmönnum
gangi kaupum og sölum fyrir háar
upphæðir, að sögn Einars Amar
Birgissonar. Sem dæmi um leikmann
sem nyti slíkrar hylli mætti nefna
Shaquille O’Neal og þekkti hann
dæmi þess að myndir af honum hefðu
verið slegnar á 10.000 krónur í
Bandaríkjunum. Undir þetta tók
starfsmaður hjá heildversluninni
Austurbakka hf. sem sagði sumar
myndir jafn dýrar og sjaldgæf frí-
merki.
Einar Öm sagði einnig að ungir
safnarar hérlendis væm óðum að
gera sér ljóst að þeir væm í sumum
tilfellum með verðmæti undir hönd-
um. Sagði hann ástæðuna m.a. þá
að gerðir væm samningar við leik-
menn um fjölda mynda og þegar þær
væm uppurnar leiddi það til aukinn-
ar eftirspumar.
Framkvæmdaslj óri Skagstrendings um betri nýtingu skipaflotans
Veiðiskipin „landi“ afla
um borð í frystitognrum
„ÞEGAR aflinn minnkar hljótum við að kanna
alla möguleika á að nýta skipin sem best og
einn er sá, að frystitogarar taki afla frá öðrum
skipum á miðunum og vinni um borð. Þeir
myndu þá nýtast betur og kostnaður við rekst-
ur fiskiskipanna myndi minnka, því þau þyrftu
ekki alltaf að hlaupa í land með aflann. Við
höfum rætt þessa hugmynd við okkar sjómenn
undanfarna mánuði, en höfum ekki tekið neina
ákvörðun um hvort við látum verða af þessu,“
sagði Sveinn Ingólfsson, framkvæmdastjóri
Skagstrendings á Skagaströnd, í samtali við
Morgunblaðið.
Skagstrendingur á frystitogarana Arnar og
Örvar. Sveinn sagði að fram á síðasta ár hefðu
frystitogarar fiskað svo yel að afkastageta þeirra
hefði nýst til fulls. Núna væri staðan hins vegar
sú, að á nær hvetjum degi gætu frystitogarar
unnið meiri afla en þeir veiddu sjálfír. „Við Al-
aska tíðkast, að veiðiskipin sjálf taka aflann aldr-
ei um borð, heldur fer hann beint til vinnslu í
frystiskipum," sagði hann. „Það er einfaldlega
hnýtt fyrir pokann, hann skorinn frá og vinnslu-
skipið dregur hann um borð.“
Flotastjórn
Sveinn sagði að nú væru þeir Skagstrendings-
menn að kanna hvernig útfæra mætti þessa hug-
mynd hér. „Vinnsluskipið yrði að vera eins konar
flotastjóri, segja til um hvar veiðiskipin ættu að
halda sig á hverjum tíma. Við gætum keypt sjálf-
ir skip til að veiða fyrir okkur. Þannig næðum
við aflanum með minni tilkostnaði, til dæmis er
hugsanlegt að vinnslu- og veiðiskipið yrði ein ein-
ing, þannig að mannskapur gæti flutt sig á milli
eftir þörfum. Minni mannskap þyrfti á veiðiskipið,
því það tæki aldrei aflann um borð. Þá er einnig
hugsanlegt að við myndum semja við aðra um
veiðarnar. Það eru hins vegar ýmis álitamál í
þessu, til dæmis gæti veður og hafís gert okkur
erfitt fyrir. Þá þarf að huga að ýmsum málum
sem snúa að kjarasamningum. Við ætlum þó að
kanna þessi mál betur.“
Nýja Sjáland
Sveinn sagði að önnur hugmynd um betri nýt-
ingu frystitogaranna væri sú, að fara til veiða við
Nýja Sjáland. „Aðilar þar, sem hafa yfir kvóta
að ráða, hafa spurt okkur hvort við viljum koma
með skip til veiða þar. Það er ekkert ákveðið í
þeim efnum, en við höldum alltaf sambandi við
þessa aðila og ætlum að kanna þetta áfram. Nýi
frystitogarinn okkar, Amar, myndi til dæmis henta
vel til þeirra véiða.“
Hólanes á Skagaströnd á 10% hlutafjár í Skag-
strendingi, en hefur nú ákveðið að selja þann hlut,
sem að nafnvirði er um 17 milljónir króna. Óskað
er tilboða í bréfín, en síðast seldust hlutabréf í
Skagstrendingi á þreföldu nafnverði. Þá var hins
vegar um mjög lítinn hlut að ræða. Sveinn Ingólfs-
son sagði að Hólanes ætlaði að nota söluandvirðið
til að auka og bæta rækjuvinnslu.