Morgunblaðið - 15.09.1993, Blaðsíða 18

18
MORGUNBLAÐIÐ MlÐVIKUDAGUR 15. SEPTEMBER 1993
Ferðamála-
ráðstefna
haldin í Mý-
vatnssveit
Björk, Mývatnssveit
Ferðamálaráðstefna íslands
verður haldin í nýja skólahúsinu
í Reykjahlíð 16. og 17. septem-
ber næstkomandi.
Búist er við að minnsta kosti
130 þátttakendum víðs vegar af
landinu og nokkrir koma erlendis
frá. Ferðamálaráð íslands heldur
ráðstefnuna en Ferðamálafélag
Mývatnssveitar hefur með höndum
ýmsan undirbúning í samstarfí við
önnur ferðamálafélög í héraðinu.
Þarna verða saman komnir
flestir áhrifamenn í íslenskri ferða-
þjónustu og landkynningarmálum.
Kristján
------...........
■ SAMTÖK um sorg og sorgar-
viðbrögð verða með opið hús í
Safnaðarheimili Akureyrar-
kirkju annað kvöld, fímmtudags-
kvöldið 16. september kl. 20.30.
Allir velkomnir.
Morgunblaðið/Golli
Busar boðnir velkomnir
BUSAR við Verkmenntaskólann á Akureyri hafa
síðustu daga verið í einhvers konar vinnuskóla,
þar sem þeir hafa innt af hendi margvísleg störf
fyrir eldri nema, s.s. eins og að bera fyrir þá
skólatöskur og lesa fyrir þá þýsku auk fleiri geð-
þekkra verkefna. Eldri nemar launuðu vel unnin
störf með veglegri busaveislu í gærdag, buðu
busum að setjast að veisluborði með sér og á
þann hátt voru þeir teknir inn í samfélagið. Þetta
er nýtt form og busavígslan þar sem vökvum af
ýmsu tagi, mysu, lýsi og vatni var slett ótæpilega
hefur verið látin lönd og leið.
Fundur um
atvinnumál
í kvöld
Halldór Blöndal, landbúnaðar- og
samgönguráðherra og Tómas Ingi
Olrich, alþingismaður flytja fram-
söguræðu um atvinnumál og stjórn-
málaviðhorfið á almennum fundi
Sjálfstæðisfélaganna á Akureyri í
kvöld. Fundurinn verður haldinn á
Fiðlaranum á þakinu og hefst kl.
20.30.

Atvinnuleysisbætur til Einingarfélaga á fyrstu sjö mánuðum ársins
Tæplega 20 millj. króna
meira greitt í bætur í ár
FÉLAGAR í Verkalýðsfélaginu Einingu á Akureyri fengu um
22 milljónum króna meira greitt í atvinnuleysisbætur á fyrstu
sjö mánuðum þessa árs en árið á undan. Á tímabilinu voru
greiddar 84,8 milljónir króna í atvinnuleysisbætur á skrifstofu
Einingar, en félagið sér um að greiða bæturnar fyrir nokkur
verkalýðsfélög önnur. Rúmlega 400 manns voru atvinnulaus á
Akureyri síðasta föstudag, en þriðja atvinnuátakið hófst nýlega.
Frá áramótum og til lo'ka júlí
fengu atvinnulausir félagsmenn í
Einingu greiddar 53,4 milljónir
króna í atvinnuleysisbætur, en það
er umtalsvert meira en greitt var
fyrir sama tímabil á síðasta ári
þegar upphæðin var 31,8 milljónir
króna.
Á Dalvík er upphæð greiddra
atvinnuleysisbóta á tímabilinu
heldur lægri í ár en var í fyrra,
eða 3,1 milljón króna á móti 5,2
milljónum, en á Ólafsfirði er upp-
hæðin nánast sú sama, 4,8 milljón-
ir í ár á móti 4,6 milljónum í fyrra.
20 milljónum meira
Starfssvæði Einingar er allur
Eyjafjörður og þegar litið er til
allra deilda félagsins kemur í ljós
að tæplega 20 milljónum króna
meira hefur verið greitt í atvinnu-
leysisbætur í ár til félagsmanna
en var í fyrra. Á fyrstu sjö mánuð-
um ársins fengu félagsmenn 71
milljón króna greidda í bætur á
móti tæplega 52 milljónum króna
í fyrra.
Á skrifstofu Einingar eru
greiddar út bætur fýrir önnur
verkalýðsfélög, m.a. til málmiðn-
aðarmanna, sjómanna, vélstjóra,
skipstjóra og verkstjóra og nemur
upphæðin á fyrstu sjö mánuðunum
13,7 milljónum króna sem er
nokkru minna en var á sama tíma
á liðnu ári þegar greiddar voru
20,7 milljónir króna í atvinnuleys-
isbætur til þessara hópa.
„Þetta eru bara fýrstu sjö
mánuðir ársins, haustið er eftir
og það er ævinlega verstu mánuð-
irnir þannig að augljóslega eiga
tölurnar eftir að hækka umtals-
vert, en þó eru þetta hærri tölur
en við höfum séð áður,“ sagði
Bjöm Snæbjörnsson, formaður
Einingar.
Baldur Þór-
isson bóndi
látinn
Björk, Mývatnssveit.
NÝLÁTINN er Baldur Þórisson
fyrrum bóndi í Baldursheimi í
Mývatnssveit.
Baldur var fæddur 5. maí 1919,
foreldrar hans voru Þórir Torfason,
fæddur 13 ágúst 1892 í Geitafelli,
bóndi í Baldursheimi, og Þuríður Sig-
urðardóttir, fædd í Baldurheimi 24.
apríl 1892, húsmóðirþar. Eftirlifandi
eiginkona Baldurs er Ingibjörg Frið-
jónsdóttir frá Bjarnarstöðum.
Þau eignuðust þijú böm, Ásgeir,
fæddur 6. júní 1949, Ingu Arnhildi,
fædd 23. ágúst 1952, dáin 5. desem-
ber 1957, og dreng sem fæddist 15.
október 1961, en lést 16. sama mán-
aðar.
Baldur og Ingibjörg bjuggu alla
sína búskapartíð í Baldursheimi. Þau
voru vel látin af öllum sem þeim
kynntust, enda frænd- og vinahópur-
inn flölmennur.
Baldur sinnti ýmsum trúnaðar-
störfum hér í sveit og víðar og fórst
það ávallt vel. Einnig lét hann margs
konar félagsmál til sín taka og alveg
sérstaklega söngmál og var þar virk-
ur og góður félagi.
Utför Baldurs var gerð frá Skútu-
staðakirkju laugardaginn 11. sept-
ember að viðstöddu miklu fjölmenni.
Séra Björn Jónsson á Húsavík flutti
minningarræðu og jarðsöng í fjar-
veru séra Arnar Friðrikssonar. Jarð-
sett var í heimagrafreit í Baldurs-
heimi. Blessuð sé minning Baldurs
Þórissonar.
Kristján
Þriðja atvinnuátakið hjá Akureyrarbæ er nýhafið
Sextíu og fimm fá vinnu
Skrifstofur
Byggðastofnunar,
IðnHróunarfélags Eyjafjarðar og
atvinnumálafufltrfia Akureyrarbæjar
eru fluttar á Strandgötu 29.
Símanúmer Byggðastofnunar er 96-12730
og númer Iðnþróunarféiagsins er 96-12740.
Símanúmer atvinnumálafulltrúa er hið sama
og áður 96-21701.
Nýtt faxnúmer er 12729.
ÞRIÐJA atvinnuátak Akureyrarbæjar er nýhafið, en gert er ráð
fyrir að 65 manns fái störf í átakinu í tvo mánuði og hafa þeir fyrstu
þegar hafið störf. Rúmlega 400 manns voru skráðir atvinnulausir á
Akureyri síðasta föstudag og þó nokkuð hefur verið um nýskráning-
ar það sem af er vikunni.
Ármann Gylfason, sem umsjón
hefur með atvinnuátaki Akureyrar-
bæjar, sagði að þeir sem fyrst fengu
vinnu hefðu byijað störf í síðustu
viku, en það eru þeir sem sinna
gangbrautavörslu og starfa við
grunnskóla, um tíu manns. Alls er
gert ráð fyrir að 65 manns fái vinnu
Verslunarhúsnæói
Verslunarhús Kaupfélags Eyfirðinga á Hauga-
nesi, með tilheyrandi innréttingum, áhöldum
og tækjum, er til leigu eða sölu.
Upplýsingar gefur Sigurður Jóhannesson,
aðalfulltrúi kaupfélagsstjóra, sími 30341.
Kaupfélag Eyfirðinga, Akureyri.
í átakinu í tvo mánuði og verður
fólki af atvinnuleysisskrá boðin
vinna nú á næstunni, en Ármann
sagðist búast við að átakinu lyki í
fyrstu viku desembermánaðar.
Mest atvinnuleysi hjá
verkafólki
Síðasta föstudag voru 406 manns
skráðir atvinnulausir hjá Vinnu-
miðlunarskrifstofunni á Akureyri,
162 karlar og 244 konur. Langflest-
ir þeirra eru úr hópi verkafólks,
þannig eru 184 félagsmenn í Ein-
ingu skráðir atvinnulausir, 118 kon-
ur og 66 karlar, og nær 70 manns
úr Iðju, félagi verksmiðjufólks, 43
konur og 26 karlar. Mikið atvinnu-
leysi er einnig meðal félagsmanna
úr Félagi verslunar- og skrifstofu-
fólks, 56 konur og 22 karlar voru
skráð í lok síðustu viku, eða 78
manns alls.
Að sögn Ármanns hefur verið
þó nokkuð um nýjar skráningar
atvinnulauss fólks það sem af er
vikunni, en á móti kæmi að nokkuð
margir fengu vinnu á sláturhúsinu
við upphaf sláturtíðar í lok síðustu
viku.