Morgunblaðið - 05.05.1994, Blaðsíða 45

MORGUNBLAÐIÐ
FIMMTUDAGUR 5. MAÍ 1994 45
BRÉF TIL BLAÐSINS
LÍKAN af knattspyrnuhöil sem fyrirhugað er að byggja í Noregi.
Yfirbyggður kuattspyrn u völl-
ur, draumur eða veruleiki?
Frá Hafliða Richard Jónssyni:
KNATTSPYRNA á íslandi hefur tek-
ið miklum stakkaskiptum undanfarin
ár en nú er komið að ákveðnum tíma-
punkti _þar sem stöðnunar fer _að
gæta. Ástæða þess er að hér á ís-
landi eru veður oft válynd og aðstæð-
ur til knattspyrnuiðkunar að vetrar-
lagi mjög slæmar. Reynt hefur verið
að spila og gera boltaæfingar í ökkla-
djúpum snjó og glerhálku þar sem
ekki veitti af að nota gadda í stað
takka og má þar að auki rekja ijöld-
ann allan af meiðslum knattspyrnu-
manna til þessara aðstæðna.
Undanfarin ár hafa knattspyrnu-
og bæjarfélög verið að bæta aðstöðu
knattspyrnunnar með því að byggja
gervigrasvelli með eða án snjó-
bræðslu og hafa þessir vellir kostað
30 til 50 milljónir króna. Þó að þess-
ir vellir séu nú til staðar hefur það
sýnt sig að veðurfar hefur ekkert
breyst með tilkomu þeirra. Einungis
er hægt að æfa og spila á þeim þeg-
ar veður er gott og annaðhvort hláka
eða snjóbræðslukerfi hefur gert vel-
lina snjólausa. Þar að auki liggja
þessir gervigrasvellir undir skemmd-
um að vetrarlagi vegna þess að þeim
er ekkert hlíft gegn ágangi frost-
og þíðuverkana eða tækjum þeim er
notuð eru tii snjómoksturs.
Það er því ljóst að eina ráðið fyrir
íslenska knattspyrnu er að fara að
dæmi Norðmanna og byggja knatt-
spyrnuhöll. Og þá komum við að
aðalspurningunni, höfum við fjár-
magn í slíka byggingu? Til þess að
gera sér grein fyrir því hvað höll af
þessu tagi kostar þá held ég að best
sé að skoða það sem Norðmenn eru
að gera. Þeir eru nú með átaksverk-
efni í gangi til að skapa atvinnu og
ætla þeir sér að byggja knattspyrnu-
hallir víðs vegar um Noreg. Þessar
hallir eru mismunandi stórar og með
mismiklum búnaði. Ódýrasta höllin
er hálft hús með möguleika á stækk-
un, 80x49 m, tilbúið með gervi-
grasi, upphitun, lýsingu en án bún-
ingsaðstöðu og mun kosta um 200
milljónir. Því næst kemur hús í fullri
stærð. 108x80 m, tilbúið með gervi-
grasi, upphitun, lýsingu en án bún-
ingsaðstöðu á 365 milljónir. Dýrasta
höllin er síðan hús í fullri stærð,
108x80 m, tilbúið með gervigrasi,
upphitun, lýsingu og búningsaðstöðu
á 430 milljónir. Þessar tölur eru
óneitanlega mjög háar í sjálfu sér,
en ef við skoðum nú hvað rúmmetr-
inn í dýrustu höllinni kostar þá lítur
dæmið aðeins öðrvísi út. Miðað við
þessar forsendur mun hann einungis
kosta 29 þúsund sem telst vera mjög
lítið í dag. Þá er enn ósvarað spurn-
ingunni um fjármagn. í mínum huga
byggist hagkvæmasta lausnin á sam-
vinnu. Ef aðeins Reykjavík og nálæg
sveitarfélög tækju sig saman og
byggðu fyrstu höllina ásamt knatt-
spyrnufélögunum þeirra þá þyrfti
þetta ekki að vera þeim þungur
baggi. Sveitarfélögin þyrftu að borga
um 68 milljónir hvert og knatt-
spyrnufélögin aðeins að skipta á
milli sín 86 milljónum. Þetta eru
ekki háar upphæðir sé tekið mið af
því sem bæjarfélög hafa lagt í bygg-
ingar fyrir menningar- og tóm-
stundamál. Sem dæmi má geta þess
að íþróttahús Breiðabliks í Kópavogi
mun kosta rúmlega 200 milljónir,
Borgarleikhús Reykjavíkur kostaði
rúmlega 4,5 milljarða, að ógleymdri
sundlaug er nýverið var opnuð í
Árbæ en hún kostaði rúmlega 600
milljónir. Það að byggja knattspyrnu-
höll í sameiningu ætti að vera mjög
hagkvæmt þar sem slíkt jiús myndi
aldrei standa ónotað. Á vetuma
gætu knattspyrnufélögin skipt á milli
sín tímunum, og á sumrin væri hægt
að nýta húsið fyrir ýmiss konar sýn-
ingar, ég tala nú ekki um tónleika
af stærstu gerð þar sem húsið gæti
tekið við um 18 þúsund áhorfendum.
Margir gætu nú hugsað sem svo að
ekki væri pláss fyrir mörg félög í
einu húsi, en það er nú svo að í hverri
viku er fjöldi lausra tíma fyrir menn
sem einungis geta æft eftir klukkan
fimm á daginn um 55 klst. Einnig
er það staðreynd að knattspyrnufé-
lög nota aðeins heiming vallar við
æfíngar, þannig að tvö félög geta
æft í einu með því að skipta húsinu
með tjaldi eins og tíðkast í íþrótta-
húsum. Ef við gefum okkur nú að
Excel námskeið
hvert félag léti einungis tvo efstu
flokka æfa í húsinu, og þá í fimm
tíma í viku hvern, þá mundi vera
pláss fyrir ellefu knattspyrnufélög í
húsinu.
Að byggja knattspyrnuhöll er mik-
ið verkefni og kannski of stór biti
fyrir eitt sveitarfélag. Það hlýtur því
að vera hagstæðara fyrir okkur að
sameinast, sýna vilja í verki og gera
drauminn um knattspyrnuhöll á ís-
landi að veruleika.
HAFLIÐIRICHARD JÓNSSON,
byggingatæknifræðingur.
Mun Reykjavík greiða
húsaleigubætur?
Frá Jóni Kjartanssyni:
Ríkisstjórnin hefur lagt fram
á
Alþingi frumvarp til laga um húsa-
leigubætur. Þetta er gamalt bar-
áttumál og því er frumvarpinu
fagnað. Leigjendur á frjálsum
markaði hafa alla tíð þurft að
greiða sinn húsnæðiskostnað sjálf-
ir, enda opinber stefna lengst af
að styðja fólk til þess eins að eign-
ast húsnæði. Samkvæmt frum-
varpinu er sveitarfélögum ætlað
að greiða út bæturnar, en ríkið
endurgreiðir sveitarfélögunum síð-
ar 60% af útlögðum kostnaði
gegnum Jöfnunarsjóð sveitarfé-
laga.
Þótt frumvarpinu sé fagnað og
þar með viðurkenningu á rétti
leigjenda, eins og annarra, til að-
stoðar við greiðslu húsnæðiskostn-
aðar, eru verulegir annmarkar á
þessu frumvarpi. T.d. verða sveit-
arfélög að ákveða fyrir 1. okt. ár
hvert hvort húsaleigubætur verði
greiddar á komandi ári. Sé það
ekki gert fellur niður réttur til
húsaleigubóta í viðkomandi sveit-
arfélagi fyrir næsta ár. Fólk veit
því aldrei fyrirfram hvort það á
bótarétt á komandi ári.
Ekki er að undra þótt spurt sé
hversvegna þetta undanþágu-
ákvæði er sett í frumvarpið, og
hver beitti sér fyrir því? Víst er
að hugmyndin er ekki komin frá
félagsmálaráðherra. Þetta er
stjórnarfrumvarp og því hefur
þurft samþykki ríkisstjórnar fyrir
endanlegri gerð þess. Umrætt
ákvæði hefur því verið sett inní
frumvarpið að kröfu annarra. Þeg-
ar sett voru ný lög um félagsíbúða-
kerfið 1990 fékk þáverandi borg-
arstjóri í Reykjavík sett inní lögin
ákvæði sem heimilaði sveitarfélög-
um undanþágu frá því að fram-
kvæma þau. Borgin hefur síðan
nýtt sér þetta heimildarákvæði og
með því aukið á húsnæðisvandann.
Með þetta í huga hlýtur sú spurn-
ing að vakna, hvort það sama sé
að gerast nú. Eru núverandi ráða-
menn borgarinnar með þessu að
opna sér ieið til að þurfa ekki að.
greiða húsleigubætur til Reykvík-
inga, verði þeir áfram við völd?
JÓN KJARTANSSON
frá Pálmholti,
formaður Leigjendasamtakanna.
- kjami málsins!
Weetabix
Abyrgðar-
leysi að
fara í
verkfall
Frá Christel Walters:
ALDREI hef ég kynnst eins ábyrgð-
arlausri stétt og meinatæknar eru.
Kaupið þeirra getur ekki verið eins
lítið og þær halda fram vegna þess
að þá gætu þær ekki verið svona
lengi í verkfalli. Ég get ekki trúað
því að þessi þjóð geti farið í háttinn
að kvöldi dags - erum við virkilega
ekki með samviskubit gagnvart
sjúklingum? Eru einhveijir til sem
styðja þetta verkfall. Ef ég man
í’étt gerir Kvennalistinn það. Er
ekki tími til kominn að Kvennalist-
inn snúi sér að verkefnum sem þeim
koma virkileg við, eins og beijast
fyrir því að fjölskyldulíf verði heil-
brigðara og að börnin kynnist for-
eldrum sínum jafnmikið og dag-
mömmunni. Meinatæknar hér fyrir
norðan - á Akureyri - eru ekki
ánægðir með. hvernig verkfallið
hefur þróast. Ég er viss um að þeir
ganga ekki ángæðir til svefns á
kvöldin.
CHRISTEL WALTERS,
Akureyri
Alpen morgunmatur er hollur og orkuríkur matur fyrir þá sem
skila löngu dagsverki. Trefjarnar fyrir meltinguna og
vítamínin bæta heilsuna.
ALPEN ER KRÖFTUGT OG GOTT MORGUNKORN.
94029
Tölvu- og verkfræöiþjónustan
Tölvuskóli Halldórs Kristjánssonar
Grensásvegi 16 • ® 68 80 90

ÖBKIN 1012 - 11